Ախթալայի ԼՀԿ-ի պոչանքները վերացրեցին Դեբետի ձուկն ու խեցգետինը (լուսանկարներ, տեսանյութ)

Ախթալայի լեռնահարստացուցիչ կոմբինատի պոչանքները տարբեր ճանապարհներով շարունակում են անարգել լցվել Դեբետ գետը՝ վերացնելով գետի բուսականությունն ու կենդանատեսակներին:

Լրատվամիջոցներն այս մասին բարձրաձայնեցին դեռեւս նախորդ տարեվերջին, սակայն մինչ օրս, փաստացի, իրավիճակը չի փոխվել. պոչանքները գետն են լցվում Ախթալա քաղաքի անձրեւահեռացման համար նախատեսված հեղեղատարով, գետակներով ու առուներով, իսկ ահա Այրումի հարեւանությամբ օրը 24 ժամ պոչանքի մեծ քանակություն է թափվում գետի մեջ, փոխելով գետի ջրի պարզ գույնը, շրջակայքում տարածելով սուր հոտ:

Տարածքում այգիներ ունեցողներն ասում են, որ պոչանքների հետեւանքով ծառերը սկսել են չորանել, իսկ Դեբետ գետում այլեւս ձկներ ու խեցգետիններ չեն մնացել: Ի դեպ, սատկած ձկան ու խեցգետնի հանդիպեցինք նաեւ մենք, որոնք սատկած ընկած էին գետի թունավոր ջրի մեջ:

Գեւորգ Վարդումյանը Դեբետի ափին 2 հա այգի ունի, ասում է՝ պարբերաբար դիմել են բնապահպանության տեսչության Լոռու մասնաճյուղի աշխատակիցներին, սակայն՝ ապարդյուն: Գեւորգ պապի խոսքով՝ այգին ոռոգում են Դեբետի ջրով, որը փաստացի իր մեջ բազմաթիվ թունավոր մետաղներ է պարունակում, ինչի հետևանքով էլ տարածքի բնակիչները բազմաթիվ հիվանդություններ են ձեռք բերում:

Այգեգործների մի մասն էլ չի ցանկանում խոսել տեսախցիկի առաջ, պատճառաբանելով, թե վախենում են, որ Ախթալայի լեռնահարստացուցիչ կոմբինատից վրեժ կլուծեն իրենցից կամ իրենց հարազատներից:

Դեռ մեկ ամիս առաջ Լոռու դատախազի հանձնարարականով դատախազությունում նյութեր սկսեցին նախապատրաստել: ՀՀ գլխավոր դատախազության հանրային կապերի բաժնի պետ Արեւիկ Խաչատրյանը Armtimes.com-ին հայտնեց, որ հարցումներ են ուղարկվել ՀՀ էներգետիկ ենթակառուցվածքների և բնական պաշարների, բնապահպանության նախարարություններ: Ի պատասխան դատախազության հարցման՝ Բնապահպանության նախարարության բնապահպանության և ընդերքի տեսչական մարմնից նշել են, որ «Ախթալայի լեռնահարստացման կոմբինատ փակ բաժնետիրական ընկերությունում» կիրականացվի ստուգում և արդյունքների մասին կտեղեկացվի: Բաժնի պետը նաեւ հավելեց, որ ստուգման արդյունքները ստանալուց հետո ընթացքի մասին լրացուցիչ կտեղեկացնեն:

Երեկ խնդրին տեղում ծանոթացել են նաեւ ԱԺ ԵԼՔ խմբակցության պատգամավորներ Գեւորգի Գորգիսյանն ու Լենա Նազարյանը, ովքեր նշել են, հանցագործության մասին պաշտոնական հաղորդում են ներկայացնելու:

Տպել
1787 դիտում

Ընտրախախտում է կատարել. ՕԵԿ ավագանու թեկնածուին մեղադրանք է առաջադրվել. ՀՔԾ

Առաջին անգամ ՎՏԲ-Հայաստան Բանկը Սիլ Ինշուրանսի հետ գործարկում է հիփոթեքային վարկավորման կանխավճարի ապահովագրություն

Արզնիում հայտնաբերել է 63-ամյա տղամարդու դի` որոշ հյուսվածքների բացակայությամբ

Տիգրան Խաչատրյանն ընդունել է ՎԶԵԲ-ի հայաստանյան գրասենյակի ղեկավար Դմիտրի Գվինդաձեին

Ֆրանսիայի արտգործնախարարի քաղաքական ապտակը՝ Էրդողանին

Երկրապահը կողմնորոշված ասել է իր խոսքը` Արամ Զավենի Սարգսյան. ԵԿՄ փոխնախագահ

Ինչու է Վահե Էնֆիաջյանը առյուծներով փողկապ կրում. պատգամավորի բացատրությունը

Գյումրու թիվ 18 դպրոցում դասադուլ է, դպրոցը չի ջեռուցվում

Ռոնալդուի հարսանցուն հարսանեկան զգեստներ է փորձում. նրանք ամուսնանում են

Սկանդալային բանավեճ Ազգային ժողովում. թիրախում «գոմիկներն» ու Գարեգին Բ-ն էին

Միջազգային կառույցները մտահոգված են Կարեն Ղազարյանի ճակատագրով. ՀՀ ՄԻՊ-ը

«Լույս» հիմնադրամը վստահեցնում է՝ գործելու է ի նպաստ հայրենիքի. արձագանք մեր հրապարակմանը

Ավետ Բարսեղյանի կյանքին վտանգ չի սպառնում, նա հիվանդանոցում է. ԲԿ-ի տնօրեն

Նոր Հայաստան առանց կանանց չենք կարող կառուցել. ամերիկահայ պատմաբան

Սալոմե Զուրաբիշվիլիի նախընտրական պաստառների վրա Բիձինա Իվանիշվիլին է

Եվրահանձնաժողովը 20 միլիոն եվրոյով կրճատում է ֆինանսական աջակցությունը Մոլդովային

Գլխավոր դատախազի հրամանով ԱԺ արտահերթ ընտրություններում ընտրախախտումներով զբաղվող աշխատանքային խումբ է ձեւավորվել

Համացանցում տարածվում է ԿԳ նախարարին վերագրվող կիսագրագետ գրառումը. դա՝ Աշոտյանի հետ վեճից հետո

ԱԺ նիստերը տապալվում են՝ քվորում չկա. վտանգված է բյուջեի ընդունումը

Դրածդ կնիքը անխախտ պիտի մնա․ Արարատ Միրզոյանը շնորհավորել է Ռոբերտ Աբաջյանի ծննդյան օրը