Դիվերսիա՝ ճիշտ ժամանակին եւ ճիշտ ելքով. խմբագրական

Արցախի նախագահ Բակո Սահակյանը, ՊԲ հրամանատար Լեւոն Մնացականյանը վերջին օրերին պաշտպանության ոլորտին նվիրված խորհրդակցություններում մեծ ինքնավստահությամբ հայտարարում էին, որ առաջնագիծն այլեւս ամուր է, վերազինված, հակառակորդի համար գրեթե անմատչելի: Այս միտքը նրանք տարբեր ձեւակերպումներով էին հայտնում, տարբեր միջոցառումներ մեջբերում այն հիմնավորելու համար: Հայաստանի եւ Արցախի ղեկավարությունը նախորդ տարիներին էլ նույնաբովանդակ հայտարարություններ անելու հետ կապված բարդույթներ չի ունեցել: Բայց միշտ չէ, որ ասված խոսքն ու իրականությունը համահունչ են եղել: Որպես կանոն՝ ի հեճուկս բարձր հայտարարությունների, սահմանում բոլորովին այլ իրողություններ են հաստատվել՝ դժբախտ հետեւանքներով:

Այս անգամ ամեն ինչ մի փոքր այլ ընթացք ստացավ: Տարօրինակ զուգադիպությամբ հենց այս հայտարարություններից մեկ օր անց Ադրբեջանը դիվերսիոն ներթափանցման փորձ  ձեռնարկեց: Սա այն դեպքն էր, երբ բոլոր խոսքերը առ ոչինչ կլինեին, եթե փորձը հաջողությամբ ավարտվեր, հայկական կողմը վիրավորներ, զոհեր կամ այլ կորուստներ ունենար: Սակայն, ինչպես տեղեկացրեց ՊԲ մամուլի ծառայությունը, դիվերսիայի փորձը կասեցվել է, հատուկջոկատայիններից կազմված խումբը հետ է շպրտվել՝ կրելով մարդկային կորուստներ: Պաշտոնապես չի հայտարարվում, իհարկե, թե քանի զոհի մասին է խոսքը եւ առհասարակ որեւէ մանրամասնություն չի հրապարակվում:

«Հայկական ժամանակ»-ին, սակայն, հայտնի դարձավ, որ նախնական տվյալներով՝ հակառակորդը 2-4 զոհ է տվել: Հատուկջոկատայինները դիվերսիոն ներթափանցման փորձն արել են դիպուկահարների աջակցությամբ: Ենթադրվում է, որ ներթափանցման ժամանակ գործել են դիպուկահարները՝ նրանց համար ճանապարհ բացելով եւ թիկունքը ապահովելով: Ավելին, ըստ մեր տեղեկությունների, հատուկջոկատայիններից կազմված դիվերսիոն խմբին «օգնության է» հասել օժանդակ խումբ, սակայն դրանք բոլորը միասին ձախողել են: Եղանակը այդ ընթացքում վատն է եղել, եւ եղանակային վատ պայմանների պատճառով զոհերի հստակ թիվ հայկական կողմը չուներ: Ամբողջ գործողությունն ընթացել է ղարաբաղա- ադրբեջանական դիրքերի արանքում՝ չեզոք գոտում, սա նշանակում է, որ  խրամատներին մոտ չեն էլ հասել: Այսինքն, խոսքը լուրջ գործողության մասին է, որտեղ ադրբեջանական կողմը գուցե մեկ, գուցե մի քանի տասնյակ զինվորական  է օգտագործել: Վերջին անգամ Ադրբեջանը դիվերսիոն ներթափանցման փորձ ձեռնարկել էր անցյալ հունիսին եւ կրկին կորուստներով հեռացել: Դրանից առաջ եւս մի քանի նման փորձ չհաջողվեց: Եվ այն, որ Ադրբեջանը նոր դիվերսիոն հարձակումներ չէր նախաձեռնում, հիմք էր տալիս ռազմական փորձագետներին գնահատելու, որ հայկական կողմում շփման գծում արված փոփոխությունների պարագայում այլեւս անիմաստ են համարում փորձելը:

Թե ինչու այս անգամ Բաքուն որոշեց «կրկին փորձիր» ճանապարհով գնալ, թերեւս արդեն կարեւոր էլ չէ: Կարեւորն այն է, որ մարտի դաշտում մեկօրյա տարբերությամբ հաստատվեց այն, ինչի մասին խոսում էր Արցախի հրամանատարությունը: Բացի այդ, շատ կարեւոր է, որ Սերժ Սարգսյանի՝ ԵԽԽՎ ամբիոնից ունեցած խրոխտ ելույթը, ադրբեջանցի պատգամավորի հիստերիկ հարցին տված հանդարտ ու հավասարակշռված պատասխանը ծիծաղելի չդարձան: Այս ամենն, իհարկե, չի նշանակում, որ առաջնագծում եւ զինված ուժերում այլեւս խնդիրներ չկան, բայց առնվազն նշանակում է, որ ինչ-որ խնդիր լուծվել է: Վերջին ամիսների միջադեպերից ակնհայտ է, որ հայկական կողմի համար ներկայում լուրջ խնդիր են ստեղծում ականապատված տարածքները եւ առաջնագծում գտնվող զինվորներին՝ սեփական անվտանգության ապահովմանն ավելի լավ պատրաստելը, որովհետեւ նրանք ամեն վայրկյան դիպուկահարի թիրախ կարող են դառնալ: 

Ամեն դեպքում Ադրբեջանի դիվերսիոն ներթափանցման փորձը այս անգամ ոչ այնքան ռազմական, որքան քաղաքական նշանակություն ունեցավ: Եվ այդ իմաստով, նույնիսկ բխում էր հայկական կողմի շահերից: Ինչ խոսք, նման եզրակացություն հնարավոր չէր լինի անել, եթե հատուկջոկատայիններին հետ մղելու ընթացքում Արցախի ՊԲ-ն վիրավոր կամ զոհ տար: Իսկ Ստեփանակերտը վստահեցնում է, որ հայկական կողմը ոչ մի կորուստ չի ունեցել:

Հ.Գ. Վերը նշված մտքերն ու գնահատականները ելնում են այն հանգամանքից, որ Արցախի ՊԲ-ն ոչինչ չի թաքցնում ժողովրդից: Վերջին ամիսներին, ինչպես հայտնի է, միշտ չէ, որ շփման գծում կատարվողի մասին տեղեկատվություն է փոխանցվում հանրությանը: Ու քանի որ սահմանային դեպքերի եւ միջադեպերի մասին ինֆորմացիան տրվում է ըստ անհրաժեշտության եւ նպատակահարմարության, չի կարելի բացառել նաեւ, որ նշված դիվերսիոն փորձը կատարվել է մեկ կամ երկու ամիս առաջ, ուղղակի դրա մասին հաղորդագրություն տրվում է միայն հիմա եւ կրկին նույն նպատակով՝ Սերժ Սարգսյանի ելույթին ավելի մեծ նշանակություն տալու համար: Համենայնդեպս այժմ արդեն հնարավոր չէ վերահսկել այս կարգի տեղեկատվությունը, եւ Արցախի ու ՀՀ-ի ՊՆ-ները երբ ուզեն, ինչ ուզեն՝ կհաղորդեն, ու ոչ ոք չի իմանա, թե իրականում երբ է դեպքը պատահել: 

Հրապարակվել է «Հայկական ժամանակ» օրաթերթի հունվարի 26-ի համարի առաջին էջում:

Տպել
5919 դիտում

Մահացել է Սարդ-մարդու, Երկաթե մարդու, Հալքի, Ֆանտաստիկ քառյակի, Իքս մարդկանց «հայրը»

Նիկոլ Փաշինյան, Լենա Նազարյան, Արարատ Միրզոյան. հայտնի է «Իմ քայլը» դաշինքի առաջին տասնյակը

ԿԸՀ-ի որոշմամբ, ավագանու անդամ Արամ Մանուկյանի լիազորությունները դադարեցված են, նրան կփոխարինի Միքայել Թումանյանը

Դաշնակցության անունից առաջադրվելու եմ պատգամավորի թեկնածու, պատվի հարց է. Գեղամ Մանուկյան

Պաշտպանն ուշադրության կենտրոնում է պահում խաղաղ հավաքների ժամանակ մարդկանց իրավունքների երաշխավորման հարցը

Կոռուպցիայի դեմ պայքարն ու բարեփոխումներն առաջնահերթություն են. Փաշինյանը՝ ԵՄ դեսպաններին

Դիլիջանի ոլորաններում, Սյունիքի մարզի Գորիս և Քաջարան քաղաքներում մառախուղ է

Արագ հավաքովի, սենդվիչային տարբերակով թաղամաս. Ա. Մեսչյանն առաջարկում է համալրել բնակֆոնդը

«Ղեկը աջ» նախաձեռնությունը վաղը Կառավարության մոտ մեծ բողոքի ակցիա կիրականացնի

Կան պաշտոնյաներ, որոնք ստանում են 1 մլն դրամից ավելի թոշակ. Թանդիլյանն առաջարկում է չափ սահմանել

20-ամյա կնոջը դաժան ծեծի ենթարկած 30-ամյա տղամարդը նախկինում երեք անգամ դատապարտված է եղել

Արցախի ԱԳՆ ղեկավարն ընդունել է ԵԱՀԿ գործող նախագահի անձնական ներկայացուցչին

ՊԲ հրամանատարն ու Անջեյ Կասպրշիկը քննարկել են շփման գոտում տիրող իրավիճակը

Մինչեւ վերասարքավորում կատարելը իրենք չեն կարող այդ մեքենան շահագործել. Արմեն Փամբուխչյան

1988 թ. երկրաշարժի զոհերի հարգանքի տուրքի բոլոր միջոցառումները կկազմակերպվեն բարձր մակարդակով. Ցոլակյան

Ոստիկանին փորձում են անհիմն ազատել աշխատանքից. նա դիմում է ՀՀ ոստիկանապետին

Վերաքննիչը բեկանեց Շահեն Հարությունյանին տուգանելու մասին Վարչական դատարանի որոշումը

Իմ երեխան, իմանալով, որ մեքենան անսարք է, ասել է՝ ես չեմ վարի. զինծառայողի ծնողները մանրամասներ են պատմում

Ախալցխայում հայկական դպրոցի աղջիկներին մի քանի օր հետևել է Պակիստանի քաղաքացի. նրան ձերբակալել են

Քառօրյա պատերազմի ժամանակ մարտական հերթապահություն իրականացրած ՀՊՏՀ ուսանողների բաց նամակը վարչապետին, ԿԳ նախարարին