N37 ավտոբուսային երթուղու գոյությունը վտանգված է. ինչ կձեռնարկվի ուղեւորին չվնասելու համար

Մեզ հայտնի դարձած տեղեկությունների համաձայն, Երեւանի N37 ավտոբուսային երթուղին այն սպասարկող մասնավոր ընկերությունից փոխանցվելու է Երեւանի քաղաքապետարանին:

N37 երթուղին սկսվում է Էրեբունու զանգվածից եւ ավարտվում Նոր Նորքի առաջին զանգվածում: Ուղեգիծը հետեւյալն է. Տիտոգրադյան-Այվազովսկի-Էրեբունի փողոցներ-Արցախ-Տ. Մեծ պողոտաներ-  Հանրապետության հրապարակ-Ամիրյան փ.-Մաշտոց-Մարշալ Բաղրամյան պողոտաներ- Կասյան փողոց -Կոմիտաս պողոտա-Դ.Անհաղթ-Ռուբինյանց փողոցներ-Գայի պողոտա- Լվովյան փողոց-Նոր Նորքի 1-ին զ/ծ:

Երթուղին քաղաքապետարանին անցնելու եւ դրա հետագա շահագործման վերաբերյալ մեր հարցերին պատասխանել է Երեւանի քաղաքապետարանի տրասնպորտի վարչության պետ Հենրիկ Նավասարդյանը:

- Պարոն Նավասարդյան, տեղեկություն ունենք, որ N37 ավտոբուսային երթուղու սպասարկումը փոխանցվել է Երեւանի քաղաքապետարանին: Դա այդպե՞ս է եւ եթե այո, ի՞նչն է պատճառը:

- Այդ տեղեկությունը չի համապատասխանում իրականությանը:

- Իսկ գուցե նախատեսվո՞ւմ է:

- Ոչ թե նախատեսվում է, ես տեղեկացված եմ այսքանով, որ սպասարկող կազմակերպությունը՝ «Լիսամ»-ը այսօրվա դրությամբ ունի ֆինանսական խնդիրներ եւ, կարծես թե, սնանկացման եզրին է: Բայց քանի դեռ մենք չունենք դատարանի որոշում, հիմնավոր փաստաթուղթ չենք ստացել սնանկացման մասին, որպեսզի դադարեցնենք նրա սպասարկումը, իրավասու չենք որեւէ քայլ կատարելու: Այսօրվա դրությամբ այդ երթուղին աշխատում է: Հետագայում ինչ կլինի, պարզ չէ: Երբ դատարանի որոշում լինի, որ այլեւս մենք իրավունք չունենք տվյալ ընկերությանը թույլ տալ սպասարկել, այդ ժամանակ կկատարվեն համապատասխան քայլեր:

- Որքանով մեզ հայտնի է՝ կարգը նախատեսում է, որ եթե տնտեսվարողը հրաժարվում է կամ ի վիճակի չէ ապահովել երթուղու սպասարկումը, դա պետք է քաղաքապետարանը ստաձնի, ինչի դեպքում երթուղին չի դադարի շահագործվել: Դա այդպե՞ս է:

- Եթե կազմակերպությունը հրաժարվում է հետագա սպասարկումից, բնականաբար՝ քաղաքապետարանը համապատասխան միջոցներ պետք է ձեռնարկի մեր ազգաբնակչությանը տրանսպորտով ապահովելու համար: Քայլերը որոշվում են ըստ երթուղու անհրաժեշտության՝ պե՞տք է այդ երթուղին սպասարկել նույն ուղեգծով՝ այլ կազմակերպությունների միջոցով, թե՞ հնարավորություն կա մեկ այլ երթուղու որոշակի հատվածներ շեղելով՝ սպասարկել այս երթուղին: Կոնկրետ 37 համարի երթուղին այնպիսի երթուղի է, որ շեղումներով սպասարկելը ոչ նպատակահարմար է: Այդտեղ պետք է այլ կազմակերպության միջոցով սպասարկման տարբերակ քննարկվի:

- Այսինքն՝ ամեն դեպքում այնպես չի լինի, որ այդ բնակիչները մնան առանց փոխադրամիջոցի:

- Չէ, որովհետեւ այդ երթուղու ուղեւորահոսքը բավականին մեծ է եւ ունի առանձնահատուկ տեղեր, որտեղ միայն ինքն է սպասարկում: Բնականաբար, պետք է սպասարկվի:

Նյութը տպագրվել է «Հայկական ժամանակ» օրաթերթի հունվարի 27-ի համարում:

Տպել
1580 դիտում

Ավետիսյանի որդուն պատկանող «Գոլդեն Փելես»-ը գրանցված է օֆշորային ընկերության վրա. Վանեցյանը չբացառեց, որ գործը կկարճվի

Առաքել Մովսիսյանի վերաբերյալ գործն ԱԱԾ-ն կարճել է. Արթուր Վանեցյան

«Կոնգրես» հյուրանոցի գործով Սեդրակ Քոչարյանը հարցաքննվել է. ԱԱԾ տնօրեն

Նարեկ Սարգսյանի բնակարանից հայտնաբերված նկարները պատկանում են Սարյանի վրձնին. ԱԱԾ տնօրենը հաստատեց

Ես հույս ունեմ, որ դեռեւս երկար տարիներ կպաշտոնավարեմ. Արթուր Վանեցյան

Գործադուլ եւ դասադուլ ՇՊՀ ավագ դպրոցում

Ընթացիկ եվ ոչ միայն. 2006թ. մտնում ենք առանց իմունիտետի

Պատասխան. այդ տիկին Քոչարյանը ես եմ

Չի տեսնում. ԼՂ հարցի կարգավորումը հեռու է

Կոմիտասի պողոտայի երթեւեկելի մասի վրա լուսացույցներ կդրվեն. ոստիկանություն

Գյումրու քաղաքապետարանի բնակկոմունալ բաժնին կախարդական փայտիկ է պետք

Միհրան Հարությունյանը ժամանակից շուտ հաղթանակ տարավ MMA-ում իր 2-րդ մենամարտում

Ոստիկանության 5 ծառայողի շնորհվել է ոստիկանության լեյտենանտի կոչում (տեսանյութ)

Լարսի ճանապարհը բաց է. ձյուն, բուք, մերկասառույց, մառախուղ, դժվարանցանելի ճանապարհներ՝ ՀՀ-ում

Հայկ Դեմոյանը նշանակվել է «Ավրորա» նախաձեռնության գործառնությունների գծով տնօրեն

Արցախի նախագահն ընդունել է ՀՅԴ Բյուրոյի ներկայացուցիչ Հրանտ Մարգարյանին. ինչ են քննարկել

Վերաքննիչը գտել է, որ Ռոբերտ Քոչարյանն անձեռնմխելի չէ

Քաղաքավարությունը շփոթում են թուլության հետ. Փաշինյանը՝ Գարեգին Բ-ին

Մենք արդեն դադարեցրել ենք կենդանիների սպանդի ամոթալի պրակտիկան. Հայկ Մարության

ԱԺ ընտրություններին 442 ենթադրյալ հանցագործության դեպքերից 6-ով քրգործեր են հարուցվել. դատախազություն