Երեւանում բացվեց զինվորական վերականգնողական կենտրոն. գնացուցակը հստակեցվում է (տեսանյութ)

Այսօր՝ հունվարի 29-ին, «Հերացի» թիվ 1 համալսարանական հիվանդանոցային համալիրի մասնաշենքում շահագործման հանձնվեց զինհաշմանդամների համար նախատեսված վերականգնողական կենտրոնը: Բժշկական համալսարանի ռեկտոր Արմեն Մուրադյանի փոխանցմամբ՝ վերականգնողական կենտրոնը հագեցած է գերժամանակակից վերականգնողական սարքերով եւ տարածաշրջանում միակն է լինելու իր հնարավորություններով: Կենտրոնը բաղկացած է լինելու 4 հարկից: Առաջին հարկում տեղակայված են լինելու ջրային միջամտությունների համար նախատեսված ծառայությունները, լողավազանները եւ մարզասարքերը: Երկրորդ հարկում լինելու են մասնագետների սենյակները, ուսումնական կենտրոնները: 3-րդ եւ 4-րդ հարկերում հիվանդասենյակներն են՝ 37 անձի ստացիոնար բուժման համար նախատեսված: Սրան զուգահեռ կենտրոնում հնարավոր է միաժամանակ 30 հիվանդի ամբուլատոր բժշկական օգնություն ցուցաբերել:

«Կենտրոնը բացվեց համաժողովրդական շարժման արդյունքում: Տեղադրված սարքավորումներն ամենաանվտանգն են, որոնք կան ամբողջ աշխարհում: Այս կենտրոնը հնարավորություն է տալու, որ տղաները տիրապետեն ՏՏ ոլորտին, ձեռք բերեն համապատասխան գիտելիքներ եւ ավարտելուց հետո սկսեն աշխատել՝ 300 հազար դրամով: Գործելու է նաեւ մեկ պատուհանի սկզբունքով նրանց ծառայություններ մատուցելու ձեւաչափը, որով գործակալները նրանց բոլոր հարցերի պատասխանը տալու են»,- ասաց Արմեն Մուրադյանը:

«Հայկական ժամանակ»-ի լրագրողի հարցին, թե՝ պատերազմի մասնակիցներին այս բժշկական օգնությունը տրամադրվելու է վճարովի՞, թե՞ անվճար, Արմեն Մուրադյանը նշեց, որ բժշկական ծառայության այս տեսակն ամենաթանկն է ամբողջ աշխարհում:

«Դուք, եթե իմանանք, թե ինչքան են ծախսում մեր տղաները, երբ մեկնում են արտերկիր՝ դա հազարավոր դոլարների է հասնում՝ օրական: Մեզ համար կարեւոր է, որ ոչ միայն մատչելի լինի, այլ նաեւ ծայրահեղ կատարյալ լինի: Զինվորական հաշմանդամների համար մատչելի է լինելու, երբ գնացուցակները հրապարակվեն՝ Ձեզ կծանուցվեն»,- ասաց Մուրադյանը:

Հարցին, թե այս կենտրոնի շահագործմամբ արդյո՞ք կդադարեն պատերազմական գործողությունների հետեւանքով հենաշարժողական խնդիրներ ձեռքբերածները մեկնել արտերկիր՝ բուժման նպատակով, Արմեն Մուրադյանը պատասխանեց.

«Այն վնասվածքները, որով տղաները մեկնում էին արտերկիր՝ այսուհետ այդ խնդիրը լուծված է, որովհետեւ Հայաստանում գործում է կլինիկա, ինչն անում են արտերկրի լավագույն կլինիկաներում: Վիրահատության մասով հնարավոր է, որ դուրս գնան, բայց վերականգնողական ծառայության մասով ամեն ինչ լուծված է:

Մուրադյանը միաժամանակ տեղեկացրեց, որ մինչեւ այսօր 2016 թվականի ապրիլյան պատերազմի մասնակիցները, ովքեր ունեն համապատասխան բժշկական օգնության կարիք՝ այն ստացել են անվճար հիմունքներով: Այսօրվանից անվճար բժշկական օգնություն կտրվի միայն նրանց, ովքեր ունեն համապատասխան հիմքերը: Կենտրոնում աշխատող մասնագետները վերապատրաստվել են Ֆրանսիայում, ինչպես նաեւ Երեւանում համապատասխան դասընթացներ են անցկացրել ԱՄՆ-ից, Իտալիայից ժամանած մասնագետները:

Պաշտպանության նախարար Վիգեն Սարգսյանն էլ կարեւորեց այն հանգամանքը, որ բուժում ստացող տղաների համար կենտրոնում գործելու է մեկ պատուհանի սկզբունքով մատուցվող ծառայությունների կարգ: Այսինքն՝ զինհաշմանդամները կկարողանան իրենց փաստաթղթերի հարցով հենց կենտրոնում զբաղվել, անգամ հաշմանդամության կարգ հաստատող փաստաթղթի հարցերով:

«Հսկայական ծավալի շինարարական աշխատանք է կատարվել, կենտրոնը հագեցած է գերժամանակակից սարքավորումներով: Տղաները, ովքեր ունեն երկար բուժման անհրաժեշտություն, այստեղ կան կեցության պայմաններ: Շատ կարեւոր է, որ զինհաշմանդամները օր առաջ իրենց պիտանելիությունը զգան, մասնագիտություն ձեռք բերեն եւ իրենց վարձատրվող աշխատող զգան»,- ասաց Վիգեն Սարգսյանը:

Տպել
1833 դիտում

Հիացած եմ Հայաստանի գեղատեսիլ վայրերով և հայերի հյուրասիրությամբ. Ուկրաինայի ԱԳ պետքարտուղար

Արարատ Միրզոյանը ՌԴ դեսպանի հետ քննարկել է ՀՀ–ում ներքաղաքական զարգացումները

Թրանսփարենսի Ինթերնեշնլ-ը դիմել է ԵԽԽՎ՝ Հայաստանի՝ փողերի լվացման սխեմաներում ընդգրկված լինելու քննության համար

ՀՀԿ-ի՝ Բրյուսովի համալսարանի չհրկիզվող պահարանից գտնված 56 անդամատոմսերից 5-ը կապ չունեն բուհի հետ

Հայտնի են Արմավիրի, Արագածոտնի, Սյունիքի նոր մարզպետների անունները

Նիկոլ Փաշինյանը լուսանկար է հրապարակել Յուրի Բաշմետի հետ

Հունան Պողոսյանը նշանակվելու է Սյունիքի մարզպետ

ՀՀ ֆուտբոլի հավաքականի անդամները հանդիպել են երկրպագուների հետ

Կոտայքում բախվել են Ոստիկանության և ՊՆ ծառայողների մեքենաները. 4 ամսական երեխան հիվանդանոցում է

Բան ունեք ասելո՞ւ, եկեք, հանրային քննարկմանն, ասեք, ֆեյսբուքում մի ակտիվացեք. Սամվել Բալասանյանը զայրացել է

ՀԱՊԿ ԽՎ նիստը Երեւանի փոխարեն կկայանա Մոսկվայում

Մովսիսյանի ու Մխիթարյանի հարաբերությունները լարված չեն. վստահեցնում է Գյուլբուդաղյանցը

Թունջբոյաջյանն այցելել է «Հայաստան» համահայկական հիմնադրամ, պատրաստ է դառնալ սփյուռքի դեսպանը

Չեչնիայի նախագահ Կադիրովը Փաշինյանի ու Մակրոնի պարից հետո պարի մարաթոն սկսելու կոչ է արել քաղաքական գործիչներին

Քրեական հեղինակություն Նորատուսցի Արան կրակոցների պահին ալկոհոլի ազդեցության տա՞կ է եղել. նա օգտվում է լռելու իրավունքից

Վարչապետ Նիկոլ Փաշինյանը և տիկին Աննա Հակոբյանը ներկա են գտնվել Յուրի Բաշմետի համերգին (լուսանկարներ)

Թեկնածուներից մեկը դիմել է ստոր մեթոդների. ահազանգում է Էջմիածնի քաղաքապետի պաշտոնակատարը (լուսանկար)

Թուրքիայում Իրանի դեսպանատունը ուժեղացված հսկողության տակ է

20 տարվա փչացրածը, 20 օրում չի ուղղվի. Վանեցյանը հանդիպեց հավաքականի ֆուտբոլիստների հետ

Սիսիանում տներից մեկի պատշգամբի փլուզման հետեւանքով 75-ամյա քաղաքացին մահացել է