Անավարտ մնացած երկու ֆիլմի կտրամադրվի լրացուցիչ ֆինանսական աջակցություն. Միրզախանյան

Ազգային կինոկենտրոնի խորհրդի նախագահ Շուշանիկ Միրզախանյանի վստահեցմամբ՝ կինոոլորտի համար 2018 թվականը նշանակալի է լինելու: «Հայկական Ժամանակը»-ը Միրզախանյանից հետաքրքրվել է 2018 թվականին պետական աջակցությամբ արտադրություն մտած ֆիլմերի եւ մի շարք այլ հարցերի մասին: Շուշանիկ Միրզախանյանի հետ հացազրույցը՝ ստորեւ: 

- Տիկին Միրզախանյան, մինչ 2017 թվականի վերջը, Կինոկենտրոնի Գեղարվեստական նոր խորհրդի կազմը քննարկում էր անավարտ ֆիլմերի ճակատագիրը: Ի՞նչ աշխատանքներ եք սկսել իրականացնել այս տարի անավարտ մնացած ֆիլմերի հետ կապված:

- Հայաստանի ազգային կինոկենտրոնի տնօրենի պաշտոնը ստանձնելուց հետո, ի թիվ այլ գործերի սկսեցինք աշխատել նաև նախորդ տարիներից անավարտ մնացած ֆիլմերի ուղղությամբ, քանի որ անհրաժեշտ էր որոշել դրանց հետագա ճակատագիրը։ Նախորդ տարիներից անավարտ են մնացել Ռուբեն Գևորգյանցի «Մայիսյան երկու շաբաթ»-ը, Հովհաննես Գալստյանի «Մետամորֆոզները»-ը, եւ այլն: Երբ արդեն պատկերը դարձավ տեսանելի, որոշեցինք ձևավորել նոր Գեղարվեստական խորհուրդ, որն էլ քննարկեց նախորդ տարիներից անավարտ մնացած ֆիլմերի ճակատագիրը։ Գեղխորհրդի անդամները ուսումնասիրեցին իրավիճակը՝ մեկ առ մեկ անդրադաձան բոլոր ֆիլմերին եւ քվեարկության միջոցով որոշվեց անավարտ մնացած կինոնախագծերից երկուսը՝ Միքայել Դովլաթյանի «Սողանքը» և Արամ Շահբազյանի «Չնչիկը» ավարտին հասցնելու համար պետության կողմից լրացուցիչ ֆինանսական աջակցություն տրամադրել։

- Ինչո՞ւ որոշվեց, որ հենց այդ երկու ֆիլմերը պետք է ավարտին հասցվեն:

- Իրականում շատ կարևոր է ֆիլմերում պահպանել ազգայինը, որը համամարդկային արժեք ունի, և մանավանդ լավ է, երբ դրանք արժևորվում են միջազգային կինոփառատոներում, դառնում են եկամտաբեր՝ մտնելով տեղական եւ արտասահմանյան կինովարձույթ։ Այս դեպքում երկու ֆիլմերն էլ իդեալական տարբերակ են, եւ հուսով եմ, որ մեր գեղխորհուրդը հետագայում էլ կաշխատի հենց այս սկզբունքով։ «Չնչիկ» ֆիլմի հիմքում իրական մի դեպք է, որը պատահել է Հայաստանի գյուղերից մեկում: Երիտասարդ աղջկա հայրը սպանել էր իր դստերը, որը համարձակվել էր առանց օրինական ամուսնանալու հղիանալ: Վախենալով, որ իր ընտանիքը կարող է ադաթով ապրող համագյուղացիների մոտ ծիծաղի արժանանալ, ընտանիքի հայրը գերադասել էր առանց ավելորդ աղմուկի «ջնջել» իր դստեր հետքը: Իսկ «Սողանքը» գրավիչ արտաքինով 40-ամյա երիտասարդի մասին է, որը ցանկանում է ընտանիք կազմել հետաքրքիր ու հմայիչ կնոջ հետ, ցանկալի է օտար լեզվի իմացությամբ: Թերթին տրված հայտարարությունն էլ հանդիսանում է այն անկյունաքարը, որի շուրջը զարգանում է «Սողանք» ֆիլմի սյուժեն:  

 - Որո՞նք են այն նոր ֆիլմերը, որ առաջիկայում ֆինանսավորում են ստանալու կինոկենտրոնի կողմից: 

- Կարող եմ ասել, որ այս պահին պետական աջակցություն ստանալու 40-ից ավելի հայտեր ունենք, որոնց մի մասը նախորդ տարիներից են մնացել՝ ոչ ամբողջական լինելու պատճառով։ Կան այնպիսի ֆիլմեր, որոնք պետք է ավարտվեին 2017 թվականին, սակայն տարբեր պատճառներով չեն ավարտվել։ Բացի այդ, կան նաև 2017–ից սկսված ֆիլմեր, որոնք անցողիկ են, այսինքն՝ կշարունակվեն ու կավարտվեն 2018-ին։ 2018 թվականին ֆինանսավորվելիք ֆիլմերի մասով, կարող եմ ասել, որ առաջին հերթին կֆինանսավորվեն շարունակվող (անցողիկ) ֆիլմերը։ Եվ, իհարկե, 2018-ին պետական աջակցություն ստացող ֆիլմերի ցանկը կլրացվի նոր կինոնախգծերով։ 2018 թվականին պետական աջակցություն ստացած ֆիլմերի հաստատված ցանկը մոտ ապագայում կտեղադրվի Ազգային կինոկենտրոնի պաշտոնական կայքում:

- Տարեկան որքա՞ն գումար է տրամադրում պետությունը ազգային կինոյի աջակցության համար: 

- 2018 թվականի պետական աջակցության գումարները հետևյալն են՝ խաղարկային կինոնկարների արտադրություն`  274 միլիոն 440 հազար դրամ (569 հազար 378 դոլար): Մուլտիպլիկացիոն կինոնկարների արտադրություն`56 միլիոն 193 հազար դրամ (116 հազար 583 դոլար): «Կինո-ֆոտո-ֆոնո հավաքածուի պահպանման ծառայություններ»-ի ծրագիր`2 միլիոն 684 հազար դրամ (5 հազար 569 դոլար):

- Կոնկրետ ի՞նչ քայլեր են ձեռնարկվելու Ազգային կինոկենտրոնի գործունեության եւ առհասարակ՝ հայ կինոյի զարգացման համար:

- Եթե հիշում եք, դեռևս 2016-ի տարվերջին նախարար Արմեն Ամիրյանը հայտարարեց կինոոլորտի գլոբալ բարեփոխումների մասին։ Ներկայումս մշակվում է կինոյի հայեցակարգն ու ռազմավարությունը, ինչի արդյունքում էլ սպասվում են կառուցվածքային փոփոխություններ ու գլոբալ բարեփոխումներ։ Այս ամենը դեռ չի ավարտվել, ընթացքի մեջ է։ Ուզում եմ ասել, որ բարեփոխումների ընթացքը չի խանգարում կինոկենտրոնի աշխատանքներին, մասնավորապես, արտաքին քաղաքականության հատվածում գրանցվել են շոշափելի ձեռքբերումներ։ 2017 թ․սեպտեմբերի 25-ին՝ Երևանում, Հայաստանի ազգային կինոկենտրոնի և Իրանի «Ֆարաբի» կինոհիմնադրամի (այս հիմնադրամը Իրանի ամենամեծ պետական կինոֆոնդն է) միջև կնքվեց կինեմատոգրաֆիայի բնագավառում համագործակցության համաձայնագիրը:

Համաձայնագիրն ունի գործակցության բազմազան ուղղություններ, այդ թվում՝ կինոարտադրության հատվածում ՝ սկսած սցենարի զարգացումից մինչև հետարտադրական փուլ, կրթական ծրագրերի իրականացում երկու երկրներում, հայ-իրանական կինոշուկայի ձևավորում, ֆիլմերի տարածում, երկու երկրներում կինոյի օրերի կազմակերպում և  այլն: 2018 թվականի համար արդեն պատրաստ են մի քանի կինոծրագրեր, որոնք իրականցվելու են հանրապետության տարբեր մարզերում, այդ թվում՝ Գորիսում, Ստեփանակերտում։

Աղունիկ Հավհաննիսյան 

Հարցազրույցը հրապարակվել է «Հայկական ժամանակ» օրաթերթի փետրվարի 16-ի համարում:         

Տպել
3089 դիտում

Շոկային սկիզբը, Յուրայի պոկերը ու ՀՀ ֆուտբոլի հավաքականի ջախջախիչ հաղթանակը

Ծեծկռտուք Արտաշատի զինկոմիսարիատում. ըստ քաղաքացու ահազանգի՝ կապիտանը կոտրել է իր քիթը

Պարզաբանումներ եմ պահանջելու Բելառուսի ու Ղազախստանի նախագահներից. Փաշինյանը՝ ՀԱՊԿ նիստի զարգացումների մասին

Ոստիկանությունը օպերատիվ տվյալներ է ստացել, որ Երեւանում հիպնոսի միջոցով փող են կորզում

Ջիբրալթար-Հայաստան ֆուտբոլային հանդիպման մեկնարկային կազմերը

Երկու օր առաջ Հայաստանում էր, հիմա՝ չգիտեմ. Շարմազանովը՝ Տարոն Մարգարյանի գտնվելու վայրի մասին

Աշխարհը չէի փոխի քո հետ. Սիրուշոն շնորհավորել է Լեւոն Քոչարյանի ծնունդը

Իրական ընդդիմություն կձեւավորվի ընտրություններից հետո

Արսեն Ջուլֆալակյանն ու լրագրողը պարզաբանել են թյուրիմացությունը

Նոր մանրամասներ հոկտեմբերի 27-ին նռնակով կառավարության շենք ներխուժման դեպքից. պարզվել է՝ ով է նա

Արցախի պետնախարար Մարտիրոսյանն ընդունել է Արցախի պետական համալսարանի ուսանողների

Այդ տարածքը իմն է, իմ սեփականությունն է. Լոռու մարզպետը՝ սեփական ատամնաբուժարան կառուցելու մասին

Մարկոս Պիզելին՝ Ղազախստանի առաջնության լավագույն ֆուտնոլիստ

Քաղաքապետն ընդունել է ՀՀ-ում ԵՄ դեսպան Պյոտր Սվիտալսկիին

Վաչագան Ղազարյանը ցուցմունք է տվել. քննարկվում է կրկին գրավի միջնորդությամբ հանդես գալու տարբերակը

Ավան վարչական շրջանի ղեկավարը հրաժարական է տվել

23-ամյա Վահագնի շնորհիվ մարդկանց կյանքեր կփրկվեն. արյան տարբեր խումբ ունեցողներ շարունակում են արյուն հանձնել

Վարչապետ Նիկոլ Փաշինյանի միջնորդությամբ Սիմոն Մարտիրոսյանն ու Գոռ Մինասյանը կպարգեւատրվեն

Հույս ունեմ կկարողանանք Աբաջյանի հերոսությանն արժանի ապրել՝ անկախ նրանից` ինչով ենք զբաղվում. Փաշինյան

Հայ մարզիչը ղազախական ակումբի մանկապատանեկան ֆուտբոլը ղեկավարելու ու Հենոյի գեղեցիկ քայլի մասին