Ոստիկանապետի հրամանով այսօր եւս ազատումներ են եղել, նաեւ նշանակումներ՝ ՊՊԾ գնդում

ՀՀ ոստիկանության պետ Վլադիմիր Գասպարյանն այսօր եւս ազատումներ եւ նշանակումներ է կատարել համակարգում:

Նշենք, որ Վլադիմիր Գասպարյանի հրամանով այս օրերին հինգ տասնյակից ավելի ազատումներ են եղել: Այսօր էլ ոստիկանապետի հրամանով մի շարք ծառայողներ ազատվել են աշխատանքից, մի մասն անցել է թոշակի, մյուսը՝ կադրերի ռեզերվ:

Բացի ազատումներից, այսօր Վլադիմիր Գասպարյանի հրամանով նշանակումներ են եղել ՀՀ ոստիկանության ՊՊԾ գնդում: Մասնավորապես, ՊՊԾ գնդի հրամանատարի անձնակազմի հետ տարվող աշխատանքների գծով տեղակալ է նշանակվել Հայկ Բրգանունցը: Հիշեցնենք, որ օրեր առաջ ոստիկանապետի հրամանով ՊՊԾ գնդի հրամանատարն ու տեղակալն ազատվել էին պաշտոնից: Հրամանատար էր նշանակվել Արթուր Խուդինյանը, իսկ տեղակալի պաշտոնը թափուր էր:

ՊՊԾ գնդում այսօր եւս մեկ նշանակում է արվել. ՊՊԾ գնդի 3-րդ գումարտակի (կարմիր բերետներ) հրամանատար է նշանակվել ՊՊԾ ծառայող Հայկազ Ճոմարդյանը, որը սպասարկում էր Կենտրոն վարչական տարածքը:  ՊՊԾ գնդի 3-րդ գումարտակի հրամանատարի պաշտոնը մի քանի ամիս թափուր էր:

Ոստիկանապետի հրամանով այսօր փոփոխություն է արվել նաեւ Ոստիկանության Երեւան քաղաքի վարչությունում. կադրերի բաժնի պետ է նշանակվել: Մեկ այլ հրամանով նշանակում է եղել նաեւ Մաշտոցի բաժնի անչափահասների գործով բաժանմունքի պետի պաշտոնում: Ոստիկանության Չարբախի բաժնի պետի տեղակալի պաշտոնում եւս նշանակում է արվել:

Այս տեղեկությունները մեր զրույցում հաստատեց ՀՀ ոստիկանության ԶԼՄ-ների հետ կապի բաժնի պետ Էդգար Ջանոյանը:

Նշենք, որ ազատման հրամաններին նախորդեց ՀՀ ոստիկանության հունվարի 19-ի կոլեգիայի նիստը: Այդ նիստի ժամանակ ՀՀ ոստիկանապետը մասնավորապես, նշել էր. «Մի մասը, ովքեր իրենց ծառայությունները պետության ու ոստիկանությանը պատվով են կատարել, իրենց ժամանակը լրանալու հետ կապված կմիանան վետերանների միությանը, կաշխատենք այնպես անել, որ պիտանիները չտուժեն։ Կարծում եմ՝ կլինեն մարդիկ, ովքեր կհասկանան, որ իրենց աշխատաոճը համահունչ չէ մեր զարգացման պրոցեսին, իրենք դիմում կգրեն, կգնան։ Այն էներգիան, այն աշխատուժը, որ մենք ծախսում ենք այն մարդկանց վրա, որոնք կերպարանափոխվել, ձեւափոխվել, բարեփոխվել չեն կարողանում, կարծրացած բաներ կան մեջները, կարծում եմ, այդ էներգիան, որ ծախսենք երիտասարդ կադրերի վրա, ավելի արդյունավետ կաշխատենք։ Ժամանակն է, որ հինը հիմնովին մաքրվի»։ 

Տպել
5061 դիտում

Արարատի աղբավայրից վտանգավոր արտանետումներ այլևս չեն լինի, աղբը թաղել են, մի մասը՝ մշակել

«Արզնի կաթ»-ը հերքում է բուսական յուղի մասին հրապարակումը. սեփական կովերի կաթն է օգտագործում

Հոգեկան խնդիրներ ունեցող հարևանուհու պատճառով տունը մոխրակույտի է վերածվել. տանտիրուհին օգնություն է խնդրում

Սոցիալ Դեմոկրատ Հնչակյան կուսակցությունը չի մասնակցի ընտրություններին. գաղափարական սկզբունքի խնդիր է

Քրեական գործեր՝ հոգեբուժարաններում արձանագրված խախտումների վերաբերյալ

«Քաղաքացու որոշում» ՍԴԿ-ն հրապարակել է ցուցակի առաջին 31 թեկնածուների անունները

Վարորդներին խորհուրդ է տրվում երթեւեկել ձմեռային անվադողերով

Ես կլինեմ ՀՀԿ-ի կենտրոնական հարձակվողը. Մենուա Հարությունյան

Դեկտեմբերին արտահերթ ընտրություններ կլինեն նաեւ Ուրցաձորում, համայնքի ղեկավար են ընտրելու

«Ազգային Առաջընթաց» կուսակցության ցուցակը կին է գլխավորում

Գլխավոր դատախազությունը կարճել է Հայաստանում Քևին Օքսուզի դեմ հարուցված քրեական գործը

Գողություն Աբովյան փողոցի սրճարաններից մեկում. որոնվում է տեսապատկերված անձը (տեսանյութ)

ՀՀ գյուղատնտեսության նախարարի պաշտոնակատար Գեղամ Գևորգյանն այցելել է «Սպայկա» ընկերություն

Դատախազությունը նոր երևան եկած հանգամանքով վերանայման վարույթ կսկսի. Մարտի 1-ի գործով նախկին փոխոստիկանապետը փոշմանել է

ԱԳ նախարարի պաշտոնակատարն ընդունեց ՄԱԿ-ի հատուկ զեկուցողին

Դավիթ Տոնոյանն ընդունել է Հայաստանում Կարմիր խաչի միջազգային կոմիտեի պատվիրակության ղեկավարին

ՕԵԿ համապետական ցուցակի առաջին տասնյակը. այն գլխավորում է Արթուր Բաղդասարյանը

Հայաստան ապօրինի թմրամիջոց ներկրելու հերթական դեպքն է կանխվել (տեսանյութ)

Նիկոլ Փաշինյանը հանդիպել է Ամենայն Հայոց Կաթողիկոսի հետ

Նոյեմբերի 14-ի դրությամբ համաներմամբ ազատ է արձակվել 475 դատապարտյալ