Հանքահումքային քիմիա, հումք, մետաղներ․ հայ-բուլղարական ներմուծումն ու արտահանումը

Փետրվարի 11-ին ՀՀ նախագահ Սերժ Սարգսյանի հրավերով Հայաստան է ժամանել Բուլղարիայի նախագահ Ռումեն Ռադեւը, հայ-բուլղարական հարաբերությունների մասին հակիրճ հոդվածում գրում է «Իրազեկ քաղաքացիների միավորումը»։

Հայաստանի եւ Բուլղարիայի միջեւ դիվանագիտական հարաբերությունները հաստատվել են 1992 թվականին, եւ այդ ընթացքում Հայաստանի նախագահները չորս անգամ այցելել են Բուլղարիա:

Առաջին անգամ` 1995 թվականին, Բուլղարիա է այցելել ՀՀ առաջին նախագահ Լեւոն Տեր-Պետրոսյանը: 2003 եւ 2004 թվականներին Բուլղարիա է այցելել Ռոբերտ Քոչարյանը, իսկ Սերժ Սարգսյանը Բուլղարիա է այցելել իր նախագահության առաջին տարում՝ 2008-ին:

Բուլղարիայի նախագահները, իրենց հերթին, մինչ այս Հայաստան են ժամանել ընդամենը երկու անգամ: 1999 թվականին Բուլղարիայի նախագահ Պետար Ստոյանովն է այցելել Հայաստան, 2004-ին՝ Գեորգի Պրվանովը:

Բուլղարիան ՆԱՏՕ-ի անդամ է 2004 թվականից, Եվրամիությանն անդամակցել է 2007-ին: Հայաստանի եւ Բուլղարիայի միջեւ ստորագրվել են շուրջ 60 տարբեր բնույթի փաստաթղթեր՝ համաձայնագրեր, փոխըմբռման հուշագրեր, հռչակագրեր եւ այլն:

Ըստ ՀՀ ԱԳՆ կայքի տվյալների, 2011-2014 թթ. ընկած ժամանակահատվածում երկու երկրների միջեւ ապրանքաշրջանառությունն անընդհատ նվազել է: Այսպես, 2011 թվականին Հայաստանից Բուլղարիա է արտահանվել շուրջ 152 միլիոն ԱՄՆ դոլարի ապրանք, իսկ ներմուծվել՝ 102 միլիոնի: 2012-ին արտահանվել է շուրջ 130 միլիոն դոլարի ապրանք, ներմուծվել՝ 86 միլիոնի: 2014թ. արդեն այս ցուցանիշները կազմել են համապատասխանաբար 85 եւ 25 միլիոն:

Հայաստանը Բուլղարիայից ներմուծում է հիմնականում հանքահումքային քիմիա, պատրաստի սննդամթերք, կաուչուկ, ռետինե իրեր եւ այլն: Բուլղարիա է արտահանում հանքահումքային արտադրանք, ոչ թանկարժեք մետաղներ եւ այլն:

Բուլղարիայում, ըստ 2010 թվականի տվյալների, բնակվում է շուրջ 80 հազար հայ: Բուլղարիայի մայրաքաղաք Սոֆիայում գործում է «Երեւան» թերթը, եւս երկու հայկական պարբերականներ լույս են տեսնում Բուրգաս եւ Պլովդիվ քաղաքներում:

Վերջին շրջանում մամուլում հրապարակումներ էին հայտնվել Բուլղարիայում հայ գործարարների ունեցած բիզնեսի մասին: Մասնավորապես, ըստ «Հետքի» հետաքննության, ՀՀ Ազգային ժողովի պատգամավոր Գագիկ Ծառուկյանին եւ նրա մերձավորներին է պատկանում Բուլղարիայում հայտնի «Գոռնա Բանյա» շշալցնող գործարանը: Ծառուկյանների հետ առնչություն ունեն նաեւ Բուլղարիայի առողջապահական ոլորտում գործող «Լիբամեդ» ընկերությունը եւ ալկոհոլային խմիչքների մատակարարող «Լուդինգ» ընկերությունը:

Բուլղարիայի հետ կապված ակտիվ քննարկումներ Հայաստանում ծավալվում էին նաեւ անցած տարվա ամռանը, երբ հայտնի դարձավ, որ բուլղարացի հաքերներն ու մամուլը բացահայտել են ադրբեջանական դիվանագիտական չվերթներով Սիրիայում, Աֆղանստանում, Իրաքում եւ Կոնգոյում ահաբեկիչներին զենքեր մատակարարելու դեպքեր:

Բուլղարիան Հայոց Ցեղասպանությունը ճանաչած երկրների շարքում է: 2015 թվականին, երբ նշվում էր Հայող Ցեղասպանության 100-ամյա տարելիցը, Բուղարիան դատապարտեց այդ ոճիրը «զանգվածային սպանություններ» ձեւակերպմամբ:

Տպել
656 դիտում

Ն. Փաշինյանն Անթիլիասում այցելել է Ցեղասպանության մատուռ, առանձնազրույց ունեցել Արամ Ա կաթողիկոսի հետ

Մարդու իրավունքների պաշտպանի միջամտությամբ անձն ազատ է արձակվել քրեակատարողական հիմնարկից

Քննչական կոմիտեն ընտրախախտումների վերաբերյալ երեկ 3 հաղորդում է ստացել

ՀՀԿ-ն վաղ առավոտյան Գործադիր մարմնի նիստ էր հրավիրել. քննարկումների մասին կհայտնեն ԱԺ արտահերթ նիստին

Ընտրակաշառք, կեղծ քվեաթերթիկ, քվեարկել են 1 անգամից ավելի կամ ուրիշի փոխարեն. 16 դեպքով նախապատրաստվում են նյութեր

Արմավիրի քաղաքապետ է ընտրվել «Քաղաքացիական պայմանագիր»-ը ներկայացնող Դավիթ Խուդաթյանը

Կապանում ՔՊ-ի թեկնածուն պարտություն է կրել, հաղթել է անկուսակցական Գեւորգ Փարսյանը

Հրազդանի քաղաքապետ է ընտրվել Սևակ Միքայելյանը՝ Սասուն Միքայելյանի որդին

Առաջին կին քաղաքապետը. Էջմիածնում քաղաքապետ է ընտրվել ՔՊ-ն ներկայացնող Դիանա Գասպարյանը

Գյումրիում ոստիկանները ծեծել են Առաքելյան եղբայրներին, տղաները կալանավորված են (տեսանյութ)

Հայաստանի մեծ մասում սկսվող շաբաթը անձրեւոտ կլինի. եղանակը՝ առաջիկա օրերին

«Սիրահարդ եմ, Երևան» խորագրով հեծանվավազքը՝ քաղաքապետ Հայկ Մարությանի մասնակցությամբ (լուսանկարներ)

Ազատամարտիկ Արթուր Կարապետյանի անվան պուրակում բացվեց Երևանի 2800-ամյակի հուշարձանը.ներկա էր քաղաքապետը

Ժամը 17-ի դրությամբ ՏԻՄ ընտրություններին մասնակցել է ընտրելու իրավունք ունեցողների 35.23%-ը

Սասուն Միքայելյանը չունի որևէ լծակ, պահանջում ենք մերկապարանոց հայտարարություններ չանել. Սևակ Միքայելյանի շտաբ

Երեւանի բնակարաններից մեկում հայտնաբերվել է 55-ամյա տղամարդու դի՝ վնասվածքների հետքերով

Երևանի քաղաքապետը և Մարսելի փոխքաղաքապետն անդրադարձել են Երևան-Մարսել համագործակցության համաձայնագրի ծրագրերին

Երևանի գլխավոր ճարտարապետ է նշանակվել Արթուր Մեսչյանը. Tert.am

Ծնունդդ շնորհավոր, Երևան, իմ սեր. ՀՀ նախագահի շնորհավորական ուղերձը

Բակո Սահակյանը ներկա է գտնվել Մարտունու նռան փառատոնին