Նուբարաշեն ՔԿՀ-ի աշխատանքը պարալիզացվել էր. դատապարտյալները խցանման մեջ էին (տեսանյութ)

Այսօր Երեւանի Նուբարաշեն վարչական շրջանի խճուղուն հարող շենքերի բնակիչները ժամը 15:00 սահմաններում հավաքվել էին «Նուբարաշեն» քրեակատարողական հիմնարկի մոտ: Բնակիչները դժգոհում էին, որ քրեակատարողական հիմնարկի կոյուղու վթարը ՔԿ վարչությունը չի վերացնում: Դատապարտյալների պահման վայրից կոյուղին դուրս է գալիս եւ հիմնական կոյուղատարին չի հասնում, քանի որ վթարի պատճառով լցվում է ոչ բնակելի տարածք: Առաջացած տհաճ հոտը տարածվում է եւ ՔԿՀ-ի տարածքում եւ հարակից շենքի մոտ:

Հավաքված քաղաքացիները լրագրողներին ներկայացրեցին խնդիրը եւ րոպեներ անց փակեցին քրեակատարողական հիմնարկ տանող ճանապարհը: Նախ՝ քարեր հավաքեցին եւ լցրեցին ճանապարհին, ապա կանգնեցին քարերով ստեղծված փակուղու մոտ: Մոտ 10 րոպեում երկկողմանի փակ ճանապարհին մեքենաների կուտակում առաջացավ:

Մինչ այդ բնակիչները նշեցին, որ դիմել են թաղապետարան, սակայն այնտեղից տեղեկացրել են, որ խնդրի հասցեատերը արդարադատության նախարարության քրեակատարողական վարչությունն է: Դրանից հետո դիմել են իրենց ընտրատարածքից պատգամավոր դարձած ՀՀԿ-ական Հարություն Կարապողոսյանին (Սնխչի Հարութ), որն էլ դիմել է արդարադատության նախարարին: Բնակիչների հավաստմամբ, Դավիթ Հարությունյանը պատգամավորին տեղեկացրել է, որ ավելի շուտ նոր ՔԿՀ կկառուցեն, քան այդ կոյուղին կվերանորոգեն, որովհետեւ խնդիրը շատ լուրջ է: Նշենք, որ կոյուղու վթարի հետեւանքով առաջացած գարշահոտությունից հաճախ դժգոհում են հենց դատապարտյալները, քանի որ վթարված մասն ավելի մոտ է ցմահ դատապարտյալների պահման վայրին (բանտի կլոր շենքին):

Ճանապարհը փակված վիճակում մի մեքենա մոտեցավ, բացատրեց հավաքվածներին, որ ծանրոց է տանում դատապարտյալներից մեկին, սակայն ակցիայի մասնակիցները նրան կարողացան բացատրել խնդրի լրջությունը: Րոպեներ անց ճանապարհի փակ լինելն արդեն անհանգստացրեց քրեակատարողական վարչության աշխատակիցներին, որոնք ծառայողական աշխատանք կատարելու նպատակով դուրս էին եկել ՔԿՀ-ի շենքից, սակայն բնակիչները նրանց էլ թույլ չտվեցին ճանապարհն անցնել: Բողոքի ակցիայի մասնակիցներն անհամբեր սպասում էին էտապին (կալանավորների տեղափոխմանը), որի ճանապարհը փակելն ավելի կլրջացնել խնդիրը: Երկար պետք չեղավ դրան էլ ականատես լինելու համար: Կալանավորներին տեղափոխող մեքենան մոտեցավ խցանված մեքենաներին, ազդանշան տվեց, ու ելք չգտնելով կրկին վերադարձավ «Նուբարաշեն»: Այդ միջադեպից հետո տարածքում մոտ 10 ոստիկան հայտնվեց՝ Էրեբունու բաժնի քրեական վարչության ծառայողների հետ միասին: Հավաքված կանանց եւ ծերերին շրջանցեցին եւ բանակցություններ սկսեցին երիտասարդների հետ: Առաջարկեցին բացել ճանապարհը եւ վստահեցրեցին, որ խնդրի պատասխանատուները շուտով տեղում կլինեն: Երիտասարդներն ընդունեցին առաջարկը, քարերի մի մասը հավաքեցին եւ երթեւեկությունը վերականգնվեց: Միայն այդ ժամանակ դատապարտյալներին տեղափոխող մեքենան կարողացավ անցնել ճանապարհը, իսկ մեքենայի պատուհաններից ներս՝ ճաղավանդակներից այն կողմ երեւացին նաեւ դատապարտյալները, որոնք անհասկանալի հայացքով հավանաբար փորձում էին ընկալել կատարվող իրադարձությունը:

Ոստիկանների խոստմանը համաձայն՝ թաղապետարանից աշխատակից ժամանեց ակցիայի վայր եւ վստահեցրեց, որ կոյուղին վերանորոգելու համար մրցույթ է հայտարարվել: Առաջարկեց սպասել մրցույթն ավարտվի եւ վերանորոգումը կսկսվի: Բնակիչների հարցին, թե ով է պատասխանատուն՝ քաղաքապետարա՞նը, թե՞ քրեակատարողական վարչությունը, թաղապետարանի ներկայացուցիչը չպատասխանեց:

Այդ ընթացքում բողոքի ակցիայի վայր այցելեց Երեւանի ավագանու «Երկիր ծիրանի» Խմբակցության անդամ Զարուհի Փոստանջյանը: Նա հավաքվածներին տեղեկացրեց, որ ավագանու վաղվա նիստում որոշում է ընդունվելու, որ մոտ կես միլիոն դոլար գումարով բարեկարգվի Մոսկովյան փողոցը, որը բարեկարգ է: Առաջարկեց նրանց, որպեսզի վաղը գան քաղաքապետարանի դիմաց եւ պահանջեն իրենց խնդրի լուծումը, այլ ոչ թե բարեկարգ փողոցը կրկին բարեկարգեն: Բնակիչների մի մասը համաձայնեց նրա հետ եւ պայմանավորվեցին, որ վաղը կայցելեն քաղաքապետարան, իսկ «Նուբարաշեն» ՔԿՀ-ի ճանապարհը կրկին կփակեն:

Առավել մանրամասն՝ տեսանյութում:

Տպել
5957 դիտում

Հրաժարական է տվել Իսրայելում ադրբեջանցիների հիմնական լոբբիստը․ պատմական պահ է ՀՀ-ի համար

Հասկանալի պատճառներով դադար եմ վերցրել աշխատանքից․ Վահագն Թեւոսյանը մտնում է ընտրապայքար

Հայտնի է նորաստեղծ «Մենք» դաշինքի ցուցակի առաջին տասնյակը. ցուցակը կգլխավորի Արամ Սարգսյանը

Մանե Թանդիլյանը հայտարարել է իր լիազորությունները վայր դնելու մասին

Հայտնի է նորաստեղծ «Հայաստանի քրիստոնեա-ժողովրդավարական» կուսակցության նախընտրական ցուցակի առաջին եռյակը

Ավագ Գաբրիելյանը նշանակվել է Երեւանի առաջին ատյանի ընդհանուր իրավասության դատարանի դատավոր

Ինչպե՞ս է ազդում տեխնոլոգիական առաջընթացը կրթության մեթոդների վրա․ սեմինար Երեւանում

Սպառնացել եւ գումար է հափշտակել․ բացահայտվել է դեղատան աշխատակցի նկատմամբ կատարված ավազակային հարձակումը

Յուրաքանչյուր զոհ կաթոլիկ երեխա էր․ ԱՄՆ-ում քննարկում են կաթոլիկ եկեղեցիներում սեռական ոտնձգությունների խնդիրը

Արմեն Աշոտյանի կոշտ արձագանքը՝ Արայիկ Հարությունյանի կոշտ գնահատականներին

ՀՀԿ-ի վիճակագրական մանիպուլյացիաները․ նախկին իշխանությունը շարունակում է «շտկել» իրականությունը

28-ամյա երիտասարդի Էլեկտրահարումը ՋՕ-ն եւ ՀԷՑ-ը իրար վրա են բարդում. քրեական գործ է հարուցվել

Լուրեր կան, որ N46 երթուղայինները շուտով չեն գործի. քաղաքապետարանում տեղեկություն չունեն

ՀՔԾ նախկին պետ Վահրամ Շահինյանը մոտ 6 ամսում 22 մլն դրամի չափով եկամուտ է ունեցել

Գեւորգ Աճեմյանը դուրս է գալիս «Քաղաքացիական պայմանագիր» կուսակցությունից

Արսեն Ջուլֆալակյանն ու Առաքել Միրզոյանը կմասնակցեն ԱԺ արտահերթ ընտրություններին

Շուրջ 10 մլն դրամի վնաս․ Մխչյանում ոռոգման ջրի խողովարկների ապօրինի միացումների դեպքով քրգործ է հարուցվել

Արցախի եւ Հայաստանի միջեւ առաջիկայում կկնքվի ռազմաքաղաքական դաշինք․ Բալասանյան

Վահան Բաբայանը ՀՀԿ ցուցակով առաջադրվելու է թիվ 3 ընտրատարածքում

Հայտնի է «Իմ քայլը» դաշինքի պատգամավորության թեկնածուների ամբողջական ցուցակը. 183 թեկնածուների անունները