Երիտասարդները ներողություն են խնդրել, մնացածը հերյուրանք է. քաշքշուկի մեջ ընկած փոխդեկան

21/02/2018 schedule14:41

«ԵՊՀ-ում տեղի ունեցած միջադեպը կարծես թե հարթվում է»,-մեր զրույցում ասաց ԵՊՀ ռոմանագերմանական բանասիրության ֆակուլտետի փոխդեկան Գեւորգ Բարսեղյանը, ում, ինչպես տարածվել էր մամուլում, ծեծի էին ենթարկել իր աշխատասենյակում։ Ըստ մամուլի հրապարակումների, պատճառը Բարսեղյանի կողմից ուսանողուհիներից մեկին արված տարօրինակ առաջարկն է եղել:

Գեւորգ Բարսեղյանը հաստատեց, որ միջադեպ եղել է, սակայն դա որևէ ուսանողուհու հետ բացարձակապես կապ չունի։ Ինչպես ինքն է նշում՝ միջանցքում բարձր ձայներ է լսել, դուրս է եկել ու նկատողություն արել։ Արդյունքում փոքրիկ քաշքշուք ու ծեծկռտուք է եղել, որը, սակայն, հարթվել է։ Ոստիկանություն ահազանգել է անվտանգության աշխատակիցը։ Վերջինս մեր զրույցում չցանկացավ մեկնաբանել կատարվածը։

Մեր հարցին՝ Բարսեղյանը միջադեպի մասնակիցներին ճանաչու՞մ է, վերջինս ասաց․

«Իհարկե չեմ ճանաչում։ Միայն ձայներ եմ լսել միջանցքից, դուրս եմ եկել՝ հասկանալու՝ ինչ է կատարվում, որովհետեւ դա եւս մտնում է փոխդեկանի պարտականությունների մեջ»։

Գեւորգ Բարսեղյանն ասաց, որ Ոստիկանությունը զբաղվել է խնդրով, գտել են այդ երիտասարդներին, որոնք էլ իրենից ներողություն են խնդրել։ Մանրամասներին տեղյակ չէ եւ չի կարող պատասխանել։

«Հայկական ժամանակ»-ի հարցին, թե որն է պատճառը, որ միջադեպը կապվում է ինչ-որ ուսանողուհու հետ, փոխդեկանն ասաց, որ ինքն այդ ուսանողուհուն ճանաչում է, ինչպես ֆակուլտետի մյուս ուսանողուհիներին․

«Այո, կա նման ուսանողուհի, բայց նա որևէ կապ չունի այս միջադեպի հետ։ Ավելին՝ ինքը գրավոր տեղեկացրել է այդ մասին, ինչպես եւ ես։ Գրավոր բացատրությունները ռեկտորի մոտ են, որոնք գուցե կներկայացնի ոստիկանություն»,-ասաց Բարսեղյանը։

Նա ասաց, որ ուսանողուհու հետ կապված խոսակցությունները միայն հերյուրանքներ են իր հասցեին, իսկ մամուլում տարածված «տարօրինակ արտահայտություն»-ն ուղղակի անտրամաբանական է, նման բան լինել չի կարող։ 

Փոխդեկանն ասաց, որ ԵՊՀ ռեկտոր Արամ Սիմոնյանը իրեն ոչինչ չի ասել պաշտոնից ազատվելու դիմում գրելու մասին․

«Սակայն, կարծում եմ, ռեկտորը արդար որոշում կկայացնի»,-եզրափակեց Գեւորգ Բարսեղյանը։

Նշենք, որ համալսարանի եւ ֆակուլտետի դեկանատի շատ աշխատակիցներ միայն դրական վերաբերմունք ունեն Բարսեղյանի հանդեպ։ Նրանց բացառում են, որ նմանատիպ խնդիր կարող էր լինել։

Այսօր ժամը 14։00-ին ֆակուլտետի ուսանողները պատրաստվում էին ի աջակցություն Բարսեղյանի ակցիա կազմակերպել, սակայն միջոցառումը քիչ առաջ չեղարկվել է։ Գեւորգ Բարսեղյանը ֆեյսբուքյան իր էջում գրել է․

«Շնորհակալ եմ այս ինքնաբուխ աջակցության համար, սակայն խնդրում եմ դադարեցնել այս հավաքները, վերադառնալ բնականոն դասապրոցեսին:
Դա միայն կօգնի հարցի արդարացի լուծմանը»:

 

ԵՊՀ 7-րդ մասնաշենքում, որտեղ հենց ռոմանագերմանական բանասիրության ֆակուլտետն է եւ որտեղ տեղի է ունեցել միջադեպը, անվտանգությունը բավականին խիստ է։ Երբ ուսանողները տարկետման իրավունքի պահպանման համար ակցիաներ էին անցկացնում, նրանց ելումուտը սահմանափակ էր՝ շենքի ներսում գտնվող ուսանողներին դուրս չէին թողնում, իսկ ցուցարարներին՝ ներս։ Նրանց նկատմամբ անգամ ճնշումներ էին գործադրում։ Մի քանի օր առաջ էլ «ԵՊՀ Restart» նախաձեռնության անդամների մուտքն է արգելվել տվյալ շենք, երբ վերջիններս ակցիայի ընթացքում փորձել են զուգարանի թղթեր դնել մասնաշենքի զուգարաններում։ Սակայն, զարմանալիորեն, փոխդեկանին ծեծի ենթարկած մարդակնց մուտքը լիովին ազատ է եղել։

Մասնաշենքի աշխատակիցները պնդում են, որ այդ օրը ծառայություն իրականացնող անվտանգության աշխատակիցն իր գործը միշտ շատ լավ է կատարում։ Վերջիններիս պնդմամբ՝ փոխդեկանին ծեծի ենթարկած մարդիկ մասնաշենք են մտել ժամը 14։00-ին մոտ դասամիջոցին, երբ մարդկանց հոսքը շատ խիտ է լինում։

Անկախ նրանից՝ անվտանգության աշխատակիցն ինչպես է աշխատում, պետք է նշել, որ համալսարանի անվտանգությունը, ընդհանուր առմամբ, բարձիթողի վիճակում է։ Չնայած նրան, որ մասնաշենքի մուտքը պետք է նախատեսված լիներ միայն անցագրային քարտ ունեցող անձանց համար, այնուամենայնիվ, տվյալ քարտերը ճանաչող սարքերի չաշխատելու պատճառով ցանկացած անձ կարողանում է մուտք գործել մասնաշենք։ Նշենք նաև, որ ԵՊՀ ոչ բոլոր մասնաշենքերում են առկա անցակետեր։ Այսինքն՝ համարյա բոլոր մասնաշենքեր կարող է մտնել ցանկացած անձ, եթե ունի գոնե փոքր-ինչ վստահելի արտաքին։

ԵՊՀ 7-րդ մասնաշենքի անցակետը

 ՀայԱրփի Բաղդասարյան

 

Տպել
3060 դիտում

Արսեն Ջուլֆալակյանը կմասնակցի ՀՀ գավաթի խաղարկությանը

Սոս Սարգսյանի թատրոնն առանց տնօրենի եւ գեղղեկավարի. Չալդրանյանն ազատման դիմում է ներկայացրել

Իրավական առումով անվիճարկելի համապետական ընտրությունների անցկացումն այլևս իրողություն է. «Ժառանգություն»

Դատարան է ներկայացել Հայկ Սարգսյանի դեմ ցուցմունք տված «Կենտրոնի Կյաժը». նիստերի դահլիճում է նաեւ Խաչատուրովի որդին

Հայտնի են ՀՀ-ում նոր կազմավորված զինվորական կոմիսարիատների եւ նրանց տեղակայման վայրերը

Վերջապես ՀՀ-ում ձևավորվում է լեգիտիմ իշխանություն․ Ջավախքի ՀԿ-ների հայտարարությունը

Բարձրացնել որակը եւ նվազեցնել ջրի կորուստները․ Ավինյանն ընդունեց «Վեոլիա»-ի ներկայացուցչին

Աշոցքում ձյունը չի դադարում

Սիրիայում նոր ռազմական գործողություն ենք սկսելու․ Էրդողան

Կինոռեժիսոր Հովհաննես Գալստյանը Լիլիթ Մակունցի աշխատասենյակում դադարեցրեց հացադուլը

Վաչագան Ղազարյանի պաշտպանները ինքնաբացարկի միջնորդություն են ներկայացրել դատավորին. նիստը մեկ ժամով ընդմիջվել է

«Նուբարաշեն» ՔԿՀ-ում հայտնաբերվել է 86.7 գրամ կանաչ գույնի զանգված․ ԱԱԾ է հրավիրվել ոստիկան

Դահուկասպորտի ֆեդերացիայում տարաձայնություններն անցյալում են. Գագիկ Սարգսյան

Օրենքի արգելքի դեմ ցանկացած գործողություն մի փոքր անհասկանալի է լինում. Փամբուխչյան

Արմեն Գևորգյանը մեղադրվում է խոշոր չափերով կաշառքի, փողերի լվացման և սահմանադրական կարգի տապալմանն օժանդակելու համար

2019 թվականի հունվարի 1-ից ծայրահեղ աղքատ թոշակառու Հայաստանում չի լինելու (տեսանյութ)

Զանգեզուրի պղնձամոլիբդենային կոմբինատի ստուգումները չեն ավարտվել

Օր 10-րդ. այսօր հացադուլի մեջ գտնվող ռեժիսորի ծնունդն է, նա կհանդիպի Մակունցին

Ստեփանծմինդա-Լարս ավտոճանապարհը փակ է տրանսպորտային բոլոր միջոցների համար

Զինծառայողը ինքնասպանության փորձ է կատարել