Դպրոցի տնօրենը աշխատաժամից դուրս դառնում է Ձյունանուշիկ․ Գեւորգ Կոստանյան

05/03/2018 schedule19:25

Այսօր ԱԺ-ում պետաիրավական եւ մարդու իրավունքների պաշտպանության հանձնաժողովի արտահերթ նիստ էր։ Նիստը վարում էր արդեն նորընտիր հանձնաժողովի նախագահ Գեւորգ Կոստանյանը։ Քննարկվող հարցերի թվում էր «Հանրաքվեի» մասին նախագիծը։

Ծառուկյան խմբակցության պատգամավոր Գեւորգ Պետրոսյանը հետաքրքրվեց, թե ի՞նչ առաջադիմական նորույթ է պարունակում «Հանրաքվեի» մասին նախագիծը։

«Ընտրական օրենսդրությունում կան թիրախային կետեր, եթե դրանցում փոփոխություն չի կատարվել, մնացածը, կարելի է ասել, դիզայնի համար է, արտաքին շղարշի համար: Մասնավորապես ինչպես գործող Ընտրական օրենսգրքում է, այնպես էլ, փաստորեն, այս օրենքի նախագծում՝ արգելվում է քարոզչություն կատարել եւ ցանկացած բնույթի քարոզչական նյութ տարածել ուսումնական հաստատությունների, մանկավարժական կազմի աշխատողներին՝ իրենց պարտականությունները կատարելիս», նշեց  Գեւորգ Պետրոսյանը:

Պետրոսյանը ասաց, որ նախընտրական քարոզչության ընթացքում խախտումները կատարում են ոչ թե դատավորները, դատախազները կամ քննիչները, այլ հիմնական կեղծարարությունը դրված է մանկավարժների վրա։

Պետրոսյանը նշեց, որ Սահմանադրական դատարանը խախտումներն արձանագրում է, բայց ասում է, որ դրանք չեն կարող ազդել ընտրությունների արդյունքի վրա, դրա համար էլ ՍԴ-ն չի բավարարում ընտրություններն անվավեր ճանաչելու պահանջը:

Պատգամավորն առաջարկեց նախագծում նախընտրական քարոզչության մասում արգելք նախատեսել մանկավարժների մասով:

«Նախորդ ընտրությունների ժամանակ տնօրենները պարզաբանել էին, որ դա աշխատաժամանակից դուրս է եղել: Շատ ներողություն, ես, դուք աշխատաժամանակից դուրս դադարո՞ւմ ենք պատգամավոր լինելուց: Կարո՞ղ է դպրոցի տնօրենը աշխատաժամից դուրս դառնում է Ձյունանուշիկ»,-  պատասխանեց Գեւորգ Կոստանյանը:

Հարակից զեկուցող, հանձնաժողովի նախագահի տեղակալ Ռուստամ Մախմուդյանը նշեց, որ երբ արգելք են դնում, զրկում են մանկավարժներին քաղաքական կյանքին որոշակի առումով մասնակցության տեսանկյունից. «Մանկավարժը միայն դպրոցում է մանկավարժ եւ դպրոցից դուրս իր գործառույթներն իրականացնելիս ինքն ազատ է իր գործողություններն իրականացնելիս, եթե դրանք չեն ստվերում, կամ չեն արատավորում ուսումնական հաստատության հեղինակությունը»: Մախմուդյանը կարծում է, որ այդ իրավունքը չպետք է սահմանափակել:

Գեւորգ Պետրոսյանի առաջարկը չանցավ: Հանձնաժողովի անդամները կողմ էին «Հանրաքվեի մասին» օրենքի փոփոխություններին:

                                                                                               Նիկոլայ Ավետիսյան

Տպել
1444 դիտում

ՀՀ ֆուտբոլի հավաքականի խաղերի ամենաէժան տոմսերը կլինեն 1000 դրամ

Վանեցյանը անձնական միջոցներ չունի, որ ներդնի ֆուտբոլում, բայց կարծում է՝ կարիքը չի էլ լինի

Հայրապետյանը չէր եկել ժողովին, որում Վանեցյանը ընտրվեց ՀՖՖ նախագահ

Նիկողոսյանը եւ Մելիքբեկյանը՝ ՀՖՖ փոխնախագահներ

Ընտրվեց ՀՖՖ գործկոմի նոր կազմը

Արթուր Վանեցյանը ընտրվեց ՀՖՖ նախագահ

Արարատ Միրզոյանը Գյումրու թիվ 40 դպրոցի տնօրեն է նշանակել Մարմաշենի դպրոցի ուսուցչին

12-րդ դասարանում կենտրոնացված ավարտական քննություն կլինի միայն հայոց լեզու առարկայից

Վարդան Մինասյանը հեռացել է ՀՀ ֆուտբոլի հավաքականից

Անկախության տոնին պարգեւատրումներ, ցուցահանդեսներ, «Սուտլիկ որսկան» ու տոնական համերգ Գյումրիում

Սեւ մածուն. մոնստր է, մոնստր

ՀՀՇ-ով մեզ թող չվախեցնեն. ասում է Հովհաննես Հովհաննիսյանը

Ընտրություններին մասնակցող ամենահարուստ ուժը ՀՅԴ-ն է. ունեցվածքը սփռված է ողջ երկրով

Անկախության տոնի առթիվ վարչապետ Նիկոլ Փաշինյանին շնորհավորական ուղերձ է հղել ՌԴ նախագահ Վլադիմիր Պուտինը

Հայաստանի անկախության տոնի առթիվ Թբիլիսիի հեռուստաաշտարակը լուսավորվել է հայոց եռագույնով

GOOGLE որոնողական համակարգը եռագույնով է ներկվել՝ ի պատիվ Հայաստանի անկախության տոնի

Ամենից շատ վճարովի եթերաժամանակ ԲՀԿ-ն է գնել ու գրանցել ռեկորդ. նման ցուցանիշ դեռ չի եղել

Մեգան Մարքլը ներկայացրել է իր խոհարարական գիրքը

Պաշտպանը Գլխավոր դատախազին է ուղարկել Նաիրա Զոհրաբյանի տրամադրած նյութերը

Արագած գյուղում օտարերկրացիներ են մոլորվել