Երևան
13 °C
Առողջապահության նախարարությունը կարծես որոշել է համակարգում փոխել ամեն ինչ ու միանգամից՝ առանց պատշաճ նախապատրաստական աշխատանքների: Արդյունքում՝ էլի խառնաշփոթ է ստեղծել, ու այս անգամ դա առնչվում է ստոմատոլոգներին:
Ստոմատոլոգիական կենտրոնները մարտի վեցից սկսած պետք է ամբողջությամբ միանային էլեկտրոնային առողջապահական համակարգին: Մասնագետների մի մասը, ինչպես օրինակ Շիրակի մարզում աշխատող, տեղյակ են նորամուծության մասին ու նաեւ դրա դեմ բողոքի ակցիաներ անցկացրին, իսկ Երեւանում մեր դիմած ստոմատոլոգների տեղեկությունները կցկտուր էին, այստեղից-այնտեղից լսած:
Էլեկտրոնային առողջապահական համակարգը, որի ներդրումը նախապատրաստվում էր մի քանի տարի, կյանքի կոչվեց առողջապահության գործող նախարար Լեւոն Ալթունյանի պաշտոնավարման շրջանում: Համակարգին պետք է միանան առողջապահական բոլոր հաստատությունները: Հայտարարվող նպատակը արդյունավետության ու թափանցիկության ապահովումն է. այդ հարթակում արտացոլվելու են պացիենտի հերթագրումից, ընդունումից մինչեւ բուժման գործընթաց: Մասնավորապես ստոմատոլոգները դժգոհ են, որ նորամուծությունն ավելացնելու է իրենց ֆինանսական բեռը, որովհետեւ ստիպված են լինելու համակարգիչ ձեռք բերել, ընդունել համապատասխան աշխատակից կամ անձամբ կատարել այդ գործը՝ բավական ժամանակ վատնելով, ամսական 7 000-20 000 հազար դրամ պետք է վճարեն էլեկտրոնային համակարգին միանալու համար: Վճարի չափը կախված կլինի համակարգում գրանցված այցերի քանակից: Բացի այդ, յուրաքանչյուր այցի համար պետք է վճարվի 30 դրամ, յուրաքանչյուր բժշկի ու բուժքրոջ համար՝ ամսական 500 դրամ: Ստոմատոլոգները նաեւ նշում են, որ էլեկտոնային համակարգով աշխատելու դեպքում հնարավորություն չեն ունենալու ընդունել այն պացիենտներին, որոնք չունեն ID քարտ:
Հայաստանի ստոմատոլոգների ասոցիացիայի նախագահ Լազար Եսայանը մեզ հետ զրույցում ասաց, թե իր համար անհասկանալի է՝ ինչի համար են այդ գումարները եւ ինչ հաշվարկների արդյունքում են ձեւավորվել: Նա հույս ունի, որ քննարկումների ընթացքում այդ սակագները կվերանայվեն: Ի դեպ, Լազար Եսայանը տեղեկացրեց, որ ձեռնարկված ու կառավարության որոշման տեսք ստացած փոփոխությունները նախապես չեն քննարկվել ոլորտի մասնագետների հետ: Հանդիպումներ ու քննարկումներ նախատեսվում են միայն հիմա, երբ որոշումն արդեն պետք է գործեր, բայց հանդիպել է դիմադրության:
Ստոմատոլոգների ասոցիացիայի նախագահը կարծում է, որ եթե այս ֆինանսական պարտադրանքը չմեղմացվի, դա կարող է հանգեցնել ստոմատոլոգիական ծառայությունների գների աճի, ինչպես որ եղավ տարիներ առաջ, երբ ստոմատոլոգիական կենտրոնները ստիպված եղան աշխատել հաստատագրված վճարի սկզբունքով: Այն ժամանակ որոշվեց, որ ստոմատոլոգիական յուրաքանչյուր բազկաթոռի համար պետությանը պետք է վճարել 80 հազար դրամ՝ անկախ այն բանից, թե որքան այցելու կլինի: Այդ ժամանակ, ըստ նրա, ծառայությունները թանկացան 10-15 տոկոսով, եւ այժմ էլ հնարավոր է գների նույնքան բարձրացում:
«Այսօր դուրս է գալիս, որ կլինիկայի տնօրենը ստիպված պիտի գնա ստվեր: Այսինքն՝ որպեսզի քիչ գումար վճարի, պացիենտներին չպիտի գրանցի, բժշկին ու բուժքրոջը չպիտի գրանցի»,- ասաց Լազար Եսայանը:
Էլեկտրոնային առողջապահական համակարգի ներդրումը նա ճիշտ է համարում: Նշում է, որ այն արդյունավետ գործիք է ոլորտը կանոնակարգելու, միասնական դաշտ ստեղծելու առումով, բայց դա պետք է արվեր անհրաժեշտ նախապատրաստական աշխատանքներից ու քննարկումներից հետո: «Առողջապահության փոխնախարար Սամվել Մարգարյանը հանձնարարեց, որ մենք նախարարություն ներկայացնենք բոլոր խնդիրները, եւ հնարավորության սահմաններում կփորձեն օգտակար լինել մեզ: Առողջապահության նախարարությունը պատրաստակամ է բոլոր հարցերը քննարկելու եւ լուծում տալու: Սխալը կայանում էր նրանում, որ այս ամենը պետք է նախապես ներկայացվեր, պարզաբանվեր, քննարկվեր, հետո նոր կլինիկաներին ուղարկեին ծրագրեր, որ հունվարի 8-ից պետք է այս քայլը սկսեք եւ մարտի 6-ից տվյալները վերջնական մուտքագրեք: Բնականաբար, երկու ամսվա պարագայում, այն էլ գյուղերում եւ շրջաններում, նման ծախսի տակ նրանք չէին կարող ընկնել»,- լրագրողների հետ հանդիպման ժամանակ այսօր ասաց Լազար Եսայանը:
Էլեկտրոնային առողջապահության համակարգը սպասարկող օպերատորն «Արմեդ» ՍՊԸ-ն է: Ի՞նչ ընկերություն է սա, որտեղի՞ց է հայտնվել, հայտնի չէ: Պետական էլեկտրոնային ռեգիստրում գրանցված է «Արմեդ սեքյուրիթի թեքնոլոջիս» ՍՊԸ անվանումով կազմակերպություն: Հիմնադրման տարեթիվ նշվում է 2003-ը, հիմնադիրների անուն-ազգանունները՝ Նորայր Ավետիսյան եւ Արծրունի Խաչատրյան: Երկուսի կողքին էլ, սակայն, փակագծերում ավելացված է ՝ մասնակցությունը դադարեցված է: Առողջապահության նախարարությունից նույնպես հնարավոր չեղավ այս կազմակերպության մասին տեղեկություն ստանալ: Արդեն երկու օր է՝ գերատեսչությունից չեն պատասխանում ստոմատոլոգիական կենտրոններն էլեկտրոնային առողջապահական համակարգին միանալու վերաբերյալ մեզ հետաքրքրող հարցերին:
Գյումրիում բողոքի ցույց անցկացնող ստոմատոլոգները հայտարարել էին, թե «Արմեդն» իրենց սպառնացել է համակարգին չմիանալու դեպքում զրկել լիցենզիայից: Ստոմատոլոգների ասոցիացիայի նախագահը, լրագրողների խնդրանքով անդրադառնալով այդ խնդրին, պատասխանեց. «Ես միայն մի բան կարող եմ ասել՝ շանտաժով աշխատանք չի վարվում եւ որեւէ մեկը իրավունք չունի ստոմատոլոգներին թելադրել շանտաժով: Չնայած վստահում եմ իմ գործընկերների խոսքին՝ մյուս կողմից նաեւ ուզում եմ չհավատալ, որովհետեւ այլ պարագայում ես ինքս տվյալ շանտաժ անողին կվերաբերվեմ այնպես, ինչպես ինքն է վերաբերվել, որովհետեւ ստոմատոլոգներին պետք է հարգել եւ վերաբերվել որպես ինտելիգենցիայի մի խավի եւ առողջապահության ոլորտի մի ճյուղի: Ինչ է նշանակում շանտաժ անել: Կներեք, ՍՊԸ-ն լիցենզիայից զրկելու իրավունք չունի, նրանք ընդամենը ծառայություն մատուցող կազմակերպություն են: Ես հետագայում կփորձեմ հասկանալ՝ ինչ իրավունքով են նման ձեւով վերաբերվում մեկ այլ ՍՊԸ-ի ղեկավարների հետ»:
Հ.Գ. Հայաստանում գործում է ստոմատոլոգիական 900 կենտրոն: Եթե նրանցից յուրաքանչյուրը Էլեկտրոնային առողջապահության համակարգը սպասարկող օպերատորին ամսական փոխանցի թեկուզ նվազագույն 7 հազար դրամը, ապա կստացվի, որ միայն ստոմատոլոգիական կենտրոնները եւ ընդամենը համակարգին միանալու համար, ընդհանուր առմամբ վճարելու են 6 300 000 հազար դրամ:
Նյութը տպագրվել է «Հայկական ժամանակ» օրաթերթի մարտի 8-ի համարում:
Օդի ջերմաստիճանը կնվազի. լեռնային գոտիներում ձյուն կտեղա
Վաղինակ Քարամյանը որոնվում է որպես անհետ կորած
Սերբիայի Սուպերլիգայի խաղերը հետաձգվել են Նովի Սադում տեղի ունեցած ողբերգության պատճառով
Ղազախստանին առաջարկվել է դառնալ BRICS-ի գործընկեր
Շանհայի համագործակցության կազմակերպության անդամ երկրները դատապարտել են Իրանի ռազմական օբյեկտների վրա հարձակումը
Որքան գումար է 1 օրում հավաքագրվել ուղեվարձը միայն 100 դրամանոցի կամ QR կոդի միջոցով վճարելու տարբերակով
Ալեքսանդր Լազարյանը` ծանրամարտի Եվրոպայի Մ20 տարեկանների չեմպիոն
Դոլարը շարունակում է էժանանալ. ինչ փոփոխություններ է արձանագրել տարադրամի շուկան նոյեմբերի 2-ին
Աքորի գյուղի տներից մեկում հրդեհ է բռնկվել
Ամուսնու կողմից պատանդառված 23-ամյա կինը փրկվել է, ամուսինը՝ վնասազերծվել
Տեղի է ունեցել «Քաղաքացիական պայմանագիր» կուսակցության Արմավիրի մարզի ընդլայնված կազմով նախաձեռնող խմբի նիստ
Վաղուց գործելու ժամանակն է՝ հանուն մեր հայրենիքի շենացման և ուժեղացման. Էդգար Զաքարյան
Անսպասելի իրավիճակ՝ «Ну-ка, все вместе»-ի տաղավարում. ինչպես է Լազարևն օգնել Արփի Աբգարյանին՝ ցատկելով դեպի ժյուրին
Հեղեղված ավտոկայանատեղիներում կարող են մահացած մարդիկ լինել. Իսպանիայում զոհերի թիվը հնարավոր է հասնի 500-ի
Լիլիթ Մակունցը մասնակցել է ԱՄՆ Պետքարտուղարությունում կազմակերպված Դիվալիին նվիրված ընդունելությանը
Ինչ իրավիճակ է հանրապետության ճանապարհներին և Լարսում
Մեքենաների բախումից հրդեհ է բռնկվել. «Օպել»-ի վարորդը մահացել է, կա տուժած (լուսանկարներ)
Էրդողանը դատի է տվել Ստամբուլի քաղաքապետին և ընդդիմության առաջնորդին
Գևորգ Պապոյանն այցելել է Արմավիրի գինեգործարաններ. «Ոսկենի»-ում նախարարը ստորագրություն է թողել անվանական տակառի վրա
Փոփոխություն է կատարվել «Կինեմատոգրաֆիայի մասին» ՀՀ օրենքում. Արթուր Մարտիրոսյանը հանդիպել է Օբիդ Նազարիոնի հետ
Ծանրորդ Միլենա Խաչատրյանը դարձավ Եվրոպայի մինչև 23 տարեկանների փոխչեմպիոն
Իսրայելը կարող է հասնել Իրանի ցանկացած կետ. Նեթանյահու
ՄԻՊ-ը կոչ է արել զերծ մնալ հաստատության հեղինակությունն արատավորող անհիմն հայտարարություններից
Բախվել են «Զիլ»-ն ու «ՎԱԶ 21099»-ը․ վիրավորը հիվանդանոցում մահացել է
Ուր է գնացել Գալստանյանը և ինչ նպատակով, նրան կփոխարինեն այլ անձո՞վ. մանրամասնում է Առաքելյանը
ՄԱԿ-ի շենքում ՀՀ-Ֆրանսիա բարեկամության սենյակի անվանակոչումը Հայաստանի ինքնիշխանության կարևոր խորհրդանիշ է
Միջգերատեսչական հանձնաժողովի նիստում համայնքներից ստացված սուբվենցիայի 50 հայտ է քննարկվել
Գայլերը հոշոտել են գյուղացուն պատկանող մայրացու գառների մեծ մասին, 28-ին փնտրում են
Գառնիում ավտոմեքենա է այրվել
Սկսվել է նոյեմբեր ամսվա կենսաթոշակի վճարման գործընթացը
Սերբիայում երկաթուղային կայարանի տանիքը փլուզվել է. զոհեր ու վիրավորներ կան (տեսանյութ)
Թուրքիայում պատրաստվում են «օտարերկրյա գործակալների» մասին օրինագիծ ընդունել
Հրդեհ է բռնկվել Երևանի շենքերից մեկի տանիքում. դեպքի վայր է մեկնել 3 մարտական հաշվարկ
Նոր ու ժամանակակից․ վերաբացվել է IDBank-ի Արաբկիր մասնաճյուղը
Մուսալեռում 15 մլն դոլարի ներդրմամբ 100 աշխատատեղ է ստեղծվել. Գևորգ Պապոյանն այցելել է «Բաղեշյան» ոսկու գործարան
Աշխատանքային առօրյա. Աննա Հակոբյանը տեսանյութ է հրապարակել
Կոնվերս Բանկ. հասանելի դարձնել ֆինանսները բոլորի համար
62 մլն դրամ՝ հաջողակ տղամարդկանցից սկսնակ գործարարներին․ տեղի է ունեցել «Իմ Քայլը» հիմնադրամի բարեգործական ընթրիքը
Ահազանգ չի ստացվել. ՆԳՆ-ն՝ «Երևան» տոնավաճառում տեղի ունեցած պայթյունի վերաբերյալ լուրի մասին
Հատուկ առիթ և անակնկալներ. վերաբացվել է Ամիօ բանկի «Մասիս» մասնաճյուղը
