Հայաստանի խորհրդարանականների այցը ԱՄՆ «պատմական» է որակվել

Հայաստանն ու Միացյալ Նահանգները հնարավորություն են ստացել կերտելու երկկողմ հարաբերությունների նոր պատմություն, հայտարարել է Վաշինգտոնում գտնվող հայաստանցի խորհրդարանականների պատվիրակության ղեկավար Արփինե Հովհաննիսյանը.

«Ձեզ հետ միասին մենք հնարավորություն ենք ստացել կերտելու նոր պատմություն՝ մեր պատմական ժառանգության, մեր ոգու հիման վրա: Մենք ունենք շատ լավ հիմք հայ-ամերիկյան հարաբերությունների նոր պատմություն կերտելու համար»:

Ինչպես հայտնում է Ամերիկայի ձայնը, ԱՄՆ-ի կոնգրեսականներն իրենց կողմից հայկական կողմին հավաստիացնում են՝ Միացյալ Նահանգները շարունակելու է աջակցել Հայաստանին: «Մենք ցանկանում ենք օգնել Հայաստանին 21-րդ դարում հաջողության հասնել»,- նշում է Կոնգրեսում հայ-ամերիկյան բարեկամության խմբի համանախագահ Ջեքի Սփիրը:

Հայաստանի նման բարեկամների հետ Միացյալ Նահանգներին պետք է զարգացնել հարաբերությունները, շարունակում է Հայոց ցեղասպանության ճանաչման օրենքի նախագծի հեղինակ Դեվիդ Թրոթը.

«Անհրաժեշտ է, որպեսզի դուք իմանաք, որ մենք պատրաստ ենք աջակցել ձեզ թե՛ տնտեսական զարգացման եւ թե՛ քաղաքական ոլորտում: Մենք պատրաստ ենք օգնել Հայաստանի քաղաքացիներին հասնել իրենց արժանի կյանքի մակարդակին»:

Միացյալ Նահանգներում կարեւորում եւ գնահատում են Հայաստանի դերը, ավելի վաղ հայաստանցի գործընկերների հետ հանդիպման ընթացքում նշել էր Ներկայացուցիչների պալատի արտաքին հարաբերությունների հանձնաժողովի ղեկավար Էդ Ռոյսը.

«Ցանկանում եմ շնորհակալություն հայտնել Հայաստանին բազմաթիվ քրիստոնյա փախստականներին, որոնք Իրաքից, Սիրիայից եւ Իրանից էին ժամանել, օթեւան տալու համար»:

Իր կողմից Հայաստանն իրեն դիտարկում է որպես Հարավային Կովկասում Միացյալ Նահանգների կանխատեսելի բարեկամ, նշում է «Ելք» դաշինքի ներկայացուցիչ պատգամավոր Էդմոն Մարուքյանը: Ելույթի ընթացքում նա նաեւ ներկայացրեց նախագահ Թրամփի «Ամերիկան առաջին տեղում» կարգախոսի սեփական մեկնաբանությունը.

«Հայաստանում մեզ անհրաժեշտ է, որ Ամերիկան առաջին տեղում լինի Հայաստանի տնտեսության մեջ ներդրումների չափով, մեզ անհրաժեշտ է, որ Ամերիկան առաջին տեղում լինի Հայաստանում ժողովրդավարության, մարդու իրավունքների եւ հիմնարար ազատությունների խորացման գործում»:

ՀՅԴ անդամ Աղվան Վարդանյանի կարծիքով, այս այցով հայ-ամերիկյան հարաբերություններում բացվում է խորհրդարանական դիվանագիտության նոր փուլ.

«Հայաստանն այսօր լուրջ բարեփոխումների շեմին է եւ այդ բարեփոխումների ընթացքում է կարեւոր, թե որքանով են մեր բարեկամ երկրները մեր կողքին»:

Ամփոփելով այցի առաջին երկու օրերը Արմեն Աշոտյանը նշեց, որ թեեւ այսօր ամերիկացիներից ոչ շատերը կարող են Հայաստանը գտնել քարտեզի վրա, այնուամենայնիվ, Հայաստանում լավ են գիտակցում Միացյալ Նահանգների գլոբալ դերը.

«Խնդրում եմ, նշեք Հայաստանն Ամերիկայի բարեկամների քարտեզի վրա, որովհետեւ մենք ունենք բազմաթիվ ընդհանրություններ. Ամերիկան առաջին հերթին հզոր է մարդկանց ոգով, Հայաստանը՝ նույնպես: Եւ երկրի կարեւորությունը չափվում է ոչ թե տարածքով կամ բնակչությամբ այլ՝ մարդկանց ոգու հզորությամբ»:

Տպել
1613 դիտում

Մի քանի հարյուր հազար դոլարի փոխանցում եւ հանձնառություն. «Իմ Քայլը» հիմնադրամի Մոսկովյան այցի արդյունքները

Ներքին ճգնաժամ ՀԱՊԿ-ում. Բելառուսի սկանդալային դիվանագիտությունը

ԻՐԻՆԱ. քաղցկեղի դեմ պայքարի պատմություն

«Շերեմետեւո»-ում մահացած հայ տղամարդը փորձել էր մտնել ինքնաթիռի շասսիի մեջ

Եվրո 2020-ի վիճակահանությունից առաջ ՀՀ ֆուտբոլի հավաքականն ամենաթույլերի զամբյուղում չէ

Մերժվել է 23-ամյա արտիստի հրաժեշտը կազմակերպելու խնդրանքը. նախարարությունը դեռ չի կողմնորոշվել ընթացակարգի ժամկետներում

Լավագույն ժամանակն է, որ մենք՝ հայերս, եւս մեկ հեղափոխություն անենք. Արմեն Սարգսյան

ԵՄ-ն 850 000 եվրո է տրամադարում խորհրդարանական ընտրությունների վերահսկման համար

Որեւէ մեկը չփորձի ՀՀ քաղաքացուն նվաստացնել՝ 5 հազար դրամ առաջարկելով. վարչապետ

Ինչպե՞ս է հայ տղամարդը մահացել Մոսկվայի օդանավակայանում. ՌԴ ՔԿ-ն տեսանյութ է հրապարակել

Լենա Նազարյանը Facebook սոցիալական ցանցում հրապարակել է «Իմ քայլը» դաշինքի բուկլետը

Բալետի 23-ամյա արտիստի մահվան պատճառ դարձած ավտովթարի դեպքի առթիվ քրեական գործ է հարուցվել

Հայաստանում ոչ թե խոշոր բիզնեսը փոքրանալու է, այլ փոքրը դառնալու է միջին, միջինը՝ խոշոր. Փաշինյանը՝ գործարարներին

Ալիեւը Մինսկում էր. ՀԱՊԿ-ում լուրջ խոսակցություն է հասունանում

Հայրս 5 տարի 8 ամիսը բանտում է, այժմ գամված է անվասայլակին. բաց նամակ՝ Նիկոլ Փաշինյանին

Քրեական հեղինակություն «Շալիկո»-ն տուժող է ճանաչվել

Հայաստանն այլեւս աղքատության երկիր չէ. Նիկոլ Փաշինյան

Արմեն Մելքոնյանը հետ է կանչվել Արաբական պետությունների լիգայում ՀՀ ներկայացուցչի պաշտոնից

ԱՄՆ-ն տրամադրում է 8 մլն դոլար՝ ընտրություններում ՀՀ կառավարությանն օժանդակելու համար

Հենրիխ Մխիթարյանի հարսանիքի օրը դեռ որոշված չէ. նշել է նրա մայրը