Եթե թույնը թափելով ինձ վրա երջանիկ կդարձնեն իրենց կանանց, պատրաստ եմ. Դիանա Գրիգորյան

Սցենարիստ, պրոդյուսեր Դիանա Գրիգորյանը խիստ քննադատության է արժանացել Մովսես Խորենացի մեդալով պարգեւատրվելու համար: Նա պարգեւը Սերժ Սարգսյանից ստացել է երեկ՝ մարտի 7-ին, հեռուստատեսության բնագավառում բարեխիղճ եւ արդյունավետ աշխատանքի համար: Համացանցում մի շարք օգտատերեր կարծիք են հայտնում, որ նրա նախագծերը ցածրորակ են, եւ դրանց համար պարգեւ տալ չի կարելի: «Հայկական ժամանակ»-ի հետ զրույցում Դիանան խոսեց քննադատությունների մասին:

«Ինձ զանգահարում են պարբերաբար, հարցնում են՝ ինչ կասեք քննադատությունների մասին: Ի՞նչ ասեմ, շնորհավորում եմ բոլորին մարտի 8-ի կապակցությամբ, իսկ տղամարդկանց էլ ասում եմ, որ, եթե իրենց թույնը թափելով ինձ վրա մի փոքր ավելի երջանիկ կդարձնեն իրենց կողքի կանանց, մի փոքր ավելի բարի կդառնան իրենց կողքի կանանց համար, հանդեպ, ի սեր Աստծո, պատրաստ եմ, թափեք ձեր թույնը, բայց գոնե բարի եղեք ձեր կանանց, քույրերի, մայրերի նկատմամբ»,- ասաց նա:

Պարգեւը Դիանա Գրիգորյանի համար շատ կարեւոր է: Նշում է, որ երկար տարիներ մեծ սիրով աշխատել է հեռուստադիտողների համար, այս մեդալն ապացույց է, որ իր աշխատանքը գնահատվում է, ինչի համար շատ շնորհակալ է:

«Կարծում եմ՝ յուրաքանչյուր ստեղծագործողի համար գնահատանքը հանդիսանում է ոգեշնչման աղբյուր: Ինձ մոտ աշխատասիրությունը մնում է նույնը, որովհետեւ տարիներ շարունակ աշխատել եմ, ծառայել եմ հեռուստադիտողին: Շատ անսպասելի էր, հուզումնառատ: Օգտվելով նաեւ առիթից ուզում եմ շնորհավորել այն կանանց, ովքեր երեկ ինձ հետ միասին պարգեւատրվեցին: Բոլորը շատ արժանի, յուրաքանչյուրն իր ոլորտում բավական մեծ ակտիվություն ցուցաբերած, բարեխիղճ աշխատած»,- ասաց նա:

Այս շրջանում հեռուստատեսությամբ շարունակվում է նրա «Նռան հատիկ» հեռուստասերիալը: Զուգահեռաբար աշխատում է մեկ այլ նախագծի վրա: Շուտով տարիների դադարից հետո հեռուստաէկրաններ կվերադառնա «Իմ մեծ, չաղ հայկական հարսանիքը» հաղորդումը: Դիանա Գրիգորյանը շատ ուրախ է, որ կրկին հեռուստադիտողին է ներկայացնելու իր ամենասիրելի նախագծերից մեկը:

«Շատ եմ ցանկանում, որ եթեր վերադառնա, համենայնդեպս ինձ համար շատ հայկական նախագիծ: Մի նախագիծ, որտեղ ականատես ենք լինում նոր ընտանիքի ձեւավորման: Մի նախագիծ, որտեղ սիրով տեսնում ես, որ եւս 2 սիրտ իրար գտան միացան եւ այլեւս կդառնան 1 մարմին: Ես շատ-շատ սիրում էի այդ նախագիծը, նաեւ սիրում էի, որ մենք կարողանում էինք մի փոքր աջակցել նոր կազմավորվող ընտանիքին: Մենք մեր կողմից գեղարվեստական փոքրիկ գույներով կգեղեցկացնենք, կնկարահանենք նրանց սիրո պատմությունը, կնվիրենք նրանց սիրո պատմության փոքրիկ ֆիլմը»,- ասաց նա՝ ավելացնելով, որ նկարահանվող զույգերին նվիրելու են ամուսնական ճամփորդության հնարավորություն:

Առայժմ ստեղծագործական անձնակազմը զբաղված է զույգերի պատմությունների հավաքագրմամբ: Երբ հաղորդումը եթեր կբարձրանա, Դիանա Գրիգորյանը չգիտի: Ինչ վերաբերում է նկարահանումներին, կարծում է, որ դրանք հնարավոր է սկսվեն հաջորդ շաբաթվա վերջին:

Տպել
1921 դիտում

Սերժ Սարգսյանի Վաչոն կալանավորվեց

Սերժ Սարգսյանի Վաչոն կրկին կկալանավորվի. դատախազի բողոքը բավարարվել է

Դիլիջանի ոլորաններում փլուզված հենապատը ժամանակավորապես վերականգնվել է

Միլիոնավոր դրամների հափշտակություններ. բացահայտվել եւ կանխվել են կոռուպցիոն հանցագործություններ. ԱԱԾ

Այս պահին քննվում է Ռոբերտ Քոչարյանի խափանման միջոցի վերաբերյալ ներկայացված բողոքը. Քոչարյանը դատարանում է

ՀՀ ֆուտբոլի հավաքականի համար ավարտվում է Ազգերի լիգան.... առա՞նց Եվրոյի 2020 ուղեգրի

Տարոն Մարգարյանը Երեւանում չէ. նրան լուսանկարել են Մոսկվայի «Շերեմետեւո» օդանավակայանում (լուսանկարներ)

Ինչու է ՊԵԿ-ը մտել Գազպրոմ. պարզաբանում է Դավիթ Անանյանը

Քաղաքական գործիչը ձգտում է առավելագույնի. Արայիկ Հարությունյանն՝ ԱԺ նախագահ լինելու մասին

Լիլիթ Արզումանյանի նշանակման հիմքում փորձն ու գիտելիքներն են. Արայիկ Հարությունյան

Մենք կապ չունենք Զուրաբիշվիլիին ուղղված սպառնալիքների հետ. Վրաստանի ընդդիմություն

«Օրենքով գող» Մերաբ Քալաշովը կհանձնվի Ֆրանսիայի իրավապահներին. նա հետախուզվում է 2015-ից

Ավելի քան 13 երկիր ցանկանում է ռուսական C-400 զենիթահրթիռային համակարգեր գնել

Առեւանգել են 14-ամյա աղջկան եւ սեռական հարաբերություն ունեցել. ՔԿ-ն մեղադրանք է առաջադրել

Սվիտալսկին լսե՞լ է «հստակ գաղափարները». Փաշինյանը հանդիպել էր ԵՄ դեսպաններին

Երկու տղամարդ գնում են ԶԱԳՍ ու ասում են՝ ուզում ենք ամուսնանալ, կա՞ օրենք, որ նրանց ամուսնությունը կգրանցվի. վարչապետ

ՀՀ-ում լայն կիրառում է ունեցել «հեռախոսային արդարադատությունը». Զեյնալյանը՝ ՄԱԿ-ի հատուկ զեկուցողին

Քրեակատարողական հիմնարկները կվերանորոգվեն. կառավարությունը 270 մլն հատկացրեց

Մայրապետյանին թույլ կտան տեսակցել ընտանիքի անդամներին եւ ֆինանսավորել «Հ2»-ը. դատախազության պարզաբանումը

Կառավարության նիստերն այսուհետ դռնբաց կլինեն՝ անկախ վարչապետի ցանկությունից