«Ընչի՞, ես առավոտը քու թուշըդ չեմ պաչե՞լ». կյանքը Գյումրու մարտի 8-ի փողոցում

08/03/2018 schedule22:04

 Քաղաքից կտրված ծուռ ու մուռ, քարուքանդ երկար մի փողոց, փոքրիկ-փոքրիկ տներ, նաեւ քայքայված թիթեղյա տնակներ Գյումրի գետակի ափին՝ եղեւնիների հարեւանությամբ: Սա Գյումրու Մարտի 8-ի փողոցն է:  Փողոցի անունը տարվա բոլոր եղանակներին նույնն է, ամիսն որ պրծավ, մեր հասցեն չի փոխվի,-կատակում են  փողոցի բնակիչները:  «Ըստեղ սիրահարվածները շուտ-շուտ իրար փաթըթված կերտային, գուկային, ըդոր հմար էլ փողոցին կըսեին մարտի 8-ի փողոց, ուրիշ բան չիդենք»,-ասում է մարտի 8-ի փողոցի բնակիչ Ստեփանը: Վեռա տատն էլ հիշում է, որ  տարածքը խորհրդային տարիներին հատուկ պահպանվող գոտի է եղել, հենց այդ ժամանակ էլ ստացել է  Մարտի 8 անունը, բայց թե ինչու՞, չի հիշում:

«Առաջ ըստեղ ամեն մարդ չէր կրնա գար, շլամբավոն դրած էր, հատուկ էլ կբացվիր, կփակվիր, ստեղ ռուսական չաստի լվացքատունն էր, մենակ իրանք գուկային, մեկ էլ սպորտսմենները: Իրանք էլ  ստեղ սանատորիա ունեին, գուկային կմարզվեին էլ, կհանգստանային էլ: Սաղ տարածքը ծառ ու ծաղիկ էր, ամառվա ամիսներին էլ գյումրեցիները ընտանիքներով գուկային էդ գետի ափերին պալատկա կզարկեին, քանիմ օր կմնային, կհանգստանային արձակուրդի վախտերը: Բայց ժաշկից հետո սաղ փոխվավ»,-պատմում է փողոցի ամենահին բնակիչը՝ Վեռա Խաչատրյանը:

Լուսանկարում Մարտի 8-ի փողոցի ամենահին բնակիչն է, Վեռա Խաչատրյանը

Անօթեւան դարձած  գյումրեցիներն աստիճանաբար հաստատվել են Մարտի 8-ի փողոցում, տներ են կառուցել ու տնակներ տեղադրել:  Մարդիկ այստեղ իրենց տներում ապրում են առանց սեփականության իրավունքի, ոչ 60ականների բնակարաններն են սեփականաշնորհված, ոչ 90ականներին  կառուցվածները: Բնակիչներն ասում են իրավունք չունենք, քաղաքապետարանում ասել են տարածքը կանաչ գոտի է: Ստացվում է կես դարից ավել այդ բնակարաններում ապրելու իրավունք կա, դրանք սեփականաշնորհելու իրավունք՝ չկա:

 «Մարդ սաղ կյանքն ինչխոր փշի վրա էղնի, ոչ գիտես տուն ունիս, ոչ գիտես տուն չունիս: Ջահել տարիքիցս ստեղ կապրիմ, արդեն 80 տարեկան կեղնիմ, էլի ստեղ եմ, բայց տունը ըդպես էլ սեփականաշնորհած չէ: Հեչ չի բացառվի, որ էս տարածքը վաճառեն, ու մե օրըմ գան, ըսեն ելեք ստեղից: Ու ինչ բդի էղնի էդ ժամանակ, ես չիդեմ»,-հարցնում է Վեռա տատը:

«Ստեղ կապրինք, գիտենք որ մեր տունն է, բայց չենք ուզե մե հիմնականգործըմ էնենք տան վրա, գուզեինք  մոյկի տեղը փոխեինք, քիչմ ձեւափոխություններ էնեինք, արդեն տրամադրվել էինք, էն էլ կսեն թե մինչեւ էս դեկտեմբերի վերջը քաղաք հեչ մե դոմիկըմ չբդի մնա, հմի չիդենք ինչ  էենք, էլի փոշմընանք, ոչ էլ գործը սկսեցինք, ոտաց տակը կմաքրենք, կսիրունցնենք, էդ է, բայց որ թույլ տան սեփականաշնորհենք, շատ լավ կեղնի, արդեն նորմալ տուն կսարքենք, հանգիստ կապրինք»,-ասում է արդեն 30 տարի առանց սեփականության իրավունքի Մարտի 8-ի փողոցում ապրող տիկին Սոֆյան:

Երբեմնի պայծառ  ու աշխույժ  փողոցն այսօր անանցանելի է ու քարուքանդ, չի գործում ռուսական զորամասի լվացքատունը, մարզիկների հանգստյան տունը վաղուց  է փուլ եկել, Գյումրի գետակն էլ աղբով է պատվել:  Տխուր պատկերն այսօր ամբողջացրեցին փողոցում սատկած այս հսկա առնետն ու ամեն քայլափոխի հարձակվող շները: 

Ովքեր բնակարաններ են ստացել, հեռացել են Մարտի 8-ի փողոցից, մնացել են միայն հիմնական բնակիչները:«Մենք մեզի ենք մնացել, բայց դե շատ բան է փոխվել, առաջ էս օրը կհավաքվեինք, դեսերտի սեղանի շուրջը մեր տոնը կնշեինք, կեղնիր որ տղամարդիկ էլ խորոված կենեին, երեխեքը նվերներ կառնեին,հմի սաղ արդեն անցած է, հնից բան չի մնացել, մարտի 8-ից մէ  փողոցի անունը կա, էդ էլ հիշող չկա»,-զրույցն եզրափակում է տիկին Սոֆյան: Ու հենց հիշող չկա խոսքի վրա էլ  հարեւան սենյակից ամուսինը  հակադարձում է. «Ընչի՞, ես առավոտը քու թուշըդ չեմ պաչե՞լ»:

 

Տպել
3740 դիտում

Անկախության տոնի առթիվ վարչապետ Նիկոլ Փաշինյանին շնորհավորական ուղերձ է հղել ՌԴ նախագահ Վլադիմիր Պուտինը

Հայաստանի անկախության տոնի առթիվ Թբիլիսիի հեռուստաաշտարակը լուսավորվել է հայոց եռագույնով

GOOGLE որոնողական համակարգը եռագույնով է ներկվել՝ ի պատիվ Հայաստանի անկախության տոնի

Ամենից շատ վճարովի եթերաժամանակ ԲՀԿ-ն է գնել ու գրանցել ռեկորդ. նման ցուցանիշ դեռ չի եղել

Մեգան Մարքլը ներկայացրել է իր խոհարարական գիրքը

Պաշտպանը Գլխավոր դատախազին է ուղարկել Նաիրա Զոհրաբյանի տրամադրած նյութերը

Արագած գյուղում օտարերկրացիներ են մոլորվել

ՀԱՊԿ-ն Հայաստանից որևէ դիմում չի ստացվել. Միացյալ շտաբի պետը՝ հայ-ադրբեջանական սահմանի լարվածության մասին

Խաղաղ շարժումը մի նոր դարաշրջան բացեց Հայաստանում. Դոնալդ Թրամփի շնորհավորական ուղերձը

Սա առիթ է հիշել մեր երկրների միջև սերտ պատմական կապերը. Էլիզաբեթ 2-րդ թագուհին շնորհավորել է անկախության տոնի առթիվ

«Արսենալը» սկսում է պայքարը Եվրոպա լիգայում. Մխիթարյանը մեկնարկային կազմում է

Պետք է բացահայտվի Ռոբերտ Քոչարյանի մեղսակցությունը. Պողոս Պողոսյանի հարազատները դիմել են ԱԱԾ-ին և դատախազությանը

Անցել է 3 օր, սակայն խուզարկությունների հիմնավորումներ չկան. լրագրողական կազմակերպությունների հայտարարությունը

ՀՀ ոստիկանության պետի ուղերձը Երևանի ավագանու ընտրությունների առթիվ

The Daily Mail-ը կոչ է անում վերականգնել «Զվաթնոցի» հին շենքը

ՔԿ նախագահի տեղակալ Արթուր Ղամբարյանն ընդունել է Երևանում ԵԽ գրասենյակի պատվիրակությանը

Արմեն Սարգսյանը հյուրընկալել է Ջին Բլոքին եւ Էրիկ Էսրաիլյանին. առաջին այցից հյուրերը տպավորված են

ՀՀ-ում է «օրենքով գող» Պզոն (Արմեն Ղազարյանը)

Ես և մեր թիմը հույս ենք դնում ձեզ վրա, այս ընտրություններով պետք է լուծենք համապետական խնդիր. վարչապետ

Քրեական հեղինակություն Դոն Պիպոն ազատ է արձակվել 50 միլիոն դրամ գրավի դիմաց