Սկզբունքների ավիտամինոզ. Հովսեփյանը Հովեյանի փոխարեն

09/03/2018 schedule14:35

Տպագրվել է «Հայկական Ժամանակ» օրաթերթի՝ 2005 թվականի մարտի 10-ի համարում

Չնայած՝ Արտաշես Գեղամյանն ու նրանից հեռացած Նապոլեոն Ազիզյանը պայմանավորվել էին իրենց բաժանման մանրամասները չդարձնել մամուլի սեփականությունն ու միմյանց մասին խոսել հնարավորինս բարեկիրթ տոնայնությամբ, Գեղամյան-Ազիզյան հարաբերությունները գնալով մռայլ նրբերանգներ են ստանում: Եթե մինչեւ վերջերս «Ազգային միաբանության» լիդերները Ազիզյանին համարում էին պարկեշտ մարդ եւ իշխանական ճնշման զոհ, ապա երեկ, «ԱՄ» փոխնախագահ Ալեքսան Կարապետյանը Նապոլեոն Ազիզյանին, սեփական պարկեշտությունը պահպանելու համար, հորդորում էր վար դնել պատգամավորական մանդատը.

«Նապոլեոն Ազիզյանը շեշտում է, որ ինքն ազնիվ ու շիտակ մարդ է: Չկասկածելով նրա ազնվությանը, կարծում ենք, որ ազնիվն այն կլիներ, որ խմբակցությունից դուրս գալուց առաջ Նապոլեոն Սուրենիչը վար դներ պատգամավորական մանդատը: Առաջիկա պատեհ առիթով մենք նրան  այդ հորդորը կուղղենք»- ասում է Ալեքսան Կարապետյանը, նման հորդորը պայմանավորելով այն հանգամանքով, որ Ազիզյանը պատգամավոր է ընտրվել «ԱՄ» համամասնական ցուցակով: Ի դեպ, երեկ արդեն «ԱՄ»-ում ասում էին, որ Ազիզյանը երբեք էլ օրինակելի կուսակցական չի եղել, քանի որ ի հեճուկս կուսակցության որոշման, մասնակցել է Ռոբերտ Քոչարյանի ինաուգուրացիային, ընդունել է սեպտեմբերի 21-ի բանկետի նրա հրավերը, եւ ո՛չ ապրիլի 5-ին, եւ ո՛չ էլ ապրիլի 12-ին չի մասնակցել ընդդիմության եւ ոչ մի հանրահավաքի: Իսկ ինչո՞ւ են այդ ամենի մասին «Ազգային միաբանությունում»  միայն այսօր հիշել. երեկ՝ պատասխանելով մեր այս հարցին, «ԱՄ» փոխնախագահն ասաց. «Որովհետեւ այդ մասին դուք միայն այսօր եք հարցրել»:

Իսկ ինչո՞ւ «ԱՄ»-ն մեկ տարի առաջ  մանդատ վար դնելու հորդորով չդիմեց խմբակցությունը լքած մեկ այլ պատգամավորի՝ Հմայակ Հովհաննիսյանին. «Որովհետեւ Հմայակ Հովհաննիսյանը թե՛ նախագահական, թե՛ ԱԺ ընտրությունների ողջ ընթացքում Արտաշես Գեղամյանի հետ մասնակցել է ընտրողների հետ բոլոր հանդիպումներին եւ հստակ ագիտացիա է տարել, որ ընտրողներն իրենց ձայները տան Արտաշես Գեղամյանին ու «Ազգային միաբանությանը: Այսինքն, մեր կուսակցության ձայների հավաքման գործում Հմայակ Հովհաննիսյանն անմասն չէր»,- ասում է Ալեքսան Կարապետյանը: Ասվածից, բնականաբար, հետեւում է, որ Նապոլեոն Սուրենիչի լուման «ԱՄ»-ում հավասար է եղել զրոյի: 

Ինչեւէ, «Ազգային միաբանության» փոխնախագահը, բացի Նապոլեոն Սուրենիչին ուղղված հորդորից, մի հորդոր էլ նախապատրաստել է Ռոբերտ Քոչարյանի համար. «Օգտվելով առիթից, ես դիմում եմ պարոն Ռոբերտ Քոչարյանին. մի՞թե դուք չեք տեսնում, որ պարոն Աղվան Հովսեփյանի նախասիրություններն ավելի շատ խմբակային պարեր կազմակերպելն է, ոչ թե երկրում օրինականության հաստատումը: Տվե՛ք այդ մարդուն հնարավորություն, որպեսզի նա կարողանա իր հոգուն առավել հոգեհարազատ գործով զբաղվի եւ փրկե՛ք դատախազությունը պարարվեստի մասնագետներից: Կարծում ենք, որ հատկապես այն պարագայում, երբ մշակույթի նախարարն ավիտամինոզ ունի եւ ի վիճակի չէ կատարելու իր անմիջական պարտականությունները, առավել քան հրատապ է մշակույթի ոլորտում օգտագործել Աղվան Հովսեփյանի պարային կարողությունները:

Պետք է արձանագրել, որ հանձինս գլխավոր դատախազի, երկիրը ձեռք է բերել լուրջ կուլտ-մասսավիկի, ուստի ժամանակն է, որ մշակույթի ոլորտում կայացած պրոֆեսիոնալը տեղափոխվի այդ ոլորտ եւ զբաղվի իրեն սիրելի գործով: Եւ քանի որ պարոն Աղվան Հովսեփյանը բացարձակ չի տիրապետում երկրի կրիմինոգեն իրավիճակին, փոխարենը՝ տիրապետում է հեթանոսական շուրջպարերին, կարծում ենք, որ Քոչարյանն այդ գտնված կադրին շուտափույթ պետք է մշակույթի ոլորտ տեղափոխի,  փրկելով դատախազական համակարգը ոչ պրոֆեսիոնալից»,- ասում է «Ազգային միաբանության» փոխնախագահը: 

Այսպիսով, այլեւս սպառված համարելով Նապոլեոն Ազիզյանի միջոցով Աղվան Հովսեփյանի հետ իրենց միջնորդավորված երկխոսությունը, «Ազգային միաբանությունում» իրենց նախկին խմբակից Նապոլեոն Սուրենիչին, սեփական շիտակությունը պահպանելու համար, ընկերական խորհուրդ են տալիս վար դնել պատգամավորական մանդատը, իսկ գլխավոր դատախազին խորհուրդ են տալիս վերապրոֆիլավորվել: Ինչ վերաբերում է լուրերին, որ շուտով Նապոլեոն Ազիզյանի հետքերով գնալու է նաեւ «ԱՄ» հաջորդ ապարանցի անդամը՝ Աղասի Արշակյանը, ապա վերջինս ասում է. «Նման բան չկա եւ չի էլ կարող լինել»: Ուստի, ինչպես նկատում է «ԱՄ» փոխնախագահ Ալեքսան Կարապետյանը՝ Աղասին ուրիշ է. նա սկզբունքային, շատ սկզբունքային տղա է:

Նաիրա Զոհրաբյան

Տպել
1529 դիտում

Կառավարական առանձնատների սպառած ջրի դիմաց կուտակած պարտքը հասնում է 54 մլն դրամի

Եղբորս պահել են ջրհորում, շղթայած. սարսափազդու պատմություն՝ Մ. Գրիգորյանի մասնակցությամբ

Նախարարն ընդունել է Իտալիայի արտակարգ եւ լիազոր դեսպանին

Նիկոլ Փաշինյանն ընդունել է Հայաստանում Չեխիայի դեսպանին

«Արմենիա» ավիաընկերության առաջիկա ծրագրերը` վարչապետի ու հիմնադիր-նախագահի քննարկման թեմա

Առաքել Մովսիսյանը (Շմայս) տեղափոխվել է ԱԱԾ (լուսանկարներ)

Արդարադատության նախարարի այցը՝ Ֆրանսիայի Հանրապետություն

Վարչական վարույթ օտարերկրյա ուսանողների նկատմամբ՝ կեսգիշերին հրավառություն անելու համար

ՀՀ-ն դարձել է Դեղերի տեխնիկական պահանջների ներդաշնակեցման միջազգային խորհրդի դիտորդ

Սաշիկ Սարգսյանի անվան հետ կապվող «Սեքյուրիթի Դրիմ»-ը 1մլրդ 15մլն է հափշտակել (տեսանյութ)

Մանվել Գրիգորյանը զրկվել է Կապանի պատվավոր քաղաքացու կոչումից

Վարույթ է ընդունվել ՀԿ նախագահի կողմից խոշոր չափերով յուրացում կատարելու դեպքով քրգործը

Բրյուսելում կայացավ Հայաստան-Եվրամիություն գործընկերության խորհրդի առաջին նիստը

Կկարողանանք պաշտպանվել Բրազիլիայի դեմ խաղում. Կոստա Ռիկայի գլխավոր մարզիչ

Գյումրիում կեսօրին այրվել է Դավիթ Հարությունյանի ավտոմեքենան

ԱԱԾ-ն շրջափակել է Շմայսի առանձնատունը, գործողություններ են իրականացվում. ԱԱԾ-ն հաստատում է

Հայկ Մարությանը դարձել է «Քաղաքացիական պայմանագիր» կուսակցության անդամ

Որակավորվելու մեր շանսերը դեռ զրոյական չեն. Բրայան Ռուիսը՝ ՀԺ-ի հարցին

Հարցը վերաբերվել է եղբորս աղջկա անձնական կապերին. Վստրեչի Ապերը պատրաստվում է վերադառնալ

Ինչ է կատարվում ԵԿՄ-ում, ով կդառնա միության նախագահը. Սերժ Սարգսյանը՝ թեկնածուների շարքում