Քարուքանդ ճանապարհի պատճառով Կամոյի աղջիկները տանն են մնում. համայնքապետ (լուսանկարներ)

Շիրակի մարզի Ախուրյան համայնքի Կամո բնակավայրի բնակիչները շուրջ 30 տարի պայքարում են ավերված ճանապարհների շինարարության համար: «Հայկական ժամանակ»-ի հետ զրույցում բնակիչները մեկը մյուսին հերթ չտալով, բարձրաձայնում էին ճանապարհների անմխիթար վիճակի մասին:

Համայնքի բնակիչ Սերգո Առաքելյանն ասաց. «Մեր գյուղի երթեւեկությունը շատ վատ է, սարքին մեքենաներ չեն մնացել, ջարդվում են ճանապարհներին երթեւեկելիս: Մենք հարկեր ենք վճարում եւ ուզում ենք, որ դրա 10-20%-ը գոնե տրամադրվի գյուղի ճանապարհների կառուցման համար: Խնդրում ենք, եթե ուզում եք նաեւ կաղաչենք, ճանապարհը կառուցեք, որ մեր ժողովրդի աշխատանքը, չարչարանքը, դառը քրտինքով վաստակած երկու կոպեկն անընդհատ չվատնեն մեքենա նորոգելու համար»:

Բնակիչներից Մկրտիչ Մովսիսյանը մեզ հետ զրույցում նշեց. «Բոլորի դժգոհությունն էլ ճանապարհների համար է, բոլորն էլ ծախսեր են կատարում իրանց մեքենաների վրա, մեկ ամիս հետո նորից նույն խնդիրն է ստեղծվում: Մենք էլ չգիտենք, թե մեր վճարած փողերը ուր են գնում...»:

Գյուղի վարորդներից մի քանիսի հետ, ովքեր կարծես ամենաշատն են տուժում ճանապարհների անմխիթար վիճակից. «Գյուղի ճանապարհներից գոհ լինել չենք կարող, քանի որ ճանապարհների փոխարեն կարծես ձորի միջով ես երթեւեկում, էս պայմաններում մեկ շաբաթից ավել չեն աշխատում մեքենաները: Հաճախակի են կատարվել փոսալցումներ, բայց երկու-երեք օր հետո ձյուն, անձրեւ է գալիս ու էտ փոսերի տեղերում ցեխ է կուտակվում», - մեր զրույցում ասաց վարորդներից Հովհաննեսը:

Վարորդներից մեկը, որը չցանկացավ նշել իր անունը, ասաց. «Ճանապարհերից դժգոհ ենք, ուզում ենք ասֆալտապատվի, արդեն 30 տարի մենք սպասում ենք. խոսակցություններ կան, բայց աշխատանք չկա: Ճանապարհների վատ վիճակից ավտոմեքենաները ամենաշատն են վնասվում: Եթե մեքենան պետք է վերանորոգվի 6 ամիսը մեկ, մեր ճանապարհների պատճառով մենք այդ աշխատանքը կատարում ենք 15 օրը մեկ»:

Կամոյի բնակիչներից Աշոտը եւս մեկ անգամ նշեց ճանապարհային խնդիրը, բայց լավատեսորեն ասաց. «Մենք մեր հավատը չենք կորցնում եւ հավատով սպասում ենք, որ մի օր գյուղի ճանապարհները կտեսնենք բարեկարգված»:

Կամո բնակավայրի ղեկավար Ռոբերտ Ղազարյանը մեր զրույցում ասաց. «Գյուղի ճանապարհների մասին հարցը ամեն տարի բարձրացվել է, բայց այս տարի ճանապարհի կառուցման հարցը մտել է Համաշխարհային բանկի կողմից մշակված ծրագրի մեջ: Այդ ծրագրի համաձայն՝ կառուցումը սկսվելու է 2018 թվականի երկրորդ եռամսյակի ընթացքում: Ճանապարհի վերանորոգման համար մեծ գումարներ են պահանջվում մոտ՝ 280 մլն դրամ: Շինարարությունը կատարվելու է Շիրակից մինչեւ Կամո ընկած ճանապարահատվածում, ընդհանուր երկարությունը 4100 մ է,  5մ 7սմ լայնությամբ, գյուղամիջյան մայթերով եւ ջրատարներով, ամբողջ աշխատանքը կտեւի 2-3 ամիս»:

Ղեկավարը իր խոսքում նշեց նաեւ, որ այն ժամանակ, երբ գյուղի ճանապարհները բարեկարգ վիճակում էին, գյուղի բոլոր աղջիկներն ամուսնանում էին մինչեւ 18 տարեկան, բայց հիմա 30 տարեկանում դեռ տանն են:

Ռիմա Կարճիկյան

Շիրակի պետական համալսարանի լրագրության բաժնի 2-րդ կուրսի ուսանողուհի

Նյութը տպագրվել է «Հայկական ժամանակ» օրաթերթի մարտի 15-ի համարում:

Տպել
5588 դիտում

12-րդ դասարանում կենտրոնացված ավարտական քննություն կլինի միայն հայոց լեզու առարկայից

Վարդան Մինասյանը հեռացել է ՀՀ ֆուտբոլի հավաքականից

Անկախության տոնին պարգեւատրումներ, ցուցահանդեսներ, «Սուտլիկ որսկան» ու տոնական համերգ Գյումրիում

Սեւ մածուն. մոնստր է, մոնստր

ՀՀՇ-ով մեզ թող չվախեցնեն. ասում է Հովհաննես Հովհաննիսյանը

Ընտրություններին մասնակցող ամենահարուստ ուժը ՀՅԴ-ն է. ունեցվածքը սփռված է ողջ երկրով

Անկախության տոնի առթիվ վարչապետ Նիկոլ Փաշինյանին շնորհավորական ուղերձ է հղել ՌԴ նախագահ Վլադիմիր Պուտինը

Հայաստանի անկախության տոնի առթիվ Թբիլիսիի հեռուստաաշտարակը լուսավորվել է հայոց եռագույնով

GOOGLE որոնողական համակարգը եռագույնով է ներկվել՝ ի պատիվ Հայաստանի անկախության տոնի

Ամենից շատ վճարովի եթերաժամանակ ԲՀԿ-ն է գնել ու գրանցել ռեկորդ. նման ցուցանիշ դեռ չի եղել

Մեգան Մարքլը ներկայացրել է իր խոհարարական գիրքը

Պաշտպանը Գլխավոր դատախազին է ուղարկել Նաիրա Զոհրաբյանի տրամադրած նյութերը

Արագած գյուղում օտարերկրացիներ են մոլորվել

ՀԱՊԿ-ն Հայաստանից որևէ դիմում չի ստացվել. Միացյալ շտաբի պետը՝ հայ-ադրբեջանական սահմանի լարվածության մասին

Խաղաղ շարժումը մի նոր դարաշրջան բացեց Հայաստանում. Դոնալդ Թրամփի շնորհավորական ուղերձը

Սա առիթ է հիշել մեր երկրների միջև սերտ պատմական կապերը. Էլիզաբեթ 2-րդ թագուհին շնորհավորել է անկախության տոնի առթիվ

«Արսենալը» սկսում է պայքարը Եվրոպա լիգայում. Մխիթարյանը մեկնարկային կազմում է

Պետք է բացահայտվի Ռոբերտ Քոչարյանի մեղսակցությունը. Պողոս Պողոսյանի հարազատները դիմել են ԱԱԾ-ին և դատախազությանը

Անցել է 3 օր, սակայն խուզարկությունների հիմնավորումներ չկան. լրագրողական կազմակերպությունների հայտարարությունը

ՀՀ ոստիկանության պետի ուղերձը Երևանի ավագանու ընտրությունների առթիվ