Քաղաքացին 14 բեռնատարով անվադողեր է ուղարկում խրամատների հավելյալ ամրապնդման համար

Ժորա Աբգարյան անունով ֆեյսբուքյան օգտատերն 12 «Ուրալ» եւ 2 «Կամազ» մակնիշի մեքենաներով անվադողեր է ուղարկում սահմանների խրամատների հավելյալ ամրապնդման եւ լրացուցիցիչ ինժեներական պաշտպանական աշխատանքների համար:

Վերջինս ֆեյսբուքյան իր էջում քիչ առաջ գրել է.

«Մասամբ իրականացրեցինք մեր առաքելությունը. 12 ՈՒՐԱԼ, 2 ԿԱՄԱԶ անվադող... պատրաստ սպասում ենք մեկնմանը....Հալալ լինի...ԱՍՏՎԱԾ ՕՐՀՆԻ»,- գրել է Ժորա Աբգարյանը եւ տեղադրել լուսանկարներ:

Ժորա Աբգարյանի հրապարակած լուսանկարները, անվադողերով բեռնված մեքենաները պատրաստվում են շարժվել

Ժորա Աբգարյանը

Հիշեցնենք, Ֆեյսբուքյան ակտիվ օգտատեր Վիլեն Գաբրիելյանն էլ շաբաթներ առաջ ֆեյսբուքյան հետեւյալ գրառումն էր արել.

«Հարգելի հայրենակիցներ, ակնկալում եմ ձեր աջակցությունը։

Մեզ անհրաժեշտ են հին, մաշված անվադողեր, որոնք լրացուցիչ ինժեներական պաշտպանական աշխատանքների կարեւոր բաղկացուցիչ մաս են, սահմանների խրամատների հավելյալ ամրապնդման համար։ Անվադողերը եւ Երեւանում մինչեւ պահեստավորման վայր տեղափոխելը ձեր վրա, պահեստավորելը եւ դեպի «դեպքի վայր» պերեկիդկա անելը (տեղափոխելը)՝ իմ։ Եթե մարզերից մարդ լինի ցանկացող, կապ հաստատեք, մի բան կմոգոնենք։ Առաջարկների եւ աջակության դեպքում զանգահարել (097) 77-17-62, հարցնել Ճոճողին կամ պարոն Լեյտենանտին: Սա էլ իմ չունեցած սեփական մեքենայից մի զույգ անվադող իմ կողմից, մի զույգն էլ մի երկու ժամից կլինի: Կանխավ շնորհակալություն»,- ասված է Վիլեն Գաբրիելյանի գրառման մեջ:

Նյութն արդեն հրապարակվել էր, երբ մեզ վերջապես հաջողվեց կապ հաստատել անվադողեր ուղարկող երիտասարդի՝ Ժորա Աբգարյանի հետ:

Պարզվում է՝ Ժորա Աբգարյանը Ապրիլյան պատերազմին զոհված Տիգրան Աբգարյանի ավագ եղբայրն է, եւ իր այս նախաձեռնությունը անհատական է, կապ չունի Վիլեն Գաբրիելյանի հրառման հետ, ինքն այս աշխատանքները սկսել է դեռեւս սեպտեմբեր ամսից.

«Այս գաղափարն իմն է: Անվադողերը մի քանի ամսվա հավաքած են: Հիմա մաս-մաս ուղարկում ենք: Մոտ հիսուն մեքենա հավաքել ենք»:

Մեր հարցին՝ ինչու՞ հենց անվադողեր, եւ ու՞ր են դրանք տանում, Աբգարյանը պատասխանեց, որ սահմանին անվտանգություն ապահովելու համար են անվադողեր ուղարկում.

«Անվադողերը եղբորս կռված, պայքարած սահման են գնում: Ես մեծ ցավ եմ ապրում ամեն անգամ այցելելով այնտեղ ու տեսնելով, թե ինչ վիճակում է գտնվում սահմանը, որտեղ տղերքս կյանք են տվել: Ինձ ոչ մի բան ավել պետք չի, ուղղակի կարողանամ տղերքի կյանքը ամբողջությամբ ապահով դարձնեմ»:

Ժորա Աբգարյանը գործունեությունը Գյումրիից է սկսել: Նրան նախաձեռնության հարցերով օգնում են նաեւ Արցախի Հանրապետության բարձրաստիճան պաշտոնյաներ.

«Գյումրիում Տիգրանիս ընկերներն են հավաքում: Օգնողները մեր ընդհանուր ընկերներն են: Մենք Արցախի հետ նախնական համաձայնություն ունենք, էդպես ենք ուղարկելու»,-մեր զրույցում ասաց Ապրիլյան պատերազմին զոհված Տիգրան Աբգարյանի եղբայրը:

Հ.Գ.  Արցախի նախագահի խորհրդական Տիգրան Աբրահամյանն իր ֆեյսբուքյան էջում գրառում կատարեց՝ անդրադառնալով Ժորա Աբգարյանի նախաձեռնությանը.

«Մեր ավանդական նախաձեռնությունը՝ պագրիշկեքի հերթական քանակը Արցախ տեղափոխեցինք: Այս պրոցեսը կա ու կլինի տարբեր խմբերի կողմից, սակայն հատկանշական է, որ այսպիսի նախաձեռնություններին շատ ակտիվ են հատկապես ապրիլյան մարտական գործողությունների մասնակիցները: Տղերքն իրենց արածի նշանակությունը լավ գիտեն»,-ասված է գրառման մեջ:

 

Տպել
15381 դիտում

Իլ դը Ֆրանսի պատվիրակությունը հարգանքի տուրք է մատուցել Ցեղասպանության զոհերի հիշատակին

ՀՀ ոստիկանության պատվիրակությունը Դուբայում մասնակցում է Ինտերպոլի 87-րդ Գլխավոր Ասամբլեային

Վերին Լարս տանող ճանապարհահատվածը բացվել է մարդատար ավտոմեքենաների համար. դեսպանություն

Առաջիկա օրերին տեղումներ չեն սպասվում, օդի ջերմաստիճանն էապես չի փոխվի

Ես աշխատող, գործ անող պատգամավոր եմ. Նաիրա Զոհրաբյանը Սյունիքում է, շրջում է գյուղերում (տեսանյութ)

ՀՀ նախագահը իտալական ռազմաարդյունաբերական ընկերության ղեկավարի հետ քննարկել է համագործակցության հնարավորությունը

Հրդեհ բնակարանում, կա տուժած. հայտարարվել է բարդության ԲԻՍ-1 աստիճան

Հանդիպել են Հայաստանի և Իտալիայի նախագահները

Հրադադարի պահպանման ռեժիմն այս շաբաթ խախտվել է 80 անգամ, արձակվել է 700 կրակոց

Կադաստրի գրասենյակները Երևանում կաշխատեն նաև շաբաթ-կիրակի, մարզերում՝ առանց ընդմիջման

Գյուղերում տուն կառուցելու համար նոր փոխառություն կտրվի. խորհրդակցություն Կարմիր շուկայում

Ստեփանծմինդա–Լարս ավտոճանապարհը փակ է. ռուսական կողմում կա 435 բեռնատար և 172 մարդատար ավտոմեքենա

Թուրքիայում Աթաթուրքի արձանը պղծելու համար պատանիներ են ձերբակալվել

Լարսում խցանման մեջ հայտնված վարորդների համար սնունդ, տաք ջուր, դեղորայք է ապահովվել. Փամբուխչյան

Ամենայն Հայոց Կաթողիկոսի ձեռամբ օծվեց Նովոսիբիրսկի նորակառույց եկեղեցին

Գոռ Վարդանյանն այդ օրը փրկել է ինձ. Մարինա Խաչատրյանը՝ քաղաքապետարանի հայտնի միջադեպի մասին

Լարսը շարունակում է փակ մնալ. ռուսական կողմում 400 մարդատար և 150 բեռնատար ավտոմեքենա է մնացել

Գյումրիում ավտոլվացման կետ է այրվել. մեկ մարդ հոսպիտալացվել է տարբեր աստիճանի այրվածքներով

Մարուքյան, Թանդիլյան, Բաբաջանյան, Գորգիսյան. «Լուսավոր Հայաստան»-ի 157 հոգանոց համամասնական ցուցակը

Շոկային սկիզբը, Յուրայի պոկերը ու ՀՀ ֆուտբոլի հավաքականի ջախջախիչ հաղթանակը