Դպրոց են մտնում «Չումբո»-ները. ԿԳՆ-ն հատուկ շրջաբերական է տարածել

ՀՀ կրթության եւ գիտության նախարարությունը շրջաբերական նամակով դիմել է Երեւանի քաղաքապետարանին եւ ՀՀ մարզպետարաններին՝ առաջարկելով հանձնարարել իրենց ենթակա ուսումնական հաստատություններին՝ միջազգային եւ հասարակական կազմակերպությունների հետ համագործակցություն իրականացնելիս նախապես տեղեկացնել ՀՀ կրթության եւ գիտության նախարարությանը:

Ինչպես հայտնում են ԿԳն-ի մամուլի ծառայությունից, նույն հանձնարարականը տրվել է նաեւ ՀՀ կրթության եւ գիտության նախարարության ենթակա ուսումնական հաստատություններին:

Սա, թերեւս կարելի է համարել վերջերս «Չումբո» նախաձեռնող խմբի՝ ԿԳՆ-ի հետ համատեղ Երեւանի դպրոցների աշակերտների հոգեւոր-մշակութային դաստիարակման եւ ժամանցի կազմակերպման վերաբերյալ, տարածած սկանդալային հաղորդագրության ու տեսանյութի պատասխանն է: Սա մեծ անհանգստություն էր առաջացրել ծնողների ու մասնագիտական հանրության շրջանում։

Չնայած ԿԳՆ հերքման հայտարարություն տարածեց՝ հավաստիացնելով, որ հավանություն չի տվել խմբի ներկայացրած ծրագրին, սակայն այդ հերքումից հետո տարածված հաջորդ տեսանյութը փաստում էր, որ դեռեւս անցյալ տարի «Չումբո» նախաձեռնող խմբի կազմակերպած «ժամանցային քեֆերը»-ը ԿԳՆ եւ Մշակույթի փոխնախարարին կողմից արժանացել է բարձր գնահատականի:

Այդ նույն խումբը, որ տարիներ շարունակ զբաղվել է նաեւ Երեւանի գիշերային ակումբներում փարթիների կազմակերպմամբ, անցյալ տարի ռեստորանային խնջույք էր կազմակերպել ավելի քան 40 հազար տարբեր տարիքային աշակերտների համար՝ խախտելով զանգվածային միջոցառումների անվտանգության տարրական պայմանները, խեղաթյուրելով երեխաների կրթական, մշակութային ժամանցի անհրաժեշտ պահանջները:

Հատկապես մտահոգիչ է «Չումբո» նախաձեռնող խմբին աջակցելու եւ սատարելու ՀՀ ԿԳՆ-ի պատրաստակամությունը: Այս մասին վկայում են տվյալ խմբի հրապարակած տեսագրությունում ԿԳ նախարարի խոսքերն ու ցուցաբերած վերաբերմունքը, ինչպես նաեւ ՀՀ ԿԳ նախարարի, փոխնախարարի, ՀՀ մշակույթի փոխնախարարի, Երեւանի քաղաքապետարանի պատասխանատու ստորաբաժանումների պաշտոնյաների ամենաբարձր մակարդակով տվյալ նախաձեռնող խմբի անդամների հետ հանդիպման ու քննարկման փաստը:

Թեպետ խմբի ղեկավարները պնդում են, որ ազգային երգ ու պարերով ուղեկցվող «բարեգործական միջոցառումներին» դպրոցականների մասնակցությունն անվճար է, սակայն մամուլում քիչ չեն հրապարակումներն առ այն, որ իրականում հայրենասիրական խնջույքների անվան տակ պարզ բիզնես ծրագիր է կյանքի կոչվում: 

Ըստ մամուլի հրապարակումների, գործում է բավականին տրիվիալ սխեմա՝ մի վայրում հավաքել հազարավոր պատանիների եւ ստեղծել տպավորություն, որ կազմակերպվել է ժամանցային միջոցառում, իսկ իրականում ներկաների վրա արագ սնունդ եւ գազավորված հեղուկ վաճառել, որը մեկ օրվա կտրվածքով կարող է մի քանի միլիոնի հասնող եկամուտ ապահովել կազմակերպիչներին:

Միեւնույն ժամանակ, մասնագետները վկայում են «Չումբո» նախաձեռնող խմբի կողմից առաջարկվող ձեւաչափով դպրոցականների համար մասսայական խնջույքների նախաձեռնումն ու կազմակերպումը չի համապատասխանում կրթության զարգացման ժամանակակից նպատակներին, ինչպես նաեւ աշակերտների ազատ ժամանցի կազմակերպման համաշխարհային մոտեցումներին ու սկզբունքներին: Ավելին, բովանդակային վերլուծության դեպքում այն հակասում է ազատ ժամանցի կազմակերպման մանկավարժական մոտեցումներին եւս։

Տպել
1570 դիտում

Շոկային սկիզբը, Յուրայի պոկերը ու ՀՀ ֆուտբոլի հավաքականի ջախջախիչ հաղթանակը

Ծեծկռտուք Արտաշատի զինկոմիսարիատում. ըստ քաղաքացու ահազանգի՝ կապիտանը կոտրել է իր քիթը

Պարզաբանումներ եմ պահանջելու Բելառուսի ու Ղազախստանի նախագահներից. Փաշինյանը՝ ՀԱՊԿ նիստի զարգացումների մասին

Ոստիկանությունը օպերատիվ տվյալներ է ստացել, որ Երեւանում հիպնոսի միջոցով փող են կորզում

Ջիբրալթար-Հայաստան ֆուտբոլային հանդիպման մեկնարկային կազմերը

Երկու օր առաջ Հայաստանում էր, հիմա՝ չգիտեմ. Շարմազանովը՝ Տարոն Մարգարյանի գտնվելու վայրի մասին

Աշխարհը չէի փոխի քո հետ. Սիրուշոն շնորհավորել է Լեւոն Քոչարյանի ծնունդը

Իրական ընդդիմություն կձեւավորվի ընտրություններից հետո

Արսեն Ջուլֆալակյանն ու լրագրողը պարզաբանել են թյուրիմացությունը

Նոր մանրամասներ հոկտեմբերի 27-ին նռնակով կառավարության շենք ներխուժման դեպքից. պարզվել է՝ ով է նա

Արցախի պետնախարար Մարտիրոսյանն ընդունել է Արցախի պետական համալսարանի ուսանողների

Այդ տարածքը իմն է, իմ սեփականությունն է. Լոռու մարզպետը՝ սեփական ատամնաբուժարան կառուցելու մասին

Մարկոս Պիզելին՝ Ղազախստանի առաջնության լավագույն ֆուտնոլիստ

Քաղաքապետն ընդունել է ՀՀ-ում ԵՄ դեսպան Պյոտր Սվիտալսկիին

Վաչագան Ղազարյանը ցուցմունք է տվել. քննարկվում է կրկին գրավի միջնորդությամբ հանդես գալու տարբերակը

Ավան վարչական շրջանի ղեկավարը հրաժարական է տվել

23-ամյա Վահագնի շնորհիվ մարդկանց կյանքեր կփրկվեն. արյան տարբեր խումբ ունեցողներ շարունակում են արյուն հանձնել

Վարչապետ Նիկոլ Փաշինյանի միջնորդությամբ Սիմոն Մարտիրոսյանն ու Գոռ Մինասյանը կպարգեւատրվեն

Հույս ունեմ կկարողանանք Աբաջյանի հերոսությանն արժանի ապրել՝ անկախ նրանից` ինչով ենք զբաղվում. Փաշինյան

Հայ մարզիչը ղազախական ակումբի մանկապատանեկան ֆուտբոլը ղեկավարելու ու Հենոյի գեղեցիկ քայլի մասին