Նստացույցի մասնակիցներից մեկին բերման են ենթարկել, ոստիկանությունը հերքում է

Արդեն երկրորդ օրն է՝ ազատամարտիկ, նախկին քաղբանտարկյալ Վոլոդյա Ավետիսյանը ընկերների հետ շուրջօրյա անժամկետ նստացույց է անում Ազատության հրապարակում: Նստացույցի պատճառը «Ժիրայր Սեֆիլյանի եւ մյուսների գործով» օրերս հրապարակված դատավճիռներն են:

Նստացույցի մասնակիցներից մեկն այսօր ֆեյսբուքյան իր էջում գրառում է կատարել, որ ոստիկանությունն այցելում է նստացույցի մասնակիցների տները, և քանի որ նստացույց անող երիտասարդները չեն պատրաստվում ներկայանալ ոստիկանություն, հնարավոր է՝ բերման ենթարկեն նրանց հարազատներին.

«Հարգելի իրավաբաններ և լրագրողներ, խնդրում եմ արձագանքել, Ազատության հրապարակում նստացույց անող երիտասարդները ձեր օգնության կարիքն ունեն, ոստիկանությունը այցելում է նրանց տներ և հնարավոր է բերման ենթարկեն ընտանիքի անդամներին, որովհետև նստացույց անողները չեն պատրաստվում ներկայանալ ոստիկանություն»,-ասված է նստացույցի մասնակից Գ. Ադյանի գրառման մեջ։

Ակցիայի մասնակիցներից մեկը մեր զրույցում ասաց, որ գիշերը ժամը չորսի մոտակայքում հարբած երեք տղամարդիկ են եկել, որոնք, իր կարծիքով, սադրիչ ոստիկաններ են եղել.

«Իրենց ասածն էն էր, որ եկել են լրացնեն ցուցարարների շարքերը, ժարգոնով, հարբած խոսում էին՝ խփենք, բռթենք: Սադրիչ ոստիկաններ էին, բայց ոստիկանական համազգեստով չէին: Սա ենթադրություն է, որ ոստիկան էին, բայց իրենց տեսքից անզեն աչքով երեւում էր, վատ էին խաղում իրենց դերը»,-մեր զրույցում ասաց նստացույցի մասնակիցներից մեկը:

Վերջինս պատմեց, որ գիշերը Օպերայում լուսացրած ցուցարարներից մեկի մորը իրենց բնակավայրում՝ Ապարանում, ոստիկաններ են այցելել.

«Գիշերը Արթուրին զանգեց իր մայրը, ասաց՝ ի՞նչ գործ ունես, տուն արի, թաղայինն ա եկել: Հետո Արթուրին ասել է, որ Երեւան է գալիս, որպեսզի ինչ-որ խնդրով հիվանդանոց գնան: Առավոտվա կողմերը մայրը էլի զանգեց, ասեց, որ Արթուրը գնա՝ գնան հիվանդանոց: Արթուրն էլ գնաց, հետո դարձավ անհասանելի»,-ասաց ակցիայի մասնակիցը:

«Հայկական ժամանակ»-ի հետ հեռախոսազրույցում Արթուր Մարգարյանն ասաց, որ այսօր ցերեկը քաղաքացիական հագուստով, բայց ոստիկան ներկայացած մի քանի անձինք իրեն քաշքշելով բերման են ենթարկել Ապարանի ոստիկանության բաժին.

«Մայրս գիշերը զանգել էր, հետո առավոտը եկավ Երեւան: Երբ գնացի, իրար հետ քայլում էինք, ոստիկններ եկան, ասացին, որ պետք է իրենց հետ գնամ: Չասացին՝ ովքեր են, ուր պիտի գնամ, մենակ ներկայացան, որ ոստիկան են»:

Ոստիկան ներկայացած անձինք քաղաքացիական հագուստով եւ քաղաքացիական մեքենայով են եղել եւ Արթուրին տարել են փողոցից.

«Ես ասացի, որ փաստաբան ունեմ, եւ որ իրենք սպասեն, մինչեւ գա, բայց չսեցին, ինչ-որ հեռախոսազրույց ունեցան, քաշելով ավտո նստցրին, տարան: Բերեցին Ապարանի բաժին, բայց շատ արագ բաց թողեցին: Շատ կարճ ժամանակ հետո ասացին՝ ստեղից շուտ գնա: Երեւի արդեն աղմուկ էր բարձրացել: Ասացին՝ տնից չհեռանաս, բաժին կտանենք ծնողներիդ»,-ասաց Արթուր Մարգարյանը:

Արթուրին ազատ արձակելուց հետո ոստիկանները նրա հետ այլեւս կապ չեն հասատել: Հիմա նա գտնվում է Ապարանում: Վերջինս մեր զրույցում ասաց, որ ինքը ցանկանում է մասնակցել նստացույցին, բայց ոստիկանները Ազատության հրապարկում հսկողություն են սահմանել, որ մարդիկ չհավաքվեն:

ՀՀ ոստիկանության ԶԼՄ-ների հետ կապի, լրատվության և վերլուծության բաժնի պետ Էդգար Ջանոյանը «Հայկական ժամանակ»-ի հարցին՝ ինչու՞ են ոստիկանները քաղաքացիական հագուստով ու քաղաքացիական մեքենայով բերման ենթարկել Արթուր Մարգարյանին, պատասխանեց.

«Արթուր Մարգարյանի մայրը չի իմացել իր որդու գտնվելու վայրը, եկել է ոստիկանություն, ոստիկաններն էլ ճշտել են տղայի գտնվելու վայրը, նրան հայտնաբերել են եւ հանձել ծնողներին»,-ասաց Ջանոյանը:

Մեր դիտարմանը, որ Արթուրի խոսքով՝ իրեն քաշքշելով են տարել, Էդգար Ջանոյանն ասաց.

«Արդեն ասացի՝ մենք նրան հայտնաբերել ենք, ներկայացրել ծնողներին: Մայրն է դիմել ոստիկանություն»,-եզրափակեց ՀՀ ոստիկանության ԶԼՄ-ների հետ կապի, լրատվության և վերլուծության բաժնի պետ Էդգար Ջանոյանը:

Հստակեցնելու նպատակով կրկին կապ հաստատեցինք Արթուրի հետ: Վերջինս հերքեց Ջանոյանի մեկնաբանությունը՝ հավելելով. «Ոչ թե մայրս է գնացել ոստիկանություն, այլ ոստիկաններն են եկել տուն, տարել բաժին եւ համոզել, որ գրի, թե չգիտի իմ գտնվելու վայրը: Այնինչ, մենք խոսել էինք, ես տեղյակ էի պահել, թե որտեղ եմ: Մորս ասել են՝ եթե մենք չգնանք, ԿԳԲ-ն է գալու՝ բերման ենթարկի»:

Արթուրի հավաստմամբ՝ մայրը, գնահատելով իրավիճակը, գրել է դիմումը, ոստիկանությունն էլ արձագանքել է համապատասխան դիմումին:

 

Տպել
4827 դիտում

Որ բանկերի քարտապանները կարող են օգտվել հետվճարի ծրագրից

ԵՄ արտգործնախարարները վերահաստատել են իրենց աջակցությունը Հայաստանին

Դիլիջանի ոլորանները փակ են բեռնատարների համար, մի շարք շրջաններում ձյուն է տեղում

ԱԺ-ն նոր պատգամավոր ունի. Դավիթ Կարապետյանը երդմամբ ստանձնել է պատգամավորի մանդատը

Բախվելուց հետո մեքենաներից մեկը բռնկվել է. ներսում հայտնաբերվել է 4 ուղևորի դին, վարորդի վիճակը ծանր է (լուսանկարներ)

«Միր» քարտերը կդադարեն աշխատել Հայաստանի գրեթե բոլոր բանկերի բանկոմատներում

Միքայել Վարդանյանը Մասիսին նվիրել է 117 մլն դրամ արժողությամբ աղբահավաք մեքենաներ և 230 աղբաման

Սահմանը կանցնի իմ տան միջով, զինվորների ներկայության դեպքում ինչպե՞ս ենք ապրելու էդ տանը. վարչապետը պատասխանել է բնակչին

Սա մեր ապագան կառուցելու միակ տարբերակն է, հեշտ հարց չէ. վարչապետը՝ Կիրանցի բնակիչներին (տեսանյութ)

Վարչապետը տիկնոջ հետ ներկա է գտնվել «...և նորից Գարուն» ներկայացմանը (լուսանկարներ)

Ինչ պայմանավորվածություն է ձեռք բերվել Փաշինյանի՝ Տավուշ այցի ժամանակ. մանրամասներ (լուսանկարներ)

Ես չեմ վիրավորում, ասում՝ «գյադեն հերդ ա», քոքից բռնվեք, կհանդիպենք․ Հովհաննես Դավթյանը՝ Արզաքանցյանին

Մենք պետք է թույլ չտանք պատերազմի սկսում․ ինչ է ասել վարչապետը տավուշցիների հետ հանդիպմանը

Պուտինն իրեն լեգիտիմություն տվեց՝ այլանդակությունները շարունակելու համար, ՌԴ-ին բարի ճանապարհ դեպի գերեզման. Սուքիասյան

Երևանն այս տարի կունենա 20 հա տարածք զբաղեցնող տնկարան, կտնկվի 2000 ծառ

ԱՄՆ-ն մտադիր չէ շնորհավորել Ռուսաստանի նախագահին ընտրություններում հաղթելու համար․ Պատել

Ամեն խաղի պետք է պատրաստվենք, ինչպես վերջինի․ Հարոյանը՝ Կոսովոյի հավաքականի հետ խաղի մասին

Հայաստանի և Մալթայի ԱԳՆ պաշտոնյաների խորհրդակցությունների ընթացքում անդրադարձ է եղել ՀՀ-ԵՄ գործընկերության խորացմանը

ՌԴ ԿԸՀ-ն ավարտել է ձայների հաշվարկը․ ընտրողների 87,28% քվեները Վլադիմիր Պուտինինն է

Նռնակ, պայթուցիչ ու փամփուշտներ․ Կապանի բնակիչը փրկարարական ջոկատում հանձնել է ԼՂ-ից բերված զինամթերքը

Վրաստանի ԱԺ կրթության հանձնաժողովի նախագահը գալիս է Հայաստան․ մանրամասներ

Մկրտչյանը ԱՄՆ ՄԶԳ փոխկառավարչի հետ քննարկել է ԼՂ-ից բռնի տեղահանվածներին աջակցության հարցում համագործակցությունը

Ինչ իրավիճակ է ՀՀ ճանապարհներին ժամը 20։00-ի դրությամբ

Վրաստանը պետք է ավելին անի Ռուսաստանին զսպելու համար․ ՆԱՏՕ-ի գլխավոր քարտուղար

Երկու երիտասարդ վիճել են տաքսու վարորդի հետ, ապա դանակահարել ուղևորին

Պուտինը հանդիպել է ՌԴ նախագահի թեկնածուների հետ, առաջարկել շարունակել ակտիվ համատեղ աշխատանքը

Հայաստանը հստակ դիրքորոշում ունի հասնել խաղաղության․ նախագահը հանդիպել է ֆրանսիացի մտավորականների հետ

Բորիս Բախշինյանը նշանակվել է Արարատի և Վայոց ձորի մարզերի առաջին ատյանի ընդհանուր իրավասության դատարանի դատավոր

Իսակովի պողոտայում՝ ռուսական եկեղեցու դիմաց, «ԿամԱԶ»-ը վրաերթի է ենթարկել հետիոտնին

ՀՀ ԱԳՆ պատվիրակությունը Բրյուսելում մասնակցել է Եվրոպական միության Արևելյան գործընկերության Ավագ պաշտոնյաների հանդիպմանը

Բայրամովը Լուիս Բոնոյի հետ հանդիպմանը վերահաստատել է Ադրբեջանի հանձնառությունը խաղաղության գործընթացին

Արտուր Հարությունյանը նշանակվել է Շիրակի մարզի առաջին ատյանի ընդհանուր իրավասության դատարանի դատավոր

Հակոբ Բալայանն ու Երևան քաղաքի ավագանու անդամ Միքայել Խաչատրյանը շրջայց են իրականացրել Էրեբունի վարչական շրջանում

Գորիսում 3 անձի նկատմամբ մահափորձի վարույթով հետախուզվող տղամարդը հայտնաբերվել է. մանրամասներ

ԱԺ-ում տեղի է ունեցել «Քաղաքացիական պայմանագիր» խմբակցության նիստը․ քննարկվել են տեղահանվածներին տրամադրվող ծրագրերը

Հռոմի Պապը չի շնորհավորել Պուտինին նորից վերընտրվելու համար․ Սուրբ Աթոռից հերքում են տեղեկությունները

Շիրակի մարզպետարանի կալանավորված պաշտոնյաների լիազորությունները կասեցվել են

Ինչ իրավիճակ է Ստեփանծմինդա-Լարս ավտոճանապարհին

Դուք շարունակում եք շարժվել Բուխարեստի գագաթնաժողովի որոշմամբ, Վրաստանը կդառնա ՆԱՏՕ-ի անդամ․ Ստոլտենբերգ

Քանաքեռավանի գազալցակայանում «Պեժո»-ի լիցքավորման պահին տեղի ունեցած պայթյունի հատկանիշներով նախաձեռնվել է քրվարույթ