Էդգար Էլբակյան կրտսերի ձայնասկավառակի շնորհանդեսը. ներկա էր ընտանիքը, մշակույթի նախարարը  

Կայացավ Էդգար Էլբակյան կրտսերի երգերի ձայնասկավառակի շնորհանդեսը: Միջոցառմանը ներկա էին ծնողները՝ Արմեն եւ Աննա Էլբակյանները, քույրը՝ Լիլի Էլբակյանը, ամուսնու հետ, մտերիմ ընկերը՝ նախաձեռնության հեղինակ Ստեփան Ղամբարյանը, ՀՀ Մշակույթի նախարար Արմեն Ամիրյանը եւ ընտանիքի մտերիմները: Էդգար Էլբակյանը կյանքից հեռացել է տարիներ առաջ՝ 18 տարեկան հասակում, սակայն հասցրել է գրել այնպիսի ստեղծագործություններ, որոնք երգեր են դարձել ու սիրվել: 2017-ի հոկտեմբերին դրանք լսարանի դատին հանձվեցին «Երգ երգոց» հաղորդման շրջանակներում: Այսօր՝ մարտի 23-ին էլ ներկայացվեցին արդեն 1 ձայնասկավառակում՝ «Ընկերոջս» խորագրով: Լրագրողների հետ զրույցում դերասանուհի Աննա Էլբակյանը պատմեց, որ որդին երգել է դեռ 8 ամսականից:

«8 ամսականից սկսել էր երգել, դեռ չէր քայլում, եւ բոլորը զարմանում էին, ուժեղ ռիթմի զգացողություն ուներ, եւ երբ փոքր էր, ուզում էր, որ իրեն հեքիաթի փոխարեն Շեքսպիր կարդայինք: Ուրիշ ծնողներն ինձ ասում էին՝ ինչո՞ւ եք ծանրաբեռնում ձեր երեխային, բայց ես հասկանում էի... չգիտեի, որ այսպես կլինի, բայց հասկանում էի, որ ուղղակի հեքիաթները, մանկական ներկայացումները նրա համար քիչ են, երեւի պետք է հասցներ»,- ասաց նա:

Աննա Էլբակյան

Արմեն Էլբակյանը պատմում է, որ Էդգարի ստեղծագործությունները դեռ փոքր հասակից արժանացել են գրողների հավանությանը: Գրողների միության անդամները ցանկացել են տպագրել նրա աշխատանքները, երբ դեռ ընդամենը 14 տարեկան է եղել: Գրողներից մեկը նրանց հայտնել է այդ մասին, սակայն Էդգարին գաղափարը դուր չի եկել:

«Ձեռքիցս քաշեց, ասաց. «Պա՛պ, մի բան ասեմ: Ասա թող չտպագրեն»: Ասացի՝ ինչո՞ւ, որովհետեւ, որ 14 տարեկան երեխային ասես՝ քո բանաստեղծությունները տպագրվելու են, չեմ կարծում, որ ուրախությունից երկինք չթռչի: Ասացի՝ ինչո՞ւ, ասաց՝ ես դեռ պատրաստ չեմ: Այս երգերն Աննայի հետ երգում էին խոհանցում մի կիսաջարդած կիթառի վրա, լուցկով ռիթմ էր խփում Էդգարը: Սա, ինչ-որ տպվել է, այն ստեղծագործություններն են, որոնք նա համարում էր, որ պատրաստ չէ հրապարակել»,- ասաց նա՝ շնորհակալություն հայտնելով՝ նախաձեռնության հեղինակ՝ Ստեփան Ղամբարյանին եւ մշակույթի նախարար Արմեն Ամիրյանին՝ աջակցելու համար:

Արմեն Էլբակյան

Ստեփան Ղամբարյանն Էդգարի մտերիմ ընկերն է: Երգերը ձայնագրելը, «Երգ երգոցի» շրջանակներում ներկայացնելը եւ ձայնասկավառակ թողարկելը նրա գաղափարն է եղել: Ուրախ է, որ երգերը սիրվեցին: Շնորհակալ է «Երգ երգոցի» ողջ անձնակազմին, ինչպես նաեւ բոլոր երաժիշտներին, որոնք իրենց ջանքերն են ներդրել, նպաստել են իր նախաձեռնությունը կյանքի կոչելուն: Ընդգծում է, որ նպատակը եղել է ընկերոջն արժանին մատուցելը:

«Այս նախաձեռնությունը ընկերների ոչ լիարժեք մատուցված պարտքն է ընկերոջը»,- ասաց նա՝ ավելացնելով, որ մտածում է նաեւ տեսահոլովակներ նկարահանելու շուրջ:

Ստեփան Ղամբարյան

Ստեփան Ղամբարյանի նախաձեռնությանն աջակցել է ՀՀ Մշակույթի նախարարությունը: Ըստ նախարար Արմեն Ամիրյանի՝ Էդգարի ստեղծագործություններն իսկապես արժանի էին հրապարակվելուն եւ հանրության դատին հանձնվելուն: Նա ընդգծում է, որ Էդգարը շատ տաղանդավոր է եղել:

«Այսօր մշակութային դաշտում շատ դժվար է գտնել արվեստի այն առկայծումները, որոնք արժանի են պետական հովանավորության: Ճանաչել եմ Էդգարին, բայց ապշել էի, երբ արդեն հիմա սկսեցի ծանոթանալ նրա ստեղծագործություններին. այդ տարիքում այդքան երաժշտականություն, այդքան զգացական ներաշխարհ եւ ամենակարեւորը՝ այդքան խորը փիլիսոփայություն... կարծում եմ՝ սա արժանի է հատուկ ուշադրության: Երգերից մի քանիսը նոմինացված են «Ծիծեռնակ» մրցանակաբաշխությանը: Մեկն արժանացել է մրցանակի. տեղյակ եմ ժյուրիի գնահատականին եւ շտապում եմ բարձրաձայնել, բայց չեմ ասի, թե որն է»,- ասաց նա:

Արմեն Ամիրյան

Ձայնասկավառակի թողարկման հետ մեկտեղ վերահրատարակվել է նաեւ Էդգարի՝ «Գծից այն կողմ...» խորագրով բանաստեղծությունների ժողովածուն: Ձայնասկավառակն արժե 5, իսկ գիրքը՝ 15 հազար դրամ: Դրանք վաճառքում այլեւս չեն լինելու: Հնարավոր էր ձեռք բերել միայն միջոցառման ժամանակ:

Երգերը կատարել են Արսեն Սաֆարյանը, Մաշա Մնջոյանը, Ռադիկ Գաբրիելյանը, Անի Ամիրյանը, Սարգիս Մանուկյանը (Empiray), Նարինե Դովլաթյանը, Հայկ Պետրոսյանը, Մերի Վարդանյանը, Ստեփան Ղամբարյանը, Ֆելիքս Խաչատրյանը, Գարիկ Պապոյանն ու Սոնա Ռուբենյանը, Գրիգոր Կյոկչյանն ու Մարթա Կիրակոսյանը:

Տեսանյութը եւ լուսանկարները՝ «Հայկական ժամանակ»-ի

Տպել
3772 դիտում

Ա. Զեյնալյանը Իտալիայի Հակակոռուպցիոն մարմնի ղեկավարի հետ քննարկել է կոռուպցիայի դեմ պայքարի մասին հարցեր

Պատգամավորները ծուլացել են, ԱԺ նիստ գումարելու համար քվորում չկար

ՀՀ կենտրոնական բանկի նախագահը մեկնել է Ալմաթի՝ մասնակցելու Ղազախստանի ֆինանսիստների կոնգրեսին

Դիլիջանի ոլորաններում խիտ մառախուղ է, տեսանելիությունը՝ 10-15 մ, Ապարանում եւ Արագածում ձյուն է տեղում

ՔԿ նախագահի տեղակալն ընդունել է Հայաստանում Իրանի դեսպանության գործերի ժամանակավոր հավատարմատարին

Աննա Հակոբյանը Մոսկվայում հանդիպել է ՌԴ նախագահի հատուկ ներկայացուցչի հետ

Մեծ վտանգ կա ապագա խորհրդարանը վերածելու յուրայինների ակումբի. Վիգեն Սարգսյան

Սայաթ Նովայի պողոտա-Խանջյան փողոց խաչմերուկի լուսացույցները կտեղափոխվեն

Ոստիկանապետն ընդունել է ՄԱԿ-ի պատվիրակությանը. քննարկել են ԼԳԲՏ ֆորումի չեղարկումը, կանանց իրավունքները

Երեւանում 2 մեքենաների բախման արդյունքում կա 1 զոհ, 4 վիրավոր (լուսանկարներ)

Նախագահը ցանկալի է համարել ՅՈՒՆԵՍԿՕ-ի մասնակցությունը Գյումրիում պատմամշակութային արժեքների պահպանմանը

Երևանում և 2 մարզում այսօր էլեկտրաէներգիայի անջատումներ են սպասվում

Մահացել է Սարդ-մարդու, Երկաթե մարդու, Հալքի, Ֆանտաստիկ քառյակի, Իքս մարդկանց «հայրը»

Նիկոլ Փաշինյան, Լենա Նազարյան, Արարատ Միրզոյան. հայտնի է «Իմ քայլը» դաշինքի առաջին տասնյակը

ԿԸՀ-ի որոշմամբ, ավագանու անդամ Արամ Մանուկյանի լիազորությունները դադարեցված են, նրան կփոխարինի Միքայել Թումանյանը

Դաշնակցության անունից առաջադրվելու եմ պատգամավորի թեկնածու, պատվի հարց է. Գեղամ Մանուկյան

Պաշտպանն ուշադրության կենտրոնում է պահում խաղաղ հավաքների ժամանակ մարդկանց իրավունքների երաշխավորման հարցը

Կոռուպցիայի դեմ պայքարն ու բարեփոխումներն առաջնահերթություն են. Փաշինյանը՝ ԵՄ դեսպաններին

Դիլիջանի ոլորաններում, Սյունիքի մարզի Գորիս և Քաջարան քաղաքներում մառախուղ է

Արագ հավաքովի, սենդվիչային տարբերակով թաղամաս. Ա. Մեսչյանն առաջարկում է համալրել բնակֆոնդը