Նախկին զինծառայողն արդարացվել է հանցակազմի բացակայության հիմքով․ նախադեպային որոշում

ՀՀ վճռաբեկ դատարանի քրեական պալատը նախադեպային որոշում է հրապարակել: Դրա համաձայն Դատարանը վարույթ է ընդունել մեղադրյալի պաշտպան Ալբերտ Քարամյանի վճռաբեկ բողոքը և քննության առնելով արդարացրել է ՊԲ նախկին շարքային զինծառայող Ռազմիկ Չանախրյանին՝ հանցակազմի բացակայության հիմքով, իսկ քրեական գործի վարույթը կարճվել է: Նրա նկատմամբ խափանման միջոց հանդիսացող ստորագրությունը բնակավայրից չհեռանալու մասին, վերացվել է: 

Այս մասին «Արմենպրես»-ի հետ զրույցում հայտնել է ՀՀ վճռաբեկ դատարանի քրեական պալատի նախագահ Սերժիկ Ավետիսյանը:

Ըստ նրա, ամբաստանյալ Ռազմիկ Չանախչյանին մեղադրանք է առաջադրվել ՀՀ քրեական օրենսգրքի 356-րդ հոդվածի 1-ին մասով, այն բանի համար, որ նա, հանդիսանալով ՊԲ զորամասերից մեկի շարքային զինծառայող 2015 թվականի դեկտեմբերի 26-ին` ժամը 12:00-13:00-ը «չպահպանելով ՀՀ զինված ուժերի Ներքին ծառայության կանոնագրքի 13-րդ և 41-րդ հոդվածների պահանջները` հրամանատարի հրամանը անվերապահորեն «ճշտորեն և նշված ժամկետում կատարելու փոխարեն հանդուգն կերպով հրաժարվել է կատարել  նույն դիվիզիոնի հրամանատար «մայոր Արմեն Սմբատի Սանթրյանի օրինական և սահմանված կարգով իրեն տրված հրամանը` իրեն հատկացված տարածքը մաքրելու վերաբերյալ «դրանով իսկ հեղինակազրկելով հրամանատարի դերը ենթակա դիվիզիոնի ողջ անձնակազմի շրջանում և խաթարելով պետ հրամանատար-ստորադաս ենթակա սահմանված կանոնադրային հարաբերությունները», որով էական վնաս է պատճառել ծառայության շահերին:

Սերժիկ Ավետիսյանի փոխանցմամբ Սյունիքի մարզի ընդհանուր իրավասության առաջին ատյանի դատարանի` 2017 թվականի մարտի 13-ի դատավճռով Ռազմիկ Չանախչյանը մեղավոր է ճանաչվել ՀՀ քրեական օրենսգրքի 356-րդ հոդվածի 1-ին մասով և ՀՀ քրեական օրենսգրքի 67.1-րդ հոդվածի կիրառմամբ նրա նկատմամբ պատիժ է նշանակվել ազատազրկում` 1 մեկ տարի ժամկետով, 70-րդ հոդվածի կիրառմամբ նշանակված պատիժը պայմանականորեն չի կիրառվել և սահմանվել է փորձաշրջան` 3 երեք տարի ժամկետով:

ՀՀ վերաքննիչ քրեական դատարանը 2017 թվականի հունիսի 30-ի որոշմամբ մեղադրողի վերաքննիչ բողոքը բավարարել է, Առաջին ատյանի դատարանի` 2017 թվականի մարտի 13-ի դատավճիռը նշանակված պատժի մասով բեկանել ու փոփոխել է. Ռազմիկ Չանախչյանին ՀՀ քրեական օրենսգրքի 356-րդ հոդվածի 1-ին մասով դատապարտել է ազատազրկման` 1 տարի ժամկետով:

ՀՀ Վճռաբեկ դատարանի քրեական պալատը Ռազմիկ Չանախչյանի պաշտպան Ա. Քարամյանի վճռաբեկ բողոքը օրերս կայացած դատական նիստում բավարարել է: Ամբաստանյալ Ռազմիկ Գարեգինի Չանախչյանի վերաբերյալ ՀՀ քրեական օրենսգրքի 356-րդ հոդվածի 1-ին մասով կայացված դատական ակտերը բեկանվել և փոփոխվել են:

Վճռաբեկ դատարանն արձանագրել է, որ պետի օրինական և սահմանված կարգով տրված հրամանը չկատարելը, որն էական վնաս է պատճառել ծառայության շահերին (ՀՀ քրեական օրենսգրքի 356-րդ հոդվածի 1-ին մաս) հանցակազմը զինվորական զանցանքից (ՀՀ զինված ուժերի կարգապահական կանոնագրքի 31 հոդված) սահմանազատելու վերաբերյալ առկա է օրենքի միատեսակ կիրառության ապահովման խնդիր:

Բացի այդ, պալատը փաստել է, որ իրավակիրառ պրակտիկայում դժվարություններ են առաջանում ՀՀ քրեական օրենսգրքի 356-րդ հոդվածի 1-ին մասում նախատեսված արարքը նույն հոդվածի 4-րդ մասում սահմանված՝ հրամանը չկատարելը ծառայության նկատմամբ անփույթ կամ անբարեխիղճ վերաբերմունքի հետևանքով, որն առաջացրել է ծանր հետևանքներ, հանցակազմից տարանջատելու հարցում:

Տպել
755 դիտում

Երեւանում 28-ամյա երիտասարդը ինքնասպան լինելու համար նախ կտրել է նախաբազուկը, ապա 3 ածելի կուլ տվել

Մեկը գնում է ԿԳԲ, մեկը՝ միլիցիա, երրորդը՝ Արմենտել. Շիրազը կարմիր ասֆալտի երես չի տեսնի

Թող հավատի ջահը լուսավորի հայ ժողովրդի ուղին. Հռոմի պապը շնորհավորական ուղերձ է հղել Մխիթարյան միաբանությանը

Ես անպայման կզբաղվեմ, կպարզեմ ով է թեկնածուի նկատմամբ քաղաքական տեռոր անում. վարչապետ (տեսանյութ)

Վրաստանում ՀՀ քաղաքացին բռնվել է ոստիկանին կաշառք առաջարկելիս, պարտավորեցրել են 3000 լարի տուգանք մուծել

«Նուբարաշեն» քրեակատարողական հիմնարկի դատապարտյալի ծանրոցում հաբեր ու կաթոցիկ է հայտնաբերվել

Լևոն Արոնյանի կինը հեծանվով 1800 կմ տարածություն կանցնի Թուրքիայով եւ Իրանով դեպի Հայաստան

ՀՀ ԶՈՒ-երի,ՊԲ-ի կողմից իրավիճակը լիովին վերահսկվում է. Ն. Փաշինյանը՝ Արցախի դիրքերում (լուսանկարներ)

Հ. Աբրահամյանի եղբայրը գյուղի ձկնաբուծարանը սնուցող խողովակներն ապամոնտաժել, ուղղությունը փոխել է դեպի իր ձկնաբուծարան

«Հայկական գնդակից» սպանվել է Ադրբեջանի ԶՈւ զինծառայող, ԶԼՄ-ները հայտնում են եւս մեկ սպանվածի ու վիրավորի մասին

Վարչապետ Նիկոլ Փաշինյանն այցելել է Արցախի պաշտպանական դիրքեր

Լուսանկարների միջոցով ցուցադրվեց աղետալի հրդեհի պատճառով վերացած Սարյանի գործերը

Մենք պատրաստ ենք խաղաղ բանակցային գործընթացի, սակայն պատրաստ ենք նաեւ պատերազմի. վարչապետ (տեսանյութ)

Հետաձգել եմ Նյու-Յորք այցս՝ քվեարկելու, նոր մեկնելու համար. վարչապետը կքվեարկի ու կմեկնի ԱՄՆ

Քրեական հեղինակություն Չարբախցի Գեղամի մոտ լուրջ հիվանդություն է հայտնաբերվել. վիրահատությունը հետաձգվել է

Սեպտեմբերի 21-ին՝ Անկախության տոնին, զորահանդես չի լինելու, ծախսվելու է մոտ 100 մլն դրամ

Emmy 2018-ի հաղթողներն ու կարմիր գորգի աստղերը

Բակո Սահակյանը, Նիկոլ Փաշինյանն ու զինվորականները՝ արջերի ընկերակցությամբ Արցախում (տեսանյութ)

Երեւանում կբացվի սիրիահայերի ձեռքի աշխատանքների ցուցահանդես-վաճառք

Օլիգարխ ընտանիքից երիտասարդներ են ամուսնանում եւ որոշել են, որ իրենց նվերների` զարդերի գումարը փոխանցեն մեր հիմնադրամին