Հայաստանը եւ Իտալիան շատ նման են, անգամ մեքենա վարելն է միանման. իտալացի ջութակահար

Մարտի 26-ից Հայաստանում է իտալացի հայտնի ջութակահար եւ ալտահար Մարկո Միշանիան: Նա համարվում է իր սերնդի տաղանդավոր երաժիշտներից մեկը:

Իտալացին հավասարապես տիրապետում է թե՛ ջութակի եւ թե՛ ալտի վրա նվագին, եւ իր վիրտուոզությամբ հայտնի է դեռ վաղ հասակից: Մարտի 28-ի Կամերային երաժշտության ազգային կենտրոնում տեղի ունեցած համերգի ժամանակ Մարկո Միշանիան կատարեց հայոց «Մեր հայրենիք» հիմներգը՝ իր իսկ մշակմամբ:

Նա ստեղծագործությանը յուրահատուկ մեկնություն էր տվել, եւ համերգի այս «մուտքը», ասես, իտալացի ալտահարի առանձնակի վերաբերմունքն էր հայ ազգին ու նրա մշակութային հարստությանը: «ՀԺ»-ի հետ զրույցում Մարկո Միշանիան ասաց, որ հիմնի նորովի մշակումը իր նախաձեռնությունն է եղել. «Ես եմ մշակել հիմներգն ալտի համար, սոլոյի համար մշակելը շատ բարդ է, բայց երկու շաբաթ աշխատելուց հետո այն պատրաստ էր: Ես սա նվիրել եմ հայ ժողովրդին»:

Մարկո Միշանիան առաջին անգամ է Հայաստանում: Երաժիշտը մեզ հետ զրույցում անդրադարձավ նաեւ հայերին, Հայաստանի խնդիրներին՝ ասելով. «Հայերը տաղանդավոր են, բայց ափսոս, որ մենակ են տարածաշրջանում»: Երաժիշտը մեր հիմնական թերացումներից մեկը համարեց այն, որ աշխարհին չենք ներկայացնում մեր ունեցածը:

Նրա կարծիքով՝ Հայաստանն ու Իտալիան շատ նման են: Կատակում էր՝ ասելով, որ երկու ազգերը իրար նման են անգամ մեքենա վարելու ձեւով՝ սիրում են խախտումներով վարել: Մարկո Միշանիան Հայաստանը շատ է հավանել, ըստ նրա՝ հիմա արդեն մի նոր ընտանիք ունի այստեղ: «Հայերը եւ իտալացիները եղբայրներ են, ես ինձ զգացի ինչպես իմ տանը: Անկեղծ ասած, նաեւ շատ զարմացա, երբ տեսա, թե այստեղ՝ Ազգային պատկերասրահում, իտալական ինչքան բարձրարժեք գործեր կան»,- ասաց Մարկո Միշանիան:

Երաժիշտը նշեց, որ համերգից առաջ Կամերայինում առիթ է ունեցել հանդիպել ՀՀ-ում Իտալիայի նորանշանակ դեսպանին. «Դեսպանը հունիսին հրավիրել է ինձ Հայաստան, որպեսզի համերգ ունենամ, նա ցանկանում է, որ ես հաճախ լինեմ այստեղ»: Մարկոն Գառնիում հայտնի տենոր Տիգրան Կոնինյանի հետ նկարահանեց O solo mio (Արեւի տղան) գործը: O Solo Mio գործը Գառնու հետ ուղիղ հոգեւոր կապ ունի, ինչով էլ պայմանավորված էր երաժշտի տեսահոլովակի նկարահանումը հենց այդտեղ:

Մարկոն լայն ճանաչում է ձեռք բերել՝ որպես մենակատար հանդես գալով բազմաթիվ ազգային եւ միջազգային նվագախմբերում: Կամերային ստեղծագործությունների կատարմամբ հանդես է եկել մի քանի տասնյակ համույթների կազմում: 1999 թ-ին նվաճել է Վիտտորիո Վենետոյի՝ երիտասարդ տաղանդավոր երաժիշտների Բենվենուտի մրցույթի առաջին մրցանակը եւ հրավիրվել մասնակցելու Մոսկվայի Նիկոլո Պագանինիի անվան ջութակի միջազգային մրցույթին:

Նվագել է Եվրոպայի եւ ԱՄՆ-ի հանրահայտ համերգասրահներում։ Որպես ջութակի եւ ալտի պրոֆեսոր աշխատել է Փարիզի իտալական կոնսերվատորիայում եւ Նամուրի Երաժշտության եւ մանկավարժության բարձրագույն ինստիտուտի երաժշտության եւ արվեստի բարձրագույն դպրոցում:

Տպել
1248 դիտում

Վաղվանից Հայաստանի զգալի մասում սպասվում են տեղումներ, հիմնականում՝ ձյան տեսքով

Նիկոլ Փաշինյանն այսօր մեկնում է Արագածոտնի մարզ. հանդիպումներ կլինեն Աշտարակում և Ապարանում

Ինչ արժե նախընտրական գովազդի 1 րոպեն. 100 հազարից մինչև հազար դրամ՝ մարզերում ու Երեւանում

Ջիգարխանյանի նախկին կնոջը 250 ժամյա հարկադիր աշխատանք է տրվել. նա պատրաստ է ավլել փողոցները, բայց մեղավոր չի զգում

ԿԸՀ-ն հրապարակել է ընտրություններին մասնակցող ուժերի համապետական և տարածքային ցուցակները

Շերեմետեվո օդանավակայանի թռիչքուղում ինքնաթիռը ոչ թե կենդանու, այլ մարդու է հարվածել՝ ՀՀ քաղաքացու

ԿԸՀ-ն հրապարակել է ընտրողների թիվը մարզերում ու Երևանում. մարզերից ամենաշատ ընտրողները Կոտայքում են

Անցկացվել են հայ-գերմանական երկկողմ ռազմաքաղաքական խորհրդակցություններ

ԲՀԿ-ն արտահերթ ընտություններին կմասնակցի 169 թեկնածուով, 7 հոգին ինքնաբացարկ է հայտնել

Փաշինյանը իրականացրել է նախընտրական քարոզչություն` աշխատանքային ժամին. ՀՀԿ շտաբ

Վթար Կիևյան և Մոնթե Մելքոնյան փողոցների խաչմերուկում, բախվել է 5 մեքենա. կան տուժածներ

ԼՂ հակամարտությունում մարդկանց իրավունքներն ու անվտանգությունը առաջնահերթություններ են. ԱԳ նախարար

Դավիթ Տոնոյանը ժամանել է Քեմփ Մարմալ ռազմաբազա, որտեղ ծառայում են հայ խաղաղապահները

Պեկինում տեղի է ունեցել «Նոր Հայաստանը եւ նրա տարածաշրջանային կարեւորությունը» թեմայով գիտաժողով

Եռագույն փողկապն աղքատությունն ու արտագաղթը չի վերացնում, գնաճը շարունակվում է. Շարմազանովը՝ վարչապետին

Նոյեմբերի 20-ի դրությամբ համաներմամբ ազատ է արձակվել 501 դատապարտյալ

Եւ մի տանիր զմեզ ի փորձություն ...

Տեղի կունենա մոմավառություն՝ ի հիշատակ բալետի արտիստ Վահագն Մարգարյանի

Քրտնաջան և թափանցիկ աշխատանքի ակնկալիքով. քաղաքապետը ներկայացրել է Քանաքեռ-Զեյթունի նոր ղեկավարին

էրեբունու զանգվածային անկարգությունների գործով ինքնակամ ներկայացած անձը Մասիսի սպորտդպրոցի տնօրենն է