Շարքային Վահե Զաքարյան. նա իր տանկով հասավ մինչեւ հակառակորդի դիրքեր եւ խոցվեց

Մեր ժամանակի հերոս Վահե Զաքարյան. 2016 թվականի ապրիլի 2-ին ծնողները խոսել են Վահեի հետ, ասել է, որ պալիգոններ են գնում, ամեն ինչ նորմալ է, հետո կզանգի: Դրանից հետո զանգ չեն ստացել, լուրերով իմանում են Արցախում տիրող լարված իրավիճակի մասին ու սկսում են փնտրել որդուն: Նրա զոհվելուց հետո են ծնողներն իմանում որդու և տանկի անձնակազմի սխրագործության մասին:

Տանկիստ Վահեն զոհվել է մարտի դաշտում, նրա հետ նույն տանկում եղել են Հայկ Գրիգորյանը և Նորայր Գասպարյանը: Ապրիլի 2-ին հակառակորդի առաջխաղացումը կասեցնելու նպատակով` տանկի անձնակազմը մի քանի անգամ զորաշարժ է կատարել ու խոցել գրոհող թշնամուն` պատճառելով նրան կենդանի ուժի զգալի կորուստներ: Տանկի անձնակազմը զոհվել է մարտի դաշտում՝ թշնամու կողմից արձակված անօդաչու թռչող սարքի հարվածից: Վահեի տունդարձին մնացել էր 111 օր։ 2016 թվականի ապրիլի 2-ին Վահեն իր տանկով հասավ մինչեւ հակառակորդի դիրքերը եւ խոցվեց։ Վահեն զոհվեց՝ բաց տարածքում կռիվ տալով։ Նրանց տանկի անձնակազմի անդամներն էին` Վահե Զաքարյանը, Նորայր Գասպարյանը եւ Հայկ Գրիգորյանը:

Վահե Զաքարյանը ծնվել էր 1995 թվականի հոկտեմբերի 12-ին, Կոտայքի մարզի Հրազդան քաղաքում: Տան միակ արու զավակն էր, ուներ երկու քույր: Սովորել է Հրազդանում, երբ ընտանիքով տեղափոխվել են Ռուսաստանի Դաշնություն, ութ ամիս հետո Վահեն որոշել է վերադառնալ Հայաստան և քույրերի հետ մնացել է Հրազդանում: Դպրոցն ավարտելուց հետո ընդունվել է Ֆիզիկական կուլտուրայի եւ սպորտի պետական ինստիտուտ, նույն տարում էլ զորակոչվել է բանակ:

Փոքր տարիքից զբաղվել է սպորտով՝ կարատեով եւ արեւելյան մարտարվեստով։ Բազում հաղթանակներ եւ մեդալներ ունի, բազմաթիվ միջազգային մրցույթների հաղթող է։ Հայաստանում մասնակցել է բազմաթիվ մրցույթների։ Հայաստանի հանրապետության երկակի չեմպիոն է, ունի երկու սեւ գոտի։ Աշխարհի մրցույթներին մասնակցելու հրավեր էր ստացել․ մասնակցել է Լեհաստանում կայացած մրցմանը, իսկ Չեխիայում կայանալիք մրցմանը չի հասցրել մասնակցել:

Վահե Զաքարյանը 2014 թվականին զորակոչվել է Հայոց բանակ, 6 ամիս ծառայել է Արմավիրում եւ ուսումնական փուլն անցնելուց հետո, որպես տանկի նշանառու-օպերատոր, տեղափոխվել է ԼՂՀ՝ Ջաբրայիլ։ Ծնողների խոսքերով՝ Վահեն մեծ ոգեւորությամբ է բանակ գնացել, ծառայությունը շատ լավ է անցել, երբեք չի բողոքել: 

Հերոսի սխրանքին ի պատասխան հարազատ դպրոցում փառքի անկյուն է բացվել, որտեղ խնամքով տեղավորված են զինածառայողի լուսանկարները։ Նրանց տան բակում օգոստոսի 12-ին տեղադրվել է հուշաքար եւ ցայտաղբյուր՝ Հրազդանի քաղաքապետ Արամ Դանիելյանի մասնակցությամբ։

Սերժ Սարգսյանի եւ Բակո Սահակյանի կողմից հետմահու պարգեւատրվել է՝ «Արիության» եւ «Հայրենիքին մատուցած ծառայությունների համար» մեդալներով:

Տպել
6503 դիտում

Մահացել է Սարդ-մարդու, Երկաթե մարդու, Հալքի, Ֆանտաստիկ քառյակի, Իքս մարդկանց «հայրը»

Նիկոլ Փաշինյան, Լենա Նազարյան, Արարատ Միրզոյան. հայտնի է «Իմ քայլը» դաշինքի առաջին տասնյակը

ԿԸՀ-ի որոշմամբ, ավագանու անդամ Արամ Մանուկյանի լիազորությունները դադարեցված են, նրան կփոխարինի Միքայել Թումանյանը

Դաշնակցության անունից առաջադրվելու եմ պատգամավորի թեկնածու, պատվի հարց է. Գեղամ Մանուկյան

Պաշտպանն ուշադրության կենտրոնում է պահում խաղաղ հավաքների ժամանակ մարդկանց իրավունքների երաշխավորման հարցը

Կոռուպցիայի դեմ պայքարն ու բարեփոխումներն առաջնահերթություն են. Փաշինյանը՝ ԵՄ դեսպաններին

Դիլիջանի ոլորաններում, Սյունիքի մարզի Գորիս և Քաջարան քաղաքներում մառախուղ է

Արագ հավաքովի, սենդվիչային տարբերակով թաղամաս. Ա. Մեսչյանն առաջարկում է համալրել բնակֆոնդը

«Ղեկը աջ» նախաձեռնությունը վաղը Կառավարության մոտ մեծ բողոքի ակցիա կիրականացնի

Կան պաշտոնյաներ, որոնք ստանում են 1 մլն դրամից ավելի թոշակ. Թանդիլյանն առաջարկում է չափ սահմանել

20-ամյա կնոջը դաժան ծեծի ենթարկած 30-ամյա տղամարդը նախկինում երեք անգամ դատապարտված է եղել

Արցախի ԱԳՆ ղեկավարն ընդունել է ԵԱՀԿ գործող նախագահի անձնական ներկայացուցչին

ՊԲ հրամանատարն ու Անջեյ Կասպրշիկը քննարկել են շփման գոտում տիրող իրավիճակը

Մինչեւ վերասարքավորում կատարելը իրենք չեն կարող այդ մեքենան շահագործել. Արմեն Փամբուխչյան

1988 թ. երկրաշարժի զոհերի հարգանքի տուրքի բոլոր միջոցառումները կկազմակերպվեն բարձր մակարդակով. Ցոլակյան

Ոստիկանին փորձում են անհիմն ազատել աշխատանքից. նա դիմում է ՀՀ ոստիկանապետին

Վերաքննիչը բեկանեց Շահեն Հարությունյանին տուգանելու մասին Վարչական դատարանի որոշումը

Իմ երեխան, իմանալով, որ մեքենան անսարք է, ասել է՝ ես չեմ վարի. զինծառայողի ծնողները մանրամասներ են պատմում

Ախալցխայում հայկական դպրոցի աղջիկներին մի քանի օր հետևել է Պակիստանի քաղաքացի. նրան ձերբակալել են

Քառօրյա պատերազմի ժամանակ մարտական հերթապահություն իրականացրած ՀՊՏՀ ուսանողների բաց նամակը վարչապետին, ԿԳ նախարարին