Եղել է, որ հայ պաշտոնյաները դիմել են՝ յութուբից նյութ վերացնելու համար եւ մերժվել են

18/04/2018 schedule16:47

Երեկ երեկոյան արգելափակվել են Factor.am եւ Armlur.am լրատվական կայքերի յութուբյան ալիքները: Armlur.am-ից մեզ հետ զրույցում փոխանցեցին, որ իրենց էլեկտրոնային հասցեին երեկոյան ժամը 01:30-ին նամակ է ստացվել, որ յութուբյան էջը արգելափակվել է «Spam» տարածելու համար: Armlur.am-ից պնդում են, որ իրենք օգտագործել են բացառապես իրենց տեսանյութերը` հեղինակային իրավունքներ չեն խախտել: Armlur-ի յութուբյան ալիքը ունեցել է 40 հազար հետեւորդ եւ 68 հազար տեսանյութ:

Factor.am-ից նույնպես նշեցին, որ երեկ երեկոյան է փակվել իրենց յութուբյան ալիքը: Factor.am-ի գլխավոր խմբագիր Արեւիկ Սահակյանը կարծում է, որ շատ տարօրինակ շրջանում այս ամենը տեղի ունեցավ, իրենց կողմից պարբերաբար հետաքննական նյութեր են եղել, վերջին շրջանում Սերժ Սարգսյանի պաշտոնավարման 10 տարիների հետ կապված փաստաքննական շարքեր են եղել: Factor.am-ի էլեկտրոնային հասցեին նամակ է ստացվել, որ ալիքը արգելափակված է, իսկ պատճառ չի նշվել:

Կայքի խմբագիրը նշեց, որ նախկինում եղել են դեպքեր, երբ իրենց պատրաստած կոնկրետ նյութերն են արգելափակել, իսկ ալիքն առաջին անգամ է արգելափակվում: Առաջին անգամ եղել է մի հանրահավաքի ժամանակ, երբ երաժշտություն է միացված եղել, յութուբը դա հեղինակային իրավունքի խախտում է համարել եւ տեսանյութը արգելափակվել է: Սակայն Factor.am-ը դիմել է յութուբին՝ տեղեկացնելով, որ դա եղել է հանրահավաքի ժամանակ միացված երգ, եւ տեսանյութը նորից վերականգնել են: Մյուս դեպքում էլ եղել է Հաց Բերողի մահվան առիթով իրենց պատրաստած փոքրիկ ֆիլմը: Յութուբն արգելափակել է այն՝ կրկին համարելով հեղինակային իրավունքի խախտում: Ավելի ուշ այս ֆիլմը եւս վերականգնվել է, քանի որ Եղիշե Պետրոսյանը բացատրել է, որ Հաց Բերողի մասին իր հեղինակած երգն իր գիտությամբ է կայնքն օգտագործել: 

Մեդիա-փորձագետ Սամվել Մարտիրոսյանը մեզ հետ զրույցում նշեց, որ միայն «Spam» տարածելը չէ, այնտեղ կա մի կետ, որի մեջ մտնում են սպամ, խարդախություններ, մանիպուլյացիաներ, նաեւ թրաֆիկ (տեղեկատվական հոսք) գնելը: Մարտիրոսյանը նշեց, որ շատ հաճախ լինում է, որ սխալմամբ են արգելափակում յութուբյան ալիքները, քանի որ դրան շատ հաճախ հետեւում են ռոբոտները, եւ իրենց ալգորիթմը կարող է սխալներ տալ, արգելափակում են, հետո նորից բացում են: Մյուս խնդիրը կարող է լինել այն, որ յութուբյան ալիքները շատ հաճախ տալիս են այլ անձանց ղեկավարության, այնտեղ էլ կարող է այդ վտանգը լինել, եւ այդ այլ անձը նույնպես օգտագործում է այդպիսի մեթոդներ:

Հարցին՝ հնարավո՞ր չէ, որ հայաստանյան ինչ-որ կառույցներից դիմած լինեն, որպեսզի որպես հակաքարոզչություն արգելափակեն այդ ալիքները, Մարտիրոսյանը պատասխանեց, որ գուգլը եւ յութուբը, երբեւէ նմանատիպ բան չեն անի, եւ եթե քաղաքական ինչ-որ բան է լինում, նրանք մերժում են: «Եղել են դեպքեր, որ Հայաստանից պաշտոնյաներ են դիմել՝ յութուբից ինչ-որ նյութեր վերացնելու համար, բայց յութուբը մերժել է: Եղել է դեպք, որ մի նյութում ոստիկանության ալիքից մի փոքրիկ կտոր էին օգտագործել, ինչը հեղինակային իրավունքի խախտում է եղել, եւ արգելափակվել է տեսանյութը»,- նշեց Մարտիրոսյանը:

Տպագրվել է «Հայկական ժամանակ» օրաթերթի ապրիլի 12-ի համարում:

Տպել
1821 դիտում

Ինչ արժե նախընտրական գովազդի 1 րոպեն. 100 հազարից մինչև հազար դրամ՝ մարզերում ու Երեւանում

Ջիգարխանյանի նախկին կնոջը 250 ժամյա հարկադիր աշխատանք է տրվել. նա պատրաստ է ավլել փողոցները, բայց մեղավոր չի զգում

ԿԸՀ-ն հրապարակել է ընտրություններին մասնակցող ուժերի համապետական և տարածքային ցուցակները

Շերեմետյեվո օդանավակայանի թռիչքուղում ինքնաթիռը ոչ թե կենդանու, այլ մարդու է հարվածել՝ ՀՀ քաղաքացու

ԿԸՀ-ն հրապարակել է ընտրողների թիվը մարզերում ու Երևանում. մարզերից ամենաշատ ընտրողները Կոտայքում են

Անցկացվել են հայ-գերմանական երկկողմ ռազմաքաղաքական խորհրդակցություններ

ԲՀԿ-ն արտահերթ ընտություններին կմասնակցի 169 թեկնածուով, 7 հոգին ինքնաբացարկ է հայտնել

Փաշինյանը իրականացրել է նախընտրական քարոզչություն` աշխատանքային ժամին. ՀՀԿ շտաբ

Վթար Կիևյան և Մոնթե Մելքոնյան փողոցների խաչմերուկում, բախվել է 5 մեքենա. կան տուժածներ

ԼՂ հակամարտությունում մարդկանց իրավունքներն ու անվտանգությունը առաջնահերթություններ են. ԱԳ նախարար

Դավիթ Տոնոյանը ժամանել է Քեմփ Մարմալ ռազմաբազա, որտեղ ծառայում են հայ խաղաղապահները

Պեկինում տեղի է ունեցել «Նոր Հայաստանը եւ նրա տարածաշրջանային կարեւորությունը» թեմայով գիտաժողով

Եռագույն փողկապն աղքատությունն ու արտագաղթը չի վերացնում, գնաճը շարունակվում է. Շարմազանովը՝ վարչապետին

Նոյեմբերի 20-ի դրությամբ համաներմամբ ազատ է արձակվել 501 դատապարտյալ

Եւ մի տանիր զմեզ ի փորձություն ...

Տեղի կունենա մոմավառություն՝ ի հիշատակ բալետի արտիստ Վահագն Մարգարյանի

Քրտնաջան և թափանցիկ աշխատանքի ակնկալիքով. քաղաքապետը ներկայացրել է Քանաքեռ-Զեյթունի նոր ղեկավարին

էրեբունու զանգվածային անկարգությունների գործով ինքնակամ ներկայացած անձը Մասիսի սպորտդպրոցի տնօրենն է

Ոստիկանները Շենգենյան վիզայի կեղծման դեպք են բացահայտել. վիզան 6500 եվրո է արժեցել (տեսանյութ)

Ժողովուրդ ջան, հավատացե՛ք Նիկոլ Փաշինյանին, քանի դեռ ինքը հակառակը չի ապացուցել. Արփինե Հովհաննիսյան