ԱԺ-ի մոտ ոստիկանները փակել են ցուցարարների ճանապարհը, չեն թողնում գնալ դեպի Բաղրամյան 26

21:52 - Քիչ առաջ Դավիթ Սանասարյանը հայտարարեց, որ այսօրվա իրազեկման ակցիան ավարտված է, արվել է ավելին, քան պլանավորվում էր: Ակցիայի մասնակիցները Բաղրամյան պողոտայով սկսեցին շարժվել դեպի ներքև: Այնուհետև Բաղրամյան պողոտան ամբողջովին բացեցին նաև ոստիկանները:

21:44 - Ցուցարարները միջանցք բացեցին մեքենաների համար: Մի քանի րոպե անց նրանց օրինակին հետևեցին ոստիկանները: Ցուցարարներն անցնող մեքենաներին իրազեկում էին վաղվա ավտոերթի մասին:

21:40 - Այս պահին ցուցարարները գտնվում են Բաղրամյան պողոտայում եւ անցնում են Ազգային Ժողովի մոտով: Դեմիրճյան փողոց չհասած նրանց դիմավորեցին ոստիկանները, որոնք արգելափակել են հետագա ճանապարհը, որը տանում է դեպի Բաղրամյան 26:

21:13 - Քիչ առաջ ցուցարարները փակեցին Մաշտոցի պողոտայում գտնվող արագաչափերից մեկի տեսախցիկը: Այդ գործողությունը մեծ ոգեւորությամբ ընդունվեց այդ հատվածում գտնվող մեքենաների վարորդների կողմից:

20:49 - Ցուցարարները փակեցին Ամիրյան փողոցը:

20:43 - Ցուցարարները Հանրապետության Հրապարակի երթևեկելի հատվածով շարժվեցին դեպի Ամիրյան փողոց:

20:30 - Ցուցարարները բարձրախոսով լսում են Շարմազանովի՝ ուղիղ եթերով հեռարձակվող, ՀՀԿ ԳՄ նիստից հետո տեղի ունեցող ասուլիսը:

20:11 - Քիչ առաջ ցուցարարները փակեցին Տիգրան Մեծ պողոտան: Այս պահին երթեւեկությունը երկկողմանի դադարեցված է Տիգրան Մեծ պողոտայից դեպի Հանրապետության հրապարակ տանող հատվածը: Երթուղային տաքսիների եւ ավտոբուսների վարորդները թեթեւ վիճաբանություն ունենալով ցուցարարների հետ շրջանցեցին եւ հեռացան: Այս պահին փողոցի այդ հատվածը շարունակում է խցանված մնալ:

20:00 - Դավիթ Սանասարյանը կոչով դիմեց քաղաքացիներին, նշելով, որ շուտով Է. Շարմազանովը հայտարարելու է ՀՀԿ ԳՄ որոշման մասին, և խնդրեց սպասել և չհեռանալ: 
19:17- 
Այս պահին ցուցարարները փակել են Մելիք Ադամյան փողոցի սկզբնամասը, իսկ ոստիկանները երկաթյա բարիկադներով փակել են նրանց ճանապարհը եւ թույլ չեն տալիս ակտիվիստներին մոտենալ ՀՀԿ շենքին, վանկարկում են «Սերժիկ հեռացի՛ր»:

19:00- Ոստիկաններն այս պահին շրջափակել են Մելիք Ադամյան փողոցը, որտեղ մուտքն ու ելքն անթույլատրելի է: ՀԺ-ն փոխոստիկանապետ Վալերի Օսիպյանից հետաքրքրվեինք, թե ինչով է պայմանավորված ոստիկանական ուժերի կենտրոնացումը, սակայն նա հրաժարվեց պարզաբանում տալ, թեեւ խոստացավ մեր հարցերին պատասխանել ավելի ուշ: Այս պահին Մելիք Ադամյան փողոցի սկզբնամասում են գտնվում նաեւ ՄերժիրՍերժին նախաձեռնության մասնակիցները: Նրանք քիչ առաջ միացրին Սերժ Սարգսյանի այն հայտարարությւոնը, որտեղ նա ասում է, թե չի հավակնում վարչապետի պաշտոնին:

18:31- Քիչ առաջ Մելիք Ադամյան 2-ում՝ ՀՀԿ կենտրոնական գրասենյակում մեկնարկեց կուսակցության գործադիր մարմնի նիստը, որը նախատեսված էր անցկացնել 20:00-ին, սակայն ՀՀԿ-ականները որոշեցին ավելի շուտ անել այն: Այս պահին ԳՄ-ի անդամները գալիս են կենտրոնական գրասենյակ: Քիչ առաջ ժամանեցին Կարեն Կարապետյանն ու Սերժ Սարգսյանը:

ՀԺ-ի լրագրողը նկատել է, որ ՀՀԿ-ի գրասենյակի հարակից տարածքում ոստիկանական ուժեր են կենտրոնացնում: Նշենք, որ այսօր ակտիվիստները որոշել են շրջափակել ՀՀԿ շենքը: Տարածքում է նաեւ Երեւանի փոխոստիկանապետ Վալերի Օսիպյանը:

 

Տպել
4607 դիտում

Ոստիկանության համակարգում իսպառ վերացել է «հանցագործությունը թաքցնելու» արատավոր գաղափարը. Օսիպյան

Զինվորների բնակարանի վարձերի եւ զինգրքույքների շուրջ բարձրացած աղմուկը՝ կառավարության նիստում

Հեծանվորդ Էդգար Ստեփանյանը վնասվածքից հետո վերսկսել է մարզումները

ՌԴ-ում ՀՀ դեսպանատունը կոշտ կերպով արձագանքել է լրագրող Դորենկոյի քննադատությանը

Հարկային օրենսգրքում փոփոխություններ եւ լրացումներ կատարելու մասին նախագիծը պատրաստ է. ի՞նչ է առաջարկվում

110 մլրդ դրամ. 2019 թ.-ի պետական բյուջեն ներկայացվել է Արցախի խորհրդարանին

Օսիպյանի ներկայացրած նախագիծը Փաշինյանին հայտնի անեկտոդ հիշեցրեց

Մոտ 460 մլն դրամ կտրամադրվի աղետի գոտու 44 բնակելի տան շինարարությունն ավարտելու համար

«Այո»-ն պոլիտեխնիկում. ձայնս գաղտնի թող մնա

Գործ. որդեգրել է շահադիտական նպատակով

Փակուղիներ. գժի կանխավարկա՞ծ, թե՞ անորակ փաստաթուղթ

Նախկին նախարարը 102 հազար դոլար եւ 45 հազար ֆունտ ստերլինգ ունի

Արամ MP3-ը միայն ձմռան վերջին կհասցնի նոր տեսահոլովակ ներկայացնել

Հանգիստ չեմ լինի մինչեւ ժապավենը չկտրենք. Մնջախաղի թատրոնին Մակունցը նոր տարածք է խոստացել

«Դուռ-լուսամուտ կփակենք, որ կռիսները եկեղեցի չմտնին». խնդիրներ Կումայրի պատմական միջուկում

Փաշինյանը Սեւանի հետ կապված Ավինյանին հատուկ հանձնարարական տվեց

Սպիտակում գողացված մոտ կես տոննա քաշ ունեցող բրոնզե արձանը գտնվել է

Վրաստանի նախագահն ափսոսում է, որ կառավարությունը չի ստեղծել Անվտանգության խորհրդին փոխարինող կառույց

Նույնիսկ նրանք, որ քննադատում են կառավարությանը, ՀՀԿ-ին չեն ընտրելու․ որ ուժերը կանցնեն խորհրդարան. քաղաքագետ

Գերմանիան Հայաստանին 13 միլիարդ դրամի դրամաշնորհ կտա. քննարկում կառավարությունում