«Սերժ լա դենը». լոռեցի երիտասարդները մնացին անդրդվելի (լուսանկարներ)

Ինչպես արդեն հայտնել ենք, վանաձորցի հարյուրավոր ուսանողներ ու աշակերտներ այսօր բողոքի երթ են իրականացրել Վանաձորի փողոցներով, վանկարկելով «Քա՛յլ արա, մերժի՛ր Սերժին» կարգախոսը՝ ի աջակցություն Երեւանում հասունացած բողոքի ալիքի:

Ցուցարարները Վանաձորի Վարդանանց եւ Մյասնիկյան փողոցներով հասել են քաղաքի գլխավոր ու ամենաբանուկ Տիգրան Մեծ պողոտա, շարունակելով քայլերը, արդեն Տիգրան Մեծ Գարեգին Նժդեհ փողոցում փակել են ճանապարհն  ամբողջությամբ՝ նստելով հետիոտնային անցման վրա ու թույլ չտալով մեքենաներին շարժվել առաջ:

Կարճ ժամանակ անց ցուցարարներն արդեն հասել են Հայքի հրապարակ ու կրկին փակել ճանապարհը՝ ավելի քան 3 ժամ շարունակ փակ պահելով ճանապարհի տվյալ հատվածի երթեւեկը: Չնայած որոշ վարորդներր ամեն գնով փորձում էին ճեղքել երիտասարդների կազմած պատը, սակայն վանաձորցի երիտասարդներն անդրդվելի էին:

Հայքի հրապարակում, որտեղ աշակերտներն ու դպրոցականները դասադուլ էին իրականացնում, փակած պահելով ճանապարհը ու պարբերաբար ընդվզման կոչեր հնչեցնում, նրանց միացան նաեւ մեծահասակները, ովքեր արդեն իրենց մեքենաներով եւս փակեցին ճանապարհը:

Վանաձորի քաղաքապետարանի գրեթե ողջ աշխատակազմը մի քանի մետր այն կողմ հետեւում էր բողոքի ակցիային, դիտորդի դերում էին նաեւ Լոռու մարզպետարանի որոշ աշխատակիցներ:

Հայքի հրապարակում էին մեծ թվով իրավապահներ՝ մարզային վարչության պետի ու բաժինների պետերի գլխավորությամբ, ովքեր, սակայն, որեւէ կերպ չխոչընդոտեցին ցուցարարների ակցիան:

Ժամեր շարունակ մնալով Հայքի հրապարակում, ցուցարար երիտասարդները իրազեկման երթ իրականացրեցին քաղաքի գլխավոր փողոցներով, որոնց կոչերին միանում ու որոնց քայլը արդեն ողջունում էին նաեւ վանաձորցի միջին եւ բարձր տարիքի անձինք: Վանաձորցի երիտասարդների բողոքի ցույցն այսօր այսքանով ավարտվեց, երիտասարդները  խոստացան՝ հավաքվում են նաեւ վաղը, այս անգամ արդեն Արցախ պուրակում:

Երիտասարդներից մի քանիսը  Armtimes.com-ի հետ զրույցում հայտնեցին, որ որոշ կառույցների աշխատակիցներ արդեն իսկ զանգահարել են իրենց ծնողներին ու պահանջել, որպեսզի իրենց տանեն տուն, հակառակ դեպքում՝ կամ իրենց կհեռացնեն աշխատանքից, կամ էլ մեզ դպրոցից ու ինստիտուտից:

Չնայած նմանօրինակ ու բազմաբովանդակ զգուշացումներին ու սպառնալիքներին, դպրոցականներն ու ուսանողները կեսօրից սկսած մինչեւ 18:00-ն շարունակեցին իրենց բողոքի ակցիան, ի աջակցության Երեւանում ընթացող «Քա՛յլ արա, մերժի՛ր Սերժին» ակցիային ու ի աջակցություն Նիկոլ Փաշինյանի:

Տպել
20287 դիտում

Մահացել է Սարդ-մարդու, Երկաթե մարդու, Հալքի, Ֆանտաստիկ քառյակի, Իքս մարդկանց «հայրը»

Նիկոլ Փաշինյան, Լենա Նազարյան, Արարատ Միրզոյան. հայտնի է «Իմ քայլը» դաշինքի առաջին տասնյակը

ԿԸՀ-ի որոշմամբ, ավագանու անդամ Արամ Մանուկյանի լիազորությունները դադարեցված են, նրան կփոխարինի Միքայել Թումանյանը

Դաշնակցության անունից առաջադրվելու եմ պատգամավորի թեկնածու, պատվի հարց է. Գեղամ Մանուկյան

Պաշտպանն ուշադրության կենտրոնում է պահում խաղաղ հավաքների ժամանակ մարդկանց իրավունքների երաշխավորման հարցը

Կոռուպցիայի դեմ պայքարն ու բարեփոխումներն առաջնահերթություն են. Փաշինյանը՝ ԵՄ դեսպաններին

Դիլիջանի ոլորաններում, Սյունիքի մարզի Գորիս և Քաջարան քաղաքներում մառախուղ է

Արագ հավաքովի, սենդվիչային տարբերակով թաղամաս. Ա. Մեսչյանն առաջարկում է համալրել բնակֆոնդը

«Ղեկը աջ» նախաձեռնությունը վաղը Կառավարության մոտ մեծ բողոքի ակցիա կիրականացնի

Կան պաշտոնյաներ, որոնք ստանում են 1 մլն դրամից ավելի թոշակ. Թանդիլյանն առաջարկում է չափ սահմանել

20-ամյա կնոջը դաժան ծեծի ենթարկած 30-ամյա տղամարդը նախկինում երեք անգամ դատապարտված է եղել

Արցախի ԱԳՆ ղեկավարն ընդունել է ԵԱՀԿ գործող նախագահի անձնական ներկայացուցչին

ՊԲ հրամանատարն ու Անջեյ Կասպրշիկը քննարկել են շփման գոտում տիրող իրավիճակը

Մինչեւ վերասարքավորում կատարելը իրենք չեն կարող այդ մեքենան շահագործել. Արմեն Փամբուխչյան

1988 թ. երկրաշարժի զոհերի հարգանքի տուրքի բոլոր միջոցառումները կկազմակերպվեն բարձր մակարդակով. Ցոլակյան

Ոստիկանին փորձում են անհիմն ազատել աշխատանքից. նա դիմում է ՀՀ ոստիկանապետին

Վերաքննիչը բեկանեց Շահեն Հարությունյանին տուգանելու մասին Վարչական դատարանի որոշումը

Իմ երեխան, իմանալով, որ մեքենան անսարք է, ասել է՝ ես չեմ վարի. զինծառայողի ծնողները մանրամասներ են պատմում

Ախալցխայում հայկական դպրոցի աղջիկներին մի քանի օր հետևել է Պակիստանի քաղաքացի. նրան ձերբակալել են

Քառօրյա պատերազմի ժամանակ մարտական հերթապահություն իրականացրած ՀՊՏՀ ուսանողների բաց նամակը վարչապետին, ԿԳ նախարարին