Անհամեմատ ավելի վտանգավոր է, երբ իրական որոշում կայացնողը ստվերում է. Վիգեն Սարգսյան

Երեկ Հանրային հեռուստաընկերության օրակարգից դուրս հաղորդաշարի հյուրն էր ՀՀ Պաշտպանության նախարար Վիգեն Սարգսյանը: Նախարարը պատասխանել է այժմյան քաղաքական իրավիճակին վերաբերող մի շարք հարցերի:

Թե ինչքանո՞վ է ներկա ներքաղաքական վիճակն անդրադառնում բանակի վրա, Վիգեն Սարգսյանը պատասխանել է. «Բանակը հասարակության, պետության անբաժան մասն է, եւ ցանկացած իրադարձություն ուղիղ կապ ունի նաեւ բանակի հետ: Չեմ կարող ուղիղ կապ անցկացնել հանրահավաքի եւ ծառայության միջեւ, բայց կարծում եմ, որ այն, ինչ տեղի է ունենում երկրում, ուղիղ կապված է բանակի մարտունակության աստիճանի հետ: Խոսքն այս իրադարձությունների մասին չէ, բայց պատկերացրեք, եթե նման իրադարձություններն ունենային ներազդելու ներուժ` իրոք կաթվածահար անելու պետական ողջ համակարգը, ցանկացած մարդու համար կաթվածահար կառավարման համակարգով պետության մարտունակությունը կարող է մեծապես տուժել դրանից: Նորից եմ կրկնում՝ խոսքն այս դեպքերի մասին չէ»:

«Ես այունամենայնիվ չեմ կարողանում ինքս ինձ համար պատասխանել այն հարցին, թե ո՞րն է այս իրադարձությունների դրդապատճառը: Մենք մեկ տարի առաջ անցել ենք բավականին լուրջ գործընթացով, ձեւավորվել է խորհրդարան, եւ առաջին անգամ երկար տարիների մեջ այդ խորհրդարանի ձեւավորման նկատմամբ գոյություն ունի հանրային բավականին բարձր վստահության աստիճան: Այն կարեւորագույն հարցերը, որ ընտրությունների հետ միշտ կապվում էր` կրկնակի քվեարկություններ, լցոնում, մեկ անձի փոխարեն այլ անձի քվեարկում, իսպառ բացառվել էին այն ընթացակարգերով, որոնք ձեւավորվեցին Ընտրական օրենսգրքով եւ այլն: Ընդդիմությունը ձեւավորեց իր խմբակցությունները խորհրդարանում, նրանք կարողացան լիարժեք մաս կազմել խորհրդարանական մոդելի անցման: Ձեւավորվեց կառավարություն, որը ներկայացրեց ծրագիր եւ մեկ տարվա ընթացքում տվեց արդյունք:

Մեզ երկար մեղադրում էին ընտրական գործընթացի ժամանակ, որ փորձում ենք հանրությանը գցել մոլորության մեջ՝ ձեւավորելով ցուցակ, որը կուսակցության իրական ուժը չի արտահայտելու: Ունենք տնտեսական բավականին նկատելի արդյունքներ, ունենք հայեցակարգային փոփոխություններ կառավարման ամենատարբեր ոլորտներում»,- ասաց Վիգեն Սարգսյանը:

Նիկոլ Փաշինյանը եւ նրա կողմնակիցները դեմ են Սերժ Սարգսյանի վարչապետ դառնալու` արդեն կայացած փաստին, եւ հղում է արվում Սերժ Սարգսյանի 4 տարի առաջ արված հայտարարությանը, լրագրողի այսպիսի դիտարկմանը Սարգսյանն արձագանքեց, որ կարծում է՝ այդ համատեքստում Սերժ Սարգսյանը մանրամասն պատասխանել է հարցին: «Բողոք պետք է լիներ, եթե ձայների մեծամասնություն ստացած խորհրդարանական ուժի ղեկավարը փորձեր ստվերից կառավարել գործընթացները: Այդ դեպքում մտահոգությունները պետք է շատ ավելի ըմբռնելի լինեին, քան, երբ ինքը ստանձնելով քաղաքական պատասխանատվություն այն ուժի համար, որը ձեւավորել է քաղաքական մեծամասնություն ներկայանում է խորհրդարան, եւ ձեւավորվում է այն ուղղահայացը, որն իրական որոշումների կայացման համար պատասխանատու է այս երկրում: Այնպես որ, այդ դժգոհությունը ինձ համար գոնե այդքան ըմբռնելի չէ»,- ասել է Սարգսյանը:

Հարցին՝ ինչպե՞ս է տեսնում հարցի հանգուցալուծումը Վիգեն Սարգսյանը եւ ինչքա՞ն պետք է իշխանությունն ընդառաջ գնա Նիկոլ Փաշինյանին եւ նրա կողմնակիցներին, Սարգսյանը պատասխանել է, որ ընդառաջ գնալու եւ փոխզիջման խնդիր չկա, այն, ինչ հնչեցվում է հրապարակում, ենթադրում է ամեն ինչ կամ ոչինչ սկզբունքը, եւ այն տարբերվում է խորհրդարանական ժողովրդավարության տրամաբանությունից: «Ես կարծում եմ, որ Նիկոլ Փաշինյանը աշխատանք ունի կատարելու խորհրդարանում, որպես մարդ, որը ստացել է համապատասխան քվե, եւ կարծում եմ, որ այստեղ շատ կարեւոր է խոսել կարմիր գծերը չանցնելու մասին, որոնք կարող են ուղղակի տեղ չթողնել հետագա երկխոսության, քննարկման համար»,- պատասխանեց Սարգսյանը:

Պաշտպանության նախարարը հայտարարել է, թե քաղաքացիների պահանջն իր համար հասկանալի չէ: Նա կարծում է, որ ոստիկանների գործողությունները գերարհեստավարժ էին, եւ նա միացավ Նիկոլ Փաշինյանի եւ իր կողմնակիցների ծափահարություններին, որը հնչեցվում է ոստիկանության հասցեին: «Կարծում եմ, որ իրենք ծափահարում են, տեսնելով իրենց դեմ իրոք արհեստավարժ, հայրենասեր մարդիկ, որոնք կատարում են աշխատանք, որը ծանր է, պատասխանատու է, վտանգավոր է եւ միտված է հանրային անվտանգության ապահովմանը»,- ասաց Սարգսյանը:

Հարցին՝ եթե Կարեն Կարապետյանը լավ էր աշխատում, ինչո՞ւ նա չմնաց վարչապետ, Սարգսյանը պատասխանեց. «Որպես կուսակցություն մենք ունենք որոշումներ կայացնելու ընթացակարգեր: Մենք ունենք տարբեր խնդիրների լուծումները համաչափ գտնելու համադրություն: Կառավարման համակարգի համար անհամեմատ ավելի արդյունավետ է, երբ ուղղահայացը պետական կառավարման համակարգի` արտացոլում է իրական որոշումների կայացման համաչափությունը: Անհամեմատ ավելի վտանգավոր է, երբ իրական որոշում կայացնողը ստվերում է, եւ նշանակված պաշտոնյաները կայացնում են որոշումներ բեմի հետեւից հնչող ցուցումներով, այնպես որ, ես այստեղ ոչ մի խնդիր չեմ տեսնում»,- ասել է Վիգեն Սարգսյանը:

Տպել
2527 դիտում

Դիլիջանի ոլորաններում, Սյունիքի մարզի Գորիս և Քաջարան քաղաքներում մառախուղ է

Արագ հավաքովի, սենդվիչային տարբերակով թաղամաս. Ա. Մեսչյանն առաջարկում է համալրել բնակֆոնդը

«Ղեկը աջ» նախաձեռնությունը վաղը Կառավարության մոտ մեծ բողոքի ակցիա կիրականացնի

Կան պաշտոնյաներ, որոնք ստանում են 1 մլն դրամից ավելի թոշակ. Թանդիլյանն առաջարկում է չափ սահմանել

20-ամյա կնոջը դաժան ծեծի ենթարկած 30-ամյա տղամարդը նախկինում երեք անգամ դատապարտված է եղել

Արցախի ԱԳՆ ղեկավարն ընդունել է ԵԱՀԿ գործող նախագահի անձնական ներկայացուցչին

ՊԲ հրամանատարն ու Անջեյ Կասպրշիկը քննարկել են շփման գոտում տիրող իրավիճակը

Մինչեւ վերասարքավորում կատարելը իրենք չեն կարող այդ մեքենան շահագործել. Արմեն Փամբուխչյան

1988 թ. երկրաշարժի զոհերի հարգանքի տուրքի բոլոր միջոցառումները կկազմակերպվեն բարձր մակարդակով. Ցոլակյան

Ոստիկանին փորձում են անհիմն ազատել աշխատանքից. նա դիմում է ՀՀ ոստիկանապետին

Վերաքննիչը բեկանեց Շահեն Հարությունյանին տուգանելու մասին Վարչական դատարանի որոշումը

Իմ երեխան, իմանալով, որ մեքենան անսարք է, ասել է՝ ես չեմ վարի. զինծառայողի ծնողները մանրամասներ են պատմում

Ախալցխայում հայկական դպրոցի աղջիկներին մի քանի օր հետևել է Պակիստանի քաղաքացի. նրան ձերբակալել են

Քառօրյա պատերազմի ժամանակ մարտական հերթապահություն իրականացրած ՀՊՏՀ ուսանողների բաց նամակը վարչապետին, ԿԳ նախարարին

Ստորագրվեց Երևանում նոր ՋԷԿ-ի կառուցման համաձայնագիրը. ծրագրի արժեքը 250 մլն դոլար է

Եղել եմ ՀՀԿ անդամ, բայց 2011 թ-ից զբաղվում եմ միայն թատրոնի աշխատանքով. Կիրակոսյանն իր զգուշացման մասին

Անվանի մարզիկները հիշում են Յուրի Վարդանյանի հետ շփումը, խորհուրդները դրական էներգիան

Երեւանի կենդանաբանական այգում զեբրը սատկել է, կենդանուն թունավորել են մկնդեղով

Լուսինեի ներշնչանքի աղբյուր է դառնում ցանկացած իր. նկարչուհին իր բրենդն է ստեղծել

Ժամը 18:00-ի դրությամբ, համաներմամբ ազատ է արձակվել 465 դատապարտյալ