ՀՀ-ում առկա են քաղաքական ճգնաժամի բոլոր նախադրյալները. ինչ կլինի, եթե վարչապետ չընտրվի

ՀՀ Սահմանադրության 6-րդ գլխի պահանջների համաձայն՝ ԱԺ խմբակցությունները պետք է մինչեւ ապրիլի 30-ը ներառյալ ներկայացնեն վարչապետի իրենց թեկնածուներին: Մայիսի 1-ին Ազգային ժողովը պետք է ընտրի վարչապետ: Այսինքն՝ Սերժ Սարգսյանի հրաժարականից հետո 7-օրյա ժամկետում սահմանված կարգով անցկացվում են ընտրություններ: Եթե մայիսի 1-ի ընտրությունները ձախողվեն, այսինքն՝ առաջադրված թեկնածուներից ոչ մեկը չստանա պատգամավորների կեսից ավելին «կողմ» քվեն, ապա այս պահի վարչապետի պաշտոնակատար Կարեն Կարապետյանը եւս 7 օր շարունակելու է ղեկավարել կառավարությունը, իսկ 7-րդ օրը՝ մայիսի 8-ին, տեղի է ունենում վարչապետի նոր ընտրություն: Այս անգամ վարչապետի թեկնածու առաջադրելու է պատգամավորների 1/3-ը: Այս փուլում էլ, եթե չընտրվի վարչապետ, ապա Սահմանադրության 6-րդ գլխի 149 հոդվածի 3-րդ մասի համաձայն, 7 օրվա ընթացքում Հայաստանի Ազգային ժողովը պետք է լուծարվի:  

Նման իրավիճակում Հայաստանում քաղաքական ճգնաժամ կառաջանա: Հայաստանում գրեթե բոլոր նախապայմանները կան, որ մեկ շաբաթից երկիրը հայտնվի քաղաքական ճգնաժամի մեջ: Քաղաքական վերջին զարգացումները եւ քաղաքական ուժերի ներկայացուցիչների տարբեր պահանջները տանում են դեպի ճգնաժամի: Բացի այս, նաեւ անհամաձայնություն կա քաղաքական մեծամասնության՝ ՀՀԿ-ի ներսում:

Բանն այն է, որ Նիկոլ Փաշինյանին հաջողվեց համաժողովրդական շարժում սկսել, ոտքի հանել հարյուր հազարավոր մարդկանց, ինչն էլ ձախողեց ՀՀԿ-ի քայլերի հաջորդականությունը: Այժմ Փաշինյանը պնդում է, որ ԱԺ-ում վարչապետ պետք է ընտրվի ժողովրդի մեծամասնության համակրանքը վայելող թեկնածուն: ՀՀԿ-ն շարունակում է մնալ այն տեսակետին, որ խորհդարանում մեծամասնություն են, բայց միաժամանակ նշում են, որ իրենց վերջնական որոշումը կայացնելու են՝ հաշվի առնելով պետական շահը:

«ՀՀԿ-ն իր բոլոր որոշումները կայացնելիս կառաջնորդվի ներքին կայունությունն ու պետական շահը հաշվի առնելով: Մենք դեռ քննարկում ունենք»,- երեկ ասաց ՀՀԿ խոսնակ Էդուարդ Շարմազանովը:

Հարցին՝ ՀՀԿ-ն կողմ կքվեարկի՞ Նիկոլ Փաշինյանի թեկնածությանը, Շարմազանովը պատասխանեց.

«ՀՀԿ-ն իր գործունեությամբ նպաստելու է քաղաքական երկխոսությանը բացառապես ՀՀ Սահմանադրության շրջանակներում: Մենք միմյանց միջեւ կիսելու հայրենիք չունենք, բոլորս պետք է ցուցաբերենք քաղաքական հանդուրժողականություն: Կա կուսակցական շահ, միտինգավորների շահ եւ ընդդիմության շահ, բայց սրանցից վեհ է պետության շահը: Մենք չենք մերժում Փաշինյանի օրակարգը, բայց ակնկալում ենք նաեւ մեր օրակարգը»,- ասաց նա եւ ընդգծեց, որ ՀՀԿ-ի օրակարգում հետեւյալն է.

«Երկխոսության ճանապարհով լսել միմյանց եւ դուրս գալ քաղաքական ճգնաժամից: Մեր թիմը պետք է ունենա միասնական դիրքորոշում եւ թիմի անունից բանակցելու է Կարեն Կարապետյանը»:

ՀՀԿ-ն դեռ վերջնական որոշում չի կայացրել վարչապետի թեկնածու առաջադրելու հետ կապված, սակայն չի բացառվում, որ այդպես էլ թեկնածու չառաջադրեն: ԲՀԿ-ից փոխանցում են, որ չեն կարող հաշվի չնստել ժողովրդի ցանկության հետ: Ծառուկյան խմբակցությունից Նաիրա Զոհրաբյանը կարծում է, որ ՀՀԿ-ն պետք է անհապաղ հեռանա, իսկ ԲՀԿ-ն վերջնական որոշում է կայացնելու Գագիկ Ծառուկյան-Նիկոլ Փաշինյան հանդիպումներից հետո:

«Քննարկումները շարունակվում են, եւ ԲՀԿ ժողովրդի ձայնը որոշիչ է լինելու: Գիտեք, որ Գագիկ Ծառուկյանը եւ Նիկոլ Փաշինյանը երեկ հանդիպել են, բայց ավելին չեմ կարող ասել: Մենք կաշկանդված ենք Սահմանադրությամբ տրված ժամանակով, այնպես որ վստահ եղեք, որ որոշումը չի ուշանա»,- ասաց Նաիրա Զոհրաբյանը:

ՀՀԿ-ի հետ կոալիցիոն կապերը նախօրեին խզած ՀՅԴ-ի քաղաքական ներկայացուցիչները շարունակում են լռել: Մեզ հաջողվեց քաղաքական իրավիճակի շուրջ զրուցել ՀՅԴ-ական պատգամավոր Արմենուհի Կյուրեղյանի հետ, նա եւս նշեց, որ իրենց համար կարեւոր է ժողովրդի խոսքը:

«Եթե Նիկոլ Փաշինյանն առաջադրվի որպես վարչապետի թեկնածու, նա պետք է ներկայացնի ստվերային կառավարությունը, երկրի զարգացման իր տեսլականը։ Լսելով նրա մոտեցումները, համադրելով այն ՀՅԴ ծրագրերի, տեսլականների հետ, մենք կկայացնենք մեր որոշումը»,- ասաց Կյուրեղյանը:

Տպել
3938 դիտում

Շոկային սկիզբը, Յուրայի պոկերը ու ՀՀ ֆուտբոլի հավաքականի ջախջախիչ հաղթանակը

Ծեծկռտուք Արտաշատի զինկոմիսարիատում. ըստ քաղաքացու ահազանգի՝ կապիտանը կոտրել է իր քիթը

Պարզաբանումներ եմ պահանջելու Բելառուսի ու Ղազախստանի նախագահներից. Փաշինյանը՝ ՀԱՊԿ նիստի զարգացումների մասին

Ոստիկանությունը օպերատիվ տվյալներ է ստացել, որ Երեւանում հիպնոսի միջոցով փող են կորզում

Ջիբրալթար-Հայաստան ֆուտբոլային հանդիպման մեկնարկային կազմերը

Երկու օր առաջ Հայաստանում էր, հիմա՝ չգիտեմ. Շարմազանովը՝ Տարոն Մարգարյանի գտնվելու վայրի մասին

Աշխարհը չէի փոխի քո հետ. Սիրուշոն շնորհավորել է Լեւոն Քոչարյանի ծնունդը

Իրական ընդդիմություն կձեւավորվի ընտրություններից հետո

Արսեն Ջուլֆալակյանն ու լրագրողը պարզաբանել են թյուրիմացությունը

Նոր մանրամասներ հոկտեմբերի 27-ին նռնակով կառավարության շենք ներխուժման դեպքից. պարզվել է՝ ով է նա

Արցախի պետնախարար Մարտիրոսյանն ընդունել է Արցախի պետական համալսարանի ուսանողների

Այդ տարածքը իմն է, իմ սեփականությունն է. Լոռու մարզպետը՝ սեփական ատամնաբուժարան կառուցելու մասին

Մարկոս Պիզելին՝ Ղազախստանի առաջնության լավագույն ֆուտնոլիստ

Քաղաքապետն ընդունել է ՀՀ-ում ԵՄ դեսպան Պյոտր Սվիտալսկիին

Վաչագան Ղազարյանը ցուցմունք է տվել. քննարկվում է կրկին գրավի միջնորդությամբ հանդես գալու տարբերակը

Ավան վարչական շրջանի ղեկավարը հրաժարական է տվել

23-ամյա Վահագնի շնորհիվ մարդկանց կյանքեր կփրկվեն. արյան տարբեր խումբ ունեցողներ շարունակում են արյուն հանձնել

Վարչապետ Նիկոլ Փաշինյանի միջնորդությամբ Սիմոն Մարտիրոսյանն ու Գոռ Մինասյանը կպարգեւատրվեն

Հույս ունեմ կկարողանանք Աբաջյանի հերոսությանն արժանի ապրել՝ անկախ նրանից` ինչով ենք զբաղվում. Փաշինյան

Հայ մարզիչը ղազախական ակումբի մանկապատանեկան ֆուտբոլը ղեկավարելու ու Հենոյի գեղեցիկ քայլի մասին