Հանրապետականներ, մոտեցե՛ք ելքին… Լիլիթ Ավագյանի հոդվածը

27/04/2018 schedule15:20

Տպավորություն է, թե ՀՀԿ-ի համաժողովրդական մերժումը, Սերժ Սարգսյանի հրաժարականն ու հրաժարականի տեքստը՝ «Նիկոլ Փաշինյանը ճիշտ էր: Ես սխալվեցի», Ս. Սարգսյանի հրաժարականին հաջորդած համահայկական տոնախմբությունը որեւէ ձեւով անհարմարություն չեն պատճառել ՀՀԿ-ին: Այս կուսակցությունը պատրաստ է հրդեհի բաժին դարձնել Հայաստանը, ինչպես մ.թ. 64 թվականին դա արեց Ներոնը՝ այրելով Հռոմը, միայն թե չկորցնի իշխանական իր լծակները:

Աշխատանքային հանդիպումներին անգամ ռուսերեն շփվող ՀՀ ամենաբարձրաստիճան չինովնիկներից մեկը՝ Կարեն Կարապետյանը, որը Ս. Սարգսյանի հրաժարականից հետո ՀՀ վարչապետի պաշտոնակատար է, իր կայքում հրապարակել է ՌԴ նախագահի հետ իր հեռախոսազրույցի արձանագրությունը: Ըստ այդմ՝ «Ընդգծվել է, Հայաստանում ճգնաժամային իրավիճակի կարգավորումը պետք է տեղի ունենա բացառապես իրավական դաշտում, գործող Սահմանադրության շրջանակներում եւ 2017թ. ապրիլին կայացած լեգիտիմ խորհրդարանական ընտրությունների արդյունքների հիման վրա: Այդ համատեքստում ընդգծվել է ՀՀ ԱԺ-ի կողմից ս.թ. մայիսի 1-ին Հանրապետության վարչապետի ընտրության կարեւորությունը»:

Կարեն Կարապետյանը ՀՀԿ-ի դեմքն է: Ռուսախոս, Հաղթանակի զբոսայգու կտրված անտառի տարածքում շքեղ առանձնատան տերը, համաժողովրդական մերժման ալիքը անտեսող այս մարդը փորձում է չհեռանալ իշխանությունից: Հստակ իմանալով, որ չհեռանալու գինը Հայաստանի անկայունությունն ու անկանխատեսելի հետեւանքներն են: Ներքաղաքական այս գերլարված իրավիճակը հանգուցալուծման տանելու փոխարեն ավելի լարելը նշանակում է գիտակցված սադրանքների գնալ:

Այս շարժման ձեռքբերումներից մեկը «ՀՀ ազատ, հպարտ քաղաքացի», «Մենք ենք տերը մեր երկրի» կարգախոսներն են: Եվ ահա, ՀՀԿ-ն, զանց առնելով Հայաստանի քաղաքացիների ազատ կամքը, աղերսում է այլ պետության ղեկավարի անուղղակի աջակցությունը:

Հանգամանքը, որ ԱԳՆ պաշտոնակատար Էդվարդ Նալբանդյանը, ՀՀ փոխվարչապետի պաշտոնակատար Արմեն Գեւորգյանը մեկնել են Մոսկվա, լոբբի եւ հանդիպումներ ունեցել ՌԴ արտգործնախարարի, այլ պաշտոնյաների հետ, հաստատում են Մոսկվայի աջակցությամբ, հաստատում է արտաքին միջամտության գնով իշխանությունը պահելու լուրերը:

Հայաստանում ձեւավորվել է հստակ իրավիճակ, երբ ՀՀ քաղաքացիները չեն վստահում ՀՀԿ-ին, ցանկանում են, որ երկրի վարչապետ լինի Նիկոլ Փաշինյանը, որի ձեւավորած ժամանակավոր կառավարության պայմաններում տեղի կունենան խորհրդարանական արտահերթ ընտրություններ:

Սա ստեղծված փակուղուց դուրս գալու թերեւս միակ խելամիտ ճանապարհն է:

Եթե ԱԺ-ում մեծամասնություն ունեցող ՀՀԿ-ն գնա քայլի, որը դեմ է համաժողովրդական շարժման պահանջին, այսինքն՝ ՀՀ վարչապետի պաշտոնում չներկայացվի Նիկոլ Փաշինյանի թեկնածությունը, Հայաստանում ներքաղաքական ճգնաժամը կարող է անհամեմատ ծանր հետեւանքներ ունենալ:

Սա դիկտատուրա կամ վերջնագիր չէ, ինչպես փորձում է ներկայացնել իշխանական կողմը: Որքան էլ սենտիմենտալ է հնչում՝ սա ՀՀ քաղաքացու կոտրված հավատն ու նվաստացած ինքնագնահատականը բարձրացնելու քայլ է: Սա  շանս է՝ փոխելու ՀՀԿ-ի եւ նրան սպասարկող կուսակցությունների ագահության պատճառով տնտեսական ու դեմոգրաֆիկ հյուծումը:

ՀՀԿ-ի կողմից արտաքին միջամտությամբ իշխանությունը պահելը համազգային շարժմանն ուղղված վտանգներից մեկն է: Մյուսը իշխանական կուսակցությունների՝ շարժմանը միանալու եւ «ժողովրդի կողքին կանգնելու» կոչերն են: Մտավախություն կար, որ խորհրդարանական ուժերը՝ ՀՅԴ-ն, ԲՀԿ-ն, ՀՀԿ-ն կփորձեն կուլիսային գործարքների գնալ Փաշինյանի հետ:

Երեկ հանրահավաքի ընթացքում Նիկոլ Փաշինյանը հայտարարեց. «Կան տարբեր մեսիջներ, գործարքի առաջարկներ, բայց պետք է հստակ արձանագրել, որ այս համատեքստում կոռումպացված ու հակաժողովրդավարական համակարգի հետ որեւէ կոմպրոմիս լինել չի կարող: Մենք այսօր ՔՊ-ի հետ հստակ քննարկել ենք, որ այս համատեքստում պաշտոնների բաժանման, ոլորտների կիսման մասին որեւէ խոսք լինել չի կարող: Մենք չենք գնալու որեւէ կուլիսային պայմանավորվածության նաեւ այն պատճառով, որ այս պրոցեսի գործող առանցքային անձը հրապարակում կանգնած ժողովուրդն է: Որեւէ գործարք չի կարող լինել ժողովրդի թիկունքին: Եվ ես կա՜մ վարչապետ կընտրվեմ ժողովրդի միջոցով, ժողովրդի պահանջով, կամ ՀՀ -ում ընդհանրապես վարչապետ չի ընտրվի: Ոգեղեն շարժման որեւէ արժեք մեկ միլիմետր անգամ չպետք է տուժի եւ մեր բարձրությունից մեկ մմ անգամ չենք իջնելու: Բարձրանալու ենք…»:

Ըստ Փաշինյանի՝ համաժողովրդական շարժման պաշտպանած վարչապետի թեկնածուին խորհրդարանական բոլոր խմբակցությունները պետք է ճանաչեն «անվերապահորեն եւ առանց նախապայմանների»: «Ժողովրդի հաղթանակը պետք է արձանագրվի դե յուրե»:

Հետեւաբար, Փաշինյանին մեղադրել իշխանական ուժերի հետ կուլիսային բանակցություններ վարելու մեջ, չաշխատող տարբերակ է:

Այս ռեժիմի հետ բոլորս ենք, այսպես թե այնպես, համագործակում, եթե հիմք ընդունենք Բրոդսկու վարկածը. «Գնում ես հացի, ուրեմն համագործակցում ես իշխանության հետ»:

Տպել
11735 դիտում

«Էլեկտրիկ Երեւան»-ից հայտնի ակտիվիստը դրվագ է պատմել ոստիկանությունում իր եւ Հունան Պողոսյանի հանդիպումից

Վարչական համաներում է կիրառվել 108 հազար 916 քաղաքացու նկատմամբ. Արտակ Զեյնալյան

Մարտական հրաձգությամբ գնդային մարտավարական զորավարժություն`ՊԲ հյուսիսային ուղղության զորամասերի մասնակցությամբ

Նախկին պատգամավոր Հովհաննես Մարգարյանը նոր կուսակցություն է բացել եւ վստահում է Նիկոլ Փաշինյանին

Վենետիկի հանձնաժողովը հայտարարություն է ընդունել ՀՀ Ընտրական օրենսգրքի նախագծի վերաբերյալ

Նախագահն այցելել է Հայաստանում Գերմանիայի դեսպանություն

Հայտնի «դըմփ-դըմփ հու՛»-ն՝ Հունան Պողոսյանի մասնակցությամբ (տեսանյութ)

Հնգյակով ցուցակը զարմացրել է ՀՀԿ-ին. կուսակցությունում մասնակցության վերջնական որոշում չկա

Հիվանդին ԲԿ-ում փոխներարկվել է «Հեպտատիտ Ց» վարակ պարունակող անհամատեղելի արյուն, որի հետևանքով հիվանդը մահացել է

Վահե Գրիգորյանի ընտրության հարցը կքննարկվի հոկտեմբերի 23-ին

Հայ զինծառայողները մասնակցել են միջազգային հեղինակավոր վարժանք-մրցույթին

«Երկիր Ծիրանի»-ին դատապարտում է Հունան Պողոսյանին մարզպետ նշանակելու կառավարության որոշումը

Սերժ Սարգսյանի ընկերոջ որդու նախաձեռնությամբ պատգամավորները դիմել են Սահմանադրական դատարան

Խոշտանգում կատարելու կասկածանքով ձերբակալվել են ոստիկանության Սևանի բաժնի պաշտոնատար անձինք

Կապանի մարզադաշտը կվերանորոգվի ՀՖՖ հաշվին. Նիկոլ Փաշինյան

Երգիչ Սեբուի հոր մեքենան կանգնեցրած եւ կաշառք պահանջած տեսուչները գրավի դիմաց ազատ են արձակվել

Անչափահասի կոկորդից արմունկով սեղմած պահել են, պառկած հասցրել բաժին, ապա բազմաթիվ հարվածներ հասցրել. փաստաբան

Ինձ համար կարեւորագույն խնդիր է՝ ջարդել նարկոտրաֆիկի ողնաշարը, մեծ խմբաքանակներ են անցնում Սյունիքով. Փաշինյան

ՀՀ Թաեքվոնդոյի ֆեդերացիայում աղմուկը չի հանդարտվում

Սեւակ Միքայելյանի քարոզարշավին աշակերտների մասնակցության մասին ձայնագրությունն ուղարկվել է Կոտայքի դատախազություն