Հայ ազատոճային ըմբիշները Եվրոպայի առաջնությունից կվերադառնան ձեռնունայն

Հայաստանի ազատ ոճի ըմբշամարտի հավաքականի անդամներին չի հաջողվել մեդալներ նվաճել Եվրոպայի 2018 թ. առաջնությունում: Այսօր՝ մայիսի 5-ին, Կասպիյսկում ընթացող մրցաշարում գոտեմարտեր անցկացրեցին երեկ պարտությունից հետո բրոնզի համար պայքարելու հնարավորություն ստացած Միհրան Ջաբուրյանը (57 կգ) եւ Վալտեր Մարգարյանը (70 կգ): Այսօր նաեւ իրենց մրցելույթները սկսեցին Գարիկ Բարսեղյանը (61 կգ), Գրիգոր Գրիգորյանը (74 կգ), Մարզպետ Գալստյանը (86 կգ), Շամիր Աթյանը (92 կգ):

Ջաբուրյանը սփոփիչ գոտեմարտում հաղթեց բուլղարացի Միկյայ Սալիմ Նաիմին (4-1): Բրոնզե մեդալի համար պայքարում, սակայն, պարտվեց բելառուս Վլադիսլավ Անդրեեւին (8-1): Մինչեւ այդ երեկ 1/8 եզրափակչում հաղթել էր ռումինացի Անդրեյ Դուկովին (10-0): Քառորդ եզրափակչում զիջել էր Ադրբեջանը ներկայացնող Գիորգի Էդիշիրաշվիլուն: Վերջինս հասել էր եզրափակիչ, եւ Ջաբուրյանը բրոնզի համար պայքարելու հնարավորություն էր ստացավ:

3-րդ տեղը զբաղեցնելու հնարավորությունից չօգտվեց նաեւ Մարգարյանը: Նա սփոփիչ գոտեմարտում պարտվեց ուկրաինացի Անդրիյ Կվյատկովսկուն (5-2): Երեկ 1/8 եզրափակչում պարտության էր մատնել ավստրիացի Մաքսիմիլիան Օսերլեյթներին (10-0): Քառորդ եզրափակչում պարտվել էր ռուս Մագոմեդ Կուրբանալիեւին (9-6): Կուրբանալիեւը եզրափակիչ էր դուրս եկել, եւ Մարգարյանը բրոնզի համար պայքարելու շանս էր ստացել:

Այսօր պայքարը սկսած մարզիկներից Բարսեղյանը 1/8 եզրափակչում զիջեց թուրք Ռեջեփ Թոփալին (13-2): Գրիգորյանը քառորդ եզրափակչում պարտվեց Բուլղարիան ներկայացնող Ալի Փաշա  Ռուսլանովիչ Ումարփաշաեւին (13-3): Գալստյանը 1/8 եզրափակչում պարտվեց թուրք Ֆաթիհ Էրդինին (6-2): Աթյանը 1/8 եզրափակչում հաղթեց շվեդ Ալբին Վիկինգ Ֆրիդին (4-0): Հաջորդ փուլում զիջեց Իրակլի Մծիտուրիին (3-0): Հայ մարզիկներին հաղթած ըմբիշները եզրափակիչ չհասան, եւ նրանք բրոնզի համար պայքարելու հնարավորություն չստացան:

Երեկ ազատոճայինների պայքարում Հայաստանի հավաքականի կազմում ելույթ էին ունեցել նաեւ Վալոդյա Ֆրանգուլյանը (61 կգ), Վարուժան Կաջոյանը (79 կգ), Գեորգի Կետոեւը (97 կգ): Նրանք նույնպես պարտություններէին կրել եւ հետագայում մեդալի համար պայքարի մեջ մտնելու շանս չէին ստացել:

ՀՀ ազատոճայինների հավաքականը պետք է ներկայացուցիչ ունենար նաեւ 125 կգ քաշային կարգում՝ Լեւան Բերիանիձեն: Նա, սակայն, ինչ-ինչ պատճառներով չի մասնակցել մրցաշարին:

Եվրոպայի 2018 թ. առաջնությունը մեկնարկել է ապրիլի 30-ին: Կավարտվի մայիս 6-ին: Մրցաշարում Հայաստանն են ներկայացրել նաեւ հունահռոմեական ոճի ըմբիշները: Նրանց կազմում կարիերայում 4-րդ անգամ Եվրոպայի չեմպիոն է դարձել օլիմպիական չեմպիոն, աշխարհի եռակի չեմպիոն Արթուր Ալեքսանյանը (97 կգ): Եվրոպայի չեմպիոն է դարձել նաեւ աշխարհի չեմպիոն Մաքսիմ Մանուկյանը (82 կգ): Կարեն Ասլանյանը (67 կգ) նվաճել է բրոնզե մեդալ:

Տպել
1066 դիտում

Երեխաները Հայաստանի Հանրապետության ամենաարժեքավոր քաղաքացիներն են. Արմեն Սարգսյան

Ոգեւորված եմ խաղաղության հաստատմանն ուղղված Ձեր կոչից. Կարին Մարմսոլերին՝ Աննա Հակոբյանին

Մի քանի հարյուր հազար դոլարի փոխանցում եւ հանձնառություն. «Իմ Քայլը» հիմնադրամի Մոսկովյան այցի արդյունքները

Ներքին ճգնաժամ ՀԱՊԿ-ում. Բելառուսի սկանդալային դիվանագիտությունը

ԻՐԻՆԱ. քաղցկեղի դեմ պայքարի պատմություն

«Շերեմետեւո»-ում մահացած հայ տղամարդը փորձել էր մտնել ինքնաթիռի շասսիի մեջ

Եվրո 2020-ի վիճակահանությունից առաջ ՀՀ ֆուտբոլի հավաքականն ամենաթույլերի զամբյուղում չէ

Մերժվել է 23-ամյա արտիստի հրաժեշտը կազմակերպելու խնդրանքը. նախարարությունը դեռ չի կողմնորոշվել ընթացակարգի ժամկետներում

Լավագույն ժամանակն է, որ մենք՝ հայերս, եւս մեկ հեղափոխություն անենք. Արմեն Սարգսյան

ԵՄ-ն 850 000 եվրո է տրամադարում խորհրդարանական ընտրությունների վերահսկման համար

Որեւէ մեկը չփորձի ՀՀ քաղաքացուն նվաստացնել՝ 5 հազար դրամ առաջարկելով. վարչապետ

Ինչպե՞ս է հայ տղամարդը մահացել Մոսկվայի օդանավակայանում. ՌԴ ՔԿ-ն տեսանյութ է հրապարակել

Լենա Նազարյանը Facebook սոցիալական ցանցում հրապարակել է «Իմ քայլը» դաշինքի բուկլետը

Բալետի 23-ամյա արտիստի մահվան պատճառ դարձած ավտովթարի դեպքի առթիվ քրեական գործ է հարուցվել

Հայաստանում ոչ թե խոշոր բիզնեսը փոքրանալու է, այլ փոքրը դառնալու է միջին, միջինը՝ խոշոր. Փաշինյանը՝ գործարարներին

Ալիեւը Մինսկում էր. ՀԱՊԿ-ում լուրջ խոսակցություն է հասունանում

Հայրս 5 տարի 8 ամիսը բանտում է, այժմ գամված է անվասայլակին. բաց նամակ՝ Նիկոլ Փաշինյանին

Քրեական հեղինակություն «Շալիկո»-ն տուժող է ճանաչվել

Հայաստանն այլեւս աղքատության երկիր չէ. Նիկոլ Փաշինյան

Արմեն Մելքոնյանը հետ է կանչվել Արաբական պետությունների լիգայում ՀՀ ներկայացուցչի պաշտոնից