Արեւմտահայոց Ազգային համագումարի հայտարարությունը

Արեւմտահայոց Ազգային Համագումարը (ԱԱՀ) աշխարհասփյուռ հայրենակիցների հետ միասին, որոնց մեծամասնությունը կազմում են Մեծ Եղեռնից փրկված Օսմանյան Կայսրության հպատակ հայազգի բնակչության ժառանգները՝ արեւմտահայերը, հույսով եւ անհանգստությամբ է հետեւում Հայաստանում կատարվող վերջին զարգացումներին եւ ողջունում է խաղաղ թավշյա սիրո հեղափոխությունը, որը կարող է դառնալ ժողովրդի` իր սահմանադրական իրավունքների պահպանման ոչ բռնի կամաարտահայտման մի մոդել: Մենք հավատում ենք թավշյա հեղափոխության խաղաղ եւ հաջողակ հանգուցալուծմանը, եւ մեր լիազորությունների սահմանում մասնակցություն ենք ունեցել Երեւանում տեղի ունեցող իրադարձություններին ու Սփյուռքի հայրենակիցների հետ կիսվում էինք տեղեկատվությամբ՝ բացատրելով տեղի ունեցածի պատճառները եւ հեռանկարները: Հայ ժողովուրդը ինչպես Հայրենիքում, այնպես էլ Սփյուռքում հավատում է լավագույն ապագային եւ ցուցաբերում է Հայրենիքում պետականության զարգացման ու քաղաքացիական հասարակության կառուցման գործընթացի զարգացմանը միտված միասնություն եւ կամք:

ԵԼՔ ընդդիմադիր դաշինքը եւ իր առաջնորդ Նիկոլ Փաշինյանը, ցուցաբերելով հազվագյուտ կազմակերպչական տաղանդ, ինքնազոհողության պատրաստակամություն եւ երկաթե կամք, կարողացան հարյուր հազարավոր մեր հայրենակիցների եւ առաջին հերթին երիտասարդության մեջ արթնացել լավագույն մարդկային որակներ, որոնք դրսեւորվեցին զանգվածային համերաշխության, կազմակերպվածության եւ միմյանց նկատմամբ հոգածության տեսքով: Մեր ժողովուրդը եւ´ Հայրենիքում, եւ´ Սփյուռքում հրաշալի կերպով իրեն նորից ընկալեց իր երկրի եւ պետության տեր ու ցուցաբերեց նվիրվածություն ժողովրդական արժեքներին:

Պետք է արժանին մատուցել նաեւ ՀՀ իշխանություններին եւ իրավապահ մարմիններին, որոնք, ճիշտ գնահատելով կատարվածի ամբողջ խորությունը, զսպվածություն եւ համբերություն դրսեւորեցին զանգվածային բողոքի ակցիաների եւ առճակատման պարագայում: Փոփոխությունների ձգտող հարյուր հազարավոր մեր հայրենակիցների ճնշման ներքո Սերժ Սարգսյանի խաղաղ հրաժարականը ՀՀ վարչապետի պաշտոնից դարձավ իր եւ իր շրջապատի կողմից իրենց եղած պատկերացումների ու երկրում տիրող իրավիճակի միջեւ գոյություն ունեցող էական տարբերությունների ընկալման արտահայտում: Իսկ հեղափոխության եւ իր առաջնորդի ճանաչումը այլեւս դարձել է հարգանքի արժանի պատմական ակտ:

Մենք հպարտություն ենք զգում մեր վերածնված ազդի հանդեպ, որը, հաղթահարելով ծանրագույն փորձություններ եւ Ցեղասպանություն, ծնեց Ազատ Քաղաքացների մի սերունդ, որը, չնայած ռմբակոծությունների, շրջափակման եւ ցրտաշունչ ժամանակների, կարողացավ վերադարձնել Արցախը հայրենիք՝ ագրեսորին մատնելով փախուստի, եւ որը իր ինքնիշխանությունը կորցնելուց հարյուր տարի անց կառուցում է ազատ պետություն: Այժմ այս սերունդը աշխարհին ցուցադրում է քրիստոնեական տիպի մի հեղափոխություն՝ բաց ձեռքերով ու սրտով եւ առանց որեւիցե կրակոցի ու զոհերի:

ԱԱՀ-ն այս քաղաքական ճգնաժամից դուրս գալու ելքը տեսնում է ժողովրդական դժգոհությունը՝ դեմոկրատական սկզբունքներով քաղաքական գործընթացի ձեւավորման վերափոխելու մեջ, որը կհանգեցնի նոր ժողովրդական իշխանության կազմավորմանը: Դրա երաշխիք կարող է հանդիսանալ ժողովրդական թեկնածուի՝ Նիկոլ Փաշինյանի՝ Ազգային Ժողովում քվեարկության միջոցով որպես ՀՀ վարչապետ ընտրությունը, ով առաջին հերթին նախաձեռնելու է ընտրական օրենսգրքի դեմոկրատիզացիան եւ իրականացնելու է Ազգային ժողովի պատգամավորների արդար ու ազատ ընտրություններ ժողովրդի վստահությունը վայելող երկրի քաղաքացիներին՝ որպես Ազգային Ժողովի պատգամավորներ ընտրելու նպատակով: Նոր Ազգային Ժողովը կկազմավորի նոր կառավարություն ազգի արժանապատիվ առաջնորդներից, որոնք ընդունակ են բարելավել երկրի եւ նրա քաղաքացիների կյանքը, վերացնել շրջափակումը ու երկրի քաղաքական մեկուսացումը:

Այսպիսի նորացված Հայաստանի Հանրապետությունը, պահպանելով խաղաղությունը, ներքաղաքական կայունությունը եւ ժողովրդին տրված խոստումների հավատարմությունը, կոգեւորի եւ կստանա 7-8 միլիոնանոց Սփյուռքի հայության պատմական առաքելությանը համապատասխանող աջակցությունը: Այս հեղափոխությունը ժողովրդին եւ քաղաքացիներին ընդհանրապես հավատ է ընձեռել իր սեփական ուժերի եւ սեփական ապագան կերտելու հնարավորության նկատմամբ ու պետք է թույլ տա ամեն մի հայի ունենալ սեփական ներդրումը պատմական Հայրենիքի այս պահպանված մի մասնիկի ապագա բարեկեցությանը միտված գործընթացում:

Արեւմտահայոց Ազգային Համագումարը գտնում է, որ ՀՀ նորընտիր իշխանությունների կարեւորագույն նպատակը պետք է լինի դեռեւս չլուծված Հայկական հարցի մեկ մասը հանդիսացող՝ Արցախի հիմնախնդրի արդարացի հանգուցալուծումը՝ Արցախի միացումը Հայաստանի Հանրապետությանը որպես ՀՀ-ի տարածքային ամբողջականության մասնակի վերականգնում, որը խախտվել էր քեմալական Թուրքիայի եւ բոլշեւիկների հանցագործ դավադրության հետեւանքով: Աշխարհի հայության համատեղ ուժերով Հայաստանի Հանրապետությունը՝ դե ֆակտո վերամիավորված Արցախով, կհասնի նրան, որ միջազգային հանրությունը ի վերջո դե յուրե կճանաչի Հայաստանի վերամիավորված լինելը: Կմշակվեն եւ կիրագործվեն համազգային տնտեսական եւ քաղաքական ուղղվածության խոշորամասշտաբ ծրագրեր ու նախագծեր, որոնք կոչված են ապահովելու երկրի դինամիկ եւ հեռանկարային, առաջադեմ եւ անվտանգ զարգացումը, որն իր հերթին կնպաստի հայերի ներգաղթին իրենց պատմական Հայրենիք՝ Արեւելյան, իսկ հետագայում՝ համապատասխան բարենպաստ պայմանների առկայության դեպքում, նաեւ Արեւմտյան Հայաստան:  

Զինված ժամանակակից հայկական ազգային եւ պետական քաղաքական մտածողությամբ՝ սթափ, օբյեկտիվորեն եւ գիտականորեն գնահատելով հայ ժողովրդի հազարամյակներով անցած պատմական ճանապարհը եւ հատկապես վերագիտակցելով վերջին 150 ճակատագրական տարիների պարտությունների եւ հաղթանակների պատճառները՝ Հայաստանի եւ սփյուռքի հայությունը, ձեռնամուխ լինելով համապատասխան վերոնշյալ մտածողությամբ նախատեսված պատասխանատու գործողությունների եւ գործառույթների, ի հայտ հանելով իրենց ջանասիրության եւ արարման լավագույն հատկությունները եւ որակները, համատեղ ջանքերով կհասնեն աշխարհում ինքնուրույն հայկական գործոնի ձեւավորմանը: Այն իր հերթին կապահովի հայ ազգի հեռանկարային ու անվտանգ զարգացումը եւ թույլ կտա իր ձեռքը վերցնել ազգի ճակատագրի հետագա ամբողջ պատասխանատվությունը:

Արեւմտահայերի ազգային կոնգրեսի նախագահություն

Նորատ Տեր-Գրիգորյանց՝ Արեւմտյահայերի ազգային կոնգրեսի նախագահ
Կարեն Միքաելյան, Արամ Գուշչյան, Ավագ Խաչատրյան՝ փոխնախագահներ
Վաչագան Պետրոսյան՝ գլխավոր քարտուղար

05.05.2018

Տպել
1640 դիտում

Կոտայքի մարզի մի շարք գյուղերի բնակիչներ ճանապարհ էին փակել. մարզպետը լուծեց խնդիրը

ՀՖՖ-ն գիտակցում է կազմակերպչական թերությունները, պատրաստվում է ուղղել. Նիկողոսյան

Զինվորի նամակները փակված են եղել արկղերի հետ, Մանվել Գրիգորյանը դրա հետ որեւէ կապ չունի. պաշտպան

«Սուրբ Գրիգոր Լուսավորիչ» ԲԿ-ում ստուգումների ծավալն ընդլայնվել է. այլ ԲԿ-ներում եւս ստուգում է

ԿԳ նախարարը եւ ԵՄ հանձնակատարը քննարկվել են ՀՀ գիտության կառավարման արդյունավետության հարցերը

Նորանշանակ դատավորները երդվել են Արմեն Սարգսյանի ու Գագիկ Հարությունյանի ներկայությամբ

Փաշինյանն Արմավիրում մասնակցելու է «Իմ քայլը» դաշինքի քաղաքապետի թեկնածուի նախընտրական հանրահավաքին

Այսբերգի երեւացող կողմն է․ Փաշինյանը ներկայացրել է սպորտի նախարարի պաշտոնակատար Գաբրիել Ղազարյանին

Բուռն քարոզարշավ Կապանի քաղաքապետի արտահերթ ընտրություններից առաջ. կրիմինալը՝ ընդդեմ ՔՊ-ական թեկնածուի՞

Մենք լավագույնն անում ենք սիրիահայերի ինտեգրման համար. Մխիթար Հայրապետյան

Սերժ Սարգսյանը շատ հարգանքով է ընդունել իմ որոշումը. Կոստանյանը Փաշինյանին գովելուց հետո հանդիպել է Սարգսյանին

Ազգային ժողովում Մարտի 1-ի զոհերի հարազատներին փոխհատուցելու օրենքի նախագիծը չքննարկվեց

Վրացական «Իբերիա» հեռուստաընկերությունը դադարեցրել է հեռարձակումը. մեղադրում են կառավարությանը

Ուկրաինայում Սու-27 կործանիչի վթարից զոհվել է երկու օդաչու

ԱԺ-ն քննարկում է աջ ու ձախ կալանք դնելու ԴԱՀԿ-ի լիազորությունը սահմանափակելու հարցը

Հրդեհ Թբիլիսիում. այրվում է փախստականներով բնակեցված տունը

Սահմանախախտման երրորդ դեպքը հայ-թուրքական սահմանին. ձերբակալվել է սահմանախախտների խումբ

Հովիկ Աբրահամյանի եղբայր Ջոնիկը 5 միլիոն դրամ գրավի դիմաց ազատ է արձակվել

Գյուղատնտեսության ոլորտում մենք լուրջ խնդիրներ ունենք. Փաշինյանը ներկայացրել է նորանշանակ գյուղնախարարի պաշտոնակատարին

Հեռացող դեսպանի հայտարարությունը կարող ենք համարել հեռացող դեսպանի հայտարարություն. Փաշինյանը՝ Միլսին