Մարզիչ նշանակվելիս արդյունքներ էր խոստացել. Նազարյանը Կարապետյանի՝ չեմպիոն դառնալու մասին

ՀՀ ձյուդոյի հավաքականի գլխավոր մարզիչ Արմեն Նազարյանն ավելի քան գոհ է Եվրոպայի 2018 թ. առաջնության արդյունքներից: Այն օրերին, երբ ՀՀ-ում մարդիկ զբաղված էին թավշյա հեղափոխությամբ, ապրիլի 26-28-ն Իսրայելում կայացած Եվրոպայի առաջնությունում Ֆերդինանդ Կարապետյանը (73 կգ) դարձավ չեմպիոն՝ եզրափակչում հաղթելով արդբեջանցի Հիդայաթ Հեյդարովին: Վերջին անգամ նման արդյունք ՀՀ հավաքականի կազմում գրանցել էր հենց Նազարյանը 13 տարի առաջ: «Հայկական ժամանակ»-ի հետ զրույցում նա նշեց, որ հավաքականի գլխավոր մարզիչ նշանակվելիս ֆեդերացիայի նախագահ Վարդան Ոսկանյանին եւ այժմյան գլխավոր քարտուղար Թաթուլ Հովհաննիսյանին արդյունքներ էր խոստացել:

«Երբ 2 տարի առաջ ֆեդերացիայի նախագահ Վարդան Ոսկանյանն ինձ նշանակում էր հավաքականի մարզիչ, ես նրան ու Թաթուլ Հովհաննիսյանին խոստացա, որ անպայման, ինչ արդյունքներ ես ունեցել եմ, նույն արդյունքները լինելու են: Մի բան էլ, երեւի, ավելի կլինի, ամեն  ինչ դեռ առջեւում է: Ֆերդինանդը բոլոր հավաքներին, միջազգային մրցաշարերին մասնակցեց: Տարվա կեսից ինձ համար արդեն պարզ էր, որ լավ մարզավիճակում է, որովհետեւ բավականին ուժեղ մրցաշարերում՝ «Գրան պրիում» 3-րդ տեղը գրավեց, «Մեծ սաղավարտի» մրցաշարում՝ 2-րդ: Եվ այնպիսի տղաների հաղթեց՝ ճապոնացիների, օլիմպիական չեմպիոն իտալացուն, Ռուսաստանի հավաքականից Եվրոպայի, աշխարհի առաջնությունների մրցանակակիրների: Ինձ համար արդեն պարզ էր, որ ԵԱ-ին մոտենալու ենք անպայման հաղթելու տրամադրությամբ»,- ասաց նա:

Մրցաշարում Հայաստանը ներկայացնում էր եւս 2 մարզիկ՝ Արսեն Ղազարյանը (73 կգ) եւ Վարդան Խաչատրյանը (81 կգ): Խաչատրյանը պարտվեց առաջին իսկ գոտեմարտում: Նրա առաջին Եվրոպայի առաջնությունն էր եղել,  եւ Նազարյանի համար նրա նման ելույթը սպասելի է եղել: Իսկ Ղազարյանը մոտ է եղել բրոնզե մեդալին, սակայն արդյունքում 5-րդ տեղն է զբաղեցրել:

«Արսենից էլ գոհ եմ, որովհետեւ Եվրոպայի առաջնությունների մի քանի անգամ մասնակցել էր եւ ամեն անգամ առաջին-երկրորդ գոտեմարտից պարտվել էր: Այս անգամ նա էլ Ֆերդինանդի հետ բոլոր մրցաշարերը, ուսումնամարզական հավաքները դրսում անց էր կացրել, եւ նա էլ էր պատրաստ: 3-րդ մրցանակային տեղի համար պայքարում՝ շվեդիայի ներկայացուցչի հետ գոտեմարտում, հաղթում էր, 1 րոպե էր մնացել, ու իր սխալի պատճառով պարտվեց»,- ասաց նա:

Այս օրերին հավաքականի այն տղաները, որոնք Եվրոպայի առաջնությանը չեն մասնակցել, Օրենբուրգում են: Մայիսի 12-13-ը մասնակցելու են Եվրոպայի գավաթի խաղարկությանը: Մայիսի 13-18-ն ուսումնամարզական հավաք են անցկացնելու Օրենբուրգում:

Ֆերդինանդ Կարապետյանը 1 ամիս հանգստանալու է: Նա Գերանիա է մեկնել՝ վերականգնվելու: Հունիսի կեսերից սկսելու է ուսումնամարզական հավաքները Վրաստանում: Հետո հավաք կանցկացնի Իսպանիայում: Հուլիսին կմասնակցի 2 «Գրան պրի» մրցաշարի՝ մեկը Խորվաթիայում, մյուսը՝ Հունգարիայում: Արսեն Ղազարյանն էլ, մարզիչների որոշմամբ, կմասնակցի այդ մրցաշարարերից որեւէ մեկին:

Այուհետեւ հավաքականի մարզիկները կշարունակեն մարզումները եւ կսպասեն աշխարհի առաջնության վերաբերյալ Հայաստանի ազգային օլիմպիական կոմիտեի եւ ՀՀ Ձյուդոյի ֆեդերացիայի որոշմանը: Աշխարհի 2018 թ. առաջնությունը կայանալու է Բաքվում, եւ հայ մարզիկները կարող են մասնակցել միայն ՀԱՕԿ-ի ու ֆեդերացիայի համապատասխան որոշումից հետո:

Տպել
1564 դիտում

Ինչ արժե նախընտրական գովազդի 1 րոպեն. 100 հազարից մինչև հազար դրամ՝ մարզերում ու Երեւանում

Ջիգարխանյանի նախկին կնոջը 250 ժամյա հարկադիր աշխատանք է տրվել. նա պատրաստ է ավլել փողոցները, բայց մեղավոր չի զգում

ԿԸՀ-ն հրապարակել է ընտրություններին մասնակցող ուժերի համապետական և տարածքային ցուցակները

Շերեմետյեվո օդանավակայանի թռիչքուղում ինքնաթիռը ոչ թե կենդանու, այլ մարդու է հարվածել՝ ՀՀ քաղաքացու

ԿԸՀ-ն հրապարակել է ընտրողների թիվը մարզերում ու Երևանում. մարզերից ամենաշատ ընտրողները Կոտայքում են

Անցկացվել են հայ-գերմանական երկկողմ ռազմաքաղաքական խորհրդակցություններ

ԲՀԿ-ն արտահերթ ընտություններին կմասնակցի 169 թեկնածուով, 7 հոգին ինքնաբացարկ է հայտնել

Փաշինյանը իրականացրել է նախընտրական քարոզչություն` աշխատանքային ժամին. ՀՀԿ շտաբ

Վթար Կիևյան և Մոնթե Մելքոնյան փողոցների խաչմերուկում, բախվել է 5 մեքենա. կան տուժածներ

ԼՂ հակամարտությունում մարդկանց իրավունքներն ու անվտանգությունը առաջնահերթություններ են. ԱԳ նախարար

Դավիթ Տոնոյանը ժամանել է Քեմփ Մարմալ ռազմաբազա, որտեղ ծառայում են հայ խաղաղապահները

Պեկինում տեղի է ունեցել «Նոր Հայաստանը եւ նրա տարածաշրջանային կարեւորությունը» թեմայով գիտաժողով

Եռագույն փողկապն աղքատությունն ու արտագաղթը չի վերացնում, գնաճը շարունակվում է. Շարմազանովը՝ վարչապետին

Նոյեմբերի 20-ի դրությամբ համաներմամբ ազատ է արձակվել 501 դատապարտյալ

Եւ մի տանիր զմեզ ի փորձություն ...

Տեղի կունենա մոմավառություն՝ ի հիշատակ բալետի արտիստ Վահագն Մարգարյանի

Քրտնաջան և թափանցիկ աշխատանքի ակնկալիքով. քաղաքապետը ներկայացրել է Քանաքեռ-Զեյթունի նոր ղեկավարին

էրեբունու զանգվածային անկարգությունների գործով ինքնակամ ներկայացած անձը Մասիսի սպորտդպրոցի տնօրենն է

Ոստիկանները Շենգենյան վիզայի կեղծման դեպք են բացահայտել. վիզան 6500 եվրո է արժեցել (տեսանյութ)

Ժողովուրդ ջան, հավատացե՛ք Նիկոլ Փաշինյանին, քանի դեռ ինքը հակառակը չի ապացուցել. Արփինե Հովհաննիսյան