Ռոմանտիկ հակահեղափոխականները. ամենագլխավոր դերը վերապահվել է Վիգեն Սարգսյանին

Այն, որ ՀՀԿ-ի վերնախավը ամեն րոպե երազում ու սպասում է հակահեղափոխության, թերեւս, գիտեն, կամ առնվազն զգում են բոլորը: Այդ երազանքն ու սպասումն է, որ մինչ օրս հարաբերականորեն կուռ է պահում իրեն կուսակցություն համարող այդ կառույցի վերջին՝ պատկերավոր ասած, գվարդիական գնդի շարքերը: Ու եթե մի քանի օր առաջ դեռ պարզ չէր, թե ինչպես են ուզում հակահեղափոխություն իրականացնել, ապա հիմա մոտավոր սցենարը, կարծես թե, արդեն ուրվագծվել է:

Հենց հակահեղափոխականների «խրամատներից» ստացված հավաստի տեղեկությունների համաձայն, հակահեղափոխությունը հաղթելու է երկու-երեք ամիս անց: Հստակ սցենար որպես այդպիսին չկա, եւ ամբողջ հաշվարկը կառուցված է օրերս ձեւավորված կառավարության տապալման վրա: Ըստ հակահեղափոխականների հաշվարկների՝ առաջիկա երկու-երեք ամիսների ընթացքում Հայաստանում տեղի է ունենալու ֆինանսական կոլապս, դրամը կտրուկ արժեզրկվելու է, հարկային եկամուտները կտրուկ նվազելու են, աշխատավարձեր չեն վճարվելու, թոշակներ չեն վճարվելու, մարդիկ դուրս են գալու փողոց նոր կառավարության դեմ զանգվածային բողոքների... Ու այդ պահին փյունիկի պես հառնելու են «սիֆտակ կաստըմ-շլվարով տղեքը», գահընկեց անեն այս կառավարությանը եւ զբաղեցնեն նրանց տեղը: Մոտավորապես՝ այսպես:

Ո՞վ է սցենարի հեղինակը՝ դժվար է ասել: Դժվար է նաեւ ասել, թե այս սցենարին մասնակից է արդյո՞ք ՀՀԿ ղեկավար Սերժ Սարգսյանը, կամ եթե մասնակից է, ապա որքանո՞վ: Բայց հայտնի են գլխավոր գործող անձինք: Դրանք են ՀՀ պաշտպանության նախկին նախարար Վիգեն Սարգսյանը եւ Երեւանի առայժմ գործող քաղաքապետ Տարոն Մարգարյանը: Որոշ քննարկումներից հետո ամենագլխավոր դերը վերապահվել է Վիգեն Սարգսյանին, որն էլ պետք է հակահեղափոխությունից հետո զբաղեցնի վարչապետի պաշտոնը: Տարոն Մարգարյանը հակահեղափոխության, պատկերավոր ասած, «շտաբի պետն է»: Նրա վրա է դրված հավատարիմ ուժերի «գույքագրումը», դերերի բաշխումը, անհրաժեշտ գործողությունների կազմակերպումը եւ այլն: Սցենարի իրագործմանը այս պահին ակտիվորեն ներգրավված են ՀՀԿ-ի վերնախավի մի քանի «ինծիլիգենտ» ներկայացուցիչներ ու մի քանի կրիմինալ կիսաօլիգարխներ: Հիմա փորձեր են արվում այս սցենարի մեջ ներգրավվել նաեւ ավելի խոշոր օլիգարխների, որոնք դեռ զերծ են մնում իրենց համաձայնությունը տալուց:

Մեր ունեցած տեղեկություններով, հակահեղափոխության սցենարին զգալի ներգրավվածություն ապահովել չի հաջողվում: Պատճառը, թերեւս այն է, որ այս սցենարի իրականացման հավանականությունը չափազանց փոքր է, եթե չասենք՝ լրիվ զրոյական է: Շատ շատերը, նույնիսկ ՀՀԿ վերնախավում, դա լավ հասկանում են եւ քաջ գիտակցելով, թե ինչ կլինի այս սցենարի տապալումից հետո, աշխատում են հեռու պահել իրենց:

Այդուհանդերձ, հակահեղափոխության առաջնորդները հիմա իրականացնում են ռեսուրսների գույքագրում: Որո՞նք են այդ ռեսուրսները:

Կարեւորագույն ռեսուրսը ԱԺ-ում ՀՀԿ-ի ունեցած մեծամասնությունն է, որի գործառույթը սկզբունքային հարցերի քվեարկությունների տապալումն է: Ասենք, ընտրական օրենսգրքում փոփոխություններ, կառավարության ծրագիր եւ այլն: Հաջորդ ռեսուրսը իրավապահ  համակարգն է: Մասնավորապես՝ ՀՀ ոստիկանապետին փոխելուց հետո համակարգում դեռ զգալի քանակ ու դիրք ունեն այն ոստիկանները, որոնք համարվում են նախկին ոստիկանապետ Վլադիմիր Գասպարյանի թիկնապահ Արշակ Հակոբյանի «թիմը»:

Հակահեղափոխության սցենարիստները նաեւ հույս են դրել դատախազության, քննչական կոմիտեի եւ հատուկ քննչական ծառայության վրա: Նրանց նման հույս է ներշնչում այն հանգամանքը, որ նշված կառույցների ղեկավարներին պաշտոնից հեռացնելու հարցում որոշակի դժվարություններ կան: Օրինակ, գլխավոր դատախազին պետք է ընտրի ԱԺ-ն 3/5 ձայներով: Գործող գլխավոր դատախազ Արթուր Դավթյանը երեկ հայտարարեց, թե չի պատրաստվում հրաժարական տալ: Համադրելով սա այն փաստի հետ, որ հենց գլխավոր դատախազի շնորհիվ քրեական պատասխանատվության չի ենթարկվել Մասիսի քաղաքապետի եղբայրը, որը ակնհայտ խուլիգանություն էր արել ցույցի օրերին եւ մեքենան վարել ցուցարարների վրա, ապա պարզ է դառնում, որ Արթուր Դավթյանը նույնպես ակտիվորեն ներգրավված է հակահեղափոխության սցենարում:

Հենց նրա պահվածքի պատճառով է, որ մինչ օրս պատասխանատվության չեն ենթարկվում Հայաստանի տարբեր մասերում խաղաղ ցուցարարների վրա հարձակված բանդաների ներկայացուցիչները եւ նրանց հովանավոր օլիգարխները: Այլ կերպ ասած, գլխավոր դատախազը կոծկում է այդ հանցագործությունները: Ու բացի դրանից, անմասն չէ նաեւ քաղբանտարկյալների ազատ չարձակման գործում: Ու դա էլ դեռ բավարար չէ, հիմա գլխավոր դատախազն է սկսել «ռուլիտ» անել դատարաններին, որոնք սովոր են որոշումներ կայացնել նախագահականից ստացված հրահանգների հիման վրա: Ու քանի որ արդեն երկու շաբաթ «նախագահականից» հրահանգներ չեն իջեցվում, ուստի այդ «վակուումը» հիմա լրացնում է գլխավոր դատախազը: Եվ դա արվում է, բնականաբար, հակահեղափոխության սցենարի տրամաբանության մեջ: 

Հակահեղափոխության սցենարիստները հույսեր են կապում նաեւ սոցցանցերում անհատ ֆեյքերի եւ համացանցում ֆեյքային «լրատվական կայքերի» հետ, որոնք գերինտենսիվ օգտագործվում էին սկզբում Սերժ Սարգսյանի, ապա Կարեն Կարապետյանի համար: Դրանք, ըստ սցենարի, պետք է կրկին սուտ տեղեկությունների «հրաբուխ» անեն, փորձելով անորոշություն ու խուճապ առաջացնել հանրության շրջանում:

Բայց նույնիսկ այս հզոր թվացող ռեսուրսները իրականում փետուրի քաշ ունեն եւ առավելագույնը կարող են մի փոքր լարել իրավիճակը: Այս սցենարը ստանդարտ, թույլիկ, մեղմ ասած, սխալ հաշվարկների վրա կառուցված ռոմանտիկ սցենար է: Նմանատիպ սցենարներով արդեն տապալվել են Սերժ Սարգսյանը, Կարեն Կարապետյանը եւ ՀՀԿ-ն ամբողջությամբ: Ըստ ամենայնի, հակահեղափոխականները որոշել են եւս մի քանի տոնակատարություն նվիրել մեր ժողովրդին Երեւանի Հանրապետության հրապարակում:

Տպել
33013 դիտում

Հարցազրույց. բանակցել են չեն բանակցել

Հանուն ազգի. «միասնության շուրջպարը» ապօրինի՞ է

Բարբարոսություն.  մի ոչնչացրեք Մթնաձորը

«Ավելի վատ. սրանք քաղաքի լավագույն մարդիկ են» Լիլիթ Ավագյանի հոդվածը

Արմեն Սարգսյանն առանձնազրույց է ունեցել Վրաստանի վարչապետ Գեորգի Կվիրիկաշվիլիի հետ

Սա նոր Հայաստանն է, որը ես շատ սիրում եմ. զվարթ շրջանավարտները՝ կառավարական ամառանոցում

Սահմանամերձ համայնքների շրջանավարտների տոնը կառավարական առանձնատանը՝ լուսանկարներով

Նախագահ Արմեն Սարգսյանը տիկնոջ հետ ժամանել է Թբիլիսի

ՊԵԿ նախագահի 2 տեղակալներին հարցաքննել են, ձերբակալվեց 4 հոգի. ԱԱԾ-ի աղմկոտ բացահայտումը

Էրեբունու բանդայի անդամները թաղապետարանի աշխատակիցներ են (լուսանկարներ, տեսանյութ)

Վարչապետը միացավ շրջանավարտների տոնախմբությանը (տեսանյութ, լուսանկար)

Էրեբունիում զանգվածային անկարգությունների գործով կասկածվողը Արտաշես Չիչոյանի հայրն է

ԵԽԽՎ համազեկուցողները բարձր են գնահատել հավաքների ժամանակ Պաշտպանի աշխատանքը

Ֆրանսիայում ՀՀ դեսպանի հանդիպումը ԱԺ Ֆրանսիա-Հայաստան բարեկամության խմբի հետ

Իրանի Իսլամական հանրապետության քաղաքացու դի է հայտնաբերվել

Վարչապետն ընդունել է Ֆրանկոֆոնիայի ՄԿ քարտուղարության պատվիրակությունը

Կիսադատարկ նիստեր. նախանձելի աշխատավարձ ստացող պատգամավորներն աշխատանքի չեն գալիս

Նիկոլ Փաշինյանին շնորհավորական ուղերձ է հղել Միացյալ Թագավորության վարչապետ Թերեզա Մեյը

Վերջին անգամ «Ռեալը» հենց «Լիվերպուլին» է պարտվել Չեմպիոնների լիգայի եզրափակչում

Հստակեցվում է Էրեբունիում անկարգությունների մասնակցած անձանց շրջանակը (տեսանյութ)