Վարչապետի մամուլի խոսնակի տարբեր թեկնածուներ են քննարկվում. աշխատակազմի ղեկավար

Կառավարության կազմի ձեւավորումից հետո լրագրողների քննարկման թիվ մեկ թեմաներից է, թե ով է լինելու վարչապետի մամուլի խոսնակը: Վարչապետի աշխատակազմի ղեկավար Էդուարդ Աղաջանյանը ՀԺ-ի հարցին ի պատասխան նշեց, որ այս պահին քննարկումներ են ընթանում, թե ով է զբաղեցնելու այդ պաշտոնը:

«Ես չեմ կարող հստակ բան ասել, որովհետեւ որոշում կայացված չէ: Տարբեր թեկնածուներ են այս պահին քննարկվում, երբ վերջնական պարզ լինի, այդ ժամանակ կասենք: Հիմա անուններ տալ չեմ կարող, որովհետեւ այդ անունները քննարկվում են, հետո դուրս են գալիս: Անուններ որ ասեմ՝ սխալ կլինի»,- ասաց աշխատակազմի ղեկավարը:

ՀԺ-ին տեղեկություններ էին հասել, որ այդ պաշտոնը զբաղեցնելու է ՔՊ-ական Ռուբեն Ռուբինյանը: Ըստ էության, Աղաջանյանը հերքեց այս տարբերակը:

«Անկեղծ ասած, տեղյակ չեմ, նունիսկ իմ իմանալով նրա անունը չկա, բայց վստահ չեմ: Ես այլ գործերով եմ զբաղված, թեկնածուների քննարկումը դեռ ինձ չի հասել: Ռուբեն Ռուբինյանի մասով բան չեմ կարող ասել»,- ասաց նա:

Աղաջանյանի խոսքով՝ մամուլի խոսնակի եւ վարչապետի աշխատակազմի մյուս աշխատակիցների նշանակումները կլինեն, երբ աշխատակազմի կառուցվածքն ու հաստիքները հաստատվեն:

Այս պահին վարչապետի մամուլի խոսնակի բացակայությունը լրագրողների աշխատանքը գրեթե կաթվածահար է անում: Գերատեսչությունից տեղեկատվություն մեծ դժվարությամբ է ձեռք բերվում, իսկ վարչապետի այցերին ու հանդիպումներին ոչ բոլոր լրատվամիջոցներն են ներգրավվում: Այս խնդրով պայմանավորված Էդուարդ Աղաջանյանը մեկնաբանեց.

«Ես գիտեմ, որ այս պահին լրատվական վակուում կա: Խտրականություն չկա, լրատվական կորպուսն էլ ձեւավորման փուլում է, մեզ այդ հարցում էլ ժամանակ տվեք եւ բոլոր խնդիրները մեկ ամսից կլուծվեն: Ձեր բոլոր հարցերի պատասխանը կստանաք»:

Ի դեպ, վարչապետ Նիկոլ Փաշինյանը մայիսի 11-ին որոշում է ստորագրել վարչապետի աշխատակազմ ստեղծելու մասին:

«Հանրապետության օրենքի 7-րդ հոդվածի 10-րդ և «Պաշտոնատար անձանց գործունեության ապահովման, սպասարկման և սոցիալական երաշխիքների մասին» Հայաստանի Հանրապետության օրենքի 7.5-րդ հոդվածի 2-րդ մասերի.
1. Ստեղծել վարչապետի աշխատակազմ:
2. Վարչապետի աշխատակազմի ղեկավարին՝ սույն որոշումն ուժի մեջ մտնելուց հետո՝
1) 10-օրյա ժամկետում վարչապետի հաստատմանը ներկայացնել վարչապետի աշխատակազմի աշխատակիցների քանակը,
2) 14-օրյա ժամկետում վարչապետի հաստատմանը ներկայացնել վարչապետի աշխատակազմի կանոնադրությունը»,- նշված է որոշման մեջ:

Տպել
6416 դիտում

Ն. Փաշինյանին շնորհավորական հեռագիր է հղել ՀԱՊԿ գլխավոր քարտուղարի պաշտոնակատար Վ. Սեմերիկովը

Սենատը հաստատել է Լին Թրեյսիի թեկնածությունը Հայաստանում ԱՄՆ դեսպանի պաշտոնում

«Սուրբ Գրիգոր Լուսավորիչ» բժշկական կենտրոնի տնօրենի պաշտոնում նշանակվել է Արման Հովակիմյանը

Կենդանաբանական այգում ուսումնասիրությունների արդյունքները կներկայացվեն հանրությանը. Վիրաբյան

ԱՄՆ-ի «Հայ դատի» հանձնախումբը պաշտոնյաներին կոչ է արել չխուսափել «Ցեղասպանություն» բառն օգտագործելուց

Ստեփանծմինդա – Լարս ավտոճանապարհը փակ է տրանսպորտային բոլոր միջոցների համար

Ձեր օրինակը կարող է վարակիչ լինել. Մարիան Ստրեյֆ-ֆելլերը՝ Աննա Հակոբյանին (լուսանկարներ)

Բուռն պայքար ու հաղթանակ. Հարություն Ուռուտյանը շնորհավորել է Նիկոլ Փաշինյանին ու Սասուն Միքայելյանին

Իսակովի պողոտայում 4 մեքենա է այրվել. կան տուժածներ

Լրագրողին ծեծի ենթարկելու մեջ մեղադրվող ոստիկանները դատապարտվել են տուգանքի

ՀՀԿ-ն գնաց, մնաց ՀՀԿ-իզմը

ՀԱՊԿ գլխավոր քարտուղարի նշանակման հարցը դեկտեմբերի 6-ին չի լուծվել և չէր կարող լուծվել. Եղոյանը արձագանքում է Նազարբաևին

ԵՊԲՀ դիպլոմը կճանաչվի Շրի Լանկայի բժշկական խորհրդի կողմից

Գյումրու 102-րդ ռազմակայանի զինծառայողին կալանավորել են

Մահացածները եղել են մարդատար ավտոմեքենայում. մանրամասներ Սյունիքի ավտովթարից

Ղազախստանում ՀՀ դեսպան Գագիկ Ղալաչյանն իր հավատարմագրերը հանձնեց ՂՀ նախագահին

Նիկոլ Փաշինյանը հեռախոսազրույց է ունեցել Վրաստանի վարչապետ Մամուկա Բախտաձեի հետ

Իրական ընդդիմությունը ԱԺ-ից դուրս է ձեւավարվելու. ինչպես են պայքարելու արտախորհրդարանական ուժերը

ՀՀ ՊՆ է այցելել Մարդու իրավունքների պաշտպանի գրասենյակի պատվիրակությունը

Նազարբաեւը Բելառուսի թեկնածուին աջակցությունն է հայտնել ՀԱՊԿ գլխավոր քարտուղարի պաշտոնում