24 տարի արձակուրդ չի գնացել. քաղաքապետից կպահանջեն պաշտոնից ազատել պոլիկլինիկայի տնօրենին

Երեւանի ավագանու ԵԼՔ խմբակցությունը պատրաստվում է դիմել քաղաքապետ Տարոն Մարգարյանին՝ համար 16 պոլիկլինիկայի տնօրեն Մարինե Ստեփանյանին զբաղեցրած պաշտոնից ազատելու պահանջով:

Խմբակցության ղեկավար Դավիթ Խաժակյանը, որը գործընկերներ Թեհմինա Վարդանյանի եւ Անի Սամսոնյանի հետ այցելել էր նշված հաստատություն, լրագրողների հետ զրույցում ասաց, որ բուժանձնակազմից ստացել են դժգոհություններ: «Հիմնական բողոքը հետեւյալն է, որ տեղի է ունեցել աշխատավարձի փոփոխություն եւ իրենք տեղյակ չեն, թե ինչի հիման վրա է հաշվարկվում աշխատավարձը, այդ նվազումը ինչով էր պայմանավորված: Այս ընթացքում իրենք փորձել են ստանալ նաեւ պայմանագրերը, ծանոթանալ հաստիքացուցակներին, բայց հաշվապահությունը մերժել է, եւ եղել է շատ վատ վերաբերմունք»,- նշեց Դավիթ Խաժակյանը: Ավելացրեց, որ ըստ բուժաշխատողներից ստացված բողոքների, արձակուրդ գնալու համար անհրաժեշտ է վճարել տնօրենին, այսինքն՝ ստացված արձակուրդային գումարի մի մասը տալ նրան, տեղեկացրել են, որ հնարավոր չէ աշխատանքի ընդունվել եւ չվճարել տնօրենին եւ այլն:

ԵԼՔ-ի ավագանու անդամները ուսումնասիրեցին պոլիկլինիկայի հաստիքացուցակը, հայտարարեցին, որ այն ուռճացված է: Բացահայտեցին, որ կան դեպքեր, երբ երկու տարբեր հաստիքներ զբաղեցնում է միեւնույն անձը եւ չբացառեցին, որ իրականում աշխատավարձը կարող է միայն մեկի համար լինել: Այդպիսի օրինակներից էր այն, որ տեղամասային մանկաբույժներից մեկն, ըստ պոլիկլինիկայի ղեկավարության, կատարում է նաեւ տվյալ բաժնի վարիչի պարտականությունները: Նույն բաժնի աշխատողները երկար էին մտածում ու այդպես էլ չէին պատասխանում հարցին, թե ով է իրենց բաժնի ղեկավարը:

Պոլիկլինիկայի տնօրեն Մարինե Ստեփանյանը հավաստիացրեց, որ մտադիր են երկրորդ հաստիքի համար այլ աշխատակից ընդունել (թեպետ համատեղությունը արդեն մեկ տարի է տեւում), վստահեցրեց, որ մանկաբույժը երկու հաստիքի համար սահմանված աշխատավարձն էլ ստանում է ու որ համատեղության քայլին ինքը դիմել է՝ մարդկանց համար փոքրիշատե արժանավայել աշխատավարձի հնարավորություն ստեղծելու համար: Բժիշկների աշխատավարձն այստեղ մինչեւ 70-100 հազար դրամ էր՝ կախված սպասարկվող բնակչության թվից, բուժքույրերինը՝ 30-35 հազար:

Աշխատակիցների մեծ մասը, որոնց հարց ուղղվեց, թե երբ են վերջին անգամ արձակուրդ գնացել, պատասխանեցին, որ 2-3 տարի առաջ: Բուժքույրերից մեկն էլ ասաց, որ այդ իրավունքից չի օգտվել 24 տարի: Նրանք պարզաբանում էին, որ արձակուրդը չվճարվող է եւ հիմնականում հենց այդ պատճառով չեն գնում: Տնօրենն այս առնչությամբ ասաց, որ բոլորը ցանկանում են արձակուրդ գնալ ամռան ամիսներին, ինչը բնականաբար հնարավոր չէ: Մնացած ամիսներին նախընտրում են աշխատել: Վստահեցրեց, որ ոչ ինքը, ոչ էլ պոլիկլինիկան որեւէ կերպ շահագրգռված չեն վճարովի արձակուրդ չտրամադրելու հարցում, որովհետեւ որեւէ խնայողություն դրանից չի լինում, աշխատակիցն այսպես թե այնպես ստանում է տվյալ ժամանակահատվածի համար նախատեսված գումարը: Արձակուրդ գնացողի փոխարեն, ըստ նրա, լրացուցիչ մեկը աշխատավարձ չի ստանում եւ բուժաշխատողները միմյանց փոխարինում են՝ իրենց աշխատաժամանակի եւ աշխատավարձի պահպանմամբ: Տնօրենը կտրականապես հերքեց նաեւ այն պնդումը, թե վճարովի արձակուրդ գնալու դեպքում ստացած գումարի մի մասը տրամադրվում է իրեն:

Ինչ վերաբերում է աշխատավարձերի նվազմանը, համար 16 պոլիկլինիկայի տնօրենը պատասխանեց, որ երբ անցում կատարվեց էլեկտորանային առողջապահական համակարգին, իրենք ստիպված են եղել շահառուների տվյալները մուտքագրել տվյալ բազա: Բայց այս կամ այն խնդրի պատճառով հնարավոր է եղել լրացնել ոչ բոլոր քաղաքացիների տվյալները, ինչի պատճառով էլ համակարգում արտացոլված եւ փաստացի բնակիչների թվի միջեւ առաջացել է բավական մեծ անհամապատասխանություն: Դրա հետեւանքով կրճատվել է նաեւ ֆինանսավորումը:

Տպել
5995 դիտում

Շոկային սկիզբը, Յուրայի պոկերը ու ՀՀ ֆուտբոլի հավաքականի ջախջախիչ հաղթանակը

Ծեծկռտուք Արտաշատի զինկոմիսարիատում. ըստ քաղաքացու ահազանգի՝ կապիտանը կոտրել է իր քիթը

Պարզաբանումներ եմ պահանջելու Բելառուսի ու Ղազախստանի նախագահներից. Փաշինյանը՝ ՀԱՊԿ նիստի զարգացումների մասին

Ոստիկանությունը օպերատիվ տվյալներ է ստացել, որ Երեւանում հիպնոսի միջոցով փող են կորզում

Ջիբրալթար-Հայաստան ֆուտբոլային հանդիպման մեկնարկային կազմերը

Երկու օր առաջ Հայաստանում էր, հիմա՝ չգիտեմ. Շարմազանովը՝ Տարոն Մարգարյանի գտնվելու վայրի մասին

Աշխարհը չէի փոխի քո հետ. Սիրուշոն շնորհավորել է Լեւոն Քոչարյանի ծնունդը

Իրական ընդդիմություն կձեւավորվի ընտրություններից հետո

Արսեն Ջուլֆալակյանն ու լրագրողը պարզաբանել են թյուրիմացությունը

Նոր մանրամասներ հոկտեմբերի 27-ին նռնակով կառավարության շենք ներխուժման դեպքից. պարզվել է՝ ով է նա

Արցախի պետնախարար Մարտիրոսյանն ընդունել է Արցախի պետական համալսարանի ուսանողների

Այդ տարածքը իմն է, իմ սեփականությունն է. Լոռու մարզպետը՝ սեփական ատամնաբուժարան կառուցելու մասին

Մարկոս Պիզելին՝ Ղազախստանի առաջնության լավագույն ֆուտնոլիստ

Քաղաքապետն ընդունել է ՀՀ-ում ԵՄ դեսպան Պյոտր Սվիտալսկիին

Վաչագան Ղազարյանը ցուցմունք է տվել. քննարկվում է կրկին գրավի միջնորդությամբ հանդես գալու տարբերակը

Ավան վարչական շրջանի ղեկավարը հրաժարական է տվել

23-ամյա Վահագնի շնորհիվ մարդկանց կյանքեր կփրկվեն. արյան տարբեր խումբ ունեցողներ շարունակում են արյուն հանձնել

Վարչապետ Նիկոլ Փաշինյանի միջնորդությամբ Սիմոն Մարտիրոսյանն ու Գոռ Մինասյանը կպարգեւատրվեն

Հույս ունեմ կկարողանանք Աբաջյանի հերոսությանն արժանի ապրել՝ անկախ նրանից` ինչով ենք զբաղվում. Փաշինյան

Հայ մարզիչը ղազախական ակումբի մանկապատանեկան ֆուտբոլը ղեկավարելու ու Հենոյի գեղեցիկ քայլի մասին