Եղվարդ համայնքի ուշագրավ գնումները եւ համայնքապետի խորհրդականի պարզաբանումները

ՀՀ ֆինանսների նախարարության գնումների համակարգի սպասվելիք 2018 թվականի գնումների պլանում բավական ուշագրավ թվեր կան: Ներկայացնում ենք Կոտայքի մարզի Եղվարդի համայնքապետարանի 2018 թվականին նախատեսված տարեկան գնումների պլանը:

Մասնավորապես՝ համայնքապետարանի գնումների պլանի մեջ է մտնում 5 մլն 650 հազար դրամի «ռեգուլյար» տեսակի բենզինի գնումը: Ֆինանսների նախարարության gnumner.am կայքում նշված է, որ Եղվարդի համայնքապետարանը «ռեգուլյար» տեսակի բենզինի մեկ լիտրը գնել է 448,5 դրամով, այսինքն՝ խոսքը, ընդհանուր առմամբ 12 հազար 600 լիտր բենզինի մասին է: Նկատենք, որ այս պահին Հայաստանի բենզալցակայաններում «ռեգուլյար» տեսակի բենզինի 1 լիտրի արժեքը տատանվում է 440-ից 450 դրամի սահմաններում:

Ուշագրավ գնումների ցանկում կարելի է ներառել նաեւ հատը 95 հազար դրամ արժեցող 6 հատ արհեստական տոնածառը, որի ընդհանուր արժեքը 570 հազար դրամ է: Գնման պլանների մեջ է ներառված նաեւ 100 հատ անձնական օգտագործման ժամացույցի ձեռք բերումը, յուրաքանչյուրը՝ 7 հազար դրամ արժողությամբ, այսինքն՝ 700 հազար դրամի:

Եղվարդի համայնքապետարանը նաեւ նախատեսել է գնել 25 հազար դրամ արժողությամբ 160 հատ ոսկյա կախազարդեր, այսինքն՝ ընդհանուր 4 մլն դրամի:

Սրանցից բացի կան նաեւ այլ թվեր, որոնք պակաս ուշագրավ չեն, 800 հազար դրամի տոմսեր (400 հատ տոմս, 1 տոմսի արժեքը՝ 2000 դրամ), 1 մլն դրամի նվերներ, հատը՝ 20 հազար դրամ արժողությամբ, ընդհանուր` 50 հատ: Ամանորյա տոպրակներ, դարձյալ 1 մլն դրամի հատը՝ 2 հազար դրամ արժողությամբ, ընդհանուր` 500 հատ: Հուշանվերներ 1 մլն դրամի, հատը՝ 10 հազար դրամ արժողությամբ, ընդհանուր` 100 հատ:

Թե, որ ապրանքն ի՞նչ նպատակով են նախատեսել գնել, պարզաբանեց Եղվարդի համայնքապետ Նորայր Սարգսյանի խորհրդական Վահագն Վիրաբյանը:

- Պարոն Վիրաբյան, 5 մլն 650 հազար դրամի բենզինը ինչի՞ համար է, քանի՞ մեքենա է սպասարկում համայնքապետարանին:

- Վարչական ղեկավարներինն էլ միասին՝ 6-7 մեքենա:

- 300 հազար դրամի տոնական մոմերը ի՞նչ առիթի համար են նախատեսված:

- Այդ տոնական մոմերը նախատեսված են նրա համար, որ ամեն տարի եկեղեցում միջոցառում են անում` Տրընդեզի համար:

- Այսինքն՝ ամեն տարի այդ միջոցառման համար այդքա՞ն գումար եք հատկացնում:

- Ամեն տարի նոր ամուսնացածներ են լինում, այդ նոր ամուսնացածների համար ամեն տարի Տրընդեզի արարողություն ենք կազմակերպում, յուրաքանչյուր զույգին մոմեր ենք տալիս, ոսկյա կախազարդեր ենք տալիս, ու այդպես շատ բաներ:

- Փաստորեն, բացի տոնական մոմերից, ոսկյա կախազարդ, նվերներ, բոլորը ուղղվում են ամուսնական զույգերի՞ն:

- Այո: 10 տարուց ավելի է՝ ամեն տարի այդ միջոցառումը կազմակերպում ենք:

- Գնումների պլանում առանձին նշված է` նվերներ 1 մլն դրամի, դրանք ո՞ւմ են տրվում:

- Նվերները տարբեր միջոցառումների համար, տարբեր առիթներով տրվում են: Մենք վերջին զանգի հետ կապված ավարտական դասարանի երեխաներին ենք նվերներ տալիս: Տարվա ընթացքում տարբեր միջոցառումներ են կազմակերպվում, տարբեր թեմաներով շարադրություններ են լինում, դրա մեջ են մտնում այդ նվերները: Այս քանի օրն արդեն այդպիսի բան արել ենք:

- Իսկ 570 հազար դրամի 6 հատ արհեստական տոնածառն ի՞նչ նպատակով եք գնել:

- Այս տարի, որ համայնքները միացել են, մտածել ենք՝ ամեն համայնքում մի հատ տեղադրենք, դրա համար նախատեսել ենք:

- Գնումների պլաններում ուշագրավ էին նաեւ 800 հազար դրամի տոմսերը, դրանք ի՞նչ տոմսեր են, եւ ինչի՞ համար են նախատեսված:

- Դա չգիտեմ, ինչ-որ երեկոներ են լինում բանաստեղծության, ամեն տարի լինում են, որ տալիս են երեխաներին, գնում են մասնակցելու:

- Այսինքն՝ հստակեցված չէ՞, թե ինչ տոմս պետք է գնեք:

- Կոնկրետ ինչ-որ մի նպատակ չկա էլի, որ ասենք հենց այս տոմսը պիտի առնենք: Ըստ ժամանակի, որը որ ավելի նպատակահարմար ենք գտնում, որը ավելի առաջնահերթ է լինում, դա ենք գնում:

- Իսկ անձնական օգտագործման ժամացույցները 700 հազար դրամի, ի՞նչ նպատակով եք գնում:

- Դա էլի նույն մեր Տըրնդեզի միջոցառման պես, մի քանի տարի է, անում ենք: Բանակ մեկնող մեր զորակոչիկներին տալիս ենք անձնական օգտագործման ժամացույց եւ խաչ: Դա ամեն զորակոչի մեկնողներին մեր քաղաքապետը տալիս է:

- Բոլոր զորակոչի մեկնողներին 7 հազար դրամ արժողությամբ ժամացո՞ւյց եք նվիրում:

- Այո: 7 հազար դրամը գրված է նախահաշվային գին, կարող է 7 հազար չլինի, այլ լինի 5 հազար դրամ:

- Ձեր գնումների պլանների մեջ նշված է 700 հազար դրամի 100 հատ ժամացույց:

- Մենք չգիտենք, թե քանի զորակոչիկ կլինի, մոտավորապես նախնական թիվ ենք վերցնում եւ մոտավորապես արժեք ենք գնում ժամացույցի, որ դրանից ավելի չառնենք, բայց դրանից պակաս կարող ենք գնել:

- Ցուցակում նշված է 850 հազար դրամի ամանորյա տոնածառի լույսերի գնման մասին, բացի այս, նշված է նաեւ 150 հազար դրամի ամանորյա տոնածառի լույսերի մասին, սրանք տարբե՞ր են:

- Միանշանակ տարբեր են, կա որ օգտագործվում է մեր տոնածառների համար, կա որ ընդհանուր համայնքի համար է օգտագործվում:

- 1 մլն դրամի ծաղիկներն ու ծաղկե կոմպոզիցիաները Մարտի 8-ի եւ Ապրիլի 7-ի համա՞ր են նախատեսված:

- Ոչ միայն Մարտի 8, Ապրիլի 7, այդ ծաղիկների մեջ մտնում են նաեւ ծաղկեպսակներ, ու նաեւ էլի միջոցառումներ կան, որ այդ միջոցառումներին ծաղիկներ են օգտագործվում:

- 2 հատ հրավառության ի՞նչ նյութեր եք գնել մեկ մլն դրամ ընդհանուր արժողությամբ:

- Ունենք տարվա ընթացքում նախատեսված միջոցառումներ, որ օգտագործվում են:

- Այսինքն՝ մեկ հրավառության նյութը 500 հազար դրամ արժե՞:

- Դա նախնական թիվ է գրված, մենք կոնկրետ այդ գնով չենք առնում:

- Այդ գնով չեք առնում, բայց ինչքա՞ն տարբերություն պետք է տա նախնական գինը եւ իրական գինը: Հնարավո՞ր է 500 հազար դրամի փոխարեն 100 հազար դրամով գնեք:

- Մենք մոտավոր շուկայական գինն ենք ճշտում, բայց թե ըստ դրա մրցույթի արդյունքում ինչ գին կգա, դա չգիտեմ: Կարող է նաեւ 500 հազար դրամանոցը 100 հազար լինի, թե հիմա մենք ինչ կցանկանանք եւ ի՞նչ գնով նրանք կառաջարկեն, չեմ կարող ասել:

Տպել
4957 դիտում

Բակո Սահակյանը Փարիզում հանդիպել է Ֆրանսիա-Արցախ բարեկամության շրջանակի անդամների հետ

Սամբոյի աշխարհի առաջնությունում հայաստանցի սամբիստները նվաճեցին երեք մեդալ

Իտալիայի Ազգային հետազոտությունների խորհրդի նախագահը հետաքրքրված է ՀՀ նախագահի քվանտային տեսությամբ

ՀՀԿ-ն գալիս է որպես ընդդիմություն՝ ունենալով Արցախի անվտանգ ապագան իր օրակարգի 1-ին կետ. Վ. Սարգսյան

Ձյան ու մերկասառույցի պատճառով արդեն ահազանգեր կան, մեքենա է արգելափակվել. ԱԻՆ

Հայաստանում ձյուն է տեղում, դժվարանցանելի են Դիլիջանի ոլորանները, որոշ տեղերում մառախուղ է, մերկասառույց

Արարատի աղբավայրից վտանգավոր արտանետումներ այլևս չեն լինի, աղբը թաղել են, մի մասը՝ մշակել

«Արզնի կաթ»-ը հերքում է բուսական յուղի մասին հրապարակումը. սեփական կովերի կաթն է օգտագործում

Հոգեկան խնդիրներ ունեցող հարևանուհու պատճառով տունը մոխրակույտի է վերածվել. տանտիրուհին օգնություն է խնդրում

Սոցիալ Դեմոկրատ Հնչակյան կուսակցությունը չի մասնակցի ընտրություններին. գաղափարական սկզբունքի խնդիր է

Քրեական գործեր՝ հոգեբուժարաններում արձանագրված խախտումների վերաբերյալ

«Քաղաքացու որոշում» ՍԴԿ-ն հրապարակել է ցուցակի առաջին 31 թեկնածուների անունները

Վարորդներին խորհուրդ է տրվում երթեւեկել ձմեռային անվադողերով

Ես կլինեմ ՀՀԿ-ի կենտրոնական հարձակվողը. Մենուա Հարությունյան

Դեկտեմբերին արտահերթ ընտրություններ կլինեն նաեւ Ուրցաձորում, համայնքի ղեկավար են ընտրելու

«Ազգային Առաջընթաց» կուսակցության ցուցակը կին է գլխավորում

Գլխավոր դատախազությունը կարճել է Հայաստանում Քևին Օքսուզի դեմ հարուցված քրեական գործը

Գողություն Աբովյան փողոցի սրճարաններից մեկում. որոնվում է տեսապատկերված անձը (տեսանյութ)

ՀՀ գյուղատնտեսության նախարարի պաշտոնակատար Գեղամ Գևորգյանն այցելել է «Սպայկա» ընկերություն

Դատախազությունը նոր երևան եկած հանգամանքով վերանայման վարույթ կսկսի. Մարտի 1-ի գործով նախկին փոխոստիկանապետը փոշմանել է