Կոտայքի մարզի Ակունք համայնքի ուշագրավ գնումները. համայնքապետը պարզաբանում է

ՀՀ ֆինանսների նախարարության գնումների համակարգի 2018 թվականին կատարված եւ նախատեսվող գնումների պլաններում բավականին ուշագրավ թվեր կան: Մասնավորապես, Կոտայքի մարզի Ակունք համայնքի գնումները «փոքր» ինչ խոշոր էին թվում:

Դրանցից մի քանիսը ներկայացնում ենք ստորեւ.

Ակունքը համայնքը նախատեսել է ձեռք բերել ռեգուլյար տեսակի բենզին, որի լիտրը արժե է 420 դրամ, իսկ անհրաժեշտ չափաքանակ է նշված 7262 լիտրը: Փաստորեն, համայնքը պատրաստվում է ձեռք բերել ընդհանուր 3 մլն 50 հազար դրամի բենզին է:

Համայնքը բջջային հեռախոսների ծառայությունների համար նախատեսել է 1 մլն 763 հազար դրամ, խնջույքների կազմակերպման ծառայությունների համար` 4 մլն դրամ: Ակունքի համայնքապետարանը նախատեսել է գնել նաեւ 300 հազար դրամի խոհանոցային սարքեր:

Ցանկում ներառված են նաեւ երկու տարբեր տեսակի եւ գների ծաղկային կոմպոզիցիաներ: Մի դեպքում այն արժե հատը 12 հազար դրամ, անհրաժեշտ քանակությունն է` 32 հատ, այսինքն, ընդհանուր առմամբ 384 հազար դրամի ծաղկային կոմպոզիցիա: Մյուս դեպքում հատն արժե 13 հազար դրամ, անհրաժեշտ քանակությունը դարձյալ 32 հատ է, եւ այս տեսակի ծաղկային կոմպոզիցիայի ընդհանուր արժեքն էլ փաստորեն կազմում է 416 հազար դրամ:

Ուշագրավ գնումների հետ կապված պարզաբանում ստացանք Ակունքի համայնքապետ Հունան Ռուբենյանից:

- Պարոն Ռուբենյան, 3 մլն 50 հազար դրամի բենզինը շատ չէ՞:

- Ակունք համայնքը 2017 թվականի նոյեմբերի 5-ին խոշորացվել է, եւ համայնքի մեջ ներառված են 8 գյուղական համայնք: Մեկ համայնքի հեռավորությունը 25 կմ է, մյուսինը՝ 18, եւ նաեւ դժվար անցանելի ճանապարհներ են: Աղբահանությունը կատարվում է համայնքի միջոցներով, եւ ոչ միայն աղբահանությունը նաեւ սանիտարական մաքրումը, ճանապարհների պահպանումը: Բացի դա, նախկին գյուղերը ունեցել են 3 ծառայողական մեքենա, որոնք մնացել են: Իհարկե, նրանց մինիմալ քանակի վառելիք ենք տալիս, եթե թվերով հանենք, թե անցյալ տարի ինչքան բենզին է օգտագործել 8 համայնք, եւ հիմա ինչքան են ծախսում, շատ մեծ տարբերություն կա` պակաս քանակի առումով: Բացի դա մենք ունենք տեխնիկաներ, որոնք աշխատում են բենզինով, դրանց միջոցով ճանապարհի եզրերի խոտերն են հնձվում, դա նախկինում չի եղել, այս տարի է սկսվել: Մենք «ԳԱԶ 53»  մակնիշի մեքենա ունենք, որով աղբահանություն է կատարվում, դեռեւս դրա վրա չենք հասցրել գազ դնել, եւ այն նույնպես բենզինով է աշխատում:

- 1 մլն 673 հազար դրամ՝ բջջային հեռախոսների ծառայությունների, սա կարո՞ղ եք բացատրել, թե՞ ինչ ծախս է:

- Այդ ծախսերի մեջ ներառված է նաեւ ինտերնետի վճարը, մեր ինտերնետը բջջային քարտով է: Մենք մեր բոլոր համայնքներում ունենք նաեւ ներքին հեռախոսներ, որի համար ամսական 4500 դրամ ենք վճարում, դա նույնպես ներառված է այդ ծառայությունների մեջ: Ունենք նաեւ մի քանի տեսակի ծրագրեր, ասենք հայկական ծրագրեր` հաշվապահություն 250 հազար դրամ տարեկան, դա նույնպես ներառված է այդ ծառայությունների մեջ: Տեսախցիկների վճարը նույնպես ինտերնետի հետ է կապված, եւ նորից ներառված է այդ ծառայությունների մեջ:

- 384 հազար դրամի ծաղկային կոմպոզիցիաները ի՞նչ առիթով են հարկավոր:

- Դրանք ծաղկեպսակներ են, ասենք համայնքի բնակիչներին համայնքի կողմից ծաղկեպսակներ ենք տալիս:

- Բայց այդտեղ գրված է ծաղկային կոմպոզիցիաներ:

- Կոմպոզիցիանե՞ր, կարող ա դրան է վերաբերվում: Դա արդեն արվե՞լ է, թե՞ դեռ պիտի անենք:

- Ձեր տարեկան գնումների պլանների մեջ է ներառված:

- Մենք մայթեր ունենք, որ մեկամյակի կապակցությամբ ծաղիկներ ենք դնում: Օրինակ, Կոտայք գյուղում մշակույթի տան եւ գյուղապետարանի շենքի առջեւ ծաղիկներ ենք դնում, չնայած այս տարի չենք դրել, միայն նախատեսել ենք, երեւի անհրաժեշտություն չի եղել:

- Կա առանձին եւս մեկ նշում` ծաղկային կոմպոզիցիաներ, որն արդեն արժե 416 հազար դրամ, սա ի՞նչ նպատակով եք նախատեսել գնել:

- Ծաղկեպսակներն են դրանք, ամեն գյուղում նախատեսել ենք, որ Աստված չանի, եթե մարդ մահանա համայնքը պարտադիր ծաղկեպսակ է տալիս, ավագանին է այդպես որոշել:

- Ձեր համայնքը այնքան բարեկարգ վիճակում է գտնվում, որ այսպիսի ծախսեր էլ ե՞ք թույլ տալիս:

- Եթե խոսքը վերաբերվում է միայն Ակունք գյուղին, ապա այն շատ բարեկարգ է, բայց Ակունք խոշորացված համայնքը լուրջ խնդիրներ ունի: Մյուս գյուղերի վրա սարսափելի աշխատանքներ կան, որը չենք հասցնում անել: Ջրի խնդիրներ ունենք, հերթով ծրագրեր են իրականցվում, ֆինանսական միջոցներն էլ չեն հերիքում: Իսկ դրանք, եթե նախատեսված էլ են, չեն ծախսվել եւ հույս ունեմ, որ չի էլ ծախսվի, որովհետեւ այս տարի դրա կարիքը չի լինի:

Տպել
8332 դիտում

Մահացել է Սարդ-մարդու, Երկաթե մարդու, Հալքի, Ֆանտաստիկ քառյակի, Իքս մարդկանց «հայրը»

Նիկոլ Փաշինյան, Լենա Նազարյան, Արարատ Միրզոյան. հայտնի է «Իմ քայլը» դաշինքի առաջին տասնյակը

ԿԸՀ-ի որոշմամբ, ավագանու անդամ Արամ Մանուկյանի լիազորությունները դադարեցված են, նրան կփոխարինի Միքայել Թումանյանը

Դաշնակցության անունից առաջադրվելու եմ պատգամավորի թեկնածու, պատվի հարց է. Գեղամ Մանուկյան

Պաշտպանն ուշադրության կենտրոնում է պահում խաղաղ հավաքների ժամանակ մարդկանց իրավունքների երաշխավորման հարցը

Կոռուպցիայի դեմ պայքարն ու բարեփոխումներն առաջնահերթություն են. Փաշինյանը՝ ԵՄ դեսպաններին

Դիլիջանի ոլորաններում, Սյունիքի մարզի Գորիս և Քաջարան քաղաքներում մառախուղ է

Արագ հավաքովի, սենդվիչային տարբերակով թաղամաս. Ա. Մեսչյանն առաջարկում է համալրել բնակֆոնդը

«Ղեկը աջ» նախաձեռնությունը վաղը Կառավարության մոտ մեծ բողոքի ակցիա կիրականացնի

Կան պաշտոնյաներ, որոնք ստանում են 1 մլն դրամից ավելի թոշակ. Թանդիլյանն առաջարկում է չափ սահմանել

20-ամյա կնոջը դաժան ծեծի ենթարկած 30-ամյա տղամարդը նախկինում երեք անգամ դատապարտված է եղել

Արցախի ԱԳՆ ղեկավարն ընդունել է ԵԱՀԿ գործող նախագահի անձնական ներկայացուցչին

ՊԲ հրամանատարն ու Անջեյ Կասպրշիկը քննարկել են շփման գոտում տիրող իրավիճակը

Մինչեւ վերասարքավորում կատարելը իրենք չեն կարող այդ մեքենան շահագործել. Արմեն Փամբուխչյան

1988 թ. երկրաշարժի զոհերի հարգանքի տուրքի բոլոր միջոցառումները կկազմակերպվեն բարձր մակարդակով. Ցոլակյան

Ոստիկանին փորձում են անհիմն ազատել աշխատանքից. նա դիմում է ՀՀ ոստիկանապետին

Վերաքննիչը բեկանեց Շահեն Հարությունյանին տուգանելու մասին Վարչական դատարանի որոշումը

Իմ երեխան, իմանալով, որ մեքենան անսարք է, ասել է՝ ես չեմ վարի. զինծառայողի ծնողները մանրամասներ են պատմում

Ախալցխայում հայկական դպրոցի աղջիկներին մի քանի օր հետևել է Պակիստանի քաղաքացի. նրան ձերբակալել են

Քառօրյա պատերազմի ժամանակ մարտական հերթապահություն իրականացրած ՀՊՏՀ ուսանողների բաց նամակը վարչապետին, ԿԳ նախարարին