Ողջո՛ւյն, ՀՀ հպա՛րտ քաղաքացիներ. կայացավ Հայկ Պետրոսյանի նոր ներկայացման պրեմիերան

«Ողջո՛ւյն, ՀՀ հպա՛րտ քաղաքացիներ», «Բայց ինչի՞ իմեննո Նիկոլը»... այս եւ թավշյա հեղափոխության ընթացքում հաճախ հնչող արտահայտությունների, կատակների ու թեմաների շուրջ էր Հայկ Պետրոսյանի նոր շոուն: Երեկ՝ հունիսի 5-ին, Պարոնյանի անվան երաժշտական կոմեդիայի պետական թատրոնում տեղի ունեցավ «Ամեն ինչ լաՅվ ա լինելու կամ հեղափոխության 55 երանգները» ներկայացման պրեմիերան: Ավարտից հետո Հայկը շատ ոգեւորված էր: Լրագրողների հետ զրույցում նշեց, որ թեեւ այս անգամ իր գործը բարդ էր, քանի որ բեմի վրա իր բենդի հետ չէր, ամեն ինչ լավ է ստացվել:

«Ինձ համար դա մի հատ ամերիկյան բառ կա՝ «չելենջ» էի (մարտահրավեր) արել ինքս ինձ: Միշտ ելույթ եմ ունեցել բենդով, հետս միշտ եղել է խումբը: Ճիշտ է՝ նրանք միշտ նվագում են, հետդ չեն խաղում, բայց, որ հետդ 5 հոգի բեմի վրա կա, գիտես, որ մարդ ես, մի բան լինի, տղերքը կնվագեն մինչեւ ես մի բան անեմ: Այս անգամ չկար նման բան՝ չնայած շատ երաժշտական էր ստացվել... բայց լավ էր, ստացվեց, ինձ էլ էր շատ հետաքրքիր, թե մենակով ինչպես կլինի»,- ասաց նա:

Ներկայացման ներկա էին ՀՀ մշակույթի նախարար Լիլիթ Մակունցը եւ ԱԺ ԵԼՔ խմբակցության պատգամավոր Հրաչ Հակոբյանը

Ներկայացման սցենարի վրա սկսել է աշխատել բոլորովին վերջերս: Գրել է մոտ 15 օրվա ընթացքում: Նշում է, որ հեղափոխության տրամադրությունների ներքո արագ ստացվել է: Երեկոյի ընթացքում դերասանը կատակեց բոլոր այն քաղաքական գործիչների մասին, որոնց սովորաբար իր ներկայացումներում անդրադառնում է. Սերժ Սարգսյան, ԱԺ պատգամավորներ Սեյրան Սարոյան, Գալուստ Սահակյան, Նիկոլ Փաշինյան: Սովորաբար սցենարները նախապես ուղարկում է հորը՝ դերասան Հայկ Պետրոսյանին նրանից խորհուդներ լսելու ու հավանությունը ստանալու համար: Այս անգամ չի հասցրել Վարդան Պետրոսյանի կարծիքը հարցնել, սակայն խոստովանում է, որ այս ներկայացման մեջ ավելի, քան երբեւէ նման է հորը:

«Տարօրինակ է, որովհետեւ սա առաջին ներկայացումն է, որ չեմ ուղարկել սցենարը հայրիկիս: Աշխատել եմ Մարգարիտայի հետ, հորս մոտ ընկերն է, որը նրա հետ տեքստերի վրա է աշխատում: Մարգարիտայի, Նարինե Մալյանի հետ եմ աշխատել Մալյան թատրոնից, շատ շնորհակալ եմ նրանց: 2 բան ասեմ՝ նախ ես ուզեմ-չուզեմ հորս նման եմ: 2-րդը, ինձ թվում է, այստեղ մարդիկ գուցե ավելի շատ տեսնեին նմանություն հորս, որովհետեւ սա քաղաքական ներկայացում է, իսկ քաղաքական տեքստը հատուկ ձեւ ունի ասելու: Չես կարող քաղաքական կատակը նույն ձեւով անել, ինչպես լացող երեխայի մասին: Դրա համար համաձայն եմ, որ այս ներկայացման մեջ ավելի նման եմ նրան, բայց անընդհատ ուզում էի սցենարն ուղարկել, որ նայեր չհասցրեցի»,- ասաց նա:

Ներկայացումը դիտում էր նաեւ Հայկի մտերիմ ընկեր երգչուհի Իվետա Մուկուչյանը: Լրագրողների հետ զրույցում նա շնորհավորեց Հայկինլավ աշխատանքի համար:

Ներկայացումը նախատեսված էր խաղալ միայն հունիսի 5-ին, սակայն պրեմիերայից հետո հայտարարություն եղավ, որ հունիսի 8-ին հանդիսատեսը կրկին այն նայելու հնարավորություն կունենա: Հայկը նշեց, որոշել է նորից ներկայացնել շոուն, որովհետեւ պահանջարկը մեծ է եղել: Տոմսերի քանակը չի բավականացրել բոլոր ցանկացողների համար:

«Խայտառակ եղանք (կատակում է), ասացինք 1 ներկայացում, 2 շաբաթ առաջ տոմսերը սպառվեցին, այն աստիճան, որ մայրս 12 հրավիրատոմս էր խնդրել, 7-ն եմ տվել, խայտառակ եղանք (կրկին կատակում է): Մտածեցինք՝ երեւի շատ են մարդիկ, որոնք ուզում են նայել, որովհետեւ սա մեր մասին է, բոլորս մեզ ենք տեսնում այս ներկայացման մեջ: Այնպես որ հուլիսի 8-ին կխաղանք: Եթե Աստված տա, հաջողվի, եթե օրերը համընկնեն, անպայման կգնանք Գյումրի ու Վանաձոր»,- ասաց նա:

Հայկը շոուն նաեւ արտասահմանում ներկայացնելու ցանկություն ունի: Նա հիշեցրեց, որ Ռուսաստանում, ԱՄՆ-ում եւ հայկական այլ համայնքներում մարդիկ նույնպես ակտիվ են եղել #ԻմՔայլը շարժման ընթացքում: Կարծում է, որ նրանց եւս կհետաքրքրի այս ներկայացումը:

«Շատ կուզեմ: Այս ոճի թատրոնում մարդիկ իրենք իրենց են տեսնում, ծիծաղում են իրենք իրենց վրա, հուզվում են, գնահատական են տալիս իրենք իրենց արածին: Իսկ սփյուռքը ԱՄՆ-ում, Ռուսաստանում տեսաք՝ որքան ակտիվ էր: Այնպես որ շատ կուզեմ տանել ներկայացումը արտասահման: 1-2 բան կա, որ լոկալ են, դրանք կարելի է ուղղակի փոխել, եւ ամեն ինչ տեղը կընկնի»,- ասաց նա:

Տոմսերն արժեն 2000-6000 դրամ: Հուլիսի 8-ի ներկայացման տոմսերի վերաբերյալ լրացուցիչ տեղեկություններ կարելի է ստանալ 094 44 70 80 հեռախոսհամարով:

Տպել
1574 դիտում

Շոկային սկիզբը, Յուրայի պոկերը ու ՀՀ ֆուտբոլի հավաքականի ջախջախիչ հաղթանակը

Ծեծկռտուք Արտաշատի զինկոմիսարիատում. ըստ քաղաքացու ահազանգի՝ կապիտանը կոտրել է իր քիթը

Պարզաբանումներ եմ պահանջելու Բելառուսի ու Ղազախստանի նախագահներից. Փաշինյանը՝ ՀԱՊԿ նիստի զարգացումների մասին

Ոստիկանությունը օպերատիվ տվյալներ է ստացել, որ Երեւանում հիպնոսի միջոցով փող են կորզում

Ջիբրալթար-Հայաստան ֆուտբոլային հանդիպման մեկնարկային կազմերը

Երկու օր առաջ Հայաստանում էր, հիմա՝ չգիտեմ. Շարմազանովը՝ Տարոն Մարգարյանի գտնվելու վայրի մասին

Աշխարհը չէի փոխի քո հետ. Սիրուշոն շնորհավորել է Լեւոն Քոչարյանի ծնունդը

Իրական ընդդիմություն կձեւավորվի ընտրություններից հետո

Արսեն Ջուլֆալակյանն ու լրագրողը պարզաբանել են թյուրիմացությունը

Նոր մանրամասներ հոկտեմբերի 27-ին նռնակով կառավարության շենք ներխուժման դեպքից. պարզվել է՝ ով է նա

Արցախի պետնախարար Մարտիրոսյանն ընդունել է Արցախի պետական համալսարանի ուսանողների

Այդ տարածքը իմն է, իմ սեփականությունն է. Լոռու մարզպետը՝ սեփական ատամնաբուժարան կառուցելու մասին

Մարկոս Պիզելին՝ Ղազախստանի առաջնության լավագույն ֆուտնոլիստ

Քաղաքապետն ընդունել է ՀՀ-ում ԵՄ դեսպան Պյոտր Սվիտալսկիին

Վաչագան Ղազարյանը ցուցմունք է տվել. քննարկվում է կրկին գրավի միջնորդությամբ հանդես գալու տարբերակը

Ավան վարչական շրջանի ղեկավարը հրաժարական է տվել

23-ամյա Վահագնի շնորհիվ մարդկանց կյանքեր կփրկվեն. արյան տարբեր խումբ ունեցողներ շարունակում են արյուն հանձնել

Վարչապետ Նիկոլ Փաշինյանի միջնորդությամբ Սիմոն Մարտիրոսյանն ու Գոռ Մինասյանը կպարգեւատրվեն

Հույս ունեմ կկարողանանք Աբաջյանի հերոսությանն արժանի ապրել՝ անկախ նրանից` ինչով ենք զբաղվում. Փաշինյան

Հայ մարզիչը ղազախական ակումբի մանկապատանեկան ֆուտբոլը ղեկավարելու ու Հենոյի գեղեցիկ քայլի մասին