Եթե Արցախն ընկնի անկայունության գիրկը, հակառակորդը 100 տոկոս դրանից օգտվելու է. Բաբայան

Մի քանի օր շարունակ Արցախում տեղի ունեցած բողոքի ցույցերից հետո այսօր Արցախի Հանրապետության մի շարք բարձրաստիճան պաշտոնյաներ հրաժարական տվեցին, մասնավորապես պետնախարար Արայիկ Հարությունյանը, ԱԱԾ տնօրեն Արշավիր Ղարամյանը, ԱԱԾ տնօրենի տեղակալ Գարիկ Սարգսյանը եւ ոստիկանապետ Կամո Աղաջանյանը: Համացանցում սկսվեցին խոսակցություններ շրջանառվել, որ այս ամենի հետեւում կանգնած է Սերժ Սարգսյանը, եւ որ նա երեկ բանագնացներ է ուղարկել Բակո Սահակյանի հետ հանդիպելու նպատակով:

Արցախում կատարվող փոփոխությունները մեզ հետ զրույցում մեկնաբանեց Արցախի Հանրապետության նախագահ Բակո Սահակյանի մամուլի խոսնակ Դավիթ Բաբայանը:

- Պարոն Բաբայան, ի՞նչ է կատարվում այս պահին Արցախում: Ինչո՞ւ են կարեւորագույն մի շարք պաշտոններ զբաղեցնող անձինք հրաժարական տվել:

- Դա ժողովրդավարական երկրներին եւ ցանկացած պետությանը բնորոշ երեւույթ է: Կարծես թե երկար, համեմատաբար կայուն քաղաքական ժամանակահատվածից հետո նոր իրավիճակ է, եւ շատ կարեւոր է, որպեսզի այս իրավիճակից առաջին հերթին Արցախի հասարակությունը կարողանա պահպանել կայունությունն ու ներքին համախմբվածությունը, քանի որ մենք ունենք մի թշնամի: Ես չեմ ուզում, որ որեւէ մեկը դա վերցնի եւ շահարկումների առարկա դարձնի, հասկանալի է, որ կան շատ մարդիկ, որոնք այդպիսի մի բանի են սպասում, բայց այնուամենայնիվ պարտքս եմ համարում նշել, եթե Արցախն ընկնի անկայունության գիրկը, հակառակորդը 100 տոկոս դրանից օգտվելու է:

Դրա համար կարեւոր է հիմա, որպեսզի նորմալ, քաղաքակիրթ ձեւով բարեփոխումներ իրականացվեն, այդ թվում նաեւ կադրային փոփոխություններ, որը իրականացվում է: Հետեւաբար, խոսելով Արցախի իրավիճակի մասին, պետք է ասենք հետեւյալը՝ հասարակական առումով շատ հանգիստ է, ինչպես եղել է, որեւէ արտառոց բան չի կատարվում: Ամեն ինչ նորմալ է, բաց է, մարդիկ իրենց առօրյայով են ապրում: Քաղաքական առումով բավականին ակտիվ ժամանակահատված է:

- Հանրությանը ոչ անհայտ մարդիկ սոցցանցերում նշում են, որ սա ռազմական հեղաշրջում էր, ինչպե՞ս կմեկնաբանեք դա:

- Ես կարծում եմ, որ սա կամ իրավիճակի թյուրըմբռնում է կամ էլ ինչ-որ մի նպատակասլաց աշխատանք՝ անընդհատ ինչ-որ լարվածություն պահելու: Ի՞նչ ռազմական հեղաշրջում, ո՞նց կարող է ռազմական հեղաշրջում լինել: Մենք այդ դարաշրջանը վաղուց անցել ենք, մեզ մոտ բանակը եւ ուժային կառույցները քաղաքականությամբ չեն զբաղվում եւ չեն միջամտում այդ քաղաքական գործընթացներին: Պահանջում էին այսպես, հիմա էլ ասում են՝ ռազմական հեղաշրջում է: Ի՞նչ ռազմական հեղաշրջում, սա անհեթեթություն է:

- Լույս Արցախին նախաձեռնության պահանջների մեջ է մտնում Արցախի ՊԲ հրամանատարի տեղակալ Սամվել Կարապետյանի հրաժարականի հարցը, ինչպե՞ս եք դրան վերաբերվոմ:

- Պաշտպանության բանակը դա ուրիշ կառույց է, բանակին չպետք է խառնել: ՊԲ-ն ընդհանրապես քաղաքականությունից դուրս է, չեմ կարծում, որ ճիշտ է ՊԲ-ն խառնել այդ գործընթացին:

- Խոսվում է, որ Սերժ Սարգսյանը բանագնացներ է ուղարկել Բակո Սահակյանի հետ բանակցելու համար եւ նաեւ նշվում է, որ այս ամենը կազմակերպված է, ինչպե՞ս դա կմեկնաբանեք:

- Դա առհասարակ շահարկումներ են, ի՞նչ բանագնացներ, ինչի՞ համար: Նման բան չի եղել, մենք հասկանում ենք, որ տեխնոլոգիաներ են մտցնում, ուզում են խառնել Արցախի ներքին իրավիճակը, բայց այդպիսի բան չկա: Ի՞նչ բանագնացներ, ինչո՞ւ պետք է այդ բանագնացներին ուղարկեն: Այսինքն, մենք ունենք մի իրավիճակ, որն իր տրամաբանական հանգուցալուծմանն է գալիս, այդպիսի լուրերը ոչ միայն չեն համապատասխանում իրականությանը, այլ միտումնավոր են տարածվում:

- Խոսակցություններ են պտտվում, որ Արցախի ԱԱԾ տնօրեն Արշավիր Ղարամյանը, ով հրաժարական է տվել, նշանակվելու է պետնախարար, դա ճի՞շտ է:

- Դա չի համապատասխանում իրականությանը: Դա նորից շահարկումներ է, կարծես թե հատուկ մարդիկ այդպիսի ստահոդ շահարկումներ են տարածում, որպեսզի ապակայունացնեն իրավիճակը, որովհետեւ որոշ մարդկանց համար լավ է, որ ապակայունացված է, չգիտեմ էլ ինչի համար:

- Բակո Սահակյա՞նն է հորդորել, որպեսզի այս պաշտոնյաները հրաժարական տան, թե՞ նրանք են գիտակցել, որ ժամանակն է հեռանալու:

- Այն մարդիկ, ովքեր հրաժարական են ներկայացրել, օրինակ ոստիկնապետը, իր հրաժարականը հիմնավորել է, եւ համապատասխան կոչով հանդես է եկել: Հետեւաբար իրավիճակը այնպիսին է, որ այս ամենը չպետք է պաշտոնի կռիվ դիտարկել, եթե սա պաշտոնի կռիվ է, այդ դեպքում մեզ սպասվում են ծանր ժամանակներ: Որովհետեւ պաշտոնը հայրենիքին ծառայելու լավագույն միջոցներից մեկը պետք է լինի:

- Արցախի բնակչությունը այժմ գո՞հ է այս իրավիճակից:

- Կան մարդիկ, ովքեր գոհ են, կան մարդիկ, ովքեր դժգոհ են եւ այլ կարծիք ունեն: Բայց գոհ եւ դժգոհ լինելը, պետք է արտացոլվի այնպես, որպեսզի խաղաղությունն ու օրինականությունը չխախտվեն եւ պետության հիմքերը չխարխլվի:

- Այս առումով Բակո Սահակյանը ՀՀ վարչապետ Նիկոլ Փաշինյանից աջակցության ակնկալիք ունի՞:

- Նիկոլ Փաշինյանը կատարեց մի կարեւոր քայլ, նրա դիմումը շատ կարեւոր էր, եւ կարծում եմ դա Մայր Հայաստանի մեսիջն էր, որ նախ եւ առաջ Արցախը պետք է լինի կայուն, եւ բոլոր հարցերը պետք է օրենքի սահմաններում կարգավորվեն: Հետեւաբար ակնկալում ենք նույնակի մոտեցում եւ կարծում ենք այդպես էլ կլինի:

Տպել
2724 դիտում

Շոկային սկիզբը, Յուրայի պոկերը ու ՀՀ ֆուտբոլի հավաքականի ջախջախիչ հաղթանակը

Ծեծկռտուք Արտաշատի զինկոմիսարիատում. ըստ քաղաքացու ահազանգի՝ կապիտանը կոտրել է իր քիթը

Պարզաբանումներ եմ պահանջելու Բելառուսի ու Ղազախստանի նախագահներից. Փաշինյանը՝ ՀԱՊԿ նիստի զարգացումների մասին

Ոստիկանությունը օպերատիվ տվյալներ է ստացել, որ Երեւանում հիպնոսի միջոցով փող են կորզում

Ջիբրալթար-Հայաստան ֆուտբոլային հանդիպման մեկնարկային կազմերը

Երկու օր առաջ Հայաստանում էր, հիմա՝ չգիտեմ. Շարմազանովը՝ Տարոն Մարգարյանի գտնվելու վայրի մասին

Աշխարհը չէի փոխի քո հետ. Սիրուշոն շնորհավորել է Լեւոն Քոչարյանի ծնունդը

Իրական ընդդիմություն կձեւավորվի ընտրություններից հետո

Արսեն Ջուլֆալակյանն ու լրագրողը պարզաբանել են թյուրիմացությունը

Նոր մանրամասներ հոկտեմբերի 27-ին նռնակով կառավարության շենք ներխուժման դեպքից. պարզվել է՝ ով է նա

Արցախի պետնախարար Մարտիրոսյանն ընդունել է Արցախի պետական համալսարանի ուսանողների

Այդ տարածքը իմն է, իմ սեփականությունն է. Լոռու մարզպետը՝ սեփական ատամնաբուժարան կառուցելու մասին

Մարկոս Պիզելին՝ Ղազախստանի առաջնության լավագույն ֆուտնոլիստ

Քաղաքապետն ընդունել է ՀՀ-ում ԵՄ դեսպան Պյոտր Սվիտալսկիին

Վաչագան Ղազարյանը ցուցմունք է տվել. քննարկվում է կրկին գրավի միջնորդությամբ հանդես գալու տարբերակը

Ավան վարչական շրջանի ղեկավարը հրաժարական է տվել

23-ամյա Վահագնի շնորհիվ մարդկանց կյանքեր կփրկվեն. արյան տարբեր խումբ ունեցողներ շարունակում են արյուն հանձնել

Վարչապետ Նիկոլ Փաշինյանի միջնորդությամբ Սիմոն Մարտիրոսյանն ու Գոռ Մինասյանը կպարգեւատրվեն

Հույս ունեմ կկարողանանք Աբաջյանի հերոսությանն արժանի ապրել՝ անկախ նրանից` ինչով ենք զբաղվում. Փաշինյան

Հայ մարզիչը ղազախական ակումբի մանկապատանեկան ֆուտբոլը ղեկավարելու ու Հենոյի գեղեցիկ քայլի մասին