Երևան
21 °C
Մեկ ժամից կմեկնարկի Ազգային ժողովի հատուկ նիստը, որտեղ քննարկվելու է նոր կառավարության ծրագիրը: Նիկոլ Փաշինյանի կաբինետի կողմից ներկայացված ծրագրի դրույթներն արդեն հրապարակված են, խորհրդարանական միակ ընդդիմության՝ ՀՀԿ-ի, եւ մյուս քաղաքական ուժերի տարբեր ներկայացուցիչների տեսակետները՝ հայտնի: Արդեն հայտնի է, որ ծրագիրը հաստատվելու է ՀՀԿ-ի բիզնես թեւի ներկայացուցիչների կողմ քվեարկությամբ, իսկ քաղաքական թեւը մնալու է ընդդիմության դերի մեջ: Այսպիսով՝ ՀՀԿ-ն փակում է արտահերթ ընտրություն անցկացնելու մեկ ճանապարհ:
Եթե կառավարության ծրագիրն այս նիստում հաստատվի, ապա ըստ Սահմանադրության՝ Նիկոլ Փաշինյանի եւ նրա կառավարության առջեւ փակվում է արտահերթ ընտրությունների գնալու մեկ դուռ: Բանն այն է, որ Սահմանադրության համաձայն, եթե կառավարության ծրագիրը հավանության չի արժանանում, ապա վարչապետը հրաժարական է տալիս: Հրաժարականից 7 օր անց տեղի է ունենում վարչապետի նոր ընտրություն եւ եթե նոր վարչապետ չի ընտրվում, կրկին 7 օրից եւս մեկ ընտրություն է անցկացվում: Այս երկու ընտրությունների ձախողումից հետո նոր միայն Ազգային ժողովը լուծարվում է իրավունքի ուժով:
Երեկ խորհրդարանում ՀԺ-ն տարբեր քաղաքական դեմքերից հետաքրքրվեց՝ արդյո՞ք իրատեսական համարում են, որ Փաշինյանը եւ իր թիմն այսօր չեն գա Ազգային ժողով՝ արտահերթ ընտրությունների համար ուղիներ փնտրելու պատրվակով: ՀՀԿ փոխնախագահ, պատգամավոր Արմեն Աշոտյանը մեր այս հարցադրումն անիրատեսական համարեց: Ընդգծելով քաղաքական ուժերի՝ միմյանց հետ «լեզու չգտնելու» փաստը, նա միաժամանակ նշեց, որ վարչապետ Փաշինյանն իր թիմով պատասխանատու է հասարակության առջեւ:
«Քաղաքական անհամաձայնությունների եւ տեսակետների տարբերությամբ պայմանավորված անգամ չեմ կարող նման քայլ պատկերացնել գործող կառավարությունից: Այնուհանդերձ, կազմը վարչապետ Նիկոլ Փաշինյանի գլխավորությամբ ստանձնել են քաղաքական պատասխանատվություն մեր հասարակության առջեւ: Մտքովս անգամ չի անցնում, որ նման կերպ կարող են վարվել իրենց, իսկ սկսած նախաձեռնության հանդեպ»,- ասաց նա:
Մեր դիտարկմանն էլ, որ սա շանսերից մեկն է, որպեսզի Նիկոլ Փաշինյանը կարողանա արտահերթ ընտրությունների գնալ, այդ պահին աստիճաններով ԱԺ-ի երրորդ հարկ բարձրացող ՀՀԿ փոխնախագահն ասաց. «Նման լուրջ քաղաքական վերլուծություններ աստիճանավանդակը հաղթահարելիս չեն անում»:
ՀՀԿ-ական պատգամավոր Ալիկ Սարգսյանն էլ մեր հարցին հարցով պատասխանեց: «Ինչու՞ չպետք է ներկայանա: Պատճառը ո՞րն է: Ծրագիր է բերում հաստատման, ո՞նց կարող է չներկայանալ: Իմա՞ստը չներկայանալու: Կբերի եւ կներկայացնի»,- վստահորեն հայտարարեց Սարգսյանը:
Ալիկ Սարգսյանն ավելի քան վստահ է, որ Նիկոլ Փաշինյանն արտահերթ ընտրությունների գնալու համար նման քայլի չի գնա: ՀՀԿ-ական այս պատգամավորը նաեւ պնդում էր, որ առաջիկա մեկ տարում Նիկոլ Փաշինյանը հրաժարական տալու պատճառ չունի:
«Չեմ կարծում, որ ծրագիրը հաստատվելուց անմիջապես կամ որոշակի ժամանակ հետո վարչապետը հրաժարական կտա: Վարչապետը չի շտապի, բավականին գործընթացներ են սպասվում՝ նույն Ազգային ժողովում, համբերել է պետք, տեսնենք, թե ով որտեղ է հայտնվում»,- ասաց Սարգսյանը:
Ալիկ Սարգսյանի այս խոսքերից կարելի է ենթադրել, որ առաջիկայում եւս մի քանի ՀՀԿ-ական պատգամավորներ կլքեն ՀՀԿ խմբակցությունը: Նրանք կհայտարարեն ազատ գործելու մասին, սակայն կքվեարկեն կառավարության օգտին եւ Փաշինյանը արտահերթ ընտրությունների գնալու պատճառ չի ունենա: Սրան զուգահեռ նկատի ունենանք, որ ՀՀԿ-ականները իրենց հարազատ խմբակցությունը դեռ չէին լքել, բայց թավշյա հեղափոխությունից հետո ապահովում էին անհրաժեշտ քվեները:
ԱԺ պետաիրավական եւ մարդու իրավունքների մշտական հանձնաժողովի նախագահ Գեւորգ Կոստանյանը մեր այն դիտարկումը, որ հնարավոր է կառավարությունը չներկայանա, համարեց «խելագարության կանխավարկածի» ժանրից:
«Դուք խոսում եք խելագարության կանխավարկածի մասին: Եթե դու կառավարություն ես, եթե ուզեցել ես գալ իշխանության, բայց դիտավորյալ չես գալիս ծրագիր ներկայացնելու, բա հասարակությանը ինչպե՞ս է պատասխան տալու: Անտրամաբանական է»,- կարծում է նա:
Կոստանյանն, ապա անդրադառնալով սահմանադրական կարգավորումներին նշեց՝ վարչապետի եւ կառավարության չներկայանալը նույնն է, որ գործադիր մարմինը հրաժարական տա:
«Եթե արտահերթ ընտրության մասին է խոսքը, թող վարչապետը միանգամից հրաժարական տա: Սա ամենալավ ձեւն է, բայց, եթե ծրագիրը չբերի, ապա դա համարվում է վարչապետի հրաժարական, եւ դրան հետեւում է սահմանված կարգով վարչապետի երկու ընտրություն, որի ձախողումը նոր միայն բերում է ԱԺ-ի արձակման»,- մեկնաբանեց նա:
Կառավարությունը գալու է Ազգային ժողով եւ ներկայացնելու է իր ծրագիրը: Երեկ խորհրդարանում ՀԺ-ի լրագրողի հարցին ի պատասխան վստահեցրեց ՔՊ-ական ԿԳ նախարար Արայիկ Հարությունյանը:
«Ծրագրի մեջ հստակ նշված է, որ մենք պատրաստ ենք առաջիկա մեկ տարվա ընթացքում կազմակերպել արտահերթ ընտրություններ եւ դա կլինի մեր հանձնառությունը»,- ասաց Հարությունյանը:
«Հայկական ժամանակ»-ի դիտարկմանը, որ ծրագրի հաստատվելուց հետո արտահերթ ընտրության գնալու միակ տարբերակը մնում է վարչապետ Նիկոլ Փաշինյանի հրաժարականը, Արայիկ Հարությունյանը նկատեց. «Մենք մեխանիզմներ կգտնենք, թե ինչպես արտահերթ ընտրությունները իրականացնել: Մեր գործողությունները կլինեն Սահմանադրության սահմաններում»:
Կիրանցում ոստիկանությունը լուսաձայնային նռնակ կամ որևէ այլ հատուկ միջոց չի կիրառել․ ՆԳՆ
Կիրանց մեկնած մասնագետների հետ մեքենայում Մհեր Գրիգորյանը չի եղել․ փոխվարչապետի գրասենյակ
Ադրբեջանը պետք է հարգի մարդու իրավունքները․ Օլաֆ Շոլց
Ինչ նոր մահաբեր վտանգ է Ռուսաստանը փորձելու պարտադրել Հայաստանին․ Խզմալյանը մանրամասնում է
Էկոնոմիկայի նախկին փոխնախարար Անի Իսպիրյանի խափանման միջոցը վերացվել է
Առողջապահության նախարարը Գյումրիում խորհրդակցություն է անցկացրել, այցելել «Գյումրու» ԲԿ
Ռուսական խաղաղապահ գրեթե ողջ զորակազմը լքել է Լեռնային Ղարաբաղը․ մյուսները կհեռանան մինչև մայիսի վերջ
Բախում Կիրանցում․ ակցիայի մասնակիցներն արգելափակել էին առանց պետհամարանիշի մեքենայի ելքը
Էրդողանի այցը ԱՄՆ հետաձգվել է
Այն, որ Ռոբերտ Քոչարյանը ցիտում է ոմն «պայքարող» հոգևորականի, պարզ է դառնում, որ ռուբլիով վճարված են. Անի Խաչատրյան
Խաչատրյանը հայտնել է, որ ոստիկանական մեքենայով տեղափոխվել է բաժին ու տեղեկացել, որ ընթացակարգ չկա և բերման չի ենթարկվել
Նիկոլ Փաշինյանի գլխավորությամբ քննարկվել են ԼՂ-ից բռնի տեղահանվածների բնակարանային ապահովման ծրագրին վերաբերող հարցերը
Սուրեն Պետրոսյանն ազատ է արձակվել
Անահիտ Ավանեսյանը Աշտարակի և Թալինի ԲԿ-ների վերազինման ուղղությամբ հանձնարարականներ է տվել
Հայ դպրոցականները 3 մեդալ են նվաճել Մենդելեևյան 58-րդ միջազգային օլիմպիադայում
Կոստանյանը Կատարի ԱԳՆ պետնախարարին է ներկայացրել «Խաղաղության խաչմերուկ»-ի սկզբունքները և պոտենցիալ հնարավորությունները
Հայրենիքի մեջ հայրենիք ենք փնտրել, մենք հիմա պետական գիտակցություն ենք մտնում նոր․ վարչապետ
Հարկադիր քարաթափում է իրականացվել Գեղարքունիքի և Կոտայքի մարզերում
Գագիկ Սուրենյանը նոր գրառում է արել
Հյուրանոցային համալիրում հայտնաբերվել է 2 օտարերկրացու մարմին, ևս 2 հոգի տեղափոխվել է հիվանդանոց․ ինչ է հայտնի
«Տոյոտա»-ն բախվել է կայանված «Մերսեդես բենց» մակնիշի ավտոմեքենային և շրջվել
Happy birthday love. Սուրեն Պապիկյանի կինը շնորհավորել է ամուսնու ծննդյան օրն ու համատեղ լուսանկար հրապարակել
Հայաստանի և Ադրբեջանի սահմանին կոորդինատների ճշգրտման աշխատանքների շրջանակներում 28 սահմանային սյուն է տեղադրվել
Ժամը 17։30-ի դրությամբ Երևանում փակ ճանապարհներ չկան, Սևան-Երևան ճանապարհի երթևեկությունը վերականգնվել է
ՀՀ-ն ստացել է խաղաղության պայմանագրի նախագծի վերաբերյալ ադրբեջանական կողմի առաջարկները. ԱԳՆ խոսնակ
«Կողմնակալ» փաստաթուղթ է․ Բաքուն Եվրախորհրդարանի բանաձևը միակողմանի է որակել
Պետական դավաճանություն կատարելու համար քրեական հետապնդում է հարուցվել ՀՀ 2 քաղաքացու նկատմամբ․ նրանք հետախուզվում են
Տավուշի և Ղազախի հատվածում սահմանազատման գործընթացը տեխնիկապես ավարտվել է. Արմեն Խաչատրյան․ «Ազատություն»
Դոլարն ու եվրոն թանկացել են․ ինչ փոփոխություններ է արձանագրել տարադրամի շուկան ապրիլի 26-ին
Պատգամավոր Արթուր Խաչատրյանը բերման է ենթարկվել
Գիշերել են ազատազրկվածների համար նախատեսված ազատ հիվանդասենյակներում․ ՔԿՀ 2 աշխատակից ազատվել է զբաղեցրած պաշտոնից
Բարձր ենք գնահատում Ադրբեջանի և Հայաստանի միջև բանակցությունները, խաղաղության հասնելու լավ հնարավորություններ կան․ Ալիև
Լևոն Տեր-Պետրոսյանը դուրս է գրվել հիվանդանոցից
Ոստիկաններն ու պարեկները կանխել են մի խումբ երիտասարդների վենդետան. կռվի երկու կողմերում հարազատ եղբայրներ են
Ժամը 15:30-ի դրությամբ Երևանում փակ ճանապարհներ չկան. ՆԳՆ
Գիշերային ժամերին խախտել են աղմուկի թույլատրելի շեմը, բռնություն կիրառել պարեկի հանդեպ․ Թորոսյանը տեսանյութ է հրապարակել
Պացիենտների վերջույթները կապել են սավաններով ու զուգագուլպաներով. չհայտարարված այց Սևանի հոգեկան առողջության կենտրոն
Հայաստանի ու Իտալիայի պատվիրակությունները քննարկել են ռազմական համագործակցությանը վերաբերող հարցեր
Հայտնի է «ՀՀ վարչապետի գավաթ» սեղանի թենիսի սիրողական մրցաշարի եզրափակչի օրը և պարգևների չափը
Հավատում ենք, որ այս տարի Ադրբեջանի և Հայաստանի միջև կստորագրվի խաղաղության պայմանագիր. Շոլց
© 2024 Հայկական ժամանակ