207 հազար քաղաքացի գոհ կմնան, 80 հազարը՝ ըմբռնումով կմոտենա. Փաշինյանը՝ կուտակայինի մասին

Այսօր կառավարության արտահերթ նիստին ֆինանսների նախարար Ատոմ Ջանջուղազյանը ներկայացրեց «Կուտակային կենսաթոշակների մասին» օրենքում լրացումներ կատարելու մասին» օրենքի նախագիծը:
Նախարարն ասաց, որ նախագծով առաջարկվող տարբերակով 2,5 տոկոսը վճարում է անձը, 7,5 տոկոսը՝ պետությունը։ Օրինակ՝ հիմա 200 000 դրամ աշխատավարձի դեպքում անձը կատարում է 10 000 դրամ սոցիալական վճար, իսկ պետությունն իր հերթին ավելացնում է եւս 10 000 դրամ։ Նախագծի համաձայն, անձը կվճարի 5000 դրամ (2,5 տոկոսը), իսկ պետությունը՝ 15 000 (7,5 տոկոսը)։ Այս դրույքաչափերը կգործեն մինչեւ եկամտային հարկի բարեփոխումների ուժի մեջ մտնելը, որի արդյունքում կնվազի վճարվող եկամտային հարկը՝ նվազեցնելով նաեւ սոցիալական վճարների բեռը համակարգի մասնակիցների համար։

Ատոմ Ջանջուղազյանն ասաց, որ այս որոշմամբ, թեեւ որոշակի բեռ ենթադրում է, բայց դրանք հաղթահարելի են համարում: «Խոշոր հաշվով ճեղքեր չեն լինի  բյուջեում»,- ասաց նա:

Հարցին արձագանքեց վարչապետ Նիկոլ Փաշինյանը, եւ սա համարեց կառավարության առաջիկա ամենակարեւոր մարտահրավերներից մեկը: «Այն իր պատմություն ունի, եւ մեր վերաբերմունքը եւս ունի իր պատմությունը»,- ասաց նա:

Նիկոլ Փաշինյանը պարզաբանեց, որ համակարգում այսօրվա դրությամբ 280 հազար շահառուից երկու հարյուր հազարը ընդգրկված է, եւ եթե որեւէ գործողություն չձեռնարկվի, ապա կարգավորումը հուլիսի մեկից ամբողջ ծավալով ուժի մեջ կմտնի:
Վարչապետն ասաց, որ հաշվի առնելով հանգամանքները, մի քանի ընտրության հնարավորություն ունեին:

«Առաջինը՝ ընդհանրապես չեղյալ համարել օրենքը, բայց հասկացանք, որ չենք կարող գնալ այդ ճանապարհով, որովհետեւ արդեն հարյուր քսան միլիարդ տեղաբաշխված է, որից 70 տոկոսը՝ Հայաստանում: Չեղյալ համարելու դեպքում, այդքան գումարը տնտեսությունից դուրս կգար: Այսօրվա կառավարիչներն ունեն հսկայական հեղինակություն, եւ դժվար կլիներ փաստացի կասեցնել տնտեսական հսկաների գործունեությունը եւ հետո համոզել մարդկանց, որ երկիրը փոխվել է, եկեք ներդրումներ անելու»,- ասաց նա:

Հաջորդ հնարավորությունը Նիկոլ Փաշինյանը համարեց հետաձգել այս կարգավորումը եւ նշեց, որ թեեւ դա պարզ լուծում է թվում, բայց երկու հարյուր հազար քաղաքացի շատ պարզ հարց է դնում, որ իրենք 2014 թվականից սկսած վճարում են կատարում:

«Հետաձգման պարագայում շարունակելու են այդ քաղաքացիները վճարել եւ այստեղ անարդարություն է տեղի ունենալու»,- ասաց նա:

Այսպիսով՝ վարչապետն ամփոփեց, որ եթե նախկինում տասը տոկոսից հինգը շահառուն էր վճարում, իսկ հինգը պետություն, ապա նախագծով առաջարկվող տարբերակով 2,5 տոկոսը վճարում է անձը, 7,5 պետությունը:

«Այս կարգավորման արդյունքում ավելի կոնկրետ այս երկու հարյուր յոթ հազար քաղաքացին, ովքեր ավելի վճարել են 2018 թվականի հուլիսի մեկից, կզգան թեթեւացում իրենց վրա, միջին հաշվարկով յուրաքանչյուրը հինգ հազար դրամ ավելի պակաս կվճարի, քան նախկինում: Այսինքն՝ ստացվում է, որ փաստացի հինգ հազար դրամով այդ քաղաքացիների աշխատավարձը կբարձրացվի: Իսկ ութսուն հազար քաղաքացի այդ պոտենցիալ բեռի կեսը կզգա, որը ցավոտ լուծում է, բայց այս լուծումներից ամենապակաս ցավոտ լուծումը սա է»,- ասաց նա:

Նիկոլ Փաշինյանն ասաց, որ սա ժամանակավոր կարգավորում է եւ նշեց, որ կարծում է, թե հանրությունը ըմբռնումով կմոտենա: Նա նկատեց, որ նախկինում վստահության խնդիրն է առաջ քաշվել եւ քան որ այսօր չունեն վստահության հարց, կարող են այս քայլը թույլ տալ:

«Սա այն լուծումն է, որ բխում է պետական, քաղաքացու երկարաժամկետ շահերից: Կարծում եմ, որ 207 հազար քաղաքացի գոհ կմնա եւ ութսուն հազար քաղաքացի էլ ըմբռնումով կմոտենան»,- ասաց նա եւ կարեւորեց տնտեսական ցնցումներից պետք խուսափել:

Տպել
10302 դիտում

Շոկային սկիզբը, Յուրայի պոկերը ու ՀՀ ֆուտբոլի հավաքականի ջախջախիչ հաղթանակը

Ծեծկռտուք Արտաշատի զինկոմիսարիատում. ըստ քաղաքացու ահազանգի՝ կապիտանը կոտրել է իր քիթը

Պարզաբանումներ եմ պահանջելու Բելառուսի ու Ղազախստանի նախագահներից. Փաշինյանը՝ ՀԱՊԿ նիստի զարգացումների մասին

Ոստիկանությունը օպերատիվ տվյալներ է ստացել, որ Երեւանում հիպնոսի միջոցով փող են կորզում

Ջիբրալթար-Հայաստան ֆուտբոլային հանդիպման մեկնարկային կազմերը

Երկու օր առաջ Հայաստանում էր, հիմա՝ չգիտեմ. Շարմազանովը՝ Տարոն Մարգարյանի գտնվելու վայրի մասին

Աշխարհը չէի փոխի քո հետ. Սիրուշոն շնորհավորել է Լեւոն Քոչարյանի ծնունդը

Իրական ընդդիմություն կձեւավորվի ընտրություններից հետո

Արսեն Ջուլֆալակյանն ու լրագրողը պարզաբանել են թյուրիմացությունը

Նոր մանրամասներ հոկտեմբերի 27-ին նռնակով կառավարության շենք ներխուժման դեպքից. պարզվել է՝ ով է նա

Արցախի պետնախարար Մարտիրոսյանն ընդունել է Արցախի պետական համալսարանի ուսանողների

Այդ տարածքը իմն է, իմ սեփականությունն է. Լոռու մարզպետը՝ սեփական ատամնաբուժարան կառուցելու մասին

Մարկոս Պիզելին՝ Ղազախստանի առաջնության լավագույն ֆուտնոլիստ

Քաղաքապետն ընդունել է ՀՀ-ում ԵՄ դեսպան Պյոտր Սվիտալսկիին

Վաչագան Ղազարյանը ցուցմունք է տվել. քննարկվում է կրկին գրավի միջնորդությամբ հանդես գալու տարբերակը

Ավան վարչական շրջանի ղեկավարը հրաժարական է տվել

23-ամյա Վահագնի շնորհիվ մարդկանց կյանքեր կփրկվեն. արյան տարբեր խումբ ունեցողներ շարունակում են արյուն հանձնել

Վարչապետ Նիկոլ Փաշինյանի միջնորդությամբ Սիմոն Մարտիրոսյանն ու Գոռ Մինասյանը կպարգեւատրվեն

Հույս ունեմ կկարողանանք Աբաջյանի հերոսությանն արժանի ապրել՝ անկախ նրանից` ինչով ենք զբաղվում. Փաշինյան

Հայ մարզիչը ղազախական ակումբի մանկապատանեկան ֆուտբոլը ղեկավարելու ու Հենոյի գեղեցիկ քայլի մասին