Վանեվանի համայնքապետը ՏԻՄ ընտրությունների ժամանակ ահաբեկե՞լ է համայնքի բնակիչներին

Այսօր «Հայկական ժամանակ»-ի խմբագրություն ահազանգ է ստացվել, որ հունիսի 10-ին կայացած ՏԻՄ ընտրությունների ժամանակ, համայնքներից մեկում բնակիչներին ահաբեկել են եւ ստիպել, որպեսզի ընտրեն գործող համայնքապետին: Ահազանգողը Գեղարքունիքի մարզի Վանեվան գյուղի բնակիչ էր. նա նշեց, որ ընտրություններից երկու օր առաջ համայնքի բնակչության մեծամասնությունը որոշել էր ընտրել այլ թեկնածուի: Բայց ընտրություններից մեկ օր առաջ գործող համայնքապետը ոմանց ահաբեկել է, ոմանց էլ կաշառել, այդպիսով՝ շարունակելով իր երկար տարիների պաշտոնավարումը: Ահազանգողը նաեւ նշեց, որ կողքի գյուղերից մեկի գյուղապետն է անգամ եկել, որպեսզի աջակցի գործող համայնքապետին:

Դեպքի առնչությամբ պարզաբանում ստացանք Վանեվանի համայնքապետ Նորայր Հարությունյանից:

- Պարոն Հարությունյան, մենք ահազանգ ենք ստացել ձեր գյուղից, որ ՏԻՄ ընտրությունների ժամանակ համայնքի բնակիչներին վախեցրել եք, որպեսզի դուք ընտրվեք, ինչպե՞ս դա կմեկնաբանեք:

- Նման բան տեղի չի ունեցել: Եթե եղել է, թող մեկն ու մեկը գա, կանգնի ու ասի: Սուտ հերյուրանքներ են տարածում, երեւի պարտված կողմը կուլ չի տալիս մաքուր, արդար ընտրությունը: Իրենց արածները ուզում են շեղել մեզ վրա: Ես սա հայտարարում եմ, ու գլխովի պատասխանատու եմ իմ արած հայտարարության համար, հերիք է մարդկանց հեղինակության հետ խաղան, ամոթ է:

- Նշում են, որ կողքի գյուղի գյուղապետը եկել է ձեզ աջակցելու, այդպե՞ս է:

- Ոչ մի տեսակի բան չի եղել: Կողքի գյուղի գյուղապետերը ո՛չ այս համայնքից մարդ են ճանաչում, ո՛չ էլ մարդկանց հետ գործ ունեն: Ես գիտեմ, որ դուք ի շահ իրենց եք անում, բայց ես իրական պատկերն եմ ներկայացնում: Հենց հիմա եկեք մտեք համայնք, տեսեք ինչ է կատարվում: Իրենք տուն առ տուն մտնում են, մարդկանց են ահաբեկում, դա իմ անձի հետ կապ ունի՞:

- Դուք քանի՞ տարի է համայնքապետ եք:

- Դա ի՞նչ կապ ունի: Եթե ժողովուրդն է ընտրում, եթե ժողովուրդն է իր քվեն տալիս, ուրեմն վստահում են, որ տալիս են:

- Բայց ես պարզապես հարցրեցի, թե դուք քանի՞ տարի է համայնքապետ եք:

- 22 տարի է, 1996 թվականից:

- Վերջին ընտրություններում դուք ո՞ր կուսակցության թեկնածուին եք հաղթել, ԲՀԿ-ի՞:

- Այո:

- Դուք ՀՀԿ-ական ե՞ք այժմ:

- Ես եղել եմ ՀՀԿ անդամ, ժողովրդական շարժման ժամանակ միացել եմ շարժմանը, հրաժարվել եմ ՀՀԿ-ից եւ գնացել եմ ընտրության, որպես անկուսակցական:

- Իսկ որեւէ կուսակցության անդամակցելո՞ւ եք:

- Երեւակայի՝ ոչ: Ձեր ամեն մի գրածը, ձեր ամեն մի ինֆորմացիան հավատացած եղեք, որ ինձ օգուտ է բերում, ես ավելի ի նպաստ եմ արդեն աշխատելու իմ ժողովրդի հետ:

- Քանի՞ բնակիչ ունի համայնքը:

- 334 բնակիչ է, 226 ընտրողով:

- Քանի՞ ձայնով եք հաղթել դուք:

- 31 ձայնի տարբերությամբ, 111 ձայն ես եմ հավաքել 80 ձայն մյուս թեկնածուն:

Նշենք, որ Կենտրոնական ընտրական հանձնաժողովի տվյալների համաձայն՝ Վանեվան համայնքը հունիսի 10-ին կայացած ՏԻՄ ընտրությունների ժամանակ ամենաակտիվ համայնքն է եղել: 262 բնակչից ընտրություններին մասնակցել է 199-ը, այսինքն՝ համայնքի բնակչության 75.95 տոկոսը:

Համայնքի թեկնածուները երկուսն են եղել Նորայր Հարությունյանը եւ Էմին Սարգսյանը: Նորայր Հարությունյանը ստացել է 110 ձայն, իսկ Էմին Սարգսյանը՝ 81: 8 քվեաթերթիկ անվավեր է ճանաչվել:

Տպել
3764 դիտում

ՀՀ նախագահը իտալական ռազմաարդյունաբերական ընկերության ղեկավարի հետ քննարկել է համագործակցության հնարավորությունը

Հրդեհ բնակարանում, կա տուժած. հայտարարվել է բարդության ԲԻՍ-1 աստիճան

Հանդիպել են Հայաստանի և Իտալիայի նախագահները

Հրադադարի պահպանման ռեժիմն այս շաբաթ խախտվել է 80 անգամ, արձակվել է 700 կրակոց

Կադաստրի գրասենյակները Երևանում կաշխատեն նաև շաբաթ-կիրակի, մարզերում՝ առանց ընդմիջման

Գյուղերում տուն կառուցելու համար նոր փոխառություն կտրվի. խորհրդակցություն Կարմիր շուկայում

Ստեփանծմինդա–Լարս ավտոճանապարհը փակ է. ռուսական կողմում կա 435 բեռնատար և 172 մարդատար ավտոմեքենա

Թուրքիայում Աթաթուրքի արձանը պղծելու համար պատանիներ են ձերբակալվել

Լարսում խցանման մեջ հայտնված վարորդների համար սնունդ, տաք ջուր, դեղորայք է ապահովվել. Փամբուխչյան

Ամենայն Հայոց Կաթողիկոսի ձեռամբ օծվեց Նովոսիբիրսկի նորակառույց եկեղեցին

Գոռ Վարդանյանն այդ օրը փրկել է ինձ. Մարինա Խաչատրյանը՝ քաղաքապետարանի հայտնի միջադեպի մասին

Լարսը շարունակում է փակ մնալ. ռուսական կողմում 400 մարդատար և 150 բեռնատար ավտոմեքենա է մնացել

Գյումրիում ավտոլվացման կետ է այրվել. մեկ մարդ հոսպիտալացվել է տարբեր աստիճանի այրվածքներով

Մարուքյան, Թանդիլյան, Բաբաջանյան, Գորգիսյան. «Լուսավոր Հայաստան»-ի 157 հոգանոց համամասնական ցուցակը

Շոկային սկիզբը, Յուրայի պոկերը ու ՀՀ ֆուտբոլի հավաքականի ջախջախիչ հաղթանակը

Ծեծկռտուք Արտաշատի զինկոմիսարիատում. ըստ քաղաքացու ահազանգի՝ կապիտանը կոտրել է իր քիթը

Պարզաբանումներ եմ պահանջելու Բելառուսի ու Ղազախստանի նախագահներից. Փաշինյանը՝ ՀԱՊԿ նիստի զարգացումների մասին

Ոստիկանությունը օպերատիվ տվյալներ է ստացել, որ Երեւանում հիպնոսի միջոցով փող են կորզում

Ջիբրալթար-Հայաստան ֆուտբոլային հանդիպման մեկնարկային կազմերը

Երկու օր առաջ Հայաստանում էր, հիմա՝ չգիտեմ. Շարմազանովը՝ Տարոն Մարգարյանի գտնվելու վայրի մասին