Մեր փողերը` ձեզ. Ծաղկաձորի գերիները

13/06/2018 schedule14:30

Տպագրվել է «Հայկական Ժամանակ» օրաթերթի՝ 2005 թվականի հունիսի 10-ի համարում

Վերջին մի քանի տարիներին այնպես է ստացվել, որ ասելով Ծաղկաձոր՝ հասկանում ենք օլիգարխներ, նրանց դղյակներ, սափրագլուխներ, «բուրաններ»… իսկ այս ամենը շարքային քաղաքացու գիտակցության մեջ նույնանում է Ռոբերտ Քոչարյանի հետ: Այլ կերպ ասած, ասելով Ծաղկաձոր՝ հասկանում ենք Ռոբերտ Քոչարյան: Եւ այս տեսանկյունից որեւէ անակնկալ չի կարող համարվել այն փաստը, որ երեկ Քոչարյանը վարել է կառավարության նիստը, ուր քննարկվել է Ծաղկաձորի հարցը: Վեց ամիս առաջ նա ծրագիր կազմելու հանձնարարական էր տվել, եւ մի հետաքրքիր զուգադիպությամբ այդ ծրագիրը կառավարության նիստին ներկայացվեց հենց երեկ, երբ նիստը վարում էր Քոչարյանը:

Ծրագրի անունը հնչեղ է` ««Ծաղկաձորը` միջազգային չափանիշներին համապատասխանող զբոսաշրջության կենտրոն» նպատակային խնդիրների լուծման ծրագիր»: Արդեն մոտավորապես պատկերացրեցիք, թե ինչ նպատակ է դրել իր առաջ կառավարությունը: Մեր հարկատուները երեւի արդեն ջղաձգվեցին, որովհետեւ այնքան էլ հստակ չէ, թե ինչ ասել է միջազգային չափանիշներ: Եթե նկատի ունեն Դավոսը, որտեղ ամեն տարի հավաքվում են աշխարհի մեծամեծները, ապա դժվար է նույնիսկ կռահել, թե ինչքան փող է պետք գալու դրա համար, մանավանդ, որ այդ փողի մի մասը տրվելու է պետական բյուջեից: Իսկ բյուջեից հատկացվելու 3,5 մլն դոլար հիմնականում ենթակառուցվածքների նորոգման եւ վերակառուցման համար:

Ծրագիրը կառավարության նիստում ներկայացրել է առեւտրի եւ տնտեսական զարգացման փոխնախարար Արա Պետրոսյանը: Վերջինս նիստին հաջորդած ճեպազրույցի ժամանակ համոզմունք հայտնեց, թե ենթակառուցվածքների` ջրամատակարարման, կոյուղու եւ այլնի վրա այդ գումարը ծախսելուց հետո Ծաղկաձորը ավելի գրավիչ կդառնա ներդրումների համար: Այդ ներդրումներով էլ այն կդառնա զբոսաշրջության միջազգային չափանիշներին համապատասխանող կենտրոն: Ահա հենց սա է, որ այս ծրագիրը դարձնում է «հմայիչ»:

Դատելով նրանից, որ մեր գրեթե բոլոր օլիգարխները վերջին տարիներին կալվածքներ հիմնել ու դղյակներ են կառուցել Ծաղկաձորում, կարելի է պնդել, որ Ծաղկաձորը արդեն իսկ գրավիչ է ներդրումների համար: Սրան գումարած նաեւ այն, որ Քոչարյանը ձմեռային իր օրերի մեծ մասը անց է կացնում Ծաղկաձորում «Բուրան» քշելով: Սա էլ լրացուցիչ փաստարկ, որ Ծաղկաձորը գոնե բուրանագետների համար գրավիչ է: Մի փաստ էլ` չորս ամիս առաջ Հայերի համաշխարհային կոնգրեսի նախագահ, մեծահարուստ Արա Աբրահամյանը Հայաստանի իշխանություններին ներկայացրել էր մեկ միլիարդ դոլարանոց ներդումային ծրագիր Ծաղկաձորի համար: Եւ այս ամենի պարագայում կոյուղին եւ ջրամատակարարումը դնել պետական բյուջեի ուսերի՞ն:

Բյուջեն, ըստ տրամաբանության, առաջին հերթին իր ուսերին պետք է վերցնի հենց այն բնակավայրերի ենթակառուցվածքների խնդիրը, որոնք ներդրումների համար գրավիչ չեն: Պրն Պետրոսյանը համոզված է, որ ենթակառուցվածքների արդիականացման խնդիրը պետության լուծելու հարցն է: Ինչ խոսք, այդպես է, որ կա: Բայց եթե պետությունը նույնքան նախանձախնդրությամբ լուծեր մեր մյուս` մոռացված ու լքված բնակավայրերի ենթակառուցվածքների հարցերը, ապա այս պնդումը բոլորովին ընդունելի կլիներ: Արա Պետրոսյանը, պարզվեց, ծանոթ է Արա Աբրահամյանի ծրագրին, բայց ինչպես նշեց հենց ինքը, այդ ծրագրում ներառված չէին կոյուղու եւ ջրամատակարարման խնդիրների լուծումները: Այլ կերպ ասած, մեկ միլիարդանոց ծրագիր ներկայացնողին չափազանց դժվար էր առաջարկել, որ մի 3,5 մլն դոլար էր ծախսի ենթակառուցվածքների համար:

Իհարկե, Արա Աբրահամյանի առաջարկը, անկախ նրանից, թե որքանով էր այն իրատեսական, չի ընդունվելու, քանի որ Ծաղկաձորում ներդրումներ անողները պետք է մեր օլիգարխները լինեն` «օտարականներն» այստեղ անելիք չունեն: Իսկ «մերոնքականները», որոնք արդեն հասցրել են զաբոռապատել Ծաղկաձորի անտառները, ինչպես հայտնի է, ունեն յուրահատուկ մենթալիտետ. ի՞նչ կարիք կա սեփական փողերը ծախսել, եթե կարելի է բյուջեից կոյուղու ծախսերը հոգալ: Չէ՞ որ բյուջեից փող հատկացնելու մասին որոշում կայացնողները, ըստ էության, հենց իրենք են:

Մանավանդ, որ բյուջեի համալրմանն էլ այդ օլիգարխները շատ քիչ են մասնակցում` Արժույթի միջազգային հիմնադրամի հաշվարկների համաձայն` ընդամենը 23 տոկոսով: Ստացվում է մի ուշագրավ իրավիճակ` բնակչությունը աշխատում, հարկեր է վճարում, եւ այդ հարկերով ֆինանսավորում են մի այնպիսի բնակավայրի ենթակառուցվածքները, որտեղ միայն օլիգարխներն ու բարձրաստիճան պաշտոնյաներն են դղյակներ կառուցում, «Բուրան» քշում, անտառ ցանկապատում...: Փաստորեն, մենք` հարկատուներս, վճարում ենք մի որոշակի կոդլի հարմարավետ կյանքի համար: Փաստորեն, ստացվում է, որ մեր շարքային քաղաքացիները դարձել են, պատկերավոր ասած, Ծաղկաձորի գերիները:

Հայկ Գեւորգյան

Տպել
741 դիտում

Երեք տարի անց. ռուսները խոստովանում են

Պահը ճակատագրական է, չնայած անունը Սարդարապատ չէ

Ազնիվ է, հոգատար, շնորհալի եւ զարմանալի չէ, որ հայտնվել է կալանքի տակ

Այդ ու՞ր՝ առանց ռեյտինգի. Լիլիթ Ավագյանի հոդվածը

Գյումրիում գտնված նորածինների մայրը հրաժարվել է երեխաներից

«Էլեկտրիկ Երեւան»-ից հայտնի ակտիվիստը դրվագ է պատմել ոստիկանությունում իր եւ Հունան Պողոսյանի հանդիպումից

Վարչական համաներում է կիրառվել 108 հազար 916 քաղաքացու նկատմամբ. Արտակ Զեյնալյան

Մարտական հրաձգությամբ գնդային մարտավարական զորավարժություն`ՊԲ հյուսիսային ուղղության զորամասերի մասնակցությամբ

Նախկին պատգամավոր Հովհաննես Մարգարյանը նոր կուսակցություն է բացել եւ վստահում է Նիկոլ Փաշինյանին

Վենետիկի հանձնաժողովը հայտարարություն է ընդունել ՀՀ Ընտրական օրենսգրքի նախագծի վերաբերյալ

Նախագահն այցելել է Հայաստանում Գերմանիայի դեսպանություն

Հայտնի «դըմփ-դըմփ հու՛»-ն՝ Հունան Պողոսյանի մասնակցությամբ (տեսանյութ)

Հնգյակով ցուցակը զարմացրել է ՀՀԿ-ին. կուսակցությունում մասնակցության վերջնական որոշում չկա

Հիվանդին ԲԿ-ում փոխներարկվել է «Հեպտատիտ Ց» վարակ պարունակող անհամատեղելի արյուն, որի հետևանքով հիվանդը մահացել է

Վահե Գրիգորյանի ընտրության հարցը կքննարկվի հոկտեմբերի 23-ին

Հայ զինծառայողները մասնակցել են միջազգային հեղինակավոր վարժանք-մրցույթին

«Երկիր Ծիրանի»-ին դատապարտում է Հունան Պողոսյանին մարզպետ նշանակելու կառավարության որոշումը

Սերժ Սարգսյանի ընկերոջ որդու նախաձեռնությամբ պատգամավորները դիմել են Սահմանադրական դատարան

Խոշտանգում կատարելու կասկածանքով ձերբակալվել են ոստիկանության Սևանի բաժնի պաշտոնատար անձինք

Կապանի մարզադաշտը կվերանորոգվի ՀՖՖ հաշվին. Նիկոլ Փաշինյան