Կոնսերվատորիայի դաշնամուրային ֆակուլտետի դեկանը հրաժարական տվեց. ով կփոխարինի Բաբախանյանին

Երեւանի Կոմիտասի պետական կոնսերվատորիայի դաշնամուրային ֆակուլտետն առանց դեկանի է մնացել: Արմեն Բաբախանյանին պարտադրված հրաժարականից հետո դեռ ոչ ոք չի առաջադրվել այդ պաշտոնում:

Դեռեւս մայիս ամսին, երբ Կոնսերվատորիայի ուսանողներն ու դասախոսները ստորագրահավաք էին կազմակերպել ընդդեմ դաշնամուրային ֆակուլտետի արդեն նախկին դեկան Արմեն Բաբախանյանի՝ այս պահին էլ դեկանի թեկնածու չունեն: Նախաձեռնության անդամները փորձում էին Կոնսերվատորիայում արդարություն վերականգնել եւ կոտրել տարիներով կուտակված վախի մթնոլորտը: Ստորագրահավաքի եւ բողոքների մասին ՀԺ-ն ավելի վաղ զրուցել էր սկանդալի կենտրոնում հայտնված հայտնի դաշնակահարի հետ:

Արմեն Բաբախանյանը մեզ հայտնել էր, որ եթե ստորագրահավաքին ավելի շատ ուսանողներ միանան եւ պահանջեն իր հրաժարականը, ապա պատրաստ է գնալ այդ քայլին: Բաբախանյանը հույս ուներ, որ ուսանողության հետ հանդիպման ընթացքում կփորձեն ընդհանուր եզրեր գտնել եւ իրար հասկանալ, սակայն կողմերի միջեւ հաշտություն այդպես էլ չկնքվեց: Մայիսի 28-ին Արմեն Բաբախանյանը ստիպված եղավ նախապես բանավոր կերպով հայտարարած հրաժարականը ներկայացնել գրավոր տարբերակով:

Ուսանողների խոսքով՝ Բաբախանյանը պաշտոնաթող լինելուց առաջ ասել էր՝ քանի որ նախաքննական շրջան է, ուստի հաշվի է առնում դա ու մի շարք այլ նրբություններ եւ բնականոն դասապրոցեսը չխաթարելու համար հրաժարվում է դեկանի պաշտոնից: «Սերժ Սարգսյանի մարտավարությունն էր որդեգրել Բաբախանյանը. այլընտրանք չունենալով՝ ստիպված լքեց պաշտոնը, սակայն այնպես ներկայացրեց, թե դա հանուն մեզ է անում»,- մեզ հետ զրույցում ասացին ուսանողներից մի քանիսը:

Ընդգծեցին, որ Արմեն Բաբախանյանն այս պահին շարունակում է դաշնամուրային ֆակուլտետում ուսանողների հետ պարապել: Սակայն ի տարբերություն իր նախկին վարքագծի՝ նա ավելի մեղմ է դարձել եւ ավելի մարդասիրական վերաբերմունք է ցուցաբերում, իսկ քննություններին չի միջամտում, ինչպես նախկինում էր անում: Ուսանողները վստահեցնում են՝ Կոնսերվատորիայում մեծամասնությունն էր դեմ Բաբախանյանին, սակայն վախենում էին բարձրաձայնել:

Նրանց խոսքով՝ Բաբախանյանի կողմից պաշտոնի չարաշահում էր կատարվում բոլոր առումներով, վերջինս ներկա է գտնվում տարբեր քննությունների ժամանակ, որոնք դաշնամուրային ֆակուլտետին չեն վերաբերվում՝ փորձում էր անտեղի միջամտություններ անել, քննական շրջանում ուսանողների վրա ճնշում գործադրել: Այժմ նրանք հույս ունեն, որ սա դաս կլինի ոչ միայն Բաբախանյանին, այլեւ նրանից հետո եկողներին:

Տպել
1378 դիտում

Քառօրյա պատերազմի ժամանակ մարտական հերթապահություն իրականացրած ՀՊՏՀ ուսանողների բաց նամակը վարչապետին, ԿԳ նախարարին

Ստորագրվեց Երևանում նոր ՋԷԿ-ի կառուցման համաձայնագիրը. ծրագրի արժեքը 250 մլն դոլար է

Եղել եմ ՀՀԿ անդամ, բայց 2011 թ-ից զբաղվում եմ միայն թատրոնի աշխատանքով. Կիրակոսյանն իր զգուշացման մասին

Անվանի մարզիկները հիշում են Յուրի Վարդանյանի հետ շփումը, խորհուրդները դրական էներգիան

Երեւանի կենդանաբանական այգում զեբրը սատկել է, կենդանուն թունավորել են մկնդեղով

Լուսինեի ներշնչանքի աղբյուր է դառնում ցանկացած իր. նկարչուհին իր բրենդն է ստեղծել

Ժամը 18:00-ի դրությամբ, համաներմամբ ազատ է արձակվել 465 դատապարտյալ

Քիչ առաջ ձերբակալվել է 20-ամյա կնոջը դաժան ծեծի ենթարկած 30-ամյա ամուսինը

Մայրապետյանն ազատության մեջ կդրսեւորի պատշաճ վարքագիծ. լրատվամիջոցների ղեկավարները հավաստիացնում են Փաշինյանին

«Ժառանգություն»-ը որոշել է չմասնակցել խորհրդարանական արտահերթ ընտրություններին

«Լույս» հիմնադրամը վերադառնում է, բայց կրթաթոշակ չի տալու. նոր նպատակները քաղաքակա՞ն են

Վարչապետի առաջարկով եւ նախագահի հրամանագրով Լեհաստանում ՀՀ նոր դեսպան է նշանակվել

Պետությանը հասցվել է 96 մլն դրամի վնաս, հարուցվել է 19 քրեական գործ. ուսումնասիրություններ՝ զինուժում

ՀՀ կարեւորում է ԱՄԷ-ի իրավապահ մարմինների միջեւ սերտ եւ օպերատիվ համագործակցությունը

Լիբանանում ՀՀ դեսպանը հետ է կանչվել, նոր դեսպան է նշանակվել Վահագն Աթաբեկյանը

Նախագահը ցանկալի է համարել ՅՈՒՆԵՍԿՕ-ի մասնակցությունը Գյումրիում պատմամշակութային արժեքների պահպանմանը

ՆԱՏՕ-ի տասնմեկ երկրներ ռազմական ծախսերն ավելացրել են մինչեւ ՀՆԱ-ի երկու տոկոսը

Բարեգործական համերգ Աննա Հակոբյանի բարձր հովանու ներքո. հասույթը կտրամադրվի քաղցկեղով հիվանդ երեխաների բուժմանը

Տիգրան Ուրիխանյանը փոշմանել է

Նիկոլ Փաշինյանը ներկա է գտնվել Յուրի Վարդանյանի քաղաքացիական հրաժեշտի արարողությանը