Պահանջում են Արմեն Բաբախանյանի հրաժարականը. սկանդալ կոնսերվատորիայում

Երեւանի Կոմիտասի պետական կոնսերվատորիայի ուսանողներն ու դասախոսները ստորագրահավաք են սկսել ընդդեմ կոնսերվատորիայի դաշնամուրային ֆակուլտետի դեկան Արմեն Բաբախանյանի: Նրանք պահանջում են պաշտոնից ազատել Արմեն Բաբախանյանին: Նախաձեռնության անդամները մեր զրույցում ասացին, որ նման կերպ փորձում են Կոնսերվատորիայում արդարությունը վերականգնել եւ վախի մթնոլորտը կոտրել:

Բողոքավոր ուսանողները պնդում են, որ Արմեն Բաբախանյանն օժտված չէ մարդկային ոչ մի որակով: Նշում են, որ վերջինիս կողմից բազմիցս իրականացվել է պաշտոնեական դիրքի չարաշահում եւ որ այսօր էլ Բաբախանյանը շարունակում է նույն աշխատաոճը: «Դաշնամուրային ֆակուլտետում տիրում է վախի մթնոլորտ, դասախոսների մեծ մասն ու ուսանողները չեն կարողանում իրենց կարծիքը հայտնել: Դասախոսները վախենում են, որ աշխատանքից կհեռացվեն, իսկ ուսանողները՝ անվճարից կզրկվեն»,- ասում են նրանք:

Նրանք չեն բացառում, որ Բաբախանյանը բավական լավ մասնագետ է, սակայն փաստում են մեկ այլ արատավոր երեւույթ, այն է. «Եթե Բաբախանյանն է մի բան ասում է, ապա դա քննարկման ենթակա չէ եւ միաբերան ընդունվում է»:

Ասում են՝ անկախ նրանից, թե Կոնսերվատորիայի դաշնամուրի բաժնի ուսանողները լավ կնվագեն, թե՝ վատ, միեւնույն է՝  իրենց գնահատականները նախապես արդեն ֆիքսված են. «Գումարային պահեր էլ կան, մենք հստակ գիտենք, որ այնտեղ որոշները հավելյալ գումար են տալիս եւ բոլոր հարցերը լուծում: Քննական հանձնաժողովներում էլ յուրաքանչյուր տարի նույն մարդիկ են: Սակայն օրենքը սահմանում է, որ հանձնաժողովի կազմը պետք է փոփոխվի, նոր մասնագետներով համալրվի»:

Ուսանողները վստահեցնում են՝ Կոնսերվատորիայում մեծամասնությունն է դեմ Բաբախանյանին, սակայն վախենում են բարձրաձայնել: Նրանց խոսքով՝ Բաբախանյանի կողմից պաշտոնի չարաշահում է կատարվում բոլոր առումներով, վերջինս ներկա է գտնվում տարբեր քննությունների ժամանակ, որոնք դաշնամուրային ֆակուլտետին չեն վերաբերվում՝ փորձում է անտեղի միջամտություններ անել, քննական շրջանում ուսանողների վրա ճնշում գործադրել:

Ուսանողները վստահեցնում են, որ Բաբախանյանի կողմից նման քայլերը հավելյալ գումար ստանալու ակնկալիք են հետապնդում: Նրանց խոսքով՝ Կոնսերվատորիան կոռումպացված է, ուսանողներն ու դասախոսները պարբերաբար բախվում են անարդարության եւ խտրականության:

Արմեն Բաբախանյանի դեմ բողոքի ալիք բարձրացրածները հայտարարում են, որ դաշնամուրային բաժնի դեկանի կողմից պաշտոնը չարաշահելու եւ նրա կողմից բուհ ներմուծած արատավոր երեւույթների մասին խոսում են երկար տարիներ, սակայն մինչ այս, խոսակցությունները հիմնականում կոնսերվատորիայի պատերի ներսում են մնացել: Դեկանի խտրական վերաբերմունքի պատճառով ուսանողների միջեւ առաջացել է պառակտում, որն իրենց համար ցանկալի չէ: «Փորձում ենք անկախ ամեն ինչից մարդկային հարաբերությունները պահպանել, բայց միեւնույն է՝ հակասական բաներ են առաջանում հաճախ»,- ասում են նրանք:

Ուսանողները կետերով հիմնավորում են իրենց բողոքը՝ ընդդեմ Արմեն Բաբախանյանի. վախի եւ անվստահության մթնոլորտ, շահադիտական նկատառումներից ելնելով՝ որոշ ուսանողների ստիպողաբար ներգրավումն սեփական դասարան, քննական հանձնաժողովների մշտական անփոփոխ կազմ, մասնագիտական դասախոսների ներգրավման դիմումի մերժում, արհամարհական հեգնական վերաբերմունք եւ ուսանողների բարեւին չպատասխանել, Բաբախանյանի կողմից քննական ընթացքի խոչընդոտում ՝ նվագելու ընթացքում բարձր ծիծաղ, աղմուկ եւ այլն: Մրցույթներին մասնակցելու հնարավորություն է տրվում միայն այն ուսանողներին, որոնք Արմեն Բաբախանյանի սաներն են:

Ուսանողների ստորագրահավաքի եւ բողոքների մասին ՀԺ-ն զրուցեց սկանդալի կենտրոնում հայտնված հայտնի դաշնակահարի հետ: Արմեն Բաբախանյանը վստահեցրեց, որ ուսանողների հետ նմանատիպ կոնֆլիկտ երբեւէ չի ունեցել, եղել են գնահատականների եւ դասապրոցեսի հետ կապված մասնավոր հարցեր, սակայն նմանատիպ դեպք դեռ չէր եղել:

Բաբախանյանը տեղյակ էր ուսանողների ստորագրահավաքից, բողոքներից, նշեց, որ տեղյակ է նաեւ, որ ստորագրահավաքին են միացել դասախոսները եւս: Արմեն Բաբախանյանին առավել զարմացրել է այն, որ  ստորագրահավաքին մասնակից են ոչ միայն դաշնամուրային ֆակուլտետի ուսանողները, այլեւ մյուս ֆակուլտետներինը: Ստորագրահավաքին դասախոսների մասնակցությունը Բաբախանյանին չէր զարմացրել. «Սպասում էի, որոշ պատճառներ միանշանակ կան: Ուսումնական պրոցեսում, արվեստի ոլորտում շատ հարցեր կան՝ կապված գնահատականի եւ այլնի հետ»:

Մեր դիտարկմանը, թե ուսանողները դժգոհում են, որ Բաբախանյանն իրենց նորմալ չի վերաբերվում, անգամ իրենց բարեւին չի պատասխանում, դեկանը չժխտեց՝ ասելով. «Բարեւելու խնդիրը իմ ողջ կյանքի ընթացքում է եղել, դա նոր բան չէ: Նախ, լավ չեմ տեսնում: Հաճախակի, երբ մտքերով եմ ընկնում, ես ընդհանրապես չեմ ընկալում արտաքին շարժը»:

Բաբախանյանն ասաց, որ տաքսի նստելիս էլ, երբ վարորդը ռաբիս երաժշտություն է միացնում, պարզապես անջատում է լսողությունն ու չի լսում, որովհետեւ չի սիրում: Ասում է՝ ուսանողներից բացի, մտերիմներն էլ են նեղանում: Մեզ հայտնի դարձավ, որ բուհում ծագած սկանդալից հետո Կոնսերվատորիայի ռեկտոր Շահեն Շահինյանն իր մոտ է հրավիրել Արմեն Բաբախանյանին:  

Ռեկտորն ասել է, որ կա խնդիր եւ պետք է դրան լուծում տրվի: Որոշվել է առաջիկա մի քանի օրը հանդիպում կազմակերպել ուսանողների եւ դեկանի միջեւ: «Ես չգիտեմ՝ դա ինչ ձեւով կարվի, ըստ ռեկտորի կաղապարի՝ պետք է լինի մի խումբ ուսանողների, իհարկե դաշնակահարների հետ, որովհետեւ նախաձեռնությունն առաջին հերթին իրենցն է»:

Մեր հարցին՝ պատրա՞ստ է ուսանողների կողմից հնչեցրած բողոքների եւ ուսումնական պրոցեսում որոշ առաջարկների շուրջ բանակցությունների գնալ, Բաբախանյանը պատասխանեց. «Միանշանակ, բայց նայած, թե ինչին է դա վերաբերվում, եւ նայած, թե ինչ ձեւով կներկայացնեն խնդիրը»:

Արմեն Բաբախանյանն անդրադարձավ ուսանողներին հուզող երկու հիմնական հարցերին եւս, այն է՝ բոլոր քննություններին իր պարտադիր ներկայությունը եւ հանձնաժողովի կազմի չփոփոխվելը. «Մենք ունենք երկու ամբիոն, ամեն ամբիոնից ընդգրկվում է մեկ կամ երկու հոգի եւ մեկ-երկու դասախոս, որոնց ինքս եմ ընտրում»:

Մեր հարցին՝ լուրեր են շրջանառվում, որ Կոնսերվատորիայի դաշնամուրային բաժնում ուսանողներից շատերը, ովքեր հավելյալ գումար չեն վճարում դասախոսներին, դասաժամերին անուշադրության են մատնվում՝ Արմեն Բաբախանյանը չժխտեց. «Ես գիտեմ, որ նման խնդիր կա, եւ կարող եմ ասել, որ դեմ եմ, դա սխալ է:

Լսել եմ այս խնդրի մասին, միանշանակ կա, բայց այս խնդիրը միայն Երեւանի պետական կոնսերվատորիայում չէ, սա մեր ամբողջ կրթական համակարգում է, բուհերում, դպրոցներում: Դասախոսները ունեն լիմիտ, եթե նշված լիմիտը սպառվում է, տվյալ դասախոսը կարող է ուսանողին վերցնել իր խումբ, սակայն հավելյալ վճարի դեպքում: Ես չեմ ասում, թե դա լավ է կամ վատ, բայց գուցե նման ձեւով է եղել:

Մեր հարցին՝ եթե ստորագրահավաքին ավելի շատ ուսանողներ միանան եւ պահանջեն վերջինիս հրաժարականը, ապա պատրա՞ստ է գնալ այդ քայլին. դեկանը պատասխանեց. «Հույս ունեմ, որ ուսանողության հետ հանդիպման ընթացքում կփորձենք գտնել ինչ-որ մի եզր եւ իրար կհասկանանք»:

Հ.Գ. Նյութը պատրաստ էր հրապարակման, երբ տեղեկություն ստացանք, որ Արմեն Բաբախանյանը հանդիպել է ուսանողների հետ եւ նրանց հետ զրույցում հայտարարել, որ հրաժարական կտա: Հրաժարականի պաշտոնական դիմում, սակայն այս պահին ռեկտորատը չի ստացել:

Տպել
4618 դիտում

Ինչ են անում ՊՆ բժիշկներն ու ականազերծողները Սիրիայում. մանրամասներ

Կրկին հեշտ մրցակից «Արսենալի» համար Եվրոպա լիգայում

Ողբերգական դեպք. Ֆրանսիացի լեռնագնացը մահացել է ՊՆ ուղղաթիռում

Երեւանի քաղաքապետարանը թափուր պաշտոնների համար մրցույթ է հայտարարել

Թալանել են Արագածոտնի մարզպետարանի վարչության պետի պաշտոնակատարի տունը. տարել են ոսկյա զարդեր եւ փող

Լին Մ. Թրեյսին երդվեց ծառայել Հայաստանում որպես ԱՄՆ դեսպան

Կոտայքի լեռներում ձնահոսքի տակ մնացած Ֆրանսիայի քաղաքացիներին գտել են. ներգրավվել է ՊՆ ուղղաթիռ

Արցախում կան ծանրամարտի զարգացման հեռանկարներ. Նազիկ Ավդալյանը հանդիպել է Արցախի ԿԳ եւ սպորտի նախարարին

Ռազմարդյունաբերության համալիրի զարգացումը կառավարության առաջնահերթություններից է. Նիկոլ Փաշինյան (տեսանյութ)

Համաներման որոշումը ՊՊԾ գունդը գրաված «Սասնա ծռերի» վրա չի տարածվի անգամ մեկ առարկության դեպքում. Զեյնալյան

Չիրացված մեծ ներուժ կա. Արարատ Միրզոյանն ընդունել է Նիդերլանդների դեսպան Յոհաննես Դաումային

Թուրքիայի իշխանությունները 295 զինվորականի կալանելու օրդեր են տվել

Մեկնարկում է «Աշխատիր Հայաստան» արշավը. կառավարությունում տեղի է ունեցել քննարկում

Աշխատավարձը չպետք է գերխնդիր լինի. Արշակյանը` «Իմ քայլ»-ը դաշինքի հետ հանդիպման մասին

Հայաստանի իշխանությունները հետաքրքրված են շվեյցարական կապիտալի ավելի լայն ու ակտիվ ներկայացվածությամբ. Պապիկյան

Անցկացվում է Արմենակ Ուրֆանյանին նվիրված թաեքվոնդոյի առաջին հուշամրցաշարը

Կամ Գորգիսյանը թիվ է հնչեցնում առանց տիրապետելու կամ տիրապետում է, բայց միտումնավոր կեղծ մեսիջներ է հղում. Մանուկյան

ՀՀԿ-ական նախկին պատգամավոր Հակոբ Հակոբյանը 15 անշարժ գույք, 240 հազար դոլար եւ 69 մլն դրամ ունի

Խորեոգրաֆիայի նախկին տնօրենը չի հրաժարվում «պարտականություններից», թատրոնի ԺՊ-ին էլ ինտեգրվել չի հաջողվում

Մեզ այդ պատասխանը բավարար էր. Փամբուխչյանը` Կալաշնիկովի հետ հանդիպման մասին