Տեխզննման կտրոնի հետ հավելյալ վճարվող բնապահպանական հարկերը կիջեցվեն. փոխնախարար

«Հայկական Ժամանակ»-ի խմբագրություն ահազանգ է ստացվել քաղաքացի Արման Բուդաղյանից: Բուդաղյանը նշեց, որ այսօր ավտոմեքենայի տեխզննման կտրոն է ձեռք բերել, սակայն նախկինի համեմատ դրա վրա ավելացել է բնապահպանական հարկ, որը բավական մեծ գումար է կազմում, եւ այն հաշվարկվում է ըստ շարժիչի հզորության: Բուդաղյանի խոսքով՝ մինչ այժմ նման վճար չէր եղել: Եւ ըստ իր տեղեկության՝ սա հունվարի 1-ից ուժի մեջ մտած նոր Հարկային օրենսգրքով է փոփոխվել:

Ֆինանսների փոխնախարար Արման Պողոսյանը պարզաբանում ստանանք:

- Պարոն Պողոսյան, տեխզննման կտրոնի հետ հավելյալ բնապահպանական հարկ է ավելացել, ինչի պատճառով քաղաքացիները դժգոհում են՝ նշելով, որ շատ մեծ գումարներ են վճարել: Ե՞րբ է այս օրենքն ուժի մեջ մտել եւ արդյո՞ք փոփոխման ենթակա է:

- Կառավարությունը նախանցած նիստում հավանություն է տվել Հարկային օրենսգրքում փոփոխություններ եւ լրացումներ նախատեսող օրինագծին, որով շատ հարցեր են կարգավորվում: Հարցերից մեկն էլ բնապահպանական հարկի դրույքաչափի իջեցմանն է վերաբերվում: Նաեւ որոշակի մեխանիզմի փոփոխություն է ենթադրում, մասնավորապես` հունվարի 1-ից գործող կանոնը հետեւյալն է, որ բնապահպանական հարկի մեծությունը որոշվում է՝ հիմք ունենալով միայն շարժիչի հզորությունը, այսինքն՝ չկարեւորելով ավտոմեքենայի հնությունը, շարժիչի տեսակը եւ այլն:

- Իսկ դա ինչքա՞ն է կազմում:

- Կախված ավտոմեքենայի շարժիչի հզորությունից, բնականաբար՝ կարող են տարբեր թվեր լինել: Բայց հասկանալով, որ բեռը իրականում բարձր է քաղաքացիների համար, օրենսդրական նախաձեռնությամբ նախատեսվում է էականորեն իջեցնել, ինչպես նաեւ բնապահպանական մեծությունը կապել մեքենայի արտադրության տարեթվի հետ: Մասնավորապես, ավելի ցածր բեռ սահմանելով մինչեւ 3 տարի վաղեմություն ունեցող ավտոմեքենաների համար, հետո արդեն տարեցտարի աստիճանաբար բարձրացնել: Հիմա, եթե ավելի առարկայական լինենք, մեր առաջարկը ենթադրում է, որ մինչեւ 3 տարի վաղեմություն ունեցող ավտոմեքենաների համար բեռը 4 անգամ իջնելու է: Իսկ 3 տարուց ավել վաղեմություն ունեցող ավտոմեքենաների համար յուրաքանչյուր տարի հարկի արժեքները 10 տոկոս բարձրանալու են, բայց ամենաբարձր դրույքաչափն անգամ, 2 անգամ ավելի քիչ է լինելու, քան ներկայումս է:

- Այսինքն, եթե հիմա օրինակ վճարում են 40 հազար դրամ, կդառնա 10 հազար դրա՞մ:

- Եթե մինչեւ երեք տարի վաղեմության մեքենայի հետ գործ ունենք, ուրեմն՝ այո:

- Իսկ բնապահպանական հարկ մինչեւ հիմա գոյություն ունե՞ր:

- Եղել է բնապահպանական վճարի տեսքով, հունվարի 1-ից բնապահպանական վճարը փոխվել է բնապահպանական հարկով:

- Այս որոշումը նախկին կառավարության վերջին օրերի՞ն է ընդունվել:

- Օրենսգիրքը ընդունվել է 2016 թվականի հոկտեմբերի 4-ին, բայց ուժի մեջ է մտել 2018 թվականի հունվարի 1-ից:

Տպել
3021 դիտում

Միջոցառումներ, ներդրողների հետ հանդիպում եւ գրքերի առաքում․ սփյուռքի նախարարության աշխատանքը՝ թվերով

Ավտոտրանսպորտով հացահատիկային բեռների ներկրման արգելքը Վրաստանը հետաձգվել է մինչեւ տարեվերջ

Փաշինյանի թիմը այլեւս կաշկանդված չէ նախկին պայմանավորվածություններով

Ճանաչողական այցով ԱԱԾ-ում էր Ղազախստանի արտակարգ եւ լիազոր դեսպան Թիմուր Ուրազաևը

Մենք կողմ ենք ղարաբաղյան հակամարտության խաղաղ կարգավորմանը. Ռոուզ Գոտեմյուլլեր

ԵԽ մարդու իրավունքների հանձնակատարն ու ՀՀ դատախազի տեղակալները խոսել են ընտանեկան բռնությունների մասին

Գուգարքի անտառտնտեսությունում բենզասղոցով ապօրինի հատվել է 68 ծառ, վնասի չափը ճշտվում է

Վարչապետն ընդունել է Եվրոպայի խորհրդի մարդու իրավունքների հանձնակատարին

ՀՀ պաշտպանության նախարարն ընդունել է ՀՀ-ում Գերմանիայի արտակարգ և լիազոր դեսպանին

Սպասվում է անձրեւ եւ ամպրոպ, քամու ուժգնացում, առանձին հատվածներում հնարավոր է նաև կարկուտ

ՀՀ ոստիկանությունն Արցախի գործընկերներին կնվիրաբերի տրանսպորտային միջոցներ և սարքավորումներ

Տրագիզմ կլինի, եթե պարզվի՝ Փաշինյանը Մսրա Մելիքն էր Հայաստանի գլխին, հետո ՀՀԿ-ն էլ չի փրկի. Աշոտյան

Բրազիլուհին մոլորվել է Սևաբերդ գյուղից դեպի Ակնալիճ տանող լեռնային հատվածում

Վաղը Հայաստանի խորհրդարանի հիմնադրման 100-ամյակն է. հրավիրված է 600 հյուր

Երթևեկության կազմակերպման փոփոխություն Երևանի Բագրատունյաց-Արարատյան խաչմերուկում

Որոշ գովազդներ կհեռարձակվեն միայն ժամը 22:00-ից մինչեւ 06:00-ն. +21 նշագրումը կլինի պարտադիր

Բաքվի գործողությունները խաթարում են խաղաղությանը նպաստող մթնոլորտի ձեւավորմանն ուղղված ջանքերը

Անցել է ժամանակը, երբ Հայաստանի ղեկավարի սիրտն ու ուղեղը հանած է ու տեղը դոլար է շարած. վարչապետ

«Ես որոշակի քիմիա զգացի մեր միջեւ». Քոչարյանի հարցազրույցը «Комерсантъ»-ին

ԱԻՆ-ում անցկացվել է միգրացիոն հոսքերի կառավարման թեմայով շտաբային ուսումնավարժություն