Հայաստանում կոռուպցիա չկա, կան մնացորդային դրսեւորումներ, որի դեմ պայքարում են. վարչապետ

Ռուսական «Russian Today»-ին տված ծավալուն հարցազրույցում Նիկոլ Փաշինյանը խոսել է մի շարք թեմաների մասին, անդրադարձել  հայ-ռուսական փոխհարաբերությունների ներկա փուլին:

Վերջինիս մասին հարցին պատասխանելիս Փաշինյանն ասել է. «Ռուսական մամուլում բազմաթիվ հրապարակումներ կան, որոնց հեղինակները լավ չեն պատկերացնում, թե ինչ է տեղի ունեցել Հայաստանում: Նրանք կարծում են, իշխանության է եկել հակառուսական մեկը, բայց հայկական իրադարձությունների հետեւում ոչ մի քաղաքական ուժ, ոչ մի երկիր կանգնած չի եղել: Նրանք, ովքեր կարծում էին, թե իշխանության փոփոխությամբ Հայաստանի ու Ռուսաստանի հարաբերություններում ինչ-որ բան է փոխվելու, սխալվում էին: Նրանք շարունակելու են սխալվել նաեւ հիմա, եթե դեռ այդպես են կարծում»:

Խոսելով իր ու Վլադիմիր Պուտինի հարաբերությունների մասին, վարչապետն ասել է. «Մենք շատ լավ, ուղիղ հարաբերություն ունենք։ Այդպես առաջին րոպեներից է եղել։ Կարող եմ ասել, որ մեր հարաբերություններում «մութ անկյուններ» չկան։ Մենք ամեն ինչ ուղիղ ենք քննարկում։ Բոլոր հարցադրումներն ուղիղ են։ Ու մենք դրանց ուղիղ ենք պատասխանում։ Վլադիմիր Վլադիմիրովիչն այդպիսի մարդ է։ Ինչպես հասկանում եմ, նրա համար շփման այդպիսի ոճը շատ հարմար է, ինձ համար էլ է այդպես հարմար»:

Ն. Փաշինյանը նաեւ նշել է, որ Ռուսաստանն ու Հայաստանը ինքնիշխան երկրներ են ու 2 երկրների շահերը մեծ մասամբ համընկնում են ու հայ-ռուսական հարաբերություններում խնդրահարույց կետեր չկան:

Ֆուտբոլի աշխարհի առաջնության համատեքստում, նախընտրելի թիմ ունենալու մասին հարցին ի պատասխան, ՀՀ վարչապետը նշել է, որ ինքը Հայաստանի հավաքականի երկրպագու է, սակայն, քանի որ այն չի մասնակցում առաջնությանը, ապա հաջողություն է մաղթում բոլոր թիմերին հավասարապես:

Երբ Նիկոլ Փաշինյանը հայտնել է, որ հայ-ռուսական հարաբերություններում խնդրահարույց կետեր չկան, հաղորդավարն անդրադարձել է գազի գնին: Լրագրողը գազի սակագնի հարցը անվանել է խնդրահարույց, այնուհետ խնդրել պարզաբանել այդ մասին վարչապետի դիրքորոշումը:

Նիկոլ Փաշինյանը պատասխանել է, որ քննարկումների արդյունքում եկել են այն եզարահանգման, որ դա ներհայաստանյան խնդիր է, քանի որ սահմանին Հայաստանը գազը ստանում է ցածր սակագնով, սակայն մինչ սպառողներին հասնելը, երկրի ներսում այն թանկանում է գրեթե կրկնակի անգամ: Այս խնդիրը մենք պետք է վերլուծենք ու պարզաբանենք մեր երկրի ներսում, հարցը կապ չունի հայ-ռուսական հարաբերությունների հետ:

Հստակեցնելով ռուսաստանյան սակագների շուրջ դժգոհությունների առկայության հանգամանքը, ՀՀ վարչապետը նշել է, որ Հայաստանը, իհարկե, ցանկանում է գազ ստանալ ավելի ցածր սակագնով. «Մենք հասկանում ենք, որ Հայաստանի համար սահմանված սակագինը բացառիկ էժան է, բայց մենք առավել բացառիկ սակագին ենք ուզում: Այս հարցը կքննարկենք, ու կարծում եմ, հաջողություն կգրանցենք»,-ասել է Նիկոլ Փաշինյանը:

Եվրոպական միության տնտեսական ինտեգրման գործընթացի մասին հարցին ի պատասխան, Նիկոլ Փաշինյանը նշել է, որ այդ ամենը գործընթաց է, որով Հայաստանն անցնում է արդեն տասնյակ տարիներ: Նա վստահեցրել է, որ այդ ինտեգրման փուլում չեն տուժելու հայ-ռուսական հարաբերությունները:

 ՀՀԿ կուսակցության հետագա ճակատագրի, սպասվող ընտրությունների, Սերժ Սարգսյանի հետ հարաբերությունների եւ ՀՀԿ-ի հավանական հաղթանակի մասին հարցին անդրադառնալիս, վարչապետն ասել էլ, որ Ս. Սարգսյանի հետ իրենք ապրում են հարեւանությամբ, բայց որեւէ շփում իրենց միջեւ չկա, իսկ  Սերժ Սարգսյանի ղեկավարած Հանրապետական կուսակցությունը այլեւս մեծամասնություն չէ, բայց նորմալ ընդդիմություն է:

Վարչապետի խոսքերով, ինքն այլեւս անհնարին է համարում ՀՀԿ-ի՝ իշխանության վերադարձը. «Կարող են սպասվող ընտրություններում հաղթել նոր, այլ ուժեր, սակայն ՀՀԿ-ն՝ երբեք, նա այլեւս չի վերադառնա ու չի հաղթի, սա հաստատ է: Այդ ամենն իհարկե կախված չէ ինձնից, սակայն ես վստահ եմ, որ ժողովուրդը դա չի ուզում, ժողովուրդը նրանց չի ների, ես վստահ եմ դրանում»,-ասել է Ն. Փաշինյանը:

-Իսկ դուք տեղյա՞կ եք, որ մամուլում կան տեղեկություններ այն մասին, որ Ձեզ ուզում են առաջադրել Նոբելյան մրցանակի համար՝ այն փոփոխության համար, որ դուք իրականացրեցիք ձեր երկրում,-հարցրել է հաղորդավարը:

Ի պատասխան, Նիկոլ Փաշինյանը հայտնել է, որ տեղյակ է, բայց տեղյակ է մամուլից ու ավելին ոչինչ չգիտի:

ՀՀ վարչապետը հավաստիացրել է, որ Հայաստանում այլեւս չկա կոռուպցիա, երկրում այդ ուղղությամբ ակտիվ աշխատանքներ են տարվում, երկրում հակակոռուպցիոն տրամադրություններ են, գուցե կան առանձին կոռուպցիոն դրսեւորումներ, կոռուպցիոն մնացորդներ, բայց դրա դեմ էլ պայքարում ենք:

Նիկոլ Փաշինյանը անդրադարձել է նաեւ հարկային դաշտից խուսափող հարկատուներին, երկրի ներսում կատարված փոփոխություններին, իսկ վերջում նշել, որ ինքը երբեւէ չի վախենալու վարչապետի պաշտոնը կորցնելուց ու առհասարակ քաղաքականության մեջ վախեր չի ունեցել, դա իր համար խորթ զգացում է:

Տպել
2606 դիտում

Մեղրի-Ագարակ ավտոճանապարհին բեռնատար ավտոմեքենայում հրդեհ է բռնկվել

Արձանագրվել է ենթադրյալ ընտրական հանցագործության 252 դեպք. 108-ով նախապատրաստվում են նյութեր.

Ընտրություններին ՔԿՀ-ներում մասնակցել է 56 կալանավորված անձ և դատապարտյալ

Վարդենյաց լեռնանցքը փակ է բեռնատարների, դժվարանցանելի՝ թեթև մարդատարների համար

Ինչպես էին Աննա Հակոբյանն ու Նիկոլ Փաշինյանը հետեւում ընտրությունների արդյունքներին

Հզո՛ր, հզո՛ր, հզո՛ր ժողովուրդ. Նիկոլ Փաշինյանը՝ ԱԺ ընտրությունների քվեարկությանն ի պատասխան

Առերևույթ ընտրախախտումների վերաբերյալ ՀՀ քննչական կոմիտեն ստացել է 51 հաղորդում

«Իմ քայլ»-ը ստացել է 70.43 %, ՀՀԿ-ն չի անցել շեմը. ԿԸՀ-ն հաշվել է 2010 տեղամասերի տվյալները

10/50 ընտրատեղամասի թեկնածուների առաջատար եռյակն «Իմ քայլը» դաշինքից է, Ա. Սիմոնյանը՝ 1-ին տեղում

Այդ թիվը բացակա ընտրողներն են, մահացած ընտրողներն են, գրանցված լինելն ու ապրելը տարբեր են. Ն. Փաշինյան

Առափիում հաղթել է «Իմ քայլը» դաշինքը, ՀՀԿ-ն չորրորդ տեղում է

33/15. Արեւշատում նախնական տվյալներով առաջին տեղում է Սոֆիա Հովսեփյանը

10/49 ընտրատեղամասում դարձյալ հաղթեց «Իմ քայլը» դաշինքը

էրեբունու 10/50 ընտրատեղամասում «Օրինաց երկիր» կուսակցությունը 0 ձայն է ստացել

«Իմ քայլը» դաշինքը Գյումրիում չի զիջում առաջատարի դիրքը, 2-րդ տեղում ԲՀԿ-ն է, 3-րդում՝ Լուսավոր Հայաստանը

Լոռու 25 ընտրատեղամասերի արդյունքներով «Իմ Քայլը» առաջատար է՝ 67,17 տոկոսով, ՀՀԿ-ն չորրորդն է

6/05 ընտրատեղամասում «Իմ քայլը» կուսակցությունների դաշինքը հաղթում է՝ 517 ձայնով

Մահացել է Մաքսիմ Հակոբյանը

7/34 ընտրատեղամասում «Ազգային առաջընթաց» կուսակցությունը 0 ձայն է ստացել

Բաղրամյան գյուղում ռեյտինգայիններից հաղթել է «Իմ քայլը» դաշինքի թեկնածու Արուսյակ Մանավազյանը