Սերժ Սարգսյանը, Ռոբերտ Քոչարյանը, Լեւոն Սարգսյանն այլևս Գյումրու պատվավոր քաղաքացիներ չեն

ՀՀ նախկին նախագահներ Սերժ Սարգսյանը, Ռոբերտ Քոչարյանն ու Սերժ Սարգսյանի եղբայրը՝ Լեւոն Սարգսյանն այսօրվանից այլեւս Գյումրու պատվավոր քաղաքացիներ չեն: Այսօր ավագանին կայացած նիստում նրանց զրկեց այդ պատվից: Օրակարգային էր ԱԱԾ նախկին պետ Գորիկ Հակոբյանին եւս զրկել կոչումից: Այս պարագայում՝ հետմահու: Նախագծերը ներկայացրել էր «ԳԱԼԱ» խմբակցությունը: Նախկին նախագահ Սերժ Սարգսյանին կոչումը շնորհվել էր 2006 թվականի օգոստոսի 30-ին, երբ նա հանդիսացել է ՀՀ Պաշտպանության նախարար: Ավագանու նիստում խոսվեց Սերժ սարգսյանի ղեկավարման տարիներին Գյումրիում խորացած ծայրահեղ աղքատության, գործազրկության ցուցանիշի աճի, արտագաղթի ծավալների մեծացման եւ այլ կործանարար հանգամանքների մասին: «2008-2018 թթ․-ին, երբ ՀՀ նախագահը Սերժ Սարգսյանն էր, «ապահով» Հայաստանից ընդմիշտ հեռացել է 280 հազար քաղաքացի։ Պաշտոնական տվյալներով՝ 2007 թվականին աղքատ է եղել  Հայաստանի բնակչության 26,5 տոկոսը, 2017 թվականին՝ շուրջ 30 տոկոսը։ 2008 թվականին, երբ Սերժ Սարգսյանը ստանձնեց նախագահի պաշտոնը երկրի պետական պարտքը 1,9 միլիարդ էր: Ներկա պահին այն կազմում է գրեթե 6 միլիարդ ԱՄՆ դոլար»,- ասաց ավագանու «ԳԱԼԱ» խմբակցության անդամ Քրիստինե Մկրտչյանը:

Սերժ Սարգսյանը «Գյումրու պատվավոր քաղաքացի» կոչումից զրկվեց Գյումրու ավագանու 18 կողմ ձայնով: Ռոբերտ Քոչարյանի եւ Լեւոն Սարգսյանի հարցում եւս տարակարծություններ չունեցավ ավագանին:

Գորիկ Հակոբյանին հետմահու կոչումից զրկելը, սակայն, միանշանակ արձագանք չստացավ: Նախագիծը զեկուցեց «ԳԱԼԱ» խմբակցության ավագանու անդամ, անկուսակցական Լեւոն Բարսեղյանը: «Գյումրու պատվավոր քաղաքացու կոչումը կրելու համար գյումրեցի լինելը դեռ անբավարար չէ: Հակոբյանը եղել է ԱԱԾ պետ 2008 թվականի մարտի մեկին, երբ Երեւանի փողոցներում Քոչարյան Ռոբերտի հրամանով եւ անմիջական ղեկավարությամբ իրականացվել է խաղաղ ցուցարարների կոտորած, առնվազն տասը հոգի գնդակահարվել է Երեւանի փողոցներում: Այդ ժամանակ 132 հոգի քաղաքական բանտարկյալ է դարձել, ձերբակալվել է 1500-ից ավելի մարդ, մոտ 150 հոգի մարմնական վնասվածք է ստացել, դրան հաջորդել է 380 հազար մարդու արտագաղթն անցած տասը տարիների ընթացքում: Ոչ մեկը չի կարող լուրջ դեմքով հայտարարել, որ Գորիկ Հակոբյանը` ԱԱԾ պետը, կապ չունի էս ամեն ինչի հետ: Եւ մասնագիտական բան ասեմ: Քոչարյան Ռոբերտը` խախտելով ՀՀ Սահմանադրությունը, 2008 թվականի մարտի մեկին Երեւանի վարչական տարածքում սահմանել է արտակարգ դրություն, որն ապօրինի կերպով տարածվել է նաեւ ամբողջ ՀՀ տարածքում: Գորիկ Հակոբյանի անմիջական հրամանատարությամբ, ղեկավարությամբ, հանձնարարությամբ, ՀՀ բոլոր զանգվածային լրատվամիջոցներով մարտի մեկի երեկոյից նստեցվել են ԱԱԾ աշխատակիցներ, նրանք  տպարաններում 20 օր շարունակ գրաքննել եւ արգելել են ԶԼՄ-ներում ազատ խոսքը: Մեր հիմնարար ազատություններից մեկը սահամանափակողը եղել է Գորիկ Գուրգենի Հակոբյանը, սրանք հաստատված տեղեկություններ են»,-ասաց Լ. Բարսեղյանը: Ըստ նրա, սա ծանր ժառանգություն է, եւ պետք է ազատվել:

Բարգավաճ Հայաստան խմբակցության ավագանու անդամ Սուսաննա Աստոյանն ասաց՝ անձամբ է ճանաչել Գորիկ Հակոբյանին, հետո էլ ինչո՞ւ է նա հավասարեցվել մյուս 3-ին: Նրանք, ըստ Աստոյանի, ոչ պաշտոնով, ոչ իրենց գործունեությամբ համատեղելի չեն: Աստոյանն ասաց, որ Գորիկ Հակոբյանին կոչումը տրվել է Մուշ թաղամասի շինարարության ֆինանսավորման խնդիրը լուծելու համար: «Ճիշտ է` կարգը չի արգելում, որ մահացած մարդուն կոչումից զրկենք, բայց քրիստոնյա ժողովուրդ ենք եւ գիտենք, որ մեռած մարդկանց մասին խոսում են կամ լավը, կամ` ոչինչ: Մեր խմբակցությունը դեմ է քվեարկելու»,- ասաց Սուսաննա Աստոյանը:

«Նախ, 4 նախագծերն առանձին են եւ կապակցված չեն, հետո էլ հայտնի այդ արտահայտությունը կիսատ եք մեջբերում»,-ասաց Լեւոն Բարսեղյանը: Ըստ նրա, մեռածների ետեւից կամ լավ, կամ` ոչինչ արտահայտությունն ունի շարունակություն: Մեռածների ետեւից կամ լավ, կամ`ոչինչ, ճշմարտությունից բացի:

Գյումրու ավագանու ներկա 26 անդամից միայն 7-ը Գորիկ Հակոբյանին հետմահու «Գյումրու պատվավոր քաղաքացի» կոչումից զրկելուն կողմ քվեարկեց: Որոշումը չընդունվեց: Սակայն սա, ըստ «ԳԱԼԱ» խմբակցության՝ կմնա իրենց օրակարգում այնքան, մինչեւ արժանանա դրական պատասխանի:

Նշենք, որ Գյումրու քաղաքապետ Սամվել Բալասանյանը Սերժ Սարգսյանին, Ռոբերտ Քոչարանին եւ Լեւոն Սարգսյանին կոչումներից զրկելու քվեարկությանը չմասնակցեց: Մասնակցեց միայն Գորիկ Հակոբյանին կոչումից հետմահու զրկելու հարցի քվեարկությանը եւ դեմ քվեարկեց:

Տպել
1834 դիտում

Սփյուռքի նախարարը կհանդիպի Եգիպտոսի վարչապետի հետ

Խաղաղություն եւ մեծագույն հաջողություններ. Բակո Սահակյանը շնորհավորել է ՀՀ անկախության 27-րդ տարեդարձը

Հրազդանի նախկին քաղաքապետ Արամ Դանիելյանի նկատմամբ հարուցվել է քրգործ. պաշտոնական

Արա Բաբլոյանը պաշտոնական այցով կմեկնի Շվեյցարիա

Թուրք սահմանախախտ երեխայի ծնողները խնդրում եմ ՀՀ իշխանություններից հետ վերադարձնել իրենց որդուն

Երթուղայինով՝ «պպզած». առանց ռազմավարության

Էլի չստացվեց. «ԱՄ»-ն Ռուզան Խաչատրյանի հետ չէ

55 միլիոն դրամ. ավտոմեքենաների տեխզննությամբ զբաղվող ընկերությունները մասնակի վերականգնել են պետության պատճառված վնասը

Խասիաթ. եթե կալանավորել են՝ կդատեն

Մոլախաղեր, գյուղատնտեսություն եւ ընդերք. տնտեսական կառուցվածքը կառավարությանը չի բավարարում. վարչապետ

Մեծ դեբատ. Հանրային հեռուստաընկերության եթերում կբանավիճեն Երեւանի քաղաքապետի թեկնածուները

«Ռոնալդու. կատարելության տենչով» գիրքը հասանելի է հայերենով

ԱՊՀ անդամ երկրներին ներկայացվել է կոռուպցիայի դեմ պայքարում ՀՀ փորձն ու աննախադեպ արդյունքները

Շվեյցարիա, Ղազախստան, Չինաստան. Արմեն Սարգսյանին շնորհավորում են ՀՀ անկախության 27-րդ տարեդարձի առթիվ

Ucom-ի բաժանորդները կվայելեն 5 դրամ/ՄԲ ռոմինգի առավել մատչելի սակագինը Ռուսաստանում

ԼՂ հակամարտության խաղաղ կարգավորման հարցը մշտապես ԱԺ ուշադրության կենտրոնում. Բաբլոյանը վստահեցրել է Ղուլյանին

ՖԻՖԱ-ի աղյուսակում ՀՀ ֆուտբոլի ընտրանին կրկին 100-րդն է, 1-ին տեղում 2 թիմ է

Էրիկ Էսրաիլյանը եւ Ջին Բլոքը հարգանքի տուրք են մատուցել Հայոց ցեղասպանության զոհերի հիշատակին

Մուշեղ Սաղաթելյանը ենթարկվել է խոշտանգումների. մանրամասներ Մարտի 1-ի գործով ՄԻԵԴ վճռից

Ինչո՞ւ են վաղը սելֆի անելու. նախարարն աղմուկի կենտրոնում հայտնված միջոցառման մասին