Մանվել Գրիգորյանն անձեռնմխելիությունից կզրկվի մոտ 70 պատգամավորի կողմ քվեով

Քիչ անց կառավարության առաջարկությամբ կայանալիք Ազգային ժողովի արտահերթ նիստում քննարկվելու է ՀՀԿ խմբակցության պատգամավոր, Արցախի հերոս, գեներալ Մանվել Գրիգորյանին անձեռնմխելիությունից զրկելու հարցը: Մանվել Գրիգորյանին մանդատից զրկելու հարցն օրակարգային դարձավ կիրակի օրն Ազգային անվտանգության ծառայության բացահայտումների արդյունքում:

ԱԱԾ-ի բացահայտումներին հաջորդեցին քաղաքական ուժերի պաշտոնական դիրքորոշումները եւ ուժերի առանցքային դեմքերի անհատական կարծիքները՝ ստեղծված իրավիճակի շուրջ: Միանգամայն պարզ է, որ արտահերթ նիստում մեծամասնությունը կողմ կլինի, որպեսզի գեներալին զրկեն անձեռնմխելիությունից: Մասնավորապես, ՀՀԿ-ն երեկ պաշտոնական հաղորդագրություն տարածեց, որի համաձայն Գրիգորյանի արարքներից զայրացած է, ապշած, վրդովված: ՀՀԿ-ից պահանջում են օրենքի շրջանակններում քննություն կատարել եւ հարկ եղած դեպքում օրենքի ամբողջ խստությամբ պատժել Գրիգորյանին:

«Օրենք խախտող յուրաքանչյուր ոք, անկախ նրանից ինչ վաստակ ունի, ինչ պաշտոն է զբաղեցնում կամ զբաղեցրել, կուսակցական է, թե՝ ոչ, ԱԺ պատգամավոր է, թե՝ ոչ, պետք է պատասխանատվություն կրի օրենքի առջև»,- մասնավորապես, ասված էր ՀՀԿ քաղաքական հայտարարության մեջ:

Բացի այս, թեմայի շուրջ երեկ կարծիքներ հայտնեցին ԱԺ փոխխոսնակներ Էդուարդ Շարմազանովը, Արփինե Հովհաննիսյանը եւ ՀՀԿ փոխնախագահ Արմեն Աշոտյանը: Նրանք, չոտնահարելով անձի անմեղության կանխավարկածը, հայտարարեցին, որ «զինվորի բաժին»-ը գողանալն ազգի դավաճանություն է:

Մանվել Գրիգորյանի հետ կապված այս սկանդալային բացահայտումը, իհարկե, մեծ հարված էր ՀՀԿ-ին: Առանց այն էլ վարկանիշ չունեցող Հանրապետական կուսակցությունը, մեղմ ասած, հավասարվեց հողին, եւ հիմա ՀՀԿ-ին այլ քայլ չի մնում, քան գաղտնի քվեարկությամբ Գրիգորյանին անձեռնմխելիությունից զրկելուն կողմ քվեարկելը:

ՀՀԿ-ն իր այս քայլով թերեւս կարող է տպավորություն ստեղծել, որ կապ չունի նման անօրինական գործարքների հետ: Սակայն, չի բացառվում, որ Գրիգորյանի գործում նաեւ այլ անձիք ներգրավվեն: Երեկ կառավարությունում ԱԱԾ տնօրեն Արթուր Վանեցյանը, պատասխանելով ՀԺ-ի հարցին, թե հնարավո՞ր է, որ այլ անձիք եւս մասնակցած լինեն այդ գործին, նշեց, որ դա պարզ կդառնա քննությունից հետո: Նա նաեւ իր պատասխանում շեշտեց, որ առաջիկայում այլ բացահայտումներ են լինելու, սակայն, կրկին չմանրամասնեց՝ դրանք կապ ունե՞ն Մանվել Գրիգորյանի «պահեստների» հետ, թե՝ ոչ:

Մեր տեղեկություններով՝ ՀՀԿ-ից այսօր շատ քիչ մարդիկ են բացակայելու: Մասնավորապես, Շարմազանովի բացակայությունը հարգելի է, քանի որ նա գործուղման մեջ է: Երկու աղբյուրից փոխանցված տեղեկության համաձայն էլ՝ արտահերթ նիստին չի մասնակցելու Մանվել Գրիգորյանի ընկեր Սեյրան Սարոսյանը: Նրա բացակայության պատճառ բերվելու է վատառողջ լինելը, սակայն չգալը պայմանավորված է լինելու այն հանգամանքով, որ չի ցանկանում «ընկերոջը վատություն անել»: ՀՀԿ-ից պարտաճանաչ ներկայանալու եւ մանդատից զրկելուն կողմ է լինելու գործարար Սամվել Ալեքսանյանը: Նա տարիների կուտակած «մուռ» ունի Գրիգորյանի վրա: Բանն այն է, որ տարիներ շարունակ Մանվել Գրիգորյանին հաջողվել է Ալեքսանյանից գումար կորզել՝ բանակի, զոհվածների ընտանիքների համար, սակայն, այն եւս յուրացրել է: Վերջին շրջանում Ալեքսանյանը սկսել էր չֆինասավորել ԵԿՄ-ն, եւ այդ մասին մամուլում մի շարք հրապարակումներ եղան:

Այնուհանդերձ, չմոռանանք, որ Մանվել Գրիգորյանը Սերժ Սարգսյանի կադրերից է: Կառավարությունում, երեկ մեր հարցին ի պատասխան վարչապետի վերահսկողության ծառայության ղեկավար Դավիթ Սանասարյանը հետեւյալ կերպ մեկնաբանեց իրավիճակը:

«Մթնոլորտի քավորը Սերժ Սարգսյանն է եղել, երբ Մանվել Գրիգորյանը թույլ է տվել այս կամ այն արարքները, դրա միակ պատասխանատուն նախկին իշխանության առաջին դեմքն է»,- ասաց նա:

Մանվել Գրիգորյանին անձեռնմխելիությունից զրկելուն կողմ կքվեարկի նաեւ Ծառուկյան խմբակցությունը: Երեկ ԱԺ ճեպազրույցների ժամին այս խմբակցության պատգամավորները եւս դատապարտեցին բանակի թալանը: Չմոռանանք, որ 2015 թվականին, ՀՀԿ-ի փետրվարյան խորհրդի հայտնի նիստի ժամանակ Մանվել Գրիգորյանը եւս Գագիկ Ծառուկյանին դիմել էր «Դոդի Գագո» մականվամբ եւ հայտարարել էր, թե այդպես էլ չի կողմնորոշվում՝ Գագիկ Ծառուկյանը քաղաքական գործիչ է, թե՝ սպորտսմեն:

ՀՅԴ-ից Արմեն Ռուստամյանը եւս դրական է վերաբերվում Գրիգորյանին մանդատից զրկելուն:

«Ամեն ինչ չպետք է խառնել իրար, մենք էլի ունեցել ենք ազգային հերոսներ, որ հայտնվել են ճաղերի հետեւում, մենք, իհարկե, պետք է իրերն իրենց անուններով կոչենք, եւ ամեն ինչ չծայրահեղացնենք»,-մասնավորապես, ասաց նա:

Բնականաբար, քննության ընթացքն ապահովելու համար կառավարության այս նախագծին կողմ կլինի նաեւ ԵԼՔ-ի խորհրդարանական թեւը: Երեկ ԱԺ-ում ՀՀԿ-ական պատգամավորներից մեկը ՀԺ-ի հետ մասնավոր զրույցում ասաց, որ իրենց խմբակցության մոտավոր հաշվարկներով՝ Մանվել Գրիգորյանն անձեռնմխելիությունից կզրկվի 65-70 պատգամավորի կողմ քվեով:

Տպել
8731 դիտում

Մահացել է Սարդ-մարդու, Երկաթե մարդու, Հալքի, Ֆանտաստիկ քառյակի, Իքս մարդկանց «հայրը»

Նիկոլ Փաշինյան, Լենա Նազարյան, Արարատ Միրզոյան. հայտնի է «Իմ քայլը» դաշինքի առաջին տասնյակը

ԿԸՀ-ի որոշմամբ, ավագանու անդամ Արամ Մանուկյանի լիազորությունները դադարեցված են, նրան կփոխարինի Միքայել Թումանյանը

Դաշնակցության անունից առաջադրվելու եմ պատգամավորի թեկնածու, պատվի հարց է. Գեղամ Մանուկյան

Պաշտպանն ուշադրության կենտրոնում է պահում խաղաղ հավաքների ժամանակ մարդկանց իրավունքների երաշխավորման հարցը

Կոռուպցիայի դեմ պայքարն ու բարեփոխումներն առաջնահերթություն են. Փաշինյանը՝ ԵՄ դեսպաններին

Դիլիջանի ոլորաններում, Սյունիքի մարզի Գորիս և Քաջարան քաղաքներում մառախուղ է

Արագ հավաքովի, սենդվիչային տարբերակով թաղամաս. Ա. Մեսչյանն առաջարկում է համալրել բնակֆոնդը

«Ղեկը աջ» նախաձեռնությունը վաղը Կառավարության մոտ մեծ բողոքի ակցիա կիրականացնի

Կան պաշտոնյաներ, որոնք ստանում են 1 մլն դրամից ավելի թոշակ. Թանդիլյանն առաջարկում է չափ սահմանել

20-ամյա կնոջը դաժան ծեծի ենթարկած 30-ամյա տղամարդը նախկինում երեք անգամ դատապարտված է եղել

Արցախի ԱԳՆ ղեկավարն ընդունել է ԵԱՀԿ գործող նախագահի անձնական ներկայացուցչին

ՊԲ հրամանատարն ու Անջեյ Կասպրշիկը քննարկել են շփման գոտում տիրող իրավիճակը

Մինչեւ վերասարքավորում կատարելը իրենք չեն կարող այդ մեքենան շահագործել. Արմեն Փամբուխչյան

1988 թ. երկրաշարժի զոհերի հարգանքի տուրքի բոլոր միջոցառումները կկազմակերպվեն բարձր մակարդակով. Ցոլակյան

Ոստիկանին փորձում են անհիմն ազատել աշխատանքից. նա դիմում է ՀՀ ոստիկանապետին

Վերաքննիչը բեկանեց Շահեն Հարությունյանին տուգանելու մասին Վարչական դատարանի որոշումը

Իմ երեխան, իմանալով, որ մեքենան անսարք է, ասել է՝ ես չեմ վարի. զինծառայողի ծնողները մանրամասներ են պատմում

Ախալցխայում հայկական դպրոցի աղջիկներին մի քանի օր հետևել է Պակիստանի քաղաքացի. նրան ձերբակալել են

Քառօրյա պատերազմի ժամանակ մարտական հերթապահություն իրականացրած ՀՊՏՀ ուսանողների բաց նամակը վարչապետին, ԿԳ նախարարին