Ընտրողի մատը կթանաքոտվի հատուկ նյութով, քվեախցիկում գրիչ չի լինի. ԸՕ նոր փոփոխությունները

«Իրազեկ քաղաքացիներ միավորում» ՀԿ-ի նախագահ Դանիել Իոաննիսյանը ՀԺ-ին փոխանցեց, որ ԸՕ-ում մի շարք դրույթներ փոխվելու են.

«Արտահերթ ընտրությունների սահմանադրական ժամկետը 30-45 օր է, բայց կան գործառույթներ, որոնք տարբեր մարմիններ պետք է անեն, օրինակ, ընտրություններից 2 ամիս առաջ: Օրինակ՝ նախագահը ընտրություն նշանակեց 35 օրից, ինչպե՞ս կարող է ՀՌԱՀ-ը քվեարկությունից 2 ամիս առաջ մեթոդոլոգիա մշակել, կամ ոստիկանությունը քվեարկությունից 40 օր առաջ ընտրողների ցուցակ հրապարակել: Այսինքն, օրենսգիրքը լուրջ թերություններ ունի՝ կապված արտահերթ ընտրությունների ժամկետների հետ: Դրա հետ կապված բազմաթիվ դրույթներ պետք է փոխվեն, եւ դա երեւի քննարկման առարկա էլ չէ»,- ասաց Իոաննիսյանը։

Նրա փոխանցմամբ՝ նախատեսում են ռեյտինգային ընտրակարգը հանել, ինչպես նաեւ քվեարկության կարգում նորամուծություններ կլինեն:

«Կրկնաքվեարկությունների կանխման մեխանիզմներ ենք քննարկում, որովհետեւ հանրային վստահության առումով դրանք խնդիր են: Հանրությունը պետք է վստահ լինի, որ այնպիսի մեխանիզմներ են, որ կրկնաքվեարկությունը բացառված է: Քննարկվող մեխանիզմներից մեկը մատների անգույն թանաքով թանաքոտումն է, կամ սփրեյավորումը, ինչպես Վրաստանում է: Ինքը էսթետիկ խնդիր չէ, չի երեւում անզեն աչքով, միայն ուլտրամանուշակագույն լույսի տակ է երեւում, առողջությանը վնասակար չէ, բայց հնարավորություն է տալիս, որ անձը, ով արդեն քվեարկել է, ընտրական տեղամաս անգամ չկարողանա մուտք գործել, եթե, իհարկե, դիտորդ, լրագրող կամ համապատասխան կարգավիճակով այլ մարդ չէ»,- ասաց նա։

Իոաննիսյանի խոսքով՝ թանաքը ցնդող է, բայց ոչ այդքան արագ՝ 2 օր հետո է անցնում. 

«Տարբեր քիմիական ներգործությամբ փորձեր մենք կատարեցինք այդ սփրեյի վրա, որը մեզ Վրաստանի ԿԸՀ-ից ուղարկեցին, եւ այն չի մաքրվում․ ացետոնով, բենզինով, ջրով, ամեն ձեւ փորձում էինք, հստակ երեւում է, որ մատը սփրեյավորված է: Այն, իմ կարծիքով, բավական արդյունավետ միջոց է՝ կրկնաքվեարկությունն իսպառ բացառելու առումով»։

Հաջորդ նորամուծությունն այն է, որ քվեախցիկներում չեն լինելու գրիչներ, քվեաթերթիկների վրա նշումներ չեն լինելու։ «Բավական է այն, որ ընտրողը ծրարի մեջ դնի տվյալ քաղաքական ուժի, դաշինքի քվեաթերթիկը»,- եզրափակեց Իոաննիսյանը։

Տպել
4879 դիտում

Ռազմաքաղաքական իրավիճակը լարված է, ցանկացած պահի պետք է պատրաստ լինենք հակահարված տալու

Խղճի ազատության «տանիքի» տակ չարաշահման որեւէ դեպք ես թույլ չեմ տա. Փաշինյան

Այսօր Ամուլսարն ենք փակում վարչապետի կամքով, մի օր էլ ԶԼՄ-ները կփակենք. վարչապետ

Տրանսպորտի խնդիրը լուրջ է Երեւանում. վարչապետն՝ ապագա քաղաքապետին

Պետական համակարգում էլ կան մարդիկ, ովքեր հույսեր չեն ներշնչում. Նիկոլ Փաշինյան

Կառավարությունը ներեկեղեցական հարցերի չի խառնվի, իսկ ոստիկանների աշխատանքից գոհ չեմ(ուղիղ)

«Վեոլիա ջուրը», «Սանիթեք»-ը պետք է իմանան, որ իրենցից այդքան էլ գոհ չենք. վարչապետ (ուղիղ)

Ֆրանսիան՝ ֆուտբոլի ԱԱ 2018-ի չեմպիոն

Ա. Սարգսյանը հանդիպել է հնդիկ գործարարի հետ, քննարկել են ՀՀ-ում ներդրումային ծրագիրը

Արմեն Սարգսյանը հանդիպել է Կատարի էմիր Թամիմ բին Համադ Ալ Թանիի հետ

Սպանություն Թբիլիսիում. սառը զենքի 22 հարվածով սպանվել է հայազգի երիտասարդ

Հուլիսի 16-ին հոսանքի մինչեւ 5-6 ժամյա անջատումներ կլինեն Երևանում եւ 6 մարզերում

Այս շաբաթ հակառակորդը հրադադարի ռեժիմը խախտել է 170 անգամ

Ամասիա գյուղում կորած 7-ամյա աղջկան գտել են

Լուսիկ Ագուլեցուն վերջին հրաժեշտը կտան վաղը՝ հուլիսի 16-ին

«Նոր Հայաստան, նոր Հայրապետ»շարժումը կաթողիկոսի դատախազ եղբորորդու դեմ հաղորդում է տվել

Իրականացել է Թուրքիայի պատմության մեջ ամենախոշոր ռազմարդյունաբերական գործարքը

Արագած գյուղում առվի մեջ հայտնաբերված 2-ամյա երեխայի սպանության դեպքով քրգործ է հարուցվել

Շիրակի թեմի առաջնորդը Հայրապետի հրաժարականը պահանջողների բարոյական մահվան մասին հայտարարեց

Ջրիմուռների առատ աճի հետեւանքով լիճը ծաղկել է. պարզաբանում է բնապահպանության փոխնախարարը